Kompania Rajonale e Ujësjellësit “Hidroregjioni Jugor” ka njoftuar se sot, më 15 maj, do të ketë ndërprerje të furnizimit me ujë të pijshëm në disa zona të qytetit për shkak të punimeve në kuadër të projektit “Rehabilitimi i rrjetit të ujësjellësit dhe vendosja e pusetave jashtë pronës private” në rrugën “Xheme Gostivari”, raporton PrizrenPress.

Sipas njoftimit të kompanisë, ndërprerja do të zgjasë nga ora 10:00 deri në ora 18:00, dhe do të përfshijë këto lagje dhe rrugë të Prizrenit: Rr. “Edit Durham”, Rr. “Shkëlzen Dragaj”, Rr. “Luan Krasniqi”, Rr. “Xheladin Hana”, Rr. “Haxhi Abaz Presheva”, Rr. “Besim Telaku”, Rr. “Xheme Gostivari” dhe Rr. “Ali Pashë Gucia”.

KRU “Hidroregjioni Jugor” u ka bërë thirrje qytetarëve për mirëkuptim dhe bashkëpunim gjatë kohës së punimeve, duke theksuar se projekti synon përmirësimin e infrastrukturës së ujësjellësit dhe shmangien e problemeve teknike në të ardhmen./PrizrenPress.com

Projekt Rregullorja për Varrim dhe Mirëmbajtjen e Varrezave të Reja të Prizrenit në Landovicë pritet që gjatë këtij muaji të shqyrtohet në Kuvendin e Komunës, pas përmbylljes së konsultimit publik.

Përmbajtja e saj është prezantuar gjatë një takimi me qytetarët. Sipas përgjegjësve nga Komuna e Prizrenit, kjo rregullore përcakton kushtet, parimet dhe standardet për organizimin, rregullimin, mirëmbajtjen dhe shfrytëzimin e varrezave të reja në Landovicë të Prizrenit.

Pizzeria “FAMIGLIA 1” në Prizren shpall konkurs për picamenë dhe kamarierë/e

Drejtori i Shërbimeve Publike, Çelë Lamaj ka bërë të ditur se kjo iniciativë është marrë vite më parë, por se asnjëherë nuk është përmbyllur për shkak të procedurave.

“Tani kemi një dokument të tillë, i cili pas konsultimit publik, gjatë muajit maj do të procedohet për shqyrtim në Kuvendin e Komunës për miratim. Pas aprovimit dhe hyrjes në fuqi bashkë me partnerin tonë fillojmë finalizimin e këtij lokacioni për varrim”, ka thënë Lamaj, raporton Telegrafi.

Në të njëjtën kohë ka vlerësuar se ky është njëri prej projekteve më të rëndësishme, marrë parasysh gjendjen aktuale në varrezat e qytetit, dhe se “me funksionalizimin e këtij lokacioni për 40 vite mund të zgjidhet  problemi i varrezave të qytetit të Prizrenit”.

Gjithashtu ka sqaruar se lokacioni në fjalë ka 58 hektarë dhe se “ofron hapësirë për të gjitha komunitetet dhe bashkësitë fetare”.

Por Besim Kryeziu nga Kisha Protestante ka theksuar se paraprakisht nuk janë informuar lidhur me përmbajtjen e kësaj draft rregulloreje.

“Nuk e di përse, por besoj se do të duhej të isha i njoftuar, marrë parasysh se jam edhe anëtar i KKSB-së”, është shprehur Kryeziu, raporton Telegrafi.

Drejtori Lamaj ka sqaruar se draft rregullorja është e publikuar në ueb faqen e Komunës dhe se të interesuarit kopjet fizike mund t’i marrin edhe në DSHP.

“Draft rregullorja është në konsultim publik deri me datën 20 maj 2025. Prandaj kërkoj nga ju që të ofroni komentet e juaja, që ta bëjmë këtë dokument sa më funksional”, ka thënë Lamaj, raporton Telegrafi.

Prona e destinuar për varrezat e qytetit në Landovicë, sipas autoriteteve komunale, gjatë vitit të shkuar është bartur në emër të Komunës së Prizrenit. /Telegrafi/