Dy persona të gjinisë mashkullore janë arrestuar në Mushtisht të Suharekës, pasi të njëjtit pas një zënke verbale ishin përleshur fizikisht në mes veti, shkruan PrizrenPress.
Në raportin e Policisë thuhet se njëri nga të dyshuarit gjatë përleshjes kishte përdorur një mjet të fortë (sëpatë) me të cilën e kishte goditur në shpinë të dyshuarin tjetër.
Njëri nga të dyshuarit është dërguar në tretman mjekësor, kurse i dyshuari i dytë me urdhër të prokurorit dërgohet në mbajtje./PrizrenPress.com/
Ambasadori amerikan Greg Delawie, sot do të jetë pjesë e e edicionit të 16-të të festivalit të filmit DokuFest, i cili po mbahet në Prizren.
Gjatë vizitës së tij në Prizren për të qenë pjesë e mbrëmjes amerikane në DokuFest, ambasadori amerikan Delawie do të marrë pjesë në një sërë aktivitetesh, i cili njëkohësisht do të vizitojë shtandet turistike dhe do të jetë në një koktej kushtuar kësaj mbrëmje amerikane.
Këtë vit, fokus i festivalit është e ardhmja për të cilën organizatorët shpresojnë të jetë më e mirë dhe të rrisin optimizmin për të ardhmen përmes këtij programi.
Përpunimi i lëkurës për shekuj të tërë ishte njëra ndër zejet shumë të rëndësishme për të mbijetuar vetë shoqëria, kurse Prizreni ishte një qendër shumë e rëndësishme për shkak të zhvillimeve historike. Vendosja e sundimit osman u bë pas luftërave pushtuese, që kishin sjellë pakësimin e numrit të qyteteve. Me të vendosur sundimin e tyre, osmanët e ndryshuan fizionominë e organizimit të jetës qytetare.
Qytetet kryesore shqiptare ata i bënë qendra të ushtrisë e të administratës dhe i shndërruan në vatra të përhapjes së fesë dhe të kulturës islamike. Vlora, Elbasani, Shkodra, Prizreni, Vushtrria, Peja, Shkupi, Manastiri, Ohri, Janina e Delvina, pavarësisht nga madhësia që kishin, u caktuan si qendra sanxhakësh.
Rritja e numrit të banorëve
Pushimi i veprimeve luftarake, krijimi i qendrave ushtarake e administrative, që u shoqëruan me rritjen e kërkesës për mallra dhe me nevojën e shtimit të prodhimit, bëri të mundshme që nëpër qytete të tërhiqej një numër më i madh krahësh pune nga radhët e fshatarë- sisë, veçanërisht prej atyre që iknin nga timaret për t’i shpëtuar gjendjes së rëndë nën spahinjtë. Në fund të shek. XVI numri i banorëve të qyteteve ishte rritur. Kështu, Prizreni arriti në 557 shtëpi, Prishtina 506 shtëpi.
“Zejtaritë që morën hov të shpejtë ishin ato që lidheshin më tepër me përpunimin e produkteve bujqësore-blegtorale, siç ishin regjja e lëkurave dhe përpunimi i leshit. Derisa në shek. XVII kishte 55 lloje zejesh, në shek. XVIII këto arritën ne 80. Disa prej tyre ishin fespunues, lëkurëregjës, punues papuçesh, mëndafshpunues, përpunues lëkurësh”, thotë për “Kosova Sot”, Dr. Mejdi Elezi, duke shtuar se më të zhvilluara ishin degët e përpunimit të lëkurës, kjo zeje zinte vendin e parë. Dega e zejeve të përpunimit të lëkurës, sidomos të regjjes dhe të ngjyrosjes, përveç kërkesave të shumta të tregut të brendshëm dhe të ushtrisë, plotësonte edhe kërkesat e tregut të jashtëm.
