Partia Demokratike e Kosovës(PDK) në Prizren ende nuk është përcaktuar për emrin e kandidatit për kryetar të këtij qyteti.

Zyrtari i këtij subjekti politik në Prizren, Kujtim Gashi tha se kandidati do të përcaktohet nga strukturat e partisë dhe kryetarin Kadri Veseli.

“Në konsulta me strukturat e degës dhe në konsultim me kryetarin Veseli dhe nivelin qendror do të caktojmë kandidatin për kryetar dhe 45 kandidatët për Kuvendin e Komunës, në kohën e duhur”, thotë Kujtim Gashi për Kosova Sot.

Ndërkaq, dy emra janë lakuar brenda PDK-së si kandidatë potencial për kryetar të Prizrenit.

Emrat më të përfolur janë ai i Kryesuesit të Kuvendit, Kujtim Gashi dhe deputetit, Nezir Çoçaj.

Edhe një herë tjetër ka dështuar të fillojë rigjykimi kundër të akuzuarës, Shemsije Sheholli, ish-gjyqtare dhe tani avokate në Prishtinë. Edhe në seancën e paraparë të mbahej të enjten, e akuzuara Sheholli nuk u paraqit në gjykatë, përkundër faktit se ndaj të njëjtës ishte lëshuar urdhër për sjellje.

Kryetarja e trupit gjykues, Raime Elezi për “Betimi për Drejtësi” bëri të ditur se e ka shtyrë shqyrtimin për 7 korrik 2017, në ora 10:00.

Ndryshe, me 12 shtator 2013, Prokuroria e Shtetit ka ngritur aktakuzë ndaj Shemsije Shehollit, të cilën e akuzon se në cilësinë e gjyqtares në ish-Gjykatën Komunale në Prishtinë, ka keqpërdorur pozitën zyrtare të saj.

Sipas aktakuzës, Sheholli ka aprovuar kërkesën e paditësve, Jetullah, Sherife dhe Naim Krasniqi, me të cilën ka vërtetuar se ata janë pronar të një prone, në vendin e quajtur “Kroi i Bardhë”, pa ftuar në shqyrtimin gjyqësor, palën paditëse.

Po ashtu, sipas aktakuzës, Sheholli i ka caktuar palës së paditur, përfaqësues të përkohshëm, pa u munduar që të sigurohet se i njëjti nuk  jeton në Kosovë, por se është mjaftuar me deklaratën e paditësve se i padituri, Ustun Sylejman, është shpërngulur në Turqi.

Tutje, Sheholli, akuzohet se nuk ka zbatuar ligjet pozitive që të shpallë në gazetën zyrtare, vendimin mbi caktimin e përfaqësuesit të përkohshëm, me çka i është mohuar e drejta e pjesëmarrjes në kontest, trashëgimtarëve ligjor të të paditurit Ustun, mbesat dhe nipat e tij, Zineta, Ifeta dhe Eroll Nikoqeviq dhe Emil Popoviq.

Me 27 maj 2016, e akuzuara Shemsije Sheholli, është shpallur fajtor për veprat penale me të cilat ngarkohet dhe është dënuar me 3 muaj burgim efektiv.

Ndaj këtij aktgjykimi, palët e dëmtuara dhe prokurori i rastit, kanë parashtruar ankesë në Gjykatën e Apelit, ku kanë kërkuar që të rritet lartësia e dënimit.

Po ashtu edhe mbrojtësja e të akuzuarës, avokatja Shpresa Berisha-Rexhepi, ka bërë ankesë ku ka kërkuar që të prishet aktgjykimi dhe rasti të kthehet në shkallën e parë për rivendosje.

Me 5 dhjetor 2016, Gjykata e Apelit, ka marrë aktvendim me të cilin ka aprovuar ankesën e mbrojtjes dhe e ka kthyer rastin në shkallën e parë, për rivendosje.

Sipas aktvendimit të Apelit, gjykata e shkallës së  parë nuk ka arritur që të vërtetojë në tërësi gjendjen faktike, pasi që nuk ka administruar si provë, lëndën kontestuese për të cilën bëhet fjalë në aktakuzë, ku do të vërtetoheshin nëse janë të sakta pretendimet e palës akuzuese apo asaj mbrojtëse.

Lënda penale në këtë rast, në korrik të këtij viti, arrin afatin e vjetërsimit, ndërsa nga janari i këtij viti nuk ka arritur të startojë rigjykimi.

Deputetja e Lëvizjes Vetëvendosje nga Prizreni, Drita Millaku, premton se do të punojë pa përtesë për të qenë zëri i qytetarëve në Parlamentin e Kosovës.

Ajo, thotë se postin e deputetes nuk do ta merrë si privilegj, por sakrificë.

