13.8 C
Prizren
E premte, 29 Mars, 2024

Viktimat nga coronavirusi, Italia e kalon Kinën

Me 3,405 viktima nga coronavirusi, Italia ka kaluar Kinën, me një rritje të 427 viktimave vetëm të mërkurën.

Kështu, siç shkruan agjencia e lajmeve ANSA, tha të enjten Komisioneri i Urgjencës dhe Shefi i Mbrojtjes Civile, Angelo Borrelli, përcjell Telegrafi.

Ndryshe, numri i vdekjeve në Kinë është 3.245 ndërkohë rritja e përditshme e së mërkurës në Itali ishte 475.

Borrelli tha se 33.190 njerëz aktualisht janë të infektuar me coronavirus në Itali, 4,480 më shumë se të mërkurën.

Ai tha se 4,440 njerëz janë shëruar nga COVID-19 në Itali, 415 më shumë se të mërkurën.

Po sipas ANSA, numri i përgjithshëm i infektuarve, përfshirë ata që kanë vdekur dhe ata që janë shëruar, është rritur në 41.035.

Ndërsa sipas USA Today, numri global i vdekjeve kaloi shifrën 9.300; ka pasur më shumë se 230,000 raste të konfirmuara.

Vetëm në SHBA, shkruan ky medium, numri i të vdekurve ka arritur në 154 në 22 shtete ndërsa numri i rasteve të konfirmuara ka arritur në më shumë se 10,750, nga rreth 1.600 një javë më parë, kur kishte 40 vdekje të raportuara.

Ndërkohë, kreu i OBSH-së ka dhënë një mesazh të qartë sidomos për Afrikën, e cila sipas tij, edhe pse ende nuk është e prekur shumë nga coronavirusi, duhet të mësojë nga mënyra se si është përhapur virusi diku tjetër.

Tedros Adhanom Ghebreyesus paralajmëroi se ndërsa rastet e konfirmuara të Afrikës ishin aktualisht të ulëta – rreth 640 – nuk ka arsye për vetëkënaqësi.

Ekspertët e shëndetit paralajmërojnë se sistemet e tendosura të shëndetit publik në Afrikë mund të mposhten shpejt nëse virusi do të paraqitet në një nivel më të lartë, veçanërisht në zonat urbane të mbingarkuara.

Më Shumë

Vetim Shala, shkoi për ta dhënë provimin e mjekësisë në Prishtinë, u përjetësua me diplomën e dëshmorit

Vetim Shala u lind më 28 shtator të vitit 1968 në fshatin Nashec të Prizrenit. Shkollën fillore e kreu në fshatin e lindjes me...

 Marrëveshje për zhvillim ekonomik dhe inovacion në Prizren

Kryetari i Prizrenit, Shaqir Totaj ka nënshkruar sot një Marrëveshje të Mirëkuptimit me Innovation and Training Park (ITP) dhe Makerspace – Innovation Center Prizren për të bashkëpunuar në agjendën digjitale të...

Lajmet e Fundit