Home Blog Page 5834

Policia kërkon ndihmë për identifikimin e personit që vdiq nga aksidenti në autostradë afër Prizrenit

admin
-
0

Policia e Kosovës konfirmon se sot rreth orës 17:00, në autostradën “Ibrahim Rugova”, në dalje Veriu-Prizren, ka ndodhur një aksident me fatalitet, identiteti i të cilit është i paditur.

Përmes një komunikate për media Policia thotë se dyshohet se një veturë ka goditur një këmbësor, vdekjen e të cilit e ka konfirmuar ekipi mjekësor.

Lidhur me aksidentin me pasoja fatale, Policia e Kosovës jep këto detaje të viktimës me qëllim të identifikimit të tij:

Mosha: 30-40 vjeçar,

Gjatësia: 165 cm,

Flokët: ngjyrë kafeje,

Sytë: e kafenjtë,

Veshja: farmerka të kaltra, bluzë ngjyrë hiri me vija të bardha, këpucë dhe çorape të zeza.

“Policia e Kosovës njofton dhe njëherësh kërkon nga të gjithë qytetarët se kushdo që ka informacione apo e njehë personin me përshkrimin në fjalë të lajmërojë Policinë e Kosovës në stacionet më të afërta policore apo në nr.192”, thuhet në komunikatë.

Aksident tjetër në autostradë në afërsi të Prizrenit, tre të lënduar (Foto)

admin
-
0
Aksident tjetër në autostradë në afërsi të Prizrenit, tre të lënduar (Foto)

Pas ngjarjes së djeshme në autostradën “Ibrahim Rugova” ku një këmbësor vdiq pas goditjes nga  vetura, në mëngjesin e sotëm ka ndodh një tjetër aksident.

Sipas lexuesit të Indeksonline i cili ka dërguar foto, në aksident kanë marr lëndime tre persona.

Ai ka thënë se aksidenti ka ndodhur në afërsi të Prizrenit, derisa në mesin e të lënduarve është edhe një fëmijë. /Indeksonline/

Asnjë gjykatë nuk e do rastin e Ramadan Mujës

admin
-
0
Asnjë gjykatë nuk e do rastin e Ramadan Mujës

Ka më shumë se një muaj që kur Gjykata e Apelit vendosi të kthej në rigjykim rastin ndaj kryetarit të Prizrenit, Ramadan Muja dhe 5 ish-zyrtarëve të tjerë të kësaj komune, por ky rast ende nuk i është marr nga asnjë gjykatë.

Asnjë nga 6 gjykatat themelore të Kosovës nuk i janë përgjigjur deri tash Gjykatës Themelore të Prizrenit, e cila që nga momenti i marrjes së vendimit nga Gjykata e Apelit u është drejtuar këtyre gjykatave me kërkesë për marrjen e kësaj lënde.

Zëdhënësja e Gjykatës Themelore në Prizren Aferdita Kicaj i ka thënë “Arbresh.info” se janë në pritje të përgjigjes nga kryetarët e gjykatave themelore dhe nëse nuk ka ndonjë përgjigje, sipas saj, atëherë gjykata do t’i drejtohet Apelit.

“Sipas ligjit kemi kërkuar nga Kryetarët e Gjykatave të Republikës së Kosovës që ta marrin këtë lëndë në rigjykim edhe jemi në pritje të përgjigjes, nëse asnjëra prej këtyre gjykatave nuk vendos që ta marr këtë rast, atëherë Gjykata Themelore e Prizrenit i drejtohet Gjykatës së Apelit që e njëjta të vendos se cila gjykatë do ta merr këtë lëndë në rigjykim”, është shprehur Kicaj.

Ndryshe në fillim të muajit korrik, Gjykata e Apelit pati dhënë vendimin e saj, duke kthyer në rigjykim rastin ndaj kryetarit të komunës së Prizrenit, Ramadan Muja dhe 5 ish-zyrtarëve të tjerë të kësaj komune, të cilët akuzohen për keqpërdorim të detyrës zyrtare.

