24.5 C
Prizren
E hënë, 30 Qershor, 2025
type here...
Home Blog Page 197

Numërimi i votave të kandidatëve përfundon në 5 komuna dhe vazhdon në 29 të tjera

admin
-
0
Numërimi i votave të kandidatëve përfundon në 5 komuna dhe vazhdon në 29 të tjera

Është duke vazhduar procesi i numërimit të votave të kandidatëve për deputetë në Qendrat Komunale të Numërimit në komunat e ndryshme të Kosovës.

KQZ ka bërë të ditur se gjatë ditës së premte (14 shkurt) procesi i numërimit të votave të kandidatëve ka filluar edhe në Qendrat Komunale të Numërimit në komunat: Dragash, Istog, Rahovec, Pejë, Podujevë, Klinë, Malishevë dhe Graçanicë. Gjithashtu, gjatë ditës së premte ka përfunduar procesi i numërimit në QKN-të e komunave: Hani i Elezit, Shtërpcë, Partesh, Ranillug dhe Junik.

“Numërimi në komuna ka filluar sipas këtyre datave:
• 11 shkurt 2025 – Prishtinë, Lipjan, Obiliq dhe Partesh;
• 12 shkurt 2025 – Deçan, Gjakovë, Drenas, Gjilan, Fushë Kosovë, Kamenicë, Mitrovicë e Jugut, Skënderaj, Shtërpcë, Viti, Ranillug, Kllokot, Mitrovicë e Veriut dhe Han i Elezit;
• 13 shkurt 2025 – Suharekë, Ferizaj, Vushtrri, Kaçanik, Novobërdë, Prizren, Shtime dhe Junik”, thuhet në njoftim.

Në QKN-të e komunave Leposaviq, Zveçan, Zubin Potok dhe Mamushë, nuk ka filluar ende numërimi, por për këtë do të ketë njoftim me kohë.

Komuna e Malishevës nis shënimin e 17-vjetorit të Pavarësisë së Kosovës

admin
-
0
Komuna e Malishevës nis shënimin e 17-vjetorit të Pavarësisë së Kosovës
Komuna e Malishevës me orën letrare, të organizuar nga Drejtoria për Kulturë, Rini dhe Sport, në bashkëpunim me grupin letrar të SHML, Gjimnazit `Hamdi Berisha`, si dhe të Shoqatës për Kulturë dhe Letërsi, `Tafil Kelmendi, filluan shënimin për 17 -vjetorin e Pavarësisë së Republikës së Kosovës.

Kliko linkun:https://www.facebook.com/PrizrenPress/videos/669854102389111

Sipas njoftimit të kësaj komune, ky aktivitet dhe aktivitetet e ditëve në vijim, mbahen nën përkujdesjen e kryetarit të Komunës së Malishevës, Ekrem Kastrati.

Fjalën përshëndetës për nxënësit, mësimdhënësit, drejtuesit e shkollës, poetët dhe pjesëmarrësit tjerë, në emër të të parit të komunës e përcjelli, zyrtari për kulturë, Mehdi Krasniqi.

“’Sot bëhen 17 vjet Pavarësi të Republikës së Kosovës dhe 26  vite liri, e ne  dhe ju  të dashur nxënës e mësimdhënës, poetë e pjesëmarrës, kemi obligim dhe përgjegjësi, jo vetëm t’i kujtojmë dëshmorët e kombit, vlerat e UÇK, historinë,  por edhe të angazhohemi në dhënien e kontributit, ju me arsim cilësor e vlera kulturore, ne në zhvillimin e shtetit dhe mirëqenies së njerëzve tanë, prandaj gjithë së bashku e bëjmë Kosovën më të bukur’, Gëzuar!”,  thuhet në njoftim.

Me përshëndetje dhe urime pjesëmarrësve të orës letrare  të Pavarësisë, ju drejtuan edhe, zëvendësdrejtori i shkollës, Argjend Morina, kryetari i SHKL ‘Tafil Kelmendi’, Fadil Javori, Komandanti i stacionit policor në Malishevë, Nazmi Zogaj, kurse në pjesën e dytë lexuan poetët poezitë e tyre.  Në fund bibliotekës së shkollës ju dhuruan katër vepra të autorit, Tafil Kelmendi.

