Gjykata Themelore e Prizrenit e ka aprovuar kërkesën e Prokurorisë Themelore të Prizrenit, duke i caktuar masën e paraburgimit prej një muaj të pandehurit H.K nga fshati Vërmicë, Komuna e Prizrenit.

I pandehuri dyshohet për shkelje të Kodit Penal. Me datën 01.08.201, rreth orës 17:45 minuta në rrugën “ Tahir Sinani ” në drejtim të rrugës “ Viliam Voker ”, duke mos iu përmbajtur dispozitave të komunikacionit në rrugë, shkel Ligjin për rregullat e trafikut rrugor. Ai duke e drejtuar automjetin e tij. fillon kthimin majtas për të hyrë në qendrën tregtare ” ETC ”, kalon në shiritin e kundërt të rrugës. Gjatë lëvizjes me anën e djathtë të veturës së tij godet motoçikletën e markës ” Honda ” të cilën e drejtonte i dëmtuari me iniciale N.B, me të cilat veprime i pandehuri shkakton aksident në trafik. I dëmtuari merr lëndime të rënda trupore me rrezik për jetën. I njëjti transferohet në QKUK në Prishtinë, po ashtu lëndime trupore pëson edhe pasagjerja e të pandehurit.

Gjykata ka ardhur në përfundim se janë plotësuar të gjitha kushtet ligjore të parapara në nenin 187 par.1 nën par.1.1 të KPRK-së, për caktimin e masës së paraburgimit.

Me këto veprime i pandehurit me iniciale H.K. dyshohet se ka kryer veprën penale, rrezikim i trafikut publik nga neni 378 par.8 lidhur me par.6 të KPRK-së./PrizrenPress.com/

Sot është mbajtur seanca e kolegjit gjyqësor për shqyrtimin e ankesave në rastin e Zejnepe Berishës, cila u vra nga bashkëshorti i saj më 23 tetor 2015.

Burri i saj, Nehbi Berisha u dënua me 12 vjet burg për vrasje të rëndë.

Avokatja e familjes së Zejnepe Berishës, Fehmije Berisha-Bytyqi, ka kërkuar që Nehbi Berishës, t’i rritet dënimi, njofton Klan Kosova.

“Me Kodin e Ri Penal, kjo vetëm mund të dënohet edhe me burg për përjetshëm”, ka thënë ajo.

Këtë avokate e ka angazhuar Rrjeti i Grave, të cilat ishin prezente para Gjykatës duke protestuar dhe kërkuar që kërkesa e avokates për rritje të dënimit të aprovohet.

Ndërsa avokati i palës së akuzuar, Esat Gutaj, tha se “e ndjera bashkëshortja Zejnepja e ka tradhtuar bashkëshortin e saj me një zyrtar policor”.

“Duhet të shqyrtohet motive i vrasjes”, ka thënë ai, njofton Klan Kosova.

Përveç kësaj, avokati tha se klienti i tij është i sëmurë psikik dhe se ai duhet të trajtohet më ndonjë spital psikiatrik dhe jo në burg.

Një i dyshuar duke lëvizur me kamion me targa lokale nga pakujdesia dhe mospërshtatja e shpejtësisë së lëvizjes me kushtet e rrugës ka goditur murin e një shtëpie dhe ka rënë disa metra poshtë.

Ngjarja ka ndodhur në fshatin Mushtisht, transmeton kp.

Në aksident, drejtuesi dhe një pasagjer anë pësuar lëndime të rënda trupore të cilët janë dërguar për tretman mjekësor në QKUK-Prishtinë, ndërsa pasagjeri i tretë pëson lëndime të lehta.

Erhan Rexhepi, i cili së bashku me Gjelbrim Arifajn akuzohen për blerje, posedim, transport dhe shitje të narkotikëve, të enjten, ka pranuar fajësinë për veprën penale sipas aktakuzës së prokurorisë. Ndërsa, i akuzuari tjetër  Gjelbrim Arifaj nuk e ka pranuar fajësinë.