Në mars të vitit 2014, Gjykata Themelore në Prizren pati dënuar Ramadan Mujën me 2 vite burgim me kusht që i njëjti të mos kryej asnjë vepër penale për një periudhë 3 vjeçare, dhe me një dënim alternativ të ndalimit të ushtrimit të funksioneve në administratën publike ose në shërbimin publik për 30 muaj.

Ndërsa, Gjykata e Apelit, pas gati një viti e gjysmë kishte vendosur që lënda të kthehej në rigjykim në gjykatën e shkallës së parë në Prizren, për shkak se kishte konkluduar se ishin bërë shkelje esenciale në përmbajtjen e aktgjykimit të shkallës së parë.

Aktvendimi i Gjykatës së Apelit kishte arritur në Gjykatën Themelore të Prizrenit në shtator të vitit 2015.
Në këtë aktvendim ishte anuluar aktgjykimi i Gjykatës Themelore të Prizrenit P.nr.171/13 i lëshuar më 13 mars 2014 dhe lënda ishte kthyer në Gjykatën Themelore për rigjykim.

Mirëpo, në dhjetor të vitit 2015, Gjykata Supreme e pati rrëzuar vendimin e fundit të Gjykatës së Apelit ndaj Mujës dhe të tjerëve, duke marrë vendim që ky rast të kthehet sërish në Gjykatën e Apelit për rivendosje të aktgjykimit të shkallës së parë.

Vendimi i Supremes kishte ardhur pas pranimit të ankesës së prokurorisë ndaj vendimit të Gjykatës së Apelit në shtatorin e po të njëjtit vit, që rasti ndaj kreut të Prizrenit, Ramadan Muja të kthehet në Gjykatën Themelore të Prizrenit për rivendosje.

Supremja, kishte vendosur që aktvendimi i apeluar të anulohet dhe lënda t’ i kthehet Gjykatës së Apelit për rishqyrtim nga një trup i ri gjykues./Arbresh.info

37 vjetori i vdekjes së gjuhëtarit, Eqrem Çabej

admin
-
0
37 vjetori i vdekjes së gjuhëtarit, Eqrem Çabej

Eqrem Çabej është një ndër përfaqësuesit më të shquar të gjuhësisë shqiptare.

Ai lindi më 7 gusht 1908 në Gjirokastër, ku mori dhe mësimet e para. Pasi kreu gjimnazin në Klagenfurt të Austrisë, ndoqi studimet e larta për gjuhësi krahasuese indoevropiane dhe albanalogji në Universitetin e Gracit e më pas në Universitetin e Vjenës.

Në vitin 1933, Eqrem Çabej diplomohet Doktor në filozofi. Pasi kthehet në Shqipëri punon si mësues në disa shkolla të mesme e më pas në Institutin e Shkencave, ku ishte ndër pedagogët e parë të Institutit të Lartë Pedagogjik Dyvjecar, gjithashtu si dhe pedagog në Universitetin e Tiranës e në Institutin e Gjuhësisë dhe Letërsisë.

Veprimtaria shkencore e Eqrem Çabej u shtjellua kryesisht në gjuhësi, por u shtri dhe në folklor, etnografi, histori të letërsisë. Një rëndësi tepër të madhe ka puna e studimet e tij në problemet dhe prejardhjen e gjuhës shqipe, marrëdhëniet e saj me gjuhët e tjera indoevropiane dhe me gjuhët ballkanike. Disa nga veprat e tij janë Hyrje në Indoevropianistikë, Studime etimologjike në fushën e shqipes, Hyrja në historinë e gjuhës shqipe, Fonetika historike e shqipes, Shqiptarët midis Perëndimit dhe Lindjes, Meshari i Gjon Buzukut, etj.

Në studimet e tij Eqrem Çabej argumentoi prejardhjen ilire të gjuhës shqipe dhe rëndësinë e saj. Eqrem Çabej është dekoruar me urdhrin Nderi i Kombit.

