Organizuar nga OSBE dhe Drejtoria për Urbanizëm, sot në Malishevë, u mbajt një shqyrtim publik i Planit Zhvillimor Komunal, me theks të veçantë për aspektin e vlerësimit të rreziqeve. Në këtë shqyrtim publik, morën pjesë kryetari i Komunës së Malishevës, Ragip Begaj, zyrtarë komunal nga Drejtoria e Urbanizmit, Drejtoria për Mbrojtje dhe Shpëtim, Menaxhimin e Emergjencave në kuadër të Ministrisë së Punëve të Brendshme, UNDP-ja, UNHABITAT-i, përfaqësues të fshatrave dhe përfaqësues të shoqërisë civile.

Kryetari Begaj, e vlerësoi si të rëndësishëm Planin Zhvillimor Komunal (PZHK), ndërsa edhe vlerësimin e rreziqeve, po ashtu e cilësoi si shumë të rëndësishëm, përfshi edhe kontributin e të gjithëve, që japin në këtë drejtim, e në veçanti nga organet profesionale, e bëjnë PZHK-në, një dokument shumë të kompletuar që do të orientoj zhvillimin e Malishevës në të ardhmen.

Për këtë pjesë të PZHK-së, folën edhe Vigan Berani, zyrtar i UNHABITAT-it dhe Yusuke Hara nga OSBE, sipas të cilëve ky dokument strategjik i përgjigjet nevojave të qytetarëve, ndërsa tejkalimi apo parandalimi i rreziqeve, gjithashtu e bënë më të kompletuar këtë pan zhvillimor.

Më pas, PZHK-në dhe vlerësimin e ndikimit në mjedis, e prezantoi Valdete Morina, zyrtare e drejtorisë së urbanizimit dhe udhëheqëse e hartimit të këtij plani.

Ndërsa, Njazi Miftari, zyrtar i departamentit të menaxhimit të emergjencave, pranë Ministrisë së Punëve të Brendshme, foli për rëndësinë e këtij dokumenti, për objektivat e vlerësimit të rreziqeve, zvogëlimin e rreziqeve dhe mënyrat e zvogëlimit të rreziqeve nga fatkeqësitë e mundshme. Po ashtu edhe një përfaqësuesja e UNDP-së, Zana Hoxha, foli për dëmet nga vërshimet e fundit në Malishevë, si një shembull konkret i rreziqeve, ku sipas saj, vërshime të cilat janë shkaktuar nga hedhja e mbeturinave në përroska dhe ndërtimet ilegale pranë lumenjve. Sipas saj, me investime të vogla, mund të parandalohen rreziqet.

Zyrtari i Drejtorisë së Emergjencave, Halit Mazreku, e prezantoi planin komunal të veprimit, në rastet emergjente, kapacitetet komunale, si dhe në fund dha edhe rekomandimet që dalin nga ky plan.

Sot, kryetari i Komunës së Rahovecit, Idriz Vehapi, ka pritur në takim ministrin e Financave, Avdullah Hoti dhe ministrin e Kulturës, Rinisë dhe Sportit Kujtim Shala dhe Bajram Gecaj  zëvendësministër në Ministrinë e Administrimit të Pushtetit Lokal, në takim u bisedua për shumë tema me theks të veçantë, për përfundimin e ndërtimit të palestrës në qytetin e Rahovecit.

Kryetari i Komunës së Rahovecit, Idriz Vehapi tha se shpreson që shumë shpejt sportistët e Rahovecit, ndeshjet e ardhshme basketbollistike apo hendbollistike do ti zhvillojnë në këtë palestër.

Ministri i Kulturës, Rinisë dhe Sportit, Kujtim Shala tha se tani punët e vrazhda kanë përfunduar dhe pritet të kontraktohen pune kryesit e punëve finale për të qenë në shfrytëzim të sportistëve kjo palestër.

Ndërsa ministri i Financave, Avdullah Hoti premtoi se Qeveria e Kosovës do të investojë edhe në disa rrugë dhe projekte të tjera në Komunën e Rahovecit.

Palestra e Sporteve në qytetin e Rahovec është donacion i Qeverisë së Kosovës, përkatësisht Ministrisë së Kulturës Rinisë dhe Sportit, dhe ka kushtuar 2 milionë e 800 mijë euro.

