3 prilli është caktuar dita kur do të shpallet aktgjykimi ndaj zyrtarëve të Komunës së Prizrenit, Nexhmedin Musliu dhe Refki Musbeg, të akuzuar për keqpërdorim të pozitës zyrtare.

Gjatë seancë së fundit të mbajtur të premten në Gjykatën Themelore në Prizren, palët në procedurë kanë dhënë fjalët e tyre përfundimtare. Me këtë rast prokurori Metush Biraj ka qëndruar pranë aktakuzës duke thënë se gjatë seancave të këtij gjykimi, me provat që janë administruar dhe deklartatat e dëshmitarëve, është dëshmuar se të akuzuarit janë fajtorë. Biraj ka kërkuar që të akuzuarit të shpallen fajtorë dhe të dënohen sipas ligjit.

Ndërkaq, mbrojtësi i të akuzuarit Nexhmedin Musliu, avokati Brahim Sopa, në fjalën e tij përfundimtare ka deklaruar se asnjë nga provat e administruara në këtë gjykim, nuk dëshmon se i mbrojturi i tij ka kryer veprën penale me të cilën ngarkohet. Sopa tutje ka thënë se kualifikimi juridik për këtë vepër penale është jo i saktë sepse mungojnë elementet esenciale si përfitimi material për vete apo tjetrin dhe dëmi i shkaktur ndaj tjetrit. Andaj ai ka kërkuar që klienti i tij të lirohet nga akuza në mungesë të provave.

Poashtu edhe avokati Bashkim Nevzati ka kërkuar lirimin e klientit të tij, Refki Musbeg, nga akuza, me arsyetimin se nuk është provuar se ai është fajtor për veprën e keqpërdorimit të pozitës zyrtare. Nevzati ka thënë se objekti që është rrëzuar nuk figuron në listën e objekteve të trashëgimisë kulturore, vetë komuna e ka urdhëruar pronarin që ta rrëzojë atë objekt në afat prej 15 ditësh ose do të pasonte rrëzimi i dhunshëm nga komuna dhe pronari do të gjobitej.

Trupi gjykues i kryesuar nga gjyqtarja Ajser Skenderi, ka shpallur të përfunduar këtë gjykim ndërsa shpalljen e aktgjykimit e ka caktuar për 3 prill, ora 13:15.

Sipas aktakuzës, Nexhmedin Musliu, në cilësinë e Inspektorit Komunal për ndërtim, pasi ka dalë në vendngjarje, nuk ka ndaluar rrënimin e objektit të trashëgimisë kulturore “Hani i Mullafazlive”, por vetëm ka urdhëruar që të hiqen mbetjet nga rrënimi i tij.

Ndërsa, Refki Musbegu, ngarkohet se duke qenë bashkëpunëtor profesional në Drejtorinë e Urbanizmit të Komunës së Prizrenit, nuk i është përgjigjur kërkesë për leje-rrënim të objektit “Hani i Mullafazlive” të parashtruar nga familja Mullafazliu, me ç’rast, pronari i ri ka vepruar duke rrëzuar objektin në fjalë.

Sipas organit të akuzës, të akuzuarit me veprimet apo mosveprimet e tyre, kanë dëmtuar kujtesën kolektive, trashëgiminë kulturore e arkitektonike të qytetit të Prizrenit./betimiperdrejtesi/

Kryetari i degës se LDK-së në Prizren, Haxhi Avdyli thotë të ketë marre shumë kërcënime dhe fyerje pas një shkrim në ‘Facebook’, ku ai kishte përmendur fotografinë e Shpendit në një Jahtë në Budve.

Avdyli thotë se militantët e VV-së po e vërtetojnë se vuajnë për të instaluar sisteme diktatoriale për mendimet ndryshe, transmeton ‘Indeksonline’.

“Ju s’mund ta frikësoni askënd, dhe sharjet e juaja ( edhe të nënave) po më bindin që jeni fundërrina. E dihet që fundërrinat duan trazime për të dalë në maje, por në fund kur të qetësohet vala, fundërrinat bien aty ku e kanë vendin në fund”, ka shkruar Avdyli në ‘Facebook’.

Me poshtë statusi i plotë i Avdylit:

Në qindra deklarime e postime që kam bërë në këto vite , si qytetar por edhe Kryetar i degës së Ldk-së, jam munduar që rivalit politik në Prizren e Kosovë Pdk-ë si p?rgjegjës kryesor , tua zbuloi dështimet dhe keqpërdorimet. Dhe vetëm 2 a 3 postime kam kritikuar VV, meqenëse si parti opozitare në Prizren , sdoja ta bëja debatin mes partive opozitare për të fituar pushteti nga ky debat.