Çabej u specializua në gjuhësinë krahasuese indo-evropiane. Veprimtarinë shkencore e shtjelloi në gjuhësi, por edhe jashtë saj, në folklor, etnografi dhe histori të letërsisë. Vend zenë studimet etimologjike dhe leksikologjike historike, dialektologjia e onomastikës si edhe kodifikimi i gjuhës letrare.

Eqrem Çabej ka dhënë një ndihmë të çmuar me një varg sqarimesh etimologjike gjatë hartimit të Fjalorit të gjuhës shqipe të botuar në Tiranë më 1980. Vdiq në Romë më 1980.

Universiteti i Gjirokastrës mban emrin Eqrem Çabej.

DokuFest XVI shpall fituesit

admin
-
0
DokuFest XVI shpall fituesit

Fituesit e edicionit të 16-të të Dokufest u shpallën gjatë ceremonisë përmbyllëse të festivalit, mbajtur në mbrëmjen e sotme në kinemanë e qytetit të Prizrenit, “Lumbardhi”. Ndarja e çmimeve, e ndjekur nga diskutime të jurisë, vuri në fokus plot 102 filma, përfaqësues të 50 shteteve gjatë konkurrimit për 6 kategori të ndryshme, duke përfshirë dhe çmimin e audiencës.

Aktivitetet e festivalit 9-ditor përfshinë të tilla, si: shfaqja e 254 filmave nga 63 shtete, punëtori, diskutime, debate, masterclass-e, ekspozita dhe një seri të performancave live të njohura si DokuNights, të cilat në vetvete mikpritën yje botërorë në skenën “Andrra”, si Princess Nokia dhe shumë artist të tjerë te njohur. Sërish për të satin vit radhazi, Prizreni u shndërrua në një qytet të zhytur thellësisht në magjinë e kinemasë, kulturës dhe shpresës për të ardhmen.

Ju lutem gjeni listën e fituesve më poshtë:

GARA PËR FILMIN MË TË MIRË TË BALLKANIT – FITUESI: BUFFET ŽELJEZARA nga Goran Devi?

Juria: Karen Cirillo, Mimi Brody, Ognjen Glavoni?.

DEKLARATA: Ne e shpërblyem BUFFET ŽELJEZARA (Steel Mill Café) si një portret i punuar në mënyrë eksperte të një komuniteti që lufton me realitetet ekonomike të popullatës që po pakësohet. Me shkathtësi kap pronarët e kafenesë dhe vizitorët me humor të hollë dhe një intimitet që tregon se sa e vështirë është t’i thuash lamtumirë shtëpisë.

Juria e njëjtë zgjodhi për “Çmim Special” në kategorinë për FILMIN MË TË MIRË TË BALLKANIT filmin ONI SAMO DOLAZE I ODLAZE nga Boris Poljak.

DEKLARATË: ONI SAMO DOLAZE I ODLAZE/ THEY JUST COME AND GO është një film lozonjar në aspektin vizual dhe një alegori që të lë gojëhapur, i dedikuar të pikturojë në mënyrë të hollë një botë në të cilën, nga agimi në perëndim, kapet jeta njerëzore në shkallë të ndryshme të dëshirës dhe pasigurisë në të gjitha ndërthurjet e veta pa drejtim.

Juria e njëjtë zgjodhi FILMIN MË TË MIRË NGA REGJISORI BALLKANIK NË ARDHJE: MY LIFE WITHOUT AIR nga Bojana Burna?.

DEKLARATË: Ne e shpërblejmë filmin MY LIFE WITHOUT AIR për qasjen e tij të freskët dhe origjinale dhe fotografinë e mrekullueshme. Me një bindje që nuk shihet shpesh në filmat debutues, Bojana Burnac i beson subjektit të saj dhe audiencës dhe e le tregimin e saj të shpaloset ngadalë për të zbuluar personalitetin dhe realitetin e një zotëruesi tepër privat të rekordit botëror.

Juria e njëjtë zgjodhi për “Çmim Special” në kategorinë për FILMIN MË TË MIRË NGA REGJISORI BALLKANIK NË ARDHJE filmin Gora nga Stefan Maleševi?.