Analistë dhe deputetë të opozitës kritikojnë presidentin Thaçi që po mban qëndrime proserbe, edhe pse duhet të përfaqësojë interesat e qytetarëve dhe të mbrojë shtetin,raporton Gazeta Kosova Sot

Se sa e pandershme dhe e pavlerë është pozita e fituar me politikë false, duke u shtirë si një patriot i madh në ditë të vështira dhe duke ndërruar qëndrime në interes të ruajtjes së një pozite në pushtet, edhe duke injoruar sakrificën e dikurshme qytetare e atë personale, më së miri flet fakti i bërjes temë ditore i përplasjeve që po ndodhin në skenën politike të Kosovës për objektin e papërfunduar në ndërtim të kishës ortodokse serbe në hapësirën e UP-së. Sipas përfaqë- suesve të opozitës dhe analistëve politikë, është shumë i pashpjegueshëm fakti se si tani edhe ata që e u ngritën në luftë kundër Serbisë tash me mish e shpirt po shfaqen si mbrojtës të kinse vlerave serbe, qoftë edhe të një kishe që është simbol i dhunës e gjenocidit serb në Kosovë.

Deputeti Rexhep Selimi, ish-luftëtar i UÇK-së, tha për “Kosova Sot” se ndryshimin në qëndrime, qoftë edhe për interesat më të mëdha të përfitimit në politikë, nuk duhet dhe nuk janë karakteristikë e luftëtarëve të vërtetë, por vetëm e atyre që shtiren si të tillë, por që e vërteta e tyre dëshmon krejtësisht të kundërtën.”Luftëtarët e vërtetë nuk e ndërrojnë as nuk e shkelin qëllimin e luftës. Dhe të tillë janë shumica e luftë- tarëve të UÇK-së, por ka disa që më emër të luftës po e vrasin qëllimin e luftës. Lufta gjithmonë ka pasur dezertorë e tradhtarë. Ata që sot po i mbrojnë interesat e Serbisë në Kosovë thjesht e kanë tradhtuar idealin e luftës, nëse e kanë pasur ndonjëherë”, tha Rexhep Selimi për “Kosova Sot.

Shkelja e idealeve të luftës Deputetja e AAK-së, Teuta Haxhiu, konsideron se është padrejtësi e madhe dhe shkelje mbi idealet e luftës që u zhvillua për liri dhe arsim kombëtar nga cilido individ – figurë publike, politikan e zyrtar shteti, i cili angazhohet për mbetjen e këtij objekti të ndërtuar nën masa të dhunshme në hapësirën universitare të UP-së.”Konsideroj që pikë se pari vetë mosreagimi i institucioneve të shtetit të Kosovës për vite të tëra për të gjitha tmerret që kanë ndodhur brenda hapësirës universitare, duke përfshirë edhe ndërtimin e dhunshëm të këtij objekti të kultit nën masat ushtarako policore të regjimit të Millosheviqit është sjellje e papërgjegjshme. Tani edhe kjo është një arsyetim i turpshëm i këtyre njerëzve në qeveri që po shihet se nuk kanë interes asgjë tjetër veçse për ta ruajtur karrigen ku janë ulur dhe interesin e tyre personal”, tha deputetja Haxhiu për “Kosova Sot”.

Kritikë të ashpër për një sjelle aq të padinjitetshme të figurave kyçe në politikëbërjen dhe drejtimin e institucioneve të shtetit, lidhur me këtë rast, janë edhe analistët politikë. Analisti Islam Krasniqi ka thënë se deklaratat e liderëve tanë janë për t’u habitur se si po i mbrojnë vendimet e kasapit të Ballkanit, i cili u mundua me çdo kusht që të shfarosë gjithçka mbi dhe ndaj shqiptarëve, dhe një pjesë e atyre që luftuan, që dolën nga lufta po i miratojnë çdo vendim të tij, duke i bërë të ligjshme. “Liderët tanë që po qesin helm nga goja për t’i mbrojtur vlerat e serbe në Kosovë, frikohen nga bashkësia ndërkombëtare si thupra në ujë dhe janë në gjendje të bëjnë gjithç- ka vetëm para ndërkombëtarëve të duken mirë, tash edhe frika karshi Gjykatës Speciale dhe mundohen të fshihen prapa tyre”, tha ai.