Mbrojtësi i të akuzuarit Erhan Rexhepi, avokati Ruzhdi Berisha, ka thënë se i mbrojturi i tij që nga faza hetuese ka pranuar fajësinë dhe ka tentuar që të hyjë në marrëveshje për pranimin e fajësinë, por një gjë e tillë nuk është arritur. Andaj, ka kërkuar që fajësia e tij të pranohet pasi që është bërë me vullnet të tij, me qëllim që kjo t’i merret si rrethanë lehtësuese me rastin e caktimit të llojit dhe lartësisë së dënimit.

Prokurorja e rastit, Ervehe Gashi, ka deklaruar se nuk e kundërshton pranimin e fajësisë pasi që është bërë konform normave ligjore që parasheh Kodi i Procedurës Penale, e të cilat të drejta i takojnë të akuzuarit.

Trupi gjykues, i kryesuar nga gjyqtari Artan Sejrani, ka vendosur që të aprovojë pranimin e fajësinë nga i akuzuari pasi që nuk ka pengesa ligjore që do ta pamundësonin pranimin e tillë të fajësisë.

Para se i akuzuari të pranonte fajësinë, para trupit gjykues, ka deklaruar se nuk e njeh fare të akuzuarin tjetër Gjelbrim Arifaj dhe se kontakt kishte pasur me një numër që ia ka dhënë një person nga Shqipëria me emrin Selim. Ai ka shtuar se vetëm ka biseduar me atë personin rreth vendit ku ka pasur ta marrë narkotikun dhe ku është dashur ta dërgojë, por se nuk e ka parë asnjëherë dhe nuk e ka pyetur për emrin e tij.

Ndërsa, i akuzuari tjetër, Gjelbrim Arifaj, në mbrojtjen e tij, ka deklaruar se në ditën kritike, në mëngjes, ka hapur lokalin familjar dhe më pas ka shkuar të punojë si roje mali, pas punës është kthyer në shtëpi dhe nuk ka dalë më. Ai ka thënë që atë ditë nuk e ka pasur telefonin me vete, por e ka lënë në lokal. Sipas tij, telefonin shpesh e përdorin klientët dhe se kanë klientë edhe nga Shqipëria. Andaj ka mohuar që ai të ketë biseduar me të akuzuarin tjetër, siç pretendon prokuroria.

Prokurorja Gashi, në fjalën përfundimtare, ka thënë se me administrimin e të gjitha provave nga shkresat e lëndës është vërtetuar në tërësi përshkrimi faktik nga diapozitivi i aktakuzës në fjalë, pasi që edhe vetë i akuzuari Erhan Rexhepi ka pranuar fajësinë.

Gashi tutje ka shtuar se edhe ndaj të akuzuarit Gjelbrim Arifaj ekzistojnë prova të fuqishme që bëjnë lidhjen e tij me të akuzuarin tjetër me anë të transkipteve të bisedave të tyre përmes telefonit më 12 dhe 13 dhjetor 2016. Andaj ka kërkuar që të akuzuarit të shpallen fajtorë dhe të dënohen sipas ligjit.

Mbrojtësi i të akuzuarit Erhan Rexhepi, avokati Ruzhdi Berisha, ka thënë se pasi që i mbrojturi i tij ka pranuar fajësinë që nga inicimi i kësaj procedure penale duhet të merret si rrethanë lehtësuese ndaj tij. Berisha ka shtuar se i akuzuari Rexhepi vetëm e ka bërë transportimin e narkotikut nga fshati Zhur deri në Prishtinë, për një pagesë prej 800 euro. Ka propozuar që gjykata me rastin e vendosjes rreth dënimit të ketë parasysh moshën relativisht të re të tij, gjendjen ekonomike tejet të dobët e që edhe e ka shtyrë të hyjë në këtë problem.

