Për dy ditë me radhë, në Malishevë, organizuar nga Komuna e Malishevës, në bashkëpunim me Agjencionin për Menaxhimin e Emergjencave (AME), UNDP dhe Bedrin, është mbajtur ushtrimi fushor “Mirusha2017”.

Në këtë ushtrim ishin të kyçura të gjitha institucionet përgjegjëse lokale dhe AME, si dhe organizatat joqeveritare, pastaj kompanitë për menaxhimin e ujërave dhe mbeturinave, si dhe sektori privat.

Qëllim i këtij ushtrimi fushor ishte vlerësimi i kapaciteteve të organeve lokale, në rastet emergjente si në rastet e vërshimeve, zjarreve dhe aksidenteve të mundshme, ngritja e kapaciteteve lokale menaxhuese dhe reaguese në rastet e fatkeqësive natyrore dhe fatkeqësive tjera.

Në këtë ushtrim kanë marrë pjesë ekipet reaguese dhe të emergjencave, si Drejtoria për Mbrojtje dhe Shpëtim, ekipet e Zjarrfikësve dhe Shpëtimit, Policia e Kosovës, Urgjenca dhe Kryqi i Kuq.

Gjatë ditës së djeshme është zhvilluar një ushtrim në tavolinë, ku janë parë mënyrat e intervenimit, duke filluar nga ngritja e Këshillit Komunal për Mbrojtje dhe Shpëtim e deri në intervenim, në rastet e caktuara emergjente.

Ndërsa gjatë ditës së sotme, në mënyre praktike është zhvilluar ushtrimi, ku pas marrjes së informacionit për vërshime si pasojë e motit me shi, breshër dhe vetëtima, në pjesën e Mirushës, ku një grup studentësh dhe mësuesve, që ishin duke pushuar afër liqenit, si dhe disa peshkatar, janë lënduar si pasojë e vërshimeve, ku dy prej tyre kanë marr lëndime të rënda trupore, tre të tjerë lëndime të lehta dhe disa persona të tjerë janë traumatizuar nga situata. Një peshkatar ka njoftuar për situatën dhe me të marr informacionin për situatën, zyrtarët e Drejtorisë për Mbrojtje dhe Shpëtim, kanë informuar Kryetarin e Komunës për situatën dhe kanë propozuar aktivizimin e Këshillit Komunal për Mbrojtje dhe Shpëtim, pastaj, pas aktivizimit të këtij këshilli, është caktuar komandanti i incidentit, i cili edhe e ka udhëhequr tërë operacionin.

Ekipet reaguese të kërkim shpëtimit në ujëra, urgjenca dhe Policia e Kosovës, kanë reaguar, duke krijuar perimetrin e sigurisë, duke i kërkuar të lënduarit, bartjen dhe tërheqjen e tyre në vend të sigurt, trajtimin mjekësor, evakuimin e personave tjerë, trajtimin e personave të traumatizuar dhe strehimin e personave te rrezikuar nga vërshimet. Ndërsa Kryqi i Kuq, ka bërë trajtimin e të traumatizuarve, si dhe ka ngritur tenda për strehimin e personave të rrezikuar.

Pas kësaj është inskenuar një rast zjarri, me persona të lënduar brenda objektit, edhe në këtë rast janë ndjekur procedurat e njëjta të intervenimit, sikur edhe në intervenimin e tretë, në një rast aksidenti më të lënduar.

Në fund të ushtrimit është bërë edhe një analizë e realizmit të këtij ushtrimi fushor, ku janë analizuar ndjekja e procedurave për rastet e tilla emergjente, vendimmarrja dhe realizimi i operacionit në të tri rastet emergjente.

I tërë ky ushtrim fushor, është vëzhguar nga vëzhgues përgjegjës vendor dhe ndërkombëtar, si dhe është përcjellë nga vlerësuesit profesional, vendor dhe të huaj, të cilët do i japin vlerësimet e tyre për këtë ushtrim, ku përmes kësaj do të shikohen përparësitë dhe mangësitë eventuale, për menaxhimin e emergjencave dhe do të vlerësohen kapacitet e Komunës së Malishevës në rastet e tilla.

Kryetari i Komunës së Rahovecit, Idriz Vehapi ka nënshkruar sot vendimin për vazhdimin e orarit të punës për zyrtarët e Zyrës së Gjendjes Civile, zyrtarët e Zyrës së Pranimit dhe zyrtarët e Tatimit në Pronë të Komunës së Rahovecit.

Zgjatja e orarit të punës për ditë pune është nga ora 16 deri në ora 18:00, ndërsa të shtunën prej orës 09:00 deri në ora 12:00.

Sipas pikës dy të këtij vendimi, vazhdimi i orarit të punës do të vlejë prej datës 17 korrik deri më 25 gusht 2017.

“Arsyeja e vazhdimit të orarit të punës është bërë pasi që gjatë muajve korrik dhe gusht, mërgimtarët e Komunës së Rahovecit, të cilët jetojnë jashtë Kosovës, vijnë në vendlindje dhe synohet që atyre t’ju ofrohen shërbime më të mira dhe të mos presin gjatë për t’u pajisur me dokumente”, thuhet në njoftimin e Komunës së Rahovecit.

Lëvizja “Vetëvendosje” si dhe koalicioni LAA (LDK-AKR-Alternativa) po e presin dështimin e koalicionit PAN për ta formuar Qeverinë, në mënyrë që, siç thonë ata, t’i marrin “frerët” e ekzekutivit, shkruan sot, gazeta Zeri.

I nominuari i koalicionit PAN për kryeministër, Ramush Haradinaj, i ka bërë ftesë për takim drejtuesve të LVV-së dhe LAA-së, por këta të fundit e kanë refuzuar ftesën e tij. Kundërshtarët politikë janë të bindur se Haradinaj nuk i ka numrat për ta formuar Qeverinë, prandaj presidenti do të detyrohet ta nominojë një mandatar të dytë.

“Ne besojmë që Haradinaj nuk i ka numrat për ta formuar Qeverinë dhe presim dështimin e tij. Po ashtu besojmë që ne jemi ata që do ta kemi shumicën dhe t’ia dalim ta drejtojmë Qeverinë e re të vendit”, ka thënë për “Zërin” Shkodran Hoti, zëdhënës në LVV.
Sipas tij, takimi i radhës LVV- LAA do të përcaktohet nga zhvillimet aktuale.

“Në takimin e parë janë diskutuar zhvillimet e fundit politike dhe zgjedhjet në përgjithësi dhe nuk është bërë ndonjë diskutim më i hollësishëm. Takimi i radhës do të jetë sapo të koordinohemi dhe varësisht nga zhvillimet”, ka thënë Hoti, duke theksuar se do ta bëjnë të pamundurën, siç thotë ai, ta materializojnë votën për ndryshim.

“Më 11 qershor u konfirmua nevoja për ndryshim dhe përkrahja e jashtëzakonshme për ne, që është thirrje urgjente që Kosova të çlirohet nga mendësia e “Pronto”-s dhe ta fillojë një qeverisje me një mendësi krejt tjetër, që angazhohet për drejtësi, zhvillim ekonomik, barazi e mirëqenie sociale. Ne do të përpiqemi pa ndalur që kjo të jetë e mundur”, ka përfunduar Hoti…