SHBA-ja po instalon sisteme mbrojtjeje nga raketat anembanë botës në përgatitje për një sulm nuklear ndaj Rusisë apo Kinës, tha një nga shefat ushtarakë të Vladimir Putinit, raporton “Daily Star”.

Uashingtoni ka vendosur sisteme që janë të afta të rrëzojnë raketat që hynë në Evropë dhe mbi anijet e oqeaneve anembanë botës, shkruan syri.net. Por gjenerali Viktor Poznikhir, nënkryetar i operacioneve për Shtabin e Përgjithshëm Rus, beson se forcat amerikane kanë një tjetër qëllim.

“Prania në Evropë e bazave amerikane të mbrojtjes raketore apo anijet në detet dhe oqeanet afër Rusisë krijojnë një plan të fuqishëm e të fshehtë për kryerjen e një sulmi të papritur bërthamor kundër Federatës Ruse”, tha gjenerali.

“Goditjet e papritura çarmatuese mbi forcat bërthamore ruse apo kineze rritin në mënyrë të konsiderueshme efikasitetin e sistemit amerikane të mbrojtjes nga raketat “, argumentoi kreu i ushtrisë ruse.

‘Rastësisht’ forcat ajrore amerikane nisën dje një raketë të re ndërkontinentale nga Kalifornia, e aftë për të arritur deri në Rusi

Senatori republikan John McCain, bëri thirrje për rikonfirmimin e angazhimit amerikan dhe evropian në Ballkan, për të cilin tha se megjithëse ka përparuar ndjeshëm që nga konfliktet e vitit 1990, ende ka vështirësi dhe paqendrueshmëri të konsiderueshme.

I kthyer së fundmi nga një turne në rajon, senatori përmendi si sfida në një intervistë për shërbimin serb të Zërit të Amerikës, krizën në Maqedoni, drejtimin e Serbisë pas zgjedhjeve presidenciale, dhe rolin e islamizimit radikal.

“Shqetësimi im është se ndërsa vëmendja jonë është zhvendosur tek Rusia, tek Ukraina, tek Lindja e Mesme, tek Kina, nuk i kemi kushtuar vëmendjen e duhur Ballkanit, madje as evropianët”, tha ai.

Senatori McCain deklaroi se është e qartë që rusët po përpiqen të shtrijnë ndikimin e tyre në rajon. “Përpjekja për grusht shteti në Mal të Zi, është një shembull i qartë. Ishte një përpjekje për përmbysjen e një qeverie të zgjedhur të një vendi”, tha senatori me ndikim ne radhet e republikaneve.

Faktin që Rusia po zgjeron influencën, senatori ia atribuon mungesës së udhëheqjes amerikane dhe evropiane, në zonën që ai thotë se mendohet të jetë më e paqendrueshmja në Evropë.

“Ne luajtëm rol në zgjidhjen e konflikteve atje, që shkaktuan humbje jete dhe duket se vitet e fundit jemi tërhequr dhe ky është një shembull tjetër i nevojës absolute për rol udhëheqës të Shteteve të Bashkuara”. Senatori McCain tha se kishte parë si në Kosovë edhe Shqipëri, një dëshirë të madhe për integrim në BE.