 

Dy persona të plagosur në Prizren, policia kërkon Veton Hoxhën për tentativë vrasjeje

admin
-
0
Dy persona të plagosur në Prizren, policia kërkon Veton Hoxhën për tentativë vrasjeje

Policia e Kosovës ka shpallur në kërkim Veton Hoxhën, i lindur më 6 gusht 1992 në Prizren, si të dyshuar për veprën penale “Vrasje e rëndë e mbetur në tentativë”.

Ngjarja ka ndodhur më 29 janar 2025, rreth orës 02:00, në rrugën “Transiti i Ri” në Prizren. Gjatë incidentit, dy persona kanë mbetur të plagosur nga të shtënat me armë zjarri. Policia ka sekuestruar tre armë pistoleta dhe ka arrestuar të gjithë të përfshirët në ngjarje, përveç të dyshuarit Veton Hoxha, i cili është ende në arrati, përcjell PrizrenPress.

Në kuadër të hetimeve dhe me autorizim të Prokurorisë Themelore në Prizren, Policia ka publikuar fotografinë e të dyshuarit dhe kërkon ndihmën e qytetarëve për ta lokalizuar dhe arrestuar atë.

“Kërkojmë që nëse keni çfarëdo informate apo dini diçka për vendndodhjen e të dyshuarit në foto, të raportoni Policinë në Prizren në numrin 192, apo në cilin do stacion të Policisë në Kosovë”, apelon PK-ja.

Policia siguron se çdo informacion do të trajtohet me konfidencialitet të plotë./PrizrenPress.com/

Konfirmimi i aktakuzës: Audio-incizimet nga vizitat e Thaçit në Hagë tregojnë udhëzimet që dha për dëshminë e Remit, Zyrapit e tjerëve

admin
-
0
Konfirmimi i aktakuzës: Audio-incizimet nga vizitat e Thaçit në Hagë tregojnë udhëzimet që dha për dëshminë e Remit, Zyrapit e tjerëve

Në Dhomat e Specializuara të Kosovës (DhSK) në Hagë, është bërë publik versioni i redaktuar i vendimit të konfirmimit të aktakuzës ndaj Hashim Thaçit, Bashkim Smakajt, Isni Kilajt, Fadil Fazliut dhe Hajredin Kuçit, i cili përmban informacione se si u koordinuan për udhëzimet e dhëna për mënyrën e dëshmisë së dëshmitarëve, duke përfshirë Rrustem Mustafën dhe Bislim Zyrapin.

Kliko linkun:https://www.facebook.com/PrizrenPress/videos/669854102389111

Në vendimin e 21 nëntorit 2024, i cili konfirmon akuzat e ZPS-së nga gjyqtarja Marijore Massleot, e i cili u bë publik më 12 shkurt 2025 përshkruhen faktet për të cilat flet aktakuza, duke përfshirë edhe transkriptat e audio-incizimeve të nxjerra gjatë vizitave të Thaçit me të pandehurit dhe persona të tjerë gjatë një periudhe midis 12 prillit dhe 2 nëntorit 2023, raporton “Betimi për Drejtësi“.

Sipas një transkripti të vizitës së 2 korrikut 2023, Thaçi e kishte konsideruar dëshminë e Remit si vendimtare për rastin e tij dhe dha udhëzime që të minimizonte diçka që kishte të bënte me UÇK-në dhe të përqendrohej në diçka tjetër.

“Sa i përket përmbajtjes së dëshmisë së (atëhershme) të ardhshme në rastin 06, Transkripti i Vizitës së 2 Korrikut 2023 tregon se Z. Thaçi, i cili e karakterizoi dëshminë e Dëshmitarit 1 si “vendimtare” për rastin e tij, dha udhëzimin që Dëshmitari 1 të minimizonte [REDAKTUAR] Ushtrinë Çlirimtare të Kosovës (“UÇK”), dhe të përqendrohej në [REDAKTUAR]”, thuhet në vendimin për konfirmimin e aktakuzës.

Sipas transkriptit që është pasqyruar në këtë vendim, Thaçi kishte udhëzuar që Remi t’i mohonte disa fakte lidhur me një çështje që në vendim është e redaktuar. E po ashtu, është redaktuar edhe pjesa tjetër se çka kishte udhëzuar Thaçi që të thoshte dhe çka mos të thoshte.