DEKLARATË: Vlerësimi special shkon për filmin e Stefan Maleševi? i mrekullueshëm në aspektin vizual dhe meditimin e pasur lehtas për një komunitet të maleve dhe natyrës, kafshëve dhe njerëzve. Koha, tradita, ritmi dhe rregullat e jetës në Gora me kuriozitetin dhe vëzhgimin e autorit sillen më afër atyre që mund të mos kenë kurrë shansin ta vizitojnë këtë pjesë të botës.

FILMI MË I MIRË DOKUMENTAR NDËRKOMBËTAR I METRAZHIT TË GJATË – FITUESI: EL MAR LA MAR by Joshua Bonnetta, J.P. Sniadecki.

Juria: Carmen Gray, Cíntia Gli, Melody Gilbert, Rodolfo Castillo-Morales, Wood LIN.

DEKLARATË: Vështrimi i regjisorit në kohë dhe peizazhin e shkretëtirës në kufi mes SHBA dhe Meksikës, me filmin 16mm. Shenjat e jetës njerëzore vështirë se duken, por shkretëtira e zbrazët përgjatë kolonës zanore shërben si metaforë e gjallë e gjithçkaje të dukshme, megjithatë ndikuese, për jetët tona të përditshme. Aspektet gjeografike, ideologjike dhe politike po ashtu janë ndriçuar përmes strukturës narrative siç edhe e shpjegon udhëtimi. El Mar La Mar është një poemë e bukur dhe një deklaratë tepër politike me sinqeritet në kontekstin bashkëkohor.

Juria e njëjtë zgjodhi për “Çmim Special” në kategorinë për FILMIN MË TË MIRË DOKUMENTAR NDËRKOMBËTAR TË METRAZHIT TË GJATË filmin 69 MINUTES OF 86 DAYS nga Egil Håskjold Larsen.

DEKLARATË: Një film i ndjeshëm që përshkruan udhëtimin e një familje përmes syve të pafajshëm, në kohë të vështira dhe të pasigurta të politikës dhe të ankthit shoqëror, ku mund të interpretohen shumë qasje drejt thelbit të filmit, të duhura apo problematike.

FILMI MË I MIRË DOKUMENTAR NDËRKOMBËTAR I METRAZHIT TË SHKURTËR – FITUESI:IF ONLY THERE WERE PEACE nga Carmine Grimaldi, Deniz Tortum.

Juria: Carmen Gray, Cíntia Gli, Melody Gilbert, Rodolfo Castillo-Morales, Wood LIN.

DEKLARATË: Një eksplorim origjinal dhe shumë shtresor i marrëdhënieve të pushtetit, identitetit dhe performancës që na lejon të reflektojmë për funksionet e kinemasë si mjet shoqëror dhe kulturor.

FILMI MË I MIRË PËR TË DREJTAT E NJERIUT – FITUESI:THE WAR SHOWnga Andreas Dalsgaard, Obaidah Zytoon

Juria: Laura Limani, Mante Valiunaite, Miranda Pennel

DEKLARATË: Juria është impresionuar nga forma e punuar mirë e filmit, intimiteti i kamerës së tij dhe kualiteti reflektiv i rrëfimit të tij. Filmi arrin të ofrojë një pamje të afërt të rezistencës në Siri; ai është një homazh i bukur për aktivizmin politik dhe në fund, një tregim intim i miqësisë së humbur shumë shpejt. Ajo çka fillon si një tregim personal transformohet në një rrëfim guximi gazetaresk dhe përkushtimi për të dokumentuar ndikimin brutal të luftës në jetët njerëzore prej afër.

Juria e njëjtë zgjodhi për “Çmim Special” në kategorinë për FILMIN MË TË MIRË PËR TË DREJTAT E NJERIUT filminA FEELING GREATER THAN LOVE nga Mary Jirmanus Saba.