Tabakët e Prizrenit dalloheshin për mjeshtërinë e regjjes, të përpunimit dhe sidomos të ngjyrosjes së lëkurës. Zejtarët shqiptarë punonin lëkurë të çdo lloji, me ngjyra të kuqe, të verdha, punonin meshinin e hollë të bardhë, saftjanin e butë, kajserin. Prodhimi i lëkurëve “kordovane” tërhiqte një numër tregtarësh të huaj. Lëkurëpunuesit punonin artikuj të ndryshëm, si shala, rripa, pajisje të ndryshme për popullsinë dhe ushtrinë. “Gëzoftarët punonin qyrke të bukura me lëkurë kafshësh të buta e të egra. Kështu Prizreni tanimë kishte ngritur lagjen e “Tabakhanës”, lagje e cila për shkaqe të zhvillimeve të ndryshme në vitin 2014 as që ekziston më si lagje. Tanimë në Prizren ka mbetur vetëm emri i kësaj lagje”, thotë mr. Samir Hoxha.
Epoka e lavdisë
“Përpunimi i lëkurës si për veshje dhe mbathje ishte trashëgimi e pasur e Prizrenit”, shton Hoxha dhe thotë se përpunimin e lëkurës e bënin edhe këpucëtarët e vjetër që për nevoja të dikurshme prodhonin opinga, qystele,këpucë për fëmijë dhe mbathje të kohës. Këpucëtarët e mëvonshëm vinin kryesisht nga familjet që dikur ishin familje saraçësh. I pari i saraçëve në Prizren thuhet se ka ardhur nga Budapesti, ku ai ishte një usta që në mbretërinë e hershme kishte mësuar të bëjë regjjen e lëkurës më pastaj ta transferojë atë në punim çizmesh ushtarake. Derisa ishte ndalur në Prizren, ngase regjjen e lëkurës e bënin që në kohët e lashta.
Për këtë fakt, edhe sot e kësaj dite lagjja ku ata punonin quhej “Tabakhane”. Nga mesi i shekullit XVIII, krijuesi më i njohur i Prizrenit ka qenë usta Riza Begu,deri në vitin 1818 thuhet se familja Bojniku këtë zeje e ka ushtruar në Bojnik të Leskovcit, pastaj e trashëguan bijtë Zejnullahu e Emërllahu, kurse po atë vit ka ardhur familja Hashimi nga Lebani i Leskovcit për ta përcjellë këtë traditë të usta Riza Begut. Zejen thuhet se e kanë mësuar shumë ustallarë të tjerë, siç ishin Abdulla Osmani,Qamil Shaqiri,Hamdi Bytyqi, pastaj vijnë djemtë e Muhamedit,Selim Dorambari,Isa Ahmeti,Zeqo Baruti,Raif Ajgeri,Ali Gashi,deri tek familja e Halit Spahiut,Ismajl Qemjalit, Rifat Memishit, duke ardhur tek familja e Ajrullah Tabakut,Hazër Alltiparmakut,Sefedin Laçit pastaj Ramiz Potori e kështu me radhë.
“Tani, në Prizren pothuajse nuk ka më lëkurëpunues, sepse tashmë kanë mbetur vetëm edhe dy- tre familjarë që në shtëpi e përpunojnë lëkurën në mënyrë klasike për tupanë e lodra, por ata tashmë nuk janë të shumtë”, thotë Arsim Berisha, historian, duke shtuar se lëkurëpunuesit e Prizrenit tanimë kanë shënuar pjesën e lavdishme të epokës së tyre dhe në arkiva të Dubrovnikut, Vjenës, Stambollit, gjenden emra të familjeve të Prizrenit që ishin të njohura në kohën e tyre.
(Kosova Sot)
Janë duke u bërë përgatitjet përfundimtare për fillimin e vitit të ri shkollor më 1 shtator në të gjitha shkollat e arsimit parauniversitar në Kosovë.
Zyrtarë të Ministrisë së Arsimit thanë se tashmë është gati edhe kurrikula e re për klasën e parë, të gjashtë dhe të dhjetë, me të cilën do të fillohet në të gjitha shkollat e Kosovës.
Edhe zyrtarët komunalë të arsimit në Prishtinë kanë konfirmuar se gjithçka është gati që mësimi të filloj me kohë.
Janë duke u bërë përgatitjet përfundimtare në planprograme si dhe hapësira objektive në mënyrë që mësimi për vitin shkollor 2017/18 të filloj më 1 shtator.
Drejtori i Departamentit parauniversitar në Ministrinë e Arsimit, Mustafë Kadriu, ka thënë se kurrikula e re e arsimit parauniversitar e cila është pilotuar dy vitet e kaluara, sivjet do të zbatohet në mbarë vendin.
