Presidentja e Kosovës, Vjosa Osmani përmes një postimi në Facebook ka thënë se krahas liderëve dhe përfaqësuesve të tjerë të Evropës Juglindore, është në Podgoricë për t’i rikonfirmuar përpjekjet e vazhdueshme të Kosovës për paqe dhe stabilitet të qëndrueshëm, si dhe angazhimin tonë për një të ardhme më të sigurtë brenda institucioneve euroatlantike.

“Përgëzoj Malin e Zi dhe Presidentin Jakov Milatovi? për kryesimin e suksesshëm të Procesit të sivjetëm të bashkëpunimit të Evropës Juglindore”, ka shkruar Osmani.

Ndryshe, presidentja e Republikës së Kosovës, Vjosa Osmani Sadriu po merr pjesë në Samitin e krerëve të shteteve të Procesit të Bashkëpunimit të Evropës Juglindore (SEECP), i cili po në Podgoricë të Malit të Zi.

Ajo i është bashkuar krerëve të 13 shteteve për të biseduar rreth thellimit të bashkëpunimit me vendet e rajonit dhe partnerët ndërkombëtarë për përshpejtimin e perspektivës evropiane të rajonit, arantimin e paqes, sigurisë dhe stabilitetit në rajon, si dhe promovimit të bashkëpunimit ekonomik dhe zhvillimit të qëndrueshëm.

Myftiu i Kosovës, Naim Tërnava, me rastin e festës së Kurban Bajrami, në fjalimin e tij ka thënë se kjo festë gjithmonë ka përçuar formën më të mirë të mundshme shpresën, begatinë, solidaritetin, ndihmën për tjetrin, urtësinë, paqen e mirëkuptimin.

Kreu i BIK-ut, ka uruar besimtarët për festën e madhe të Kurban Bajramit, duke u lutur për shëndet, mbarësi, begati, dashuri e harmoni.

“Festa e Kurban Bajramit te ne vazhdimisht ka përçuar në formën më të mirë të mundshme shpresën, begatinë, solidaritetin, ndihmën për tjetrin, urtësinë, paqen e mirëkuptimin, vlera këto që shoqërisë i japin kuptim dhe këtë na e kërkon edhe Krijuesi ynë”.

Sipas tij, kjo festë e ka domethënien e “paqes, drejtësisë, unitetit dhe mirëkuptimit”.

“Lutemi që mesazhet dhe porositë që i bartë kjo festë të kuptohen drejtë nga të gjithë; lutemi po ashtu që bota të ketë sa më pakë konflikte, ngatërresa, luftëra e çrregullime. Festa e Kurban Bajramit ka edhe domethënien e paqes, drejtësisë, unitetit e mirëkuptimit”.

“Duke ju uruar për festën e madhe të Kurban-Bajramit, lus Zotin për shëndet, mbarësi, begati, dashuri e harmoni në familjet tuaja”.

Ai tutje ka folur edhe për hanxhinjtë të cilët gjenden në Arafat.

“Në mesin e miliona hanxhinjve nga e gjithë bota, të cilët sot gjenden në Arafat, janë edhe besimtarët tanë nga Kosova dhe viset tjera, të cilët në formën më të mirë me lutje e adhurim, të përkushtuar, pa dallim statusi shoqëror, gjinie, etnie, gjuhe e origjine, shprehin me ndjesinë më të thellë besimin dhe përkushtimin e tyre ndaj Krijuesit të gjithësisë”.

Festa e Kurban Bajramit është e dyta pas Fitër Bajramit, e cila shënohet rreth dy muaj më herët.

Ato konsiderohen ndër festat më të rëndësishme në besimin islam.

Në protestatë e dhunshme të serbëve në veri për t’i kundërshtuar kryetarët e sapozgjedhur, sipas Arbër Rexhaj situatën më mirë do ta menaxhonte Njësia Speciale e Kosovës, më mirë sesa KFOR-i.

“Nuk është vetëm mendim i imi, por edhe i partive tjera që e kemi diskutuar në Komision, atë ditë KFOR-i e ka pësuar, situatën më mirë do ta menxahonte Njësia jonë Speciale, dhe s’do të ndodhte ajo e cila ndodhi me KFOR-in. Sado që mund të tingëlloj arrogante, është faktike dhe reale, sepse Policia e Kosovës ka qenë shumë e gatshme ta menaxhoj atë protestë më mirë. Mirë që ndërhyri KFOR-i.”, tha Rexhaj në Prime Time.

Teksa ka folur për organizimin e zgjedhjeve në katër komunat e veriut, Rexhaj e ka quajtur puç ndaj institucioneve të Kosovës, dorëheqjet e serbëve nga Policia, Gjykatat e komuat.

“Aty pati një puç ndaj Republikës së Kosovës. Pra, Policia, gjyqësia me një klik të Vuçiqit ra përtoke. Çka do të duhej të bënte qeveria e Kosovës. Ta pranonin atë, t’i lusnin të riktheheshin, apo të vazhdonin rrugën e cila është ligjore. Ta hapnim konkursin për policë, gjë që e bëm dhe së shpejti do të hapen konkurset për pozicionet tjera.”, u shpreh tutje ai./Gazeta10.