DEKLARATË: Një hetim i rëndësishëm dhe në kohë i historive të punës dhe solidaritetit të klasës punëtore në Liban në periudhën pak para luftës civile.

FILMI MË I MIRË PËR AMBIENTIN – FITUESI:AMA-SAN by Cla?udia Vareja?o

Juria: Bilge Ebir, Riina Zachariassen, Uta Ibrahimi

DEKLARATË: Derisa ne ishim tepër të impresionuar me të gjitha propozimet e filmave këtë vit, çmimi për filmin më të mirë për Green Dox ishte unanim. I shkon një vepre që balancon për bukuri një ndjenjë komuniteti dhe humaniteti me ashpërsi dhe elegancë. Ky është një film me mirëkuptim të gjallë të ritmeve të natyrës, të krijuara nga një regjisore e cila jo vetëm që ka një sy të jashtëzakonshëm, por edhe di se si të na zhys në të gjithë botën. Ju mund ta ndieni këtë prani të regjisores në secilin kuadër të këtij filmi, dhe megjithatë ajo kurrë nuk del në rrugën e realitetit fascinues që po e prezanton.

FILMI MË I MIRË I SHKURTËR – FITUESI I PARË A DROWNING MAN nga Mahdi Fleifel.

Juria: Afolabi (Afo) Kuti, Jasmin Basic, Trimor Dhomi

DEKLARATË: A DROWNING MAN na çon në një udhëtim mbërthyes të një refugjati, me një aluzion të përkrahjes apo bujarisë së madhe. Me dramë që e ngacmon audiencën që jo vetëm të ndjekë por edhe të angazhohet. Mahdi Fleifel ka krijuar një film rrëzëllues me thellësi dhe frymë.

FILMI MË I MIRË I SHKURTËR – FITUESI I DYTË THE CHIMERICAL MUSEUM OF SHIFTING SHAPES

DEKLARATË: THE CHIMERICAL MUSEUM OF SHIFTING SHAPES është premierë botërore në DokuFest dhe juria janë kënaqur së tepërmi nga veçantia e imazhit me muzikën e kompozuar. Damiàn Alquichire ka vetë punuar secilin aspekt të filmit duke e ndarë vetëm punën e muzikës. Talenti i tij është origjinal dhe unik me një zë që futet përmes kinemasë.

GARA KOMBËTARE – FITUESI:SANS LE KOSOVO nga Dea Gjinovci

DEKLARATË: Një zë i ngrohtë dhe poetik përshkon rrugëtimin e sinqertë edelikat të një vajze dhe babait të saj ndërsa së bashku provojnë të kuptojnë plagët e së kaluarës.

Juria e Garës Kombëtare vlerëson filmin SANS LE KOSOVO / PAKOSOVËN nga Dea Gjinovci si filmin më të mirë dhe siç përkonme temën e këtij edicioni të DokuFest, urojmë që regjisorja tavazhdoj këtë kërkim drejt të vërtetës dhe respektimit të dinjitetitnjerëzor, sepse një e ardhme e mbarë e pret!!!

Juria e njëjtë zgjodhi për “Çmim Special” në kategorinë për GARËN KOMBËTARE filminETHNOPHOBIA.

DEKLARATË: Për vëmendjen e treguar ndaj çdo detaji, për sensin e fortë të humorit, për dashurinë, durimin, si dhemjeshtërinë regjisoriale të treguar, juria vendosi të ndaj dhe një çmim special: Special Mention për filmin ETHNOPHOBIA ngaJoan Zhonga i cili na ka dhuruar një film të hareshëm që preknjësoj si zemrat e fëmijëve, ashtu edhe të të rriturve.

ÇMIMI I AUDIENCËS:

Me dasht’ Me dasht’ Me dasht’ nga Ilir Hasanaj.

PAN-i e bëri AKR-në për vete, po tash si ka votat e duhura të deputetëve serbë që kanë një kusht tjetër!?

admin
-
0
PAN-i e bëri AKR-në për vete, po tash si ka votat e duhura të deputetëve serbë që kanë një kusht tjetër!?