Veç kësaj, Thaçi thuhet se kishte udhëzuar që Remi të dëshmonte shkurt dhe sipas asaj që thuhet në transkript ‘të mos filozofonte”.

“Sa i përket mënyrës së dëshmimit, sipas Transkriptit të Vizitës së 2 Korrikut 2023, Z. Thaçi udhëzoi që Dëshmitari 1 të dëshmonte shkurtimisht, duke “e mbajtur të shkurtër” ose “përgjigjur shkurt” që Dëshmitari 1 të mos “rrëshqasë” dhe të mos “filozofojë” ose “japë një opinion””, thuhet në vendim.

 

Komuna e Prizrenit publikon agjendën festive për 17 shkurtin

admin
-
0
Komuna e Prizrenit publikon agjendën festive për 17 shkurtin

Komuna e Prizrenit të premten ka publikuar agjendën për kremtimin e 17 shkurtit, Ditës së Pavarësisë së Kosovës.

Sipas këtij njoftimi, programi festiv nis me 14 shkurt nga ora 13:00 në Shtëpinë e Kulturës “Xhemajli Berisha”.

Numri më i madh i aktiviteteve do të realizohen të hënën, me 17 shkurt 2025, në 17 vjetorin e shpalljes së pavarësisë, raporton Telegrafi.

Kjo ditë nis me mbledhjen solemne të Kuvendit të Komunës për Ditën e Pavarësisë së Kosovës, vazhdon me homazhe në varrezat e dëshmorëve në Landovicë, pastaj me program kulturor e sportiv dhe përmbyllet me koncertin e pavarësisë me këngë dhe valle popullore në Shtëpinë e Kulturës “Xhemajli Berisha”.

“Me rastin e 17-vjetorit të Pavarësisë së Kosovës, ju ftojmë ta festojmë së bashku këtë ditë historike, në të cilën u kurorëzua ëndrra dhe sakrifica e brezave të tërë për liri dhe shtetësi. Le ta shënojmë këtë përvjetor me krenari, unitet dhe gëzim, duke nderuar të kaluarën dhe ndërtuar të ardhmen e Kosovës!”, thuhet në njoftimin e Komunës së Prizrenit.

Një grua është gjetur pa shenja jete në banesën e saj në Suharekë

admin
-
0
Një grua është gjetur pa shenja jete në banesën e saj në Suharekë
Një grua është gjetur pa shenja jete në banesën e saj në Suharekë të enjten.
Në raportin 24-orësh të policisë thuhet se të gjitha njësitet policore, si dhe emergjenca, ku mjeku kujdestar ka konstatuar vdekjen e viktimës.

Sipas mjekut  trupi i pajetë nuk ka shenja të dhunës, dyshohet se vdekja ishte natyrore.

Me vendim të prokurorit, trupi i pajetë është dërguar në IML për obduksion.

Kliko linkun:https://www.facebook.com/PrizrenPress/videos/669854102389111

Ambasadori i Turqisë viziton KDTP-në në Prizren, diskutohen zhvillimet aktuale

admin
-
0
Ambasadori i Turqisë viziton KDTP-në në Prizren, diskutohen zhvillimet aktuale

Ambasadori i Turqisë në Prishtinë, Sabri Tunç Angil? ka vizituar selinë e Partisë Demokratike Turke të Kosovës (KDTP) në Prizren.

Sipas njoftimit të KDTP-së, ambasadori Ang?l? gjatë kësaj vizite është informuar mbi rezultatet e zgjedhjeve për Kuvendin e Kosovës si dhe për zhvillimet aktuale.

“Gjatë takimit, janë diskutuar hapat që do të ndërmerren në përputhje me të drejtat dhe interesat e komunitetit turk në Kosovë, duke theksuar rëndësinë e unitetit dhe bashkëpunimit shoqëror”, thuhet në njoftim.

Krahas kësaj, KDTP ka bërë të ditur se së shpejti do të vazhdohet puna bashkë me pjesëmarrjen e kryetarit të përgjithshëm dhe ministrit të Zhvillimit Rajonal, Fikrim Damka.

