Aleanca për Ardhmërinë e Kosovës (AAK) është gati për një nismë për ta shkarkuar kryesuesin e Kuvendit Komunal në Rahovec që vjen nga Lëvizja Vetëvendosje, Defrim Kafexhiut në një përplasje të re politike.

Në një prononcim për Nacionalen, asamblisti i AAK-së, Hasan Përboqi ka deklaruar se nuk ka ende diçka zyrtare, por sipas tij, “gjithmonë kanë ambicie për ta shkarkuar kryesuesin e Kuvendit Komunal”.

“Për momentin nuk mundem me thënë kurgjo hiç, ne si opozitë kemi gjithmonë ambicie për me e shkarku, por zyrtare nuk ka kurgjo hiç.” – tha ai.

Pyetur mbi arsyet për një vendim të tillë, ai na tha se “janë grupi më i madh në Kuvendin Komunal”.

“Arsyeja është se jemi 15 asamblistë, dhe si grup më i madh, na takon kryesuesi.” – tha ai.

Ndërkohë, kryesuesi i Kuvendit Komunal, Defrim Kafexhiu i ka thënë Nacionales se ka informacione për “inicimin e procedurave për shkarkim”, por për një gjë të tillë, ai tha se duhen 16 vota, derisa AAK-ja i ka vetëm 15 asamblistë.

“Pushteti në Rahovec i ka 15 asamblistë, për me pasë shumicën, i duhen 16 vota. E dimë që përgjatë kësaj kohe AAK i ka fitu 12 asamblistë, përgjatë kësaj kohe ka arrituë me i kompletu 15 asamblistë në forma të ndryshme, që lidhen me interes të ndërsjelltë.” – u shpreh ai.

Kafexhiu shtoi se “nuk e di nëse dikush prej opozitës do ta tradhtojë”, por sipas tij, arsyet prapa këtij vendimi janë politike.

“Që lidhen me interes të anëtarëve e partiak. Unë nuk e di nëse dikush do të na tradhtojë prej opozitës, unë jam kryesues i opozitës, vazhdoj me qenë. Arsyeja është puro politike, po duan me pasë një kryesues të vetin. Kuvendi ka funksionu në mënyrën më të mirë të mundshme deri tash, nuk ka arsye tjera, pos arsye politike.” – deklaroi ai.

Kujtojmë se Kuvendi Komunal në Rahovec ka 31 ulëse. Kjo komunë udhëhiqet nga Smajl Latifi i AAK-së.

Kryeministri Edi Rama ndodhet për vizitë në Maqedoni të Veriut, ndërkaq në një konferencë për media me homologun nga Maqedonia e Veriut, Dimitar Kovaçevski tha se ka shpresë se kryeministri i Kosovës, Albin Kurti nuk e ka harruar Kanunin që kur të vjen në shtëpi edhe hasmit i hapet dera.

Rama pas vizitës në Maqedoni të Veriut, sot do të jetë për vizitë edhe në Kosovë ku do të takohet me presidenten e vendit, Vjosa Osmani dhe kryeparlamentarin Glauk Konjufca.

Në agjendën e publikuar nga Rama, takimi me Kurtin është lënë “në pritje të konfirmimit”.

“Në Kosovë kur të shkoj unë kam akoma shpresë se Albini nuk e ka harruar Kanunin që kur të vjen në shtëpi edhe hasmit i hapet dera dhe është e ndaluar që ta nxjerrësh deri kur ai të mbarojë fjalën”, u shpreh Rama gjatë një konference në Maqedoni të Veriut. /Telegrafi/

Drejtori i Institutit Demokratik të Kosovës (KDI), Ismet Kryeziu, ka thënë se nëse kryeministri Albin Kurti refuzon të takohet me kryeministrin e Shqipërisë, Edi Ramën, përkundër dallimeve dhe mosmarrëveshjeve që mund të ekzistojnë mes tyre, do të ishte një rast i humbur për të diskutuar dhe gjetur politika e interesa për bashkëpunim mes dy shteteve.

“Refuzimi për të takuar një homolog nga një vend fqinj është i pazakontë në diplomaci, për më tepër, përpara se të shihet si veprim politik dhe diplomatik, do të ishte refleksion i qasjes së një fëmije të hidhëruar”, ka shkruar Kryeziu në “Facebook”.