Por asnjëherë ne jetën time skam marrë kaq sharje , fyrje, kërcënime, e shpifje që nga gjysmëpostimi i djeshëm ,ku kam permend Shpend Ahmetin. Asnjëherë skam besu në teorinë e Brigadave linquese , monizmit Stalinist , e çmendurisë militanteske , por ju sot po vertetoni që vuani për të instaluar sisteme diktatoriale e gijotina për mendimet ndryshe. Ju smund ta frigësoni askend, dhe sharjet e juaja ( edhe të nënave) po më bindin që jeni fundërrina. E dihet që fundërrinat duan trazime per të dalë në maje por në fund kur të qetësohet vala, fundërrinat bien aty ku e kanë vendin në FUND.

Një person, derisa po drejtonte makinën e tij ka goditur një këmbësor në rrugën De Rada në Prizren, për të mos ndalur fare në vendin e ngjarjes.

Policia e Kosovës njofton se më 31.03.2017, rreth orës 14:30, “raportohet se i dyshuari i panjohur me veturë të panjohur ka goditur këmbësorin-viktimën mashkull shqiptar dhe ka ik nga vendi i ngjarjes”.

Viktima ka pësuar lëndime trupore dhe i njëjti është dërguar për tretman mjekësor ne Spitalin e Prizrenit.

Një tjetër aksident është shënuar në Prizren në 24 orët e fundit, kur në rrugën Brigada 125, rreth orës 22:00, i dyshuar i panjohur me veturë të panjohur ka goditur biçiklistin, mashkull shqiptar.

“Viktima ka pësuar lëndime trupore dhe i njëjti është dërguar për tretman mjekësor në Spitalin e Prizrenit nga i dyshuari”, thuhet në njoftim.

Lulëzim Kabashi është shkarkuar nga posti i kryetarit të Degës së AAK-së në Prizren. Shkarkimi është bërë nga lideri i këtij subjekti politik, Ramush Haradinaj.
Haradinaj ka kërkuar nga Kabashi që, të lirojë këtë post, për shkak afërsisë së tepërt që ka treguar deri më tash me PDK-në.

“Haradinaj nuk ka mundur më t’i besojë Kabashit se nuk ka asgjë të përbashkët me PDK-në, prandaj edhe ka vendosur që ta shkarkojë”, tregon për “PrizrenPress”, një burim brenda AAK-së.

Sipas të njëjtit burim, Haradinaj e ka telefonuar nga Franca, Kabashin për t’ia kumtuar lajmin e shkarkimit.

“Ka qenë një telefonat e nxehtë mes Haradinajt dhe Kabashit”.

Lulëzim Kabashi, pas shkrirjes së LDD-së, ishte bërë pjesë e AAK-së në Prizren. Ai, në mënyrë jodemokratike nga vet Haradinaj, ishte emëruar kryetar i Degës së AAK-së në Prizren.

Në zgjedhjet lokale të vitit 2013, edhe pse pat shpallur kandidaturën për kryetar të Komunës së Prizrenit, Kabashi ishte zënë në “flagrancë”, gjatë fushatës zgjedhor, duke bërë marrëveshje të fshehur me ish-liderin e PDK-së, Hashim Thaçin, për postin e nënkryetarit të Komunës.

Ai, kishte mohuar, një marrëveshje të tillë. Ndërkaq, pas humbjes, ishte i pari që përfundojë në krahun e kandidatit të PDK-së, Ramadan Muja, duke e mbështetur atë në balotazh.

Pas fitores së Mujës në balotazh me kandidatin e LDK-së, Eqrem Kryeziun, Kabashi konkretizon marrëveshjen e arritur gjatë fushatës me Hashim Thaçin, duke u bërë nënkryetar i Komunës së Prizrenit.

Lideri i AAK-së, Ramush Haradinaj, për shkak frikës së përsëritjes së këtij veprimi në zgjedhjet lokale të këtij viti,ka vendosur ta shkarkojë nga kryetari i Degës dhe të mos e lejojë të kandidojë për kryetar të Prizrenit.

“Shumë shpejt do të zgjedhet një kryetar i ri i Degës së AAK-së, i cili njëkohësisht do të jetë edhe kandidat për kryetar të Prizrenit”./Aprilililiiii

Policia e Kosovës përmes një raporti ditor ka treguar se në Rahovec është zhdukur një vajzë.

“Me datë 31.03.2017 ankuesi mashkull K-Shqiptar ka raportuar se me date 29.03.2017 vajza e tij viktima femër K-Shqiptare ka dalë nga shtëpia dhe nuk dihet asgjë për vendndodhjen e saj”, thuhet në raportin PK-së, përcjellë “PrizrenPress”.