Rreth orës 01:35 minuta një qytetar ka informuar policinë në Prizren se ka vërejtur se një i dyshuar i panjohur po ia vidhte veturën e llojit “Opel Kadet” e cila kishte qenë e parkuar pranë banesës në rrugën “Adem Jashari”.

Me ta pranuar informatën, policia ka nisur me bllokimin e rrugëve ku supozohej se mund të kalonte i dyshuari i cili kësaj radhe kishte qenë fatkeq sepse në ikje e sipër nëpër rrugën “Tirana”, ka shkaktuar aksident trafiku duke e goditur një veturë tjetër, shkruan PrizrenPress.

I njëjti e ka humbur kontrollin ndaj automjetit, më pas ka dalur nga rruga dhe është përplasur në një kabinë rojesh ku po qëndronte një roje objektesh të cilën e përmbys për tokë duke e lënduar të njëjtin e në fund edhe vetura e vjedhur përfundon e rrokullisur ndërsa i dyshuari merr lëndime trupore dhe është ndalur për trajtim në spital.

Ndërkaq, hetuesit policorë po punojnë për zbardhjen e rasteve të veturave të vjedhura në të cilat mund të ketë qenë i përfshirë ky i dyshuar. /PrizrenPress.com/

Munir Basha ka marrë detyrën e zëvendësministrit të Drejtësisë derisa ministrja e Drejtësisë, Dhurata Hoxha, ka e pritur në takim duke i uruar sukses në detyrën e re.

Njohja me të arriturat dhe sfidat aktuale të Drejtësisë ishin temë e takimit të parë në mes të Ministres Hoxha dhe zëvendësministrit Basha.

Hoxha i ofroi mbështetje dhe përkrahje të plotë Bashës, duke theksuar se më shumë se kurrë, duhet përkushtim dhe bashkëpunim që fuqizimi i sundimit të ligjit të jetë prioritet i vazhdueshëm i institucioneve tona.

Basha e ka siguruar minstre Hoxha se angazhimi i tij do të jetë maksimal për realizimin e prioriteteve të Ministrisë si sundimi i ligjit si dhe ngritjen e besimit të qytetarëve në sistemin e Drejtësisë.

Kandidati i Nismës për kryetar të Komunës së Prizrenit, Zafir Berisha, ka bërë me dije se ky subjekt politik është i pari në këtë qytet.

Në një intervistë dhënë për gazetën “Epoka e re”, ai ka thënë një sondazh i brendshëm i Nismës tregon se ky subjekt politik është para PDK-së dhe LDK-së rreth 6 për qind në Prizren. Duke u shprehur i bindur në fitoren e tij në zgjedhjet lokale në Prizren, Berisha ka thënë se qytetarët e kësaj komune ndryshimet pozitive i shohin vetëm me triumfin e Nismës.

Sipas Berishës, me fitoren e tij Prizrenin do t’ua kthejë qytetarëve. Ai ka bërë me dije se Nisma po forcon degët e saj pasi, sipas tij, Kosova ka hyrë në një vit zgjedhor.

“Mosfunksionimi i koalicionit qeverisës PDK-LDK-Lista Serbe na jep të kuptojmë se zgjedhje të parakohshme parlamentare mund të kemi shumë shpejt”, ka thënë Berisha. /Epoka e re

Zgjedhjet e parakohshme nacionale mund të organizohen në fund të muajit maj ose qershor të këtij viti. Kështu së paku vlerësojnë njohësit e çështjeve politike në Kosovë, të cilët konsiderojnë se fushata për zgjedhje të parakohshme tashmë ka filluar.

Nga ana tjetër, përderisa përfaqësuesit e partive opozitare qëndrojnë prapa asaj se vendi duhet sa më parë të shkojë në zgjedhje, ata të partive në pushtet thonë se në zgjedhje mund të shkohet vetëm nëse krerët e PDK-së dhe LDK-së bien në ujdi për një gjë të tillë.

Por megjithëkëtë, partitë e dy taborëve shprehen të gatshme për zgjedhje, pa marrë parasysh se kur mbahen ato.

Nga ana tjetër, analistët politikë shprehen optimistë se pas zgjedhjeve nacionale do të ketë ndryshime në rezultate sado që, sipas tyre, një gjë e tillë nuk është aq e lehtë për t’u arritur. /Zeri