Kadriu ka shtuar se edhe tekstet mësimore që do të jepen falas janë gati, vetëm se sivjet tekstet e reja do të shpërndahen vetëm për nxënësit e klasave 1 deri në të 5-ës, kurse për nxënësit e klasave 6 deri në të 9-ën do të barten nga gjenerata në gjeneratë.
“Ka nëpër stoqe që mund të shfrytëzohen tekste të cilat eventualisht që mund të mbetet pa ndonjë tekst mund të shfrytëzohet edhe prej stoqeve që janë mbet prej viteve paraprake, nxënësit nuk kanë nevojë me ble tekste”, tha Kadriu.
Por, Kadriu është shprehur se librat e gjuhës angleze mund të vonohen për 2-3 javë pasi që ato nuk botohen në Kosovë dhe duhet të vijnë nga jashtë vendit.
Se gjithçka është gati që mësimi të filloj sipas kalendarit mësimor, ka konfirmuar edhe drejtoresha në dorëheqje e Arsimit në Prishtinë, Arbërie Nagavci.
“Në shumicën e shkollave është dërguar inventari, është plotësuar aty ku ka pas nevojë, banka karrige e kështu me radhë, janë duke vazhduar punimet në gëlqerosje të shkollave dhe të çerdheve, pastaj po punohet në përmirësimin e infrastrukturës në përgjithësi, shembull kryesisht në nyjet sanitare dhe tualete, pastaj është në proces rregullimi i oborreve e kështu me radhë”, tha Nagavci.
Në shkollimin e mesëm të ulët në Kosovë mësimin e vijojnë mbi 250 mijë nxënës, prej tyre rreth 27 mijë në klasën e parë.
Ish-kryetari i Kuvendit, Jakup Krasniqi, ka thënë se hapi i parë për zhbllokimin e Parlamentit është votimi i kryeparlamentarit, pastaj votimi i Qeverisë.
Ai ka thënë se të gjithë janë fajtorë për bllokadën e re. Sidoqoftë, zyrtari i Nismës për Kosovën ka thënë se nëse PAN dështon herën e parë të formojë Qeverinë, atëherë, herën e dytë, Qeverinë e formon ai që ka 61 vota.
“Në rrethanat e krijuara, kur të gjithë janë për zhbllokim (deklarativisht), e të gjithë i kanë kontribuar bllokimit, nuk është lehtë të jepet mendim racional”, thotë ai. “Pa u zgjedhur kryetari i Kuvendit procedurat tjetra nuk ecin”. /Indeksonline/
Personi që botoi letrën e Ismail Kadaresë drejtuar Enver Hoxhës dhe që ngjalli debat në media, Ilir Demalia, shkruan në profilin e tij në Facebook se letra nuk kishte të bënte me mbrojtjen e motrës së shkrimtarit.
Për Ilir Demalinë – i njohur si “lideri” i njerëzve që hynë në ambasada në vitin 1990 – çështja e motrës së Kadaresë ishte mbyllur, ndërsa letra është shkruar më vonë kur Kadare kërkonte të dilte jashtë vendit. Sipas tij, Kadare i kujtonte regjimit të gjithë besnikërinë e tij, duke përmendur edhe motrën që ia kishte mbyllur derën.
Postimin e tij mund ta lexoni të plotë më poshtë:
“Pse e botova letrën e Kadaresë drejtuar Enver Hoxhës!
Letra drejtuar Enver Hoxhës nuk ka lidhje me mbrojtjen e së motrës.
Sëpari, për t’ju pergjigjur pyetjeve se nga e kam marrë këtë letër, apo “konspiracioneve” të Ismail Kadaresë, se këto letra duket sikur kanë dalë nga kasaforta e Enver Hoxhës apo Nexhmie Hoxhës dhe Sigurimit të Shtetit, po ju përgjigjem: kjo letër është marrë nga Arkiva Shtetit si dokument i deklasifikuar dhe nuk përbën asnjë sekret. I vetmi “sekret” është se studies, historianë, apo më saktë, rrëmues-rrënues arkivash, si dhe gazetarë dhe pseudointelektualë me kulturën e manipuluesit dhe jo të studiuesit e të kërkuesit të së vërtetës i përdorin arkivat në mënyrë të njëanshme, për t’i shërbyer njerëzve të regjimit politik, kulturor të dje-sotmes, ndër të cilët kampioni është Ismail Kadareja.
