Ministri i Kulturës, Rinisë dhe Sportit, Kujtim Gashi, ka ndarë sot shpërblimet shtetërore të Republikës së Kosovës për xhudisten Erza Muminoviq dhe trajnerin e xhudos Driton Kuka, për Medaljen e Artë të fituar në Xhudo në Kampionatin Evropian U18 të Xhudos në Sarajevë. Bazuar në Rregulloren për Ndarjen e Shpërblimeve Shtetërore për Sportistët që Arrijnë Rezultatet Kulminante në Garat Ndërkombëtare, Erza Muminoviq ka marrë shpërblim prej 5 mijë eurove, ndërkaq Driton Kuka 2 mijë e 500 euro.

Ministri Gashi uroi xhudisten Muminoviq për suksesin e arritur në Kampionat. “Ne do të vazhdojmë të ju përkrahim ashtu si deri më sot. Këto shpërblime që po i merrni janë meritë e juaja, e punës tuaj të suksesshme”, tha ndër të tjera ministri Kujtim Gashi. Ai po ashtu tha “presim edhe rezultate tjera, si nga Erza ashtu edhe nga sportistët tjerë”.

Ministri i Kulturës, Rinisë dhe Sportit, Kujtim Gashi, shprehu falënderim edhe për trajnerin Driton Kuka për punën e tij të palodhshme dhe të frytshme si trajner.

Në anën tjetër, xhudistja Erza Muminoviq dhe trajneri Driton Kuka falënderuan ministrin Gashi për shpërblimet e dhëna. Ata theksuan se Erza Muminoviq është e vetmja xhudiste e kualifikuar që të marrë pjesë në Lojërat Olimpike të cilat do të mbahen në Argjentinë

Skuadra kampione e Francës shpreson të rrëmbejë nga skuadra e Tottenhamit mesfushorin danez, Christian Eriksen, lojtar që është kërkuar edhe nga Real Madridi.

Për këtë arsye, PSG është gati të ofrojë 115 milionë euro për të marrë mesfushorin 26-vjeçar, lajm që konfirmohet nga e përditshmja britanike “Express”

Eriksen ende nuk e ka rinovuar kontratën me skuadrën e Tottenham, e cila skadon pas dy vitesh, ndaj dhe francezët shpresojnë që përmes kësaj oferte të bindin skuadrën angleze dhe lojtarin për ta sjellë në League 1.

Në rast se Eriksen nuk arrin të rinovojë kontratën me Tottenham deri në janar, atëherë skuadrat do të “vërsulen” për të marrë mesfushorin.

Eriksen ka ardhur në vitin 2013 te Tottenhami nga Ajaxi, duke realizuar deri tani 41 gola në 172 ndeshje me londinezët.

Këtë vit, skuadra londineze nuk bëri asnjë lëvizje në merkato, duke mos shitur dhe afruar asnjë futbollist.

Skuadra e PSG-së e konsideron si shumë të rëndësishëm mesfushorin danez në përpjekjet për të fituar Champions League sezonin tjetër.

Manchester United raportohet se është duke marrë në konsideratë që ta emëroi si drejtori sportiv, Monchin e Romës apo Fabio Paraticin e Juventusit.

“Djajtë e kuq” kanë të ardhurat më të mëdha se çdo klub në botë, por gjithmonë vuajnë për të tërhequr lojtarë të mëdhenj.

Biznesi i transferëve deri me tani kryhet kryesisht nga nën presidenti i klubit, Ed Woodward , por Independent raporton që United është duke kërkuar një drejtor sportiv të specializuar.

Gazeta beson që në listën e ngushtë janë të dy, si Monchi si Paratici që janë në listën e ngushtë, por për këtë të fundit do të jetë shumë vështirë që ti marrin nga Juventus.

Ish portieri i Manchester United, që për momentin e kryen këtë detyrë në Ajax, është një tjetër opsion ashtu sikurse Domenico Teti i Novaras, i cili është i njohur si personi i parë që solli Mauro Icardin në Itali gjatë kohës kur ishte koordinator teknik në Sampdoria.