Në ditën e Shkollës Fillore të Mesme të Ulët “Milaim Krasniqi” dhe Javës së Dëshmoreve