Në një prononcim për Portali.info, Kryetari i Komunës së Suharekës, Bali Muharremaj, ka treguar për gjendjen me Covid-19 në komunën e tij.
“Gjendja në komunën tonë është e qetë dhe stabile, në vazhdimësi jemi duke e kontrolluar situatën dhe po ashtu e kemi ekipin e mjekëve në teren”, ka treguar Muharremaj.
Tutje, ai ka thënë se deri më tani asnjë shkollë nuk është mbyllur dhe situata në shkolla po menaxhohet lehtë. “Deri më tani asnjë shkollë nuk është mbyllur, 4 punëtorë të arsimit kanë qenë të infektuar me Covid-19, mirëpo tani e kanë kaluar”, tha i pari i Suharekës për Portali.info.
Për fund, Muharrremaj ka treguar se në komunën që drejton, aktualisht ka 37 raste aktive me Covid-19, ndërsa ka thënë se dje nuk kanë pasur asnjë rast të ri me virus.