I akuzuari Erhan Rexhepi ka shprehur pendim për veprimet e bëra dhe ka premtuar se në të ardhmen më nuk do të bëjë veprime të jashtëligjshme.

Mbrojtësi i të akuzuarit, Gjelbrim Arifaj, avokati Hazër Susuri, në fjalën përfundimtare ka thënë se sa i përket të mbrojturit të tij, aktakuza juridikisht dhe faktikisht nuk mund të qëndrojë. Aktakuza nuk bazohet në fakte por në supozime dhe se gjatë shqyrtimit gjyqësor nuk është arritur të dëshmohet se i mbrojturi i tij të ketë kryer veprimet kriminale me të cilat ngarkohet.

Kryetari trupit gjykues, Artan Sejrani, ka mbyllur këtë gjykim dhe shpalljen e aktgjykimit e ka caktuar për 4 gusht 2017, në ora 14:30.

Ndryshe, Prokuroria Themelore në Prizren i akuzon Erhan Rexhepin dhe Gjelbrim Arifajn se në bashkëpunim me një person nga Vlora, me emrin Selim, kanë transportuar substancë narkotike nga Shqipëria për në Kosovë. Sipas aktakuzës, i akuzuari Gjelbrim Fanaj e ka sjellë substancën narkotike në sasi prej 30 kg deri në fshatin Zhur, ndërsa i akuzuari tjetër Erhan Rexhepi e ka marrë nga fshati Zhur dhe është nisur për në lagjen “Bregu i Diellit” në Prishtinë.

Mirëpo, i akuzuari Rexhepi gjatë rrugës për në Prishtinë është ndaluar nga policia e trafikut dhe në bagazh i është gjetur narkotiku i llojit marihuanë, në sasi prej 30 kg./betimiperdrejtesi/

Anëtari i Kryesisë se Nismës për Kosovën, Fehmi Hysenaj ka thënë se nëse kreu i PDK-së, Kadri Veseli tërhiqet nga posti i kryeparlamentari, athërë PAN-i do të duhej të propozonte Fatmir Limajn për kryetar të Kuvendit.

Limaj, sipas tij, do të merrte mbështetje edhe nga deputetë jashtë PAN-it, transmeton ‘Indeksonline’.

Postimi i plotë i Hysenajt:

“Nëse Kadri Veseli tërhiqet nga posti i kryeparlamentarit besoj se PAN do t’i shtonte vlerën vetes nëse e propozon njeriun me më së shumti kredibilitet z.Fatmir Limaj i cili do të marrte mbështetje edhe nga deputetë jasht PAN-it”.

Oficerët doganor kanë bastisur një lokal në regjionin e Prizrenit që operonte me lojëra fati ilegal, ku kanë konfiskuar pajisje me vlerë rreth 6000 euro.

Në këtë lokal janë gjetur dhe konfiskuar pajisje të lojërave të fatit të pa-licencuara si: tri aparate për lojëra fati të llojit Kajot, tri televizorë, Lucky SIX-ELBET, lojëra fati 1 copë,  DVR 1 copë, Monitor si dhe printer, transmeton Klan Kosova.

Haxhi Avdyli, deputet i koalicionit LAA, përmes një selfie të bërë para bustit të presidentit të ndjerë, Ibrahim Rugova ka thënë se sot janë skuqur sot i ka skuqur nga turpi.

Me gjasë, këtë postim, Avdyli ia ka “dedikuar” deputetës së këtij koalicioni, Teuta Rugova.

“Një dorë e ngritur sot në Kuvend, na bëri të skuqemi nga turpi”, ka shkruar Avdyli në Facebook.

Teuta Rugova sot ishte deputetja e vetme shqiptare jashtë koalicionit PAN që votoi pro shtyrjes së seancës.

Ndryshe, ajo ka qenë ndër emrat më të përfolur se mund të votojë pro koalicionit PAN për kryetar të Kuvendit dhe pro qeverisë Haradinaj. /Telegrafi/