Gjykata Themelore e Prizrenit, ditë më parë, ka njoftuar se ka caktuar masën e arrestit shtëpiak ndaj kryetarit të KDTP-së dhe ministrit të MZHR-së, Fikrim Damka dhe nipit të tij, për shkak të dyshimit të bazuar se secili veç e veç kanë kryer veprat penale sulm dhe kanosje.

“Falënderojmë ambasadorin për vizitën e tij të përzemërt”, përfundon njoftimi i KDTP-së.

Kliko linkun:https://www.facebook.com/PrizrenPress/videos/669854102389111

Arrestohet shtetasi i Shqipërisë në Prizren, dyshohet për dhunim

admin
-
0
Arrestohet shtetasi i Shqipërisë në Prizren, dyshohet për dhunim
Një shtetas i Shqipërisë është arrestuar në Prizren nën dyshimet për dhunim.
Rasti raportohet të ketë ndodhur më 9 shkurt.

 “Me vendim të prokurorit,  viktima femër kosovare është dërguar në ekzaminim mjekësor, ndërsa i dyshuari është dërguar në mbajtje”, bën të ditur policia.

Kliko linkun:https://www.facebook.com/PrizrenPress/videos/669854102389111

Si lindi Shën Valentini në botë dhe në Kosovë?

admin
-
0
Si lindi Shën Valentini në botë dhe në Kosovë?
Të dashuruarit anembanë botës e festojnë 14 shkurtin si Ditën e Shën Valentinit, një ditë dedikuar dashurisë dhe romancës.

 

Por si lindi kjo festë dhe si u bë pjesë e kulturës kosovare?

Shën Valentini ka rrënjë të thella historike, të lidhura me një prift romak të quajtur Valentin, i cili jetoi gjatë shekullit të III-të.

Sipas legjendës, ai kundërshtoi urdhrin e perandorit Klaudius II, i cili ndalonte martesat e ushtarëve, duke kurorëzuar fshehurazi shumë çifte të dashuruar.

Për këtë arsye, ai u burgos dhe u ekzekutua më 14 shkurt, duke u kthyer në një simbol të dashurisë dhe sakrificës. Më vonë, Kisha Katolike e shpalli shenjt, dhe 14 shkurti u vendos si dita e tij.

Me kalimin e kohës, festa u shndërrua nga një kremtim fetar në një ditë dedikuar dashurisë romantike.

Në Evropën mesjetare, çiftet filluan të shkëmbenin letra dhe dhurata, ndërsa në SHBA, festa u komercializua masivisht, duke u përhapur në të gjithë botën.

Në Kosovë, Shën Valentini filloi të festohej gjerësisht pas vitit 1999, kur ndikimi i kulturës perëndimore u bë më i ndjeshëm.

Fillimisht, ishte më popullore te të rinjtë, por me kalimin e viteve, bizneset dhe mediat e shndërruan në një ngjarje të madhe.

Sot, kjo ditë është një nga periudhat më të ngarkuara për lokalet, dyqanet e dhuratave dhe floristët, ndërsa rrjetet sociale mbushen me urime romantike dhe deklarata dashurie.

Kliko linkun:https://www.facebook.com/PrizrenPress/videos/669854102389111

Sot vranët, vende-vende me riga shiu

admin
-
0
Sot vranët, vende-vende me riga shiu

Instituti Hidrometeorologjik bën të ditur se sot në Kosovë moti do të jetë i vranët dhe me periudha të shkurtra me diell.

IHK njofton se vranësirat vende-vende mund te sjellin riga të dobëta shiu.

Temperaturat minimale do të lëvizin nga -2°C deri  0°C, ndërsa maksimalet nga 5°C deri në 8°C.
Do të fryjë erë e  lehtë nga veriperëndimi me shpejtësi 1-5 m/s. /
1...196197198...8 754Page 197 of 8 754

Të gjitha materialet e portalit janë të mbrojtura me të drejtat autoriale. Ato mund të kopjohen, modifikohen, dhe ripublikohen vetëm duke iu referuar burimit PrizrenPress.com. Të drejtat autoriale janë të rezervuara, sipas dispozitave ligjore në fuqi në Republikën e Kosovës.

© 2019 NuclearAnt.

Kategoritë

Lidhuni Me Ne