Kryetari i Aleancës Kosova e Re (AKR), Behgjet Pacolli, i cili në zgjedhjet parlamentare të 11 qershorit kishte garuar në listën e njëjtë të koalicionit me Lidhjen Demokratike të Kosovës, Alternativën dhe Lëvizjen për Drejtësi (koalicion iLAA), të mërkurën tha se nëse formimi i Qeverisë varet nga ai, ai do ta votojë Ramush Haradinajn, kandidatin e koalicionit PDK-AAK-NISMA (PAN) për kryeministër të Kosovës.

Pacolli ka thënë se nuk do të mbajë të bllokuar Kosovën dhe institucionet e vendit, dhe se Lidhja Demokratike e Kosovës, sipas tij, i ka 10 ditë kohë për të ndryshuar qëndrimin.

Telegrafi mëson se një ditë para këtyre deklaratave, PAN veç kishte siguruar mbështetjen e liderët të AKR-së.

Në anën tjetër, kryesuesi i seancës konstituive, Adem Mikullovci nga Lëvizja Vetëvendosje, pret që të hënën të mbahet vazhdimi i seancës konstitutive të Kuvendit. Përfaqësuesit e koalicionit PAN kanë paralajmëruar se nuk do të marrin pjesë as në këtë seancë, me arsyetimin se kanë nevojë për konsultime shtesë.

Burimet e Telegrafit thonë se PAN – ndonëse ka mbështetjen e AKR-së – prapë nuk i ka numrat meqë kanë lindur kundërshtime me pesë deputetët e Listës Serbe të cilët teksa më herët kërkonin postin e të parit të Kuvendit, nga i cili më vonë heqin dorë, tash duan ta kenë nga radhët e tyre zëvendëspresidentin e Kosovës.

Posti i zëvendëspresidentit momentalisht nuk ekziston dhe atë serbët mund ta kenë veç me ndryshime kushtetuese. /Telegrafi/

Emri i Hatim Baxhakut për kryetar të Prizrenit, është diskutuar para se të aderojë në LDK, Driton Selmanaj

admin
-
0
Emri i Hatim Baxhakut për kryetar të Prizrenit, është diskutuar para se të aderojë në LDK, Driton Selmanaj

Kryetari i LDK-së në Prizren, Haxhi Avdyli thotë se kandidatura e Hatim Baxhakut për kryetar të Prizrenit është propozuar dhe diskutuar para se Driton Selmanaj të antarësohet në LDK.

Sipas tij, Baxhaku e ka mbështetjen e Kryesisë dhe të 90 për qind të nëndegëve të LDK-së në Prizren.

“ Kur e kemi diskutuar emrin e Hatim Baxhakut, Driton Selmanaj nuk ka qenë pjesë e LDK-së. Tash ekziston një pajtim i gjërë që Baxhaku të jetë kandidat për kryetar të Prizrenit”, thotë Avdyli për “PrizrenPress” .

Ai tregon se Selmanaj nuk shihet si kandidat që mund ta fitojë Prizrenin.

“Nuk e shohim si kandidat të mundshëm për fitoren e Prizrenit”, shprehet ai.

Kryesia e Degës së LDK –së, ka kandiduar Baxhakun për kryetar të Prizrenit.

Ndërkaq, ky subjekt politik është ndarë në dy taborre rreth kandidatit për kryetar të qytetit të lashtë.

Driton Selmanaj, që vjen prej Komunës së Suharekës dhe është deputet aktual, po e sfidon ish-deputetin dhe njërin ndër personat më të votuar të Prizrenit në zgjedhjet parlamentare të vitit 2014, doktorin Hatim Baxhaku.

Telegrafi mëson se kryesia qendrore e partisë po e mbështet Selmanajn, i cili në zgjedhjet e fundit parlamentare mori 35,280 vota, ndërsa pjesa më e madhe e degës mbështet Baxhakun duke përfshirë edhe kryetarin e degës, Haxhi Avdylin.

