Talenti shqiptar i klubit holandez Vitesse, Milot Rashica. ka zgjedhur përfaqësuesen e Kosovës, duke lënë kështu Kombëtaren e Shqipërisë. Futbollisti vushtrrias iu ka drejtuar Federatës Shqiqptare të Futbollit (FSHF), duke i falënderuar për mundësinë që i kanë dhënë, dhe iu ka thënë se tani e tutje do të luaj për Kosovën, shkruan Gazeta Fjala.
Milot Rashica ka luajtur për grupmoshat e reja të Kombëtares së Shqipërisë, si dhe një takim për Kombëtaren A. Ndërsa aktualisht është duke luajtur në ligën holandeze, Eredivisie. Vushtrriasi shihet si njëri nga talentët më premtues në futbollin europian.