Sot, kryetari i Komunës së Rahovecit, Idriz Vehapi, ka pritur në takim një delegacion të EPA-s Amerikane në përbërje prej: Jose Zambrana, Lan Alexis, Cairns Maryann, Clayton Cox . Në takim u diskutua për projektin “Zhvillimi i qëndrueshëm i Komunës së Rahovecit si një nga Komunat buzë pellgut të lumit Drin”.

Jose Zambrana, zyrtar nga delegacioni i EPA-s, tha se “jam këtu me ekipin nga SHBA-të dhe para 25 viteve është themeluar Qendra për Mbrojtje të Ambientit. Gjatë këtyre viteve EPA, ka qenë partner kryesor për mbrojtjen e ambientit, ne si delegacion jemi nga pjesa shkencore e agjencionit për hulumtime ne resurse”.

“Ne kemi punuar me qendrën rajonale për zhvillim të qëndrueshëm në Kosovë , dhe për këtë ne kemi ofruar shkencën tone, por gjithashtu, ne jemi këtu që të mësojmë të angazhohemi në këtë drejtim”, tha Zambrana.

Kryetari Vehapi i falënderoi anëtarët e delegacionit të EPA-s, për vizitën dhe për përzgjedhjen e Komunës së Rahovecit për projektin “Zhvillimi i qëndrueshëm i Komunës së Rahovecit si një nga Komunat buzë pellgut të lumit Drin”. Ai i njoftoi edhe për gjendjen e mjedisit në Komunën e Rahovecit, duke thënë se gjendja mjedisore në Komunën e Rahovecit, nuk bënë përjashtim prej asaj që është në përgjithësi në Kosovë.

“Kemi ligje për mjedisin, strategji por buxheti i cili duhet të ndahet prej Qeverisë për çështjen mjedisore edhe ma tutje nuk është në plan të parë, por që besoj që shumë shpejtë edhe kjo do të jetë në agjendë e institucioneve qendrore”, tha Vehapi

“Ende na përcjellin probleme me menaxhim të mbeturinave në përgjithësi, por sidomos të mbeturinave inerte të cilat janë mbet edhe më tej pa ndonjë veprim konkret që do të zgjidhnin këtë problem. Përveç mbeturinave të ngurta kemi probleme edhe me ujëra të zeza, për trajtimin e ujërave të zeza Komuna ka përgatit një projekt për trajtimin e tyre, por që zbatimi i tij kap kosto të madhe. Për zbatimin e projektit, jemi duke kërkuar donator që të mundësohet realizimi i këtij projekti të rëndësishëm për banorët e Komunës së Rahovecit”, tha ai.

Pas takimit me kryetarit në zyrën e tij, delegacioni i EPA-s, patën takim me të gjithë drejtorët e drejtorive komunale dhe morën informacione e duhura për secilin sektor nga drejtori përkatës.

Delegacioni i EPA-s Amerikane vizitën e tyre në Komunën e Rahovecit, do të vazhdojnë edhe me datën 8 tetor me vizitat në teren, ku janë planifikuar të vizitën shumë vende që konsiderohen si pika kritike ku ndodhin vërshimet, vendet me tokat që përmbyten shpesh dhe që kanë nevojë për sisteme të kullimit erozionet e tokave, erozioni i shtratit të lumit Drin, vendet me mbeturina .

Në kuadër të vizitës informatat që do të merren nga kjo vizitë do të trajtohen në Ohër të Maqedonisë (10 deri 14 tetor), në një punëtori me përfaqësues nga të gjitha Komunat Kosovës dhe të Shqipërisë të cila janë pjesë e këtij projekti. /PrizrenPress.com/

Lëvizja Vetëvendosje ka njoftuar se sot policia ka arrestuar aktivistin e saj, Naser Shatri, në kufirin mes Kosovës dhe Shqipërisë, i cili kishte kryer aksionin për rrëzimin e xhipave të EULEX-it në vitin 2009.

“Në kufirin mes Shqipërisë dhe Kosovës, në orët e paradites së sotme, Policia e klanit “Pronto” ka arrestuar aktivistin e Lëvizjes VETËVENDOSJE!, Naser Shatrin”, thuhet në njoftimin e VV-së.

“Aktivisti Shatri, njëkohësisht ish – ushtar i UÇK-së, është arrestuar në lidhje me aksionin protestues të rrotullimit të xhipave të EULEX-it, në vitin 2009, me të cilin Lëvizja VETËVENDOSJE! paralajmëronte se ky mision ndërkombëtar nuk do të sillte drejtësi. Një gjë e cila u vërtetua më përfshirjen e zyrtarëve të këtij misioni në korrupsion, për luftimin e të cilit edhe thirren”.

“Klani “Pronto” në vazhdimësi është duke e përdorur Policinë si mjet për ta luftuar opozitën, teksa aferat e këtij klani sa vijnë e shtohen. Kërkojmë lirimin e menjëhershëm të aktivistit Naser Shatri dhe kërkojmë që të pushojnë përndjekjet ndaj aktivistëve tanë. Ashtu siç u dëshuma se misioni i EULEX-it është i padrejtë e i korruptuar, po aq e qartë është nevoja për largimin e klanit “Pronto” nga pushteti, këtij organizimi kriminal që po e shkatërron vendin”.

“Përpjekja jonë për çlirimin e institucioneve, vendosjen e drejtësisë dhe Republikën e së drejtës nuk do të ndalet asnjëherë. Lufta jonë për drejtësi do të vazhdojë. Çlirimi i Kosovës nga klani “Pronto” do të ndodhë”. /PrizrenPress.com/

Komuna e Rahovecit ka filluar procesin e vaksinimit kundër gripit sezonal për të gjithë personat e moshuar, pacientet me sëmundje kronike dhe ata me probleme tjera shëndetësore. Ky proces i vaksinimit, është duke u bërë nëpër të gjitha qendrat e mjekësisë familjare në Komunën e Rahovecit.

Shërbimi i vaksinimit në Komunën e Rahovecit për këtë vit është furnizuar me 1350 doza vaksina, ndërsa i gjithë procesi pritet të përfundojë brenda muajit dhjetor.

Zyrtarët e DShMS-së në Komunën e Rahovecit kanë thënë se kërkesa për furnizim ka qenë për 2 000 vaksina , ndërsa kanë arritur të sigurohen 1350 vaksina. Furnizimi me kontingjentin tjetër të vaksinave, do të bëhet pas shpenzimit të sasisë e cila momentalisht është në dispozicion.

Vaksinat kundër gripit sezonal, merren pa pagesë në të gjitha qendrat e mjekësisë familjare (QKMF, QMF, AMF) në Komunën e Rahovecit. /PrizrenPress.com/

Sot në Prizren, 100 anëtarë të rinj do t’i bashkohen NISMA për Kosovën.

Ata do të mirëpriten nga kryetari i NISMA-s, Fatmir  Limaj,  kryetari i Këshillit Kombëtar, Jakup Krasniqi dhe kryetari i degës së NISMA-s në Prizren, Zafir Berisha.

Librezat shpërndahen në ora 19:00, në Shtëpinë e Kulturës “Xhemajli Berisha” në Prizren./PrizrenPress.com/