Presidenti i Shqipërisë, Ilir Meta i shoqëruar nga ambasadori i Shqipërisë në Kosovë, Qemajl Minxhozi, sot ka vizituar Komunën e Suharekës ku është pritur nga kryetari i kësaj Komune, Bali Muharremaj.
Presidenti Meta ka treguar për mundësitë e bashkëpunimit ne mes të Suharekës dhe disa bashkive në Shqipëri, gjithashtu edhe për zhvillimin e bizneseve private në Kosovë dhe në Shqipëri.
“Kemi diskutuar bashkëpunimin e tanishëm në mes të Komunës së Suharekës me disa Bashki në Shqipëri, por edhe për të ardhmen e këtij bashkëpunimi”, është shprehur Meta.
Ndërsa kryetari i Komunës së Suharekës, Bali Muharremaj ka thënë se vizita vëllazërore e presidentit Meta është kënaqësi për qytetarët e Suharekës.
“Vizita e presidentit shqiptar është nderë dhe kënaqësi, jo vetëm për mua si kryetar i Komunës por për të gjithë banorët e Komunës sonë, për vizitën vëllazërore që i ka bërë Komunës njeriu i parë i shtetit shqiptar” ka thënë Muharremaj.