22.9 C
Prizren
E enjte, 3 Korrik, 2025

Malishevë: I prekuri i parë me koronavirus është shëruar

Sipas të dhënave të konfirmuara në Institutin Kombëtar të Shëndetësisë Publike, një pacient nga Komuna e Malishevës, që ishte prekur me COVID-19, është shëruar plotësisht, pasi edhe analiza e dytë, ka dalë negative.

Bëhet fjalë për të prekurin e parë nga komuna e Malishevës, njofton Klan Kosova

Konfirmimin e këtij lajmi e kanë bërë zyrtarët e Institutit Kombëtar të Shëndetësisë Publike, në një komunikim përmes telefonit me nënkryetarin e Komunës së Malishevës, Hajdin Berisha.

Me këtë rast, Berisha, ka thënë se “është lajm shumë i mirë dhe shumë shpresues, pasi tashmë kanë filluar të shërohen edhe pacientët e parë në vend, përfshi edhe Malishevën, dhe urojmë që të gjithë të prekurit të shërohen sa më shpejt, e vendit ti kthehet normaliteti”.

Po ashtu, nënkryetari Berisha, ju ka bërë thirrje të gjithë qytetarëve, që të vazhdojnë ti respektojnë këshillat e institucioneve shëndetësore, për distancë sociale, për qëndrim në shtëpi, për mos lëvizje pa arsye edhe gjatë kohës kur nuk ka kufizim të lëvizjes, në mënyrë që ta ruajmë veten, familjen dhe vendin, pasi kjo është arma më e suksesshme e luftimit të virusit korona, i cili e ka kapluar gjithë botën.

Më Shumë

Totaj prezanton raportin gjashtëmujor të punës së Komunës së Prizrenit

Kryetari i Komunës së Prizrenit, Shaqir Totaj, ka paraqitur sot publikisht raportin gjashtëmujor të punës së ekzekutivit për periudhën 1 janar – 30 qershor...

Bashkëpunim ndërkufitar për fuqizimin e zanateve në Prizren

Kryetari i Odës së Prizrenit, Afrim Tejeci, së bashku me partnerët e projektit nga Handwerkskammer Koblenz (Gjermani), Dhoma Kombëtare Zejtare e Shqipërisë, Qendra Multifunksionale...

Lajmet e Fundit