Por, gjithçka pritet të zgjidhet ditën e mërkure, kur edhe pritet të mblidhet kryesia qendrore e LDK-së, për të vendosur edhe për kandidatin për Prizrenin.

Ish -deputeti Hatim Baxhaku ishte lënë jashtë listës për deputet të LDK-së duke u ndëshkuar për kundërshtimet tij në Kuvend rreth demarkacionit me Malin e Zi./PrizrenPress.com/

Vdes këmbësori që u godit nga vetura në autostradën “Ibrahim Rugova” (Foto)

admin
-
0

Indeksonline ka raportuar gjatë ditës për një këmbësor që është goditur nga vetura në autostradën “Ibrahim Rugova”.

Këmbësori me iniciale Xh.M i lindur në vitin 1966, sipas zëdhënësit të policisë së Kosovës, Bajram Krasniqi ka ndërruar jetë nga plagët e rënda që ka marr.

Krasniqi ka thënë për Indeksonline se ngjarja ka ndodhur rreth orës 14:00, në daljen veriore për Prizren.

Sipas tij, policia ka dal në vendin e ngjarjes dhe po merret me rastin.

Ndërkaq, lexuesit e Indeksonline kanë dërguar foto pak minuta pak aksidentit të viktimës së shtrirë në tokë dhe veturës BMW me targa të huaja, e cila shihet e dëmtuar pas përplasjes. /Indeksonline/

 

Vetura godet këmbësorin në autostradë afër Prizrenit(Foto)

18:21 (I plotësuar)- Një lexues i Indeksonline ka dërguar foton e veturës me të cilën u godit këmbësori sot në autostradën  “Ibrahim Rugova”.

Sipas fotos, vetura ka tagra të huaja dhe është dëmtuar në pjesën e përparme. /Indeksonline/

/

………………………….

 

Vetura godet këmbësorin në autostradën “Ibrahim Rugova” (Foto)

Një këmbësor është goditur nga vetura para pak çastesh në autostradën “Ibrahim Rugova”, përkatësisht në afërsi të Prizrenit.

Sipas një lexuesi të Indeksonline, i aksidentuari ka mbetur i shtrirë me lëndime në mes të rrugës, derisa ekipet mjekësore kanë intervenuar menjëherë.

Ndërsa shoferi që po voziste veturën BMW, po qëndron te vendi ku ndodhi aksidenti, dhe po merret në pyetje nga policia. /Indeksonline/

 

TEMAT:

Hatim Baxhaku tregon se a ka mospajtime LDK rreth kandidatit për kryetar të Prizrenit ?

admin
-
0
Hatim Baxhaku tregon se a ka mospajtime LDK rreth kandidatit për kryetar të Prizrenit ?

Ish deputeti i Lidhjes Demokratike të Kosovës Hatim Baxhaku mohon se ka mospajtime në partinë e tij rreth garës për ta marrë qytetin e Prizrenit. Thotë se ka besimin e shumicës që ai të jetë kandidat për kryetar komune atje.

Raportimet se i njëjti ka marrë bekimin vetëm të degës së LDK-së në Prizren por jo edhe të kryesisë qendrore dhe se kjo e fundit po e përkrah Driton Selmanajn që të jetë pjesë e garës, ai i hedh poshtë.

Baxhaku ka sqaruar të shtunën për Gazetën Express se nuk ka të tilla mospajtime dhe se në mënyrë unanime ka marrë përkrahjen për të qenë në garën për Prizrenin.

“Jo. Nuk ka këso mospajtime. Unë nga kryesia e degës në Prizren në mënyrë unanime nga të gjithë anëtarët prezent ( mungonin 3-4 anëtarë) kam marr përkrahjen. Po ashtu edhe nga 90 pe rqind e nëndegëve. Normalisht kandidatura shkon në Kryesi dhe Këshillin e përgjithshëm nga ku pres përgjigje pozitive”, u shpreh Baxhaku, derisa shprehet i sigurt se PDK’së do ia marrë udhëheqjen e qytetit të Prizrenit.