Postimi në Facebook
Të nderuar qytetar, sot KQZ i publikoj rezultatet e kandidatëve të cilët i kanë marrë votat e duhuara për deputet.

Unë u jam mirënjohëse të gjithë votuesëve të mi, u premtoj që do të jem zëri juaj në parlament dhe do të punoj pa përtesë, për çdo qështje tuajen.

Të jeni të bindur se do të punoj edhe më shumë se që kam punuar në asamble komunale.

Postin e deputetës nuk do ta marr si privilegj, por si sakrificë!
6285# ?

Deputeti i LDK-së në Prizren, Haxhi Avdyli, ka falënderuar të gjithë votuesit për besimin e dhënë.

Ai, premton se do të jetë zëri i qytetarëve në Parlamentin e Kosovës.

Postimi në Facebook

Të nderuar qytetarë,

Pas publikimit zyrtar të emrave për deputetë të Kuvendit të Kosovës, ku në mesin e 29 deputetëve të LDK-së renditem edhe unë, dua të ju falenderoj veq e veq secilin që keni besuar te unë. Besimi juaj me obligon të jem zëri juaj besnik, si gjithmonë, në mbrojtje të vlerave humane, lirisë dhe integritetit shtetëror , dhe interesave zhvillimore shtetërore.

Do mundohem të jem aktiv në hartimin e akteve ligjore më të mira për ju, por edhe kritik i palodhur i çdo shkelje eventuale që do bëjnë pushtetarët e secilës parti pa dallim.

Ne ia nisëm bashkë , këtu kemi arritë bashkë dhe bashkë do arrijmë edhe më shumë duke sjellë ndryshime pozitive edhe në pushtete lokale por edhe qendrore.
#bashkëtëvendosur për të jetësuar ëndrrën.
#faliminderit

Deputeti i Vetëvendosjes nga Prizreni, Arbër Rexhaj, ka shprehur mirënjohje për besimin që i është dhënë në zgjedhjet e 11 qershorit.

Ai, premton se do të jetë zëri i qytetarëve.

Postimi në Fcebook

Të dashur qytetarë të Republikës, të dashur qytetarë të Prizrenit dhe Kosovës gjithandej. Të dashur aktivistë të Lëvizjës VETËVENDOSJE!, mbështetës, shokë dhe shoqe të mia,
Përgjatë tërë fushatës, së bashku me ju kemi takuar me qindra qytetarë, me qindra zemra të cilët kanë qenë të etur për ndryshim. Falë punës së palodhshme, angazhimit tuaj për çdo moment, Lëvizja VETËVENDOSJE! sot është subjekti i parë në Kosovë.

Po të mos ishte përkushtimi juaj të dashur miq, puna dhe mbëshetja të cilën na keni dhënë në çdo moment, nuk do të bëhej e mundur që sot t’ju përfaqësoj në Kuvendin e Kosovës, përkatësisht as nuk do të ndaja gëzimin e fitores së mandantit tim të deputetit. Për këtë ju detyrohem juve.

Duke shprehur mirënjohje të thellë ndaj jush, zotohem që do të jem zë i qytetarëve në nevojë, zë i të nëpërkëmburve, zë i bujqëve dhe blegtorëve, zë i mësimdhënësve, i afaristëve, i mjekëve, do të jem zëri i punëtorëve të shkelur. Mbi t’gjitha, do të vazhdoj të mbetem miku e vëllau i juaj në vazhdimësi.
Ju faleminderit prej zemrës e #meZemër!

Gjashtë të akuzuarve në procesin gjyqësor për fajde, detyrim e krim të organizuar u është ndërprerë paraburgimi.
Në seancën gjyqësore në rastin e 14 të akuzuarve për fajde, detyrim, krim të organizuar, e vepra tjera penale të paraburgosurve që dy vjet u është ndërprerë kjo masë.

Nga 14 të akuzuarit, në paraburgim mbi dy vjet po mbaheshin Tunë, Gjon, Marian e Kastriot Kqira, Benson Buza dhe Besfort Omaj.

Lajmin për ndërprerjen e paraburgimit për KALLXO.com e konfirmoi avokati Esat Gutaj.

“Të gjithë të akuzuarit nga nesër do të jenë në arrest shtëpiak, atyre do t’u ndërpritet masa e paraburgimit dhe do t’u zëvendësohet me masën e arrestit shtëpiak”, tha avokati Gutaj.

Më 7 prill Tunë e Gjon Kqira ishin liruar nga paraburgimi, i cili u ishte kthyer në arrest shtëpiak, por Gjykata e Apelit pa u bërë një muaj ua ktheu këtë masë të akuzuarve.

Tunë Kqirës i ishte ndërprerë paraburgimi edhe më 2 qershor.