Këtë letër dhe të tjera, kisha kohë që i disponoja. I kanë dhe të tjerë, dhe sigurisht i kanë parë edhe manipuluesit të biografisë së Kadaresë kur kanë rrëmuar në arkiva për “Kadarenë e denoncuar”.
Mendova që ta nxjerr këtë letër jo pse nuk e kuptoj kontekstin se si e kur është shkruar por mbi të gjitha si reagim ndaj kësaj kulture të së dje-sotmes, duke qenë se Ismail Kadare, prej vitesh nuk bën gjë tjetër, por në mënyrë të përherëshme dhe të vazhdueshme, tjetërson duke manipuluar mardhëniet e tij me regjimin komunist, si njeriu që ka mbajtur mbi kurriz “Peshën e kryqit” ne diktaturë, dhe sëfundi, në intervistën e “De Welt”, na tregon edhe se si rregjimi Hoxhës i kishte pregatitur arkivolin.
E botova edhe si reagim ndaj gjithë atyre pseudointelektualëve të djeshëm dhe të sotëm që në vend se të thonë të vërtetën heshtin apo e mbështesin këtë manipulim si duket nga komplekset e të kaluarës së tyre. Sepse jam i bindur që janë të shumtë ata që e dinë se si kanë qenë realisht mardhëniet e Ismail Kadaresë me regjimin dhe vëtë diktatorin Hoxha. Atë e tregojnë jo vetëm këto letra që kam botuar unë, por e tregon vepra e tij, publicistika e tij dhe qëndrimet e tij gjatë regjimit komunist.
Unë qendrimet e mija ndaj Kadaresë, nuk i kam shprehur sot, por që që në gushtin e 1990, publikisht në intervistën e “Zërit Amerikës” kamë thënë: Ismail Kadare nuk mund të jetë një Havel për Shqipërinë se ai ka thurur himne për partinë dhe Enver Hoxhën.
Kam shkruar vazhdimisht, se kujt i shërbeu ai me talentin e tij, për mardhëniet e tij me pushtetin si dje dhe sot, për rolin e tij si intelktual dhe shfryzimin që i bën dhe i ka bërë ai pushteteve në shërbim të së keqes.
Zhgënjyes ishte për mua qëndrimi i shumicës së njerëve të medias pas botimit të letrës (në ndryshim nga njerëzit e thjeshtë që e komentuan atë në rrjete sociale) për të kuptuar më mire gjithë situatën dhe manipulimin. Kadare lëshoi menjëherë ushtrinë e sahanlëpirësve të tij dhe të regjimit duke rimanipuluar letrën dhe qëndrimet e tij. Në vend që të hapej nje debat (që duhet të ishte hapur me kohë), jo vetëm për qëndrimet politike dhe mardhëniet me pushtetin dje dhe sot të shkrimtarit, por edhe për veprën e tij letrare, media mundohet të na e tregojë këtë letër dhe gjithë mardhënien e tij me shtetin diktatorial të Enver Hoxhës si një mardhënie ku shkrimtari ka qenë gjatë gjithë kohës me gijotinën mbi kokë.
Letra drejtuar Enver Hoxhës nuk ka lidhje me mbrojtjen e së motrës. Dosja e së motrës ishte mbyllur ne vitin 1978 me një këshillim dhe, po në këtë vit është thirrur Kadare në Komitetin e Partisë së Tiranës nga Xhelil Gjoni për ti treguar rreth së motrës. Letra drejtuar Enver Hoxhës shkruhet në prill të 1980 nga shkrimtari Ismail Kadare. Pasi Kadare i kishte drejtuar letër qeverisë siç del edhe nga letra e Manush Myftiut dërgur Ramiz Alisë, shkrimtari Ismail Kadare i drejtohet Enver Hoxhës për të zgjidhur problemin e daljes jashtë shtetit siç dhe u zgjidh me urdhër të Enver Hoxhës. Për këtë i kujton edhe një herë shërbimet e mëdha që i ka bërë partisë, veçanërisht diktatorit me lartësimin e figurës së tij dhe për të treguar se sa besnik është i thotë se i ka mbyllur derën të motrës dhe i ka thënë të gjithë fisit të veprojë kështu. Kjo tregon vërtet kohën e tmerrshme që kemi jetuar, por edhe se çfarë intelektualësh kemi pasur, që e hyjnizuan këtë regjim, sepse regjimi nuk ishte vetëm Enver Hoxha.