Është i bindur në programin serioz të LDK’së. Madje thotë se PDK nuk ka të drejtë morale që ta kërkojë edhe një mandate në komunën e Prizrenit.

“Jam i bindur se me programin serioz që do tu ofrojmë qytetarëve të Prizrenit do ta marrim përkrahjen e tyre. PDK bile nuk ka as të drejtë morale të kërkoj edhe një mandat. Prizrenasit janë tmerrësisht të zemëruar nga keqqeverisja e PDK-së, për tri mandate dhe degradimit që i kanë bërë Prizrenit në të gjitha sferat”, ka shtuar ai.

Aktualisht kryetar i komunës së Prizrenit është Ramadan Muja i PDK’së i cili ka qenë në krye të Prizrenit për tre mandate radhazi.

Për këtë, Baxhaku thotë se përfaqësuesi i PDK’së mund të llogarit vetëm në votat e militantëve fanatik që sipas tij i kanë zhvat taksat e qytetarëve në mënyrën më të shëmtuar të mundshme deri tek fondet për shënimin e përvjetorëve të të rënëve në luftën e fundit të UÇK-së.

Ndërkohë, Lidhja Demokratike e Kosovës ka bërë publike disa nga kandidaturat që do të garojnë për të marrë komunat e ndryshme të Kosovës. Aktualisht në garë edhe për një mandat, janë zyrtarë të LDK’së që tashmë janë në krye të disa komunave.

Deri më tani nga kandidatët e LDK-së për kryetar të komunave që pritet të garojnë në zgjedhjet e 22 tetorit janë: Agim Veliu-Podujevë, Lufti Haziri-Gjilan, Muharrem Sfarqa- Ferizaj, Gazmend Muhaxheri- Pejë, Sokol Haliti- Viti, Burim Berisha- Fushë Kosovë, Imri Ahmeti-Lipjan.

Në komunën e Kamenicës është kandiduar Shaip Surdulli, në Suharekë Salih Asllani, në Shtimje-Selim Shabani, Istog- Haki Rugova, Dragash- Selim Kryeziu dhe për kryetar të komunës së Novobërdës kandidat do të jetë Bajrush Imeri.

Takohen Haradinaj- Veseli- Limaj e Ukë Rugova!

admin
-
0
Takohen Haradinaj- Veseli- Limaj e Ukë Rugova!

Para pak çastesh është zhvilluar një takim ndërmjet tre liderëve të PAN-it, Kadri Veselit, Ramush Haradinajt, Fatmir Limajt dhe djalit të ish- presidentit, Ibrahim Rugova, Ukës.Gazeta Blic ka arritur që të siguroj një fotografi nga ky takim, i cili është zhvilluar në një nga restaurantet në Kryeqytet.Sipas burimeve të Gazetës Blic, në këtë takim është biseduar për formimin e Qeverisë dhe për ndarjen e posteve ministrore.

“Në këtë takim ndër të tjera është biseduar edhe për ndarjen e dikastereve qeveritare”, thonë burime të Gazetës Blic.Ndërkaq, zyrtarisht askush nga PAN nuk ka dashur të flas rreth këtij takimi.Në anën tjetër, ditën e mërkurë Gazeta Blic duke u thirrur në burime brenda PAN-it ka raportuar se përpos motrës së Ukë Rugovës, Teutës, PAN do ta ketë mbështetjen edhe të Aleancës Kosova e Re.

Ditën e mërkurë, pas një takimi që ka pasur lideri i AKR-së, Behgjet Pacolli me kandidatin e PAN-it për kryeministër, është arritur pajtueshmëria për koalicion.Sipas kësaj ujdie, Pacolli do të jetë ministër i Punëve të Jashtme i Kosovës.Përpos kësaj ministrie, AKR me gjasë do t’i ketë edhe dy ministri tjera, derisa edhe Nisma për Kosovën do t’i ketë tri ministri.Ndërkaq, ende nuk dihet se sa ministri do t’i ketë AAK e PDK.

1...5 8335 8345 835...9 261Page 5 834 of 9 261