Kryetari i Lidhjes Demokratike në Prizren, Haxhi Avdyli, ka kritikuar ashpër Akademin e Shkencës dhe Artave në Kosovë, transmeton Gazeta Blic.
Avdyli në këtë reagim të cilin e ka postuar në rrjetin social “facebook”, ka thënë se edhe pse kjo akademi ka kushte e ambient modern, gjatë tërë vitit të vetmin aktivitet shkencor të prezantuar kanë një tryezë.
Më tutje ai ka vazhduar duke thënë se niveli i arsimit po bie ata po heshtin sepse po frikësohen për rehatinë e tyre.
Më poshtë mund ta lexoni edhe reagimin e tij të plotë:
“Në kohën kur Kosova vlon, akademikët vazhdojnë gjumin.
Akademia e Shkencës dhe Arteve e Kosovës ( ASHAK) me mbi katër dekada aktivitet, me ambiente moderne , me paga mijëra eurosh , gjatë tërë vitit të vetmin aktivitet shkencor të prezantuar edhe ëebfaqen e tyre ( ëëë.ashak.org ) kanë organizimin e një tryeze. Derisa të tilla tryeza kemi çdo ditë organizuara nga shoqatat joqeveritare, populli dhe shteti i Kosovës po pret diçka më shumë nga ata.
Derisa Kosova po rrezikohet nga ekstremizmit politik e fetar, derisa Kosova ende edhe më tutje quhet djep i Serbizmit dhe shtetit Serb, derisa disa tjerë thonë që Kosova para 500 vitesh ka pasur vetëm 1% shqiptarë, akademikët nuk shihen askund, as në media së paku.
Derisa niveli arsimit po bie, e bordet e UP-së e Fakultetet po mbushet me njerëz të padijshëm nga klientela e politikanëve , ata po heshtin sepse po frikësohen për rehatinë e tyre.
Derisa Kosova tërë vitin po vlon nga zhvillimet politike herë herë të dhunshme, e tema demarkacionit e asociacionit u bënë kryetema e ditës , në vend që ata te quajturit Akademikë të udhëzonin politikën por edhe shtetin në tërësi në udhën e fakteve shkencore për këto çështje, ata kanë vendosur ta vazhdojnë gjumin e thellë që i ka kapluar nga luksi , nga disa paga të majme që i marrin si nga Fakultetet dhe Akademia.
Kosova historikisht edhe në kohët më të vështira ka pasur mendje të ndritura që kanë udhëzuar vendin , kanë krijuar strategji afatgjate, janë ballafaquar me fakte shkencore me akademikët fam?keq Serb dhe kanë bashkëjetuar me fatin e Kosovës.
Sot ku janë akademikët?
A kemi akademik të mirëfilltë?
Pa hyrë në hak të disa emrave që meritojnë të ulen ne piedestalin e Shkencës dhe Arteve të Kosovës, ka emra aty që as normën për profesor të shkollës mesme nuk do arrinin.
Por si duket edhe akademikët po u krijojshin me telefonata se ky është i yni e ai s’është , duke lënë jashtë njerzë që ndoshta do meritonin ato benefite.
Prandaj për fund , të nderuar Akademikë zgjohuni , dilni nga zyrat ne diell, flitni së paku nëse keni diçka për të thënë. Kosova ka dhënë dhe po jep shumë për ju çdo muaj , ndihmona edhe ju pak Kosovën.
Kthejani pak borxhin kësaj Kosove të ndrydhur nga tëra anët . Ose keni për tu mbajtur mend si gllabërues të padijshëm e asgjë më shumë”, tha Avdyli.