E pamoralëshme, turpëshme për këtë media dhe për këtë varfërim intelektual për raportin me të vërtetën që pamë në këtë rast si shumë herë të tjera.
Nuk ka si të ndodhë ndryshe kur në vëndin tim në vëndin tënd, është pikërisht kjo media që i shërben bandave politike si shpërblim financiar nëpërmjet krimit ekonomik të pushtetarëve. Është pikërisht kjo media që po shërben të keqes nëpërmjet manipulimit duke paraqitur të keqen, vjedhjen, abuzimin me pushtetin, krimin vulgaritetin kulturor, letrar si model suksesi.
Letra Manush Myftiut për çështjen Ismail Kadare për filmin “Gjenerali ushtrisë së vdekur” qe do xhirohej ne Francë që te kuptohet më e qarte e gjithë mardhënia e Kadarese me shtetin diktatorial dhe vete diktatorin.
Bashkangjitur Relacioni që Isamil Kadare i dërgon Komitetit Qëndror lidhur me botimin e librit “Dimri madh” në Jugosllavi më 21.3. 1980
Relacion
Lidhur me botimin e romanit “Dimri madh” ne Jugosllavi.
Më 17 mars 1980 studjuesi Kosovar Hasan Mekuli kërkoi një takim me mua për të më parashtruar një kërkesë të Shtëpisë botuesë jugosllave “Prosvjet” të Beogradit, e cila ka ndërmend të botojë të përkthyer në serbokroatisht romanin “Dimri madh”.
Qëllimi i takimit të Hasan Mekulit me mua, ishte që të merrte vesh në se unë si autor do të isha dakort që tekstit të ramanit t’i bëhej ndonjë shkurtim prej Shtëpisë botuese “Prosvjet”. Para ca kohe Shtëpia botuese franceze “Fayard” më njoftoi se ishte në traktativë me jugosllavët për botimin e “Dimrit te madh” në serbisht. Me sa duket, përpara se të vendosë përfundimisht për të bërë një kontratë, Shtëpia botuese jugosllave kërkon të dijë nëse autori do të lejojë të bëhet ndonjë heqje në tekst. Shtëpia botuese “Fayard”, në bazë të marrveshjes me autorin, nuk lejon të bëhet asnjë shkurtim dhe prandaj botuesit jugosllavë kanë vënë si ndërmjetës Hasan Mekulin, për të nxjerrë lejen e shkurtimit direkt nga autori.
Kërkova nga Hasan Mekuli të informohem se për çfarë shkurtimimesh bëhet fjalë, dhe ai tha se është fjala vetëm për disa pasazhe që kanë lidhje me Jugosllavinë. I thashë paraprakisht duke ruajtur rezervën që përgjigjen e saktë t’ia jap më vonë, se mund të diskutonim po t’ishte fjala për pasazhe apo fragmente fare të shkurtër, të cilat do ti tregohen konkretisht autorit.
Hasan Mekuli tha pastaj se pas botimit në serbokroatisht, bëhej i mundur dhe botimi i romanit “Dimri i madh” në Kosovë.
Mendimi im si autor është që nëqoftëse shkurtimet janë të tillë që s’prekin asgjë ne thelbin e romanit (pasazhet pë Jugosllavinë nuk zënë më shumë se 3 ose 3 faqe), ato të pranohen.
Sidoqoftë për përgjigjen përfundimtare [res mendimintuaj.
Tiranë, më 17 mars 1980
Ismail Kadare” (sic.), ka shkruar Demalia. /Telegrafi/
Një veturë ka rënë në humnerë në fshatin Glloboqicë të Dragashit.
Policia e Kosovës njofton se vozitësi ka pësuar lëndime trupore.
“Vozitësi me veturën e tij me targa të Malit te Zi, derisa ka qenë në lëvizje ka humbur kontrollin dhe ka rënë në një humnerë”.
“Ai, ka pësuar lëndime dhe është dërguar për tretman mjekësor”.
Njësia përkatëse policor është duke hetuar rastin./PrizrenPress,com/
Një motoçiklist është aksidentuar në fshatin Kushnin të Hasit.
Aksidenti ka ndodhur gjata ngjitjes me motoçikletë ne Kodrinat e Pashtrikut
Policia e Kosovës njofton se viktimës i është dhënë ndihma e parë në Spitalin e Gjakovës, ndërsa më pas është dërguar në QKUK në Prishtinë./PrizrenPress.com/
Qytetarët e Kosovës si duket se kanë kuptuar ende moton “Festo me zemër, jo me armë”. Kjo moto ka disa vjet që është lansuar nga Policia e Kosovës në çdo verë, stinë kjo kur bëhen dasmat.
Por të shtënat nëpër festa dhe ahengje veç sa shtohen çdo vit, madje ndonjëherë duke marrë edhe jetë njerëzish.
Këtë vit fatmirësisht nuk ka pasur ndonjë rast me fatalitet nga të shtënat nëpër dasma ndonëse në një fshat të Suharekës është shënuar një rast i tillë.
Nga plumbat e armëve që u shkrepën nga gëzimi, pësuan me lëndime të lehta tri gra të shtëpisë.
Në Policinë e Kosovës janë raportuar vetëm dhjetë raste të gjuajtjeve me armë zjarri, dhe numri i personave të lënduar gjatë këtyre incidenteve është gjithsej nëntë.
Sipas zëdhënësit të Policisë së Kosovës, Daut Hoxha në muajt qershor dhe korrik të këtij viti janë raportuar 10 raste e që nënkupton në rënie të rasteve të gjuajtjeve me armë zjarri në dasma dhe ahengje.
Nga këto dhjetë raste të regjistruara janë lënduar nëntë persona, ndërsa në këto operacione janë arrestuar 14 persona dhe janë konfiskuar 58 municione dhe 17 armë të llojeve të ndryshme.
Dukuria e gjuajtjeve me armë zjarri nëpër ahengje familjare është prezente pothuajse në të gjithë rajonet e Kosovës, mirëpo sipas zëdhënësit të Policisë së Kosovës, Daut Hoxha , në rajonin e Prishtinës janë raportuar rastet më të shpeshta për shtënie me armë.
Arsyen e gjuajtjes me armë në momente gëzimi e shpjegon sociologu Ferdi Kamberi.
Ai në një përgjigje elektronike për KosovaPress tha se afektin dhe traditën i sheh si faktorë të cilët i shtyjnë njerëzit që të gjuajnë me armë gjatë ahengjeve të ndryshme familjare. Sipas tij si pasojë e këtyre tradive një gëzim familjar lehtë mund të shndërrohet në një tragjedi familjare.
Ndryshe Policia e Kosovës me qëllim të reduktimit të përdorimit të armëve të zjarrit ka apeluar tek të gjithë qytetarët e Kosovës që qytetarët që t’iu iu shmangen përdorimit të kundërligjshëm të armëve të zjarrit për arsye se armët paraqesin rrezik potencial.
Policia po ashtu njfton se të gjithë ata të cilët në mënyrë të kundërligjshme përdorin armët apo bartin ato në mënyrë të paligjshme, pa autorizim, ndaj tyre do të ndermirën të gjitha masat e nevojshme ligjore për kompletim dhe procedim të këtyre rasteve tek organet kompetente të drejtësisë.
Temperaturat e larta që po mbretërojnë këto ditë kanë bërë që të bien shumë zjarre gjithandej vendit.Një zjarr ka shpërthyer mbi kodrinat e Krushës së Madhe në Rahovec, duke rrezikuar dhe vreshtat.
Lajmin e ka bërë të ditur kryetari i Degës së AAK-së në Rahovec, Smajl Latifi,“Tashmë një sipërfaqe e madhe është djegur, madje edhe një rend me vreshta. Flakët janë duke u përhapur dhe ka rrezik t’ju afrohen edhe shtëpive”, alarmon Latifi.
Ai i ka bërë thirrje zyrtarëve komunalë dhe ekipeve të zjarrfikësve që të marrin masa dhe të vijnë sa më shpejtë në këtë vend.“Ndryshe, vapa e madhe e përcjellë me një erë të lehtë përbën rrezik nga flakët që e kanë përfshirë malin përreth”.
Vatra zjarri kanë shpërthyer dhe në Vushtrri, Mitrovicë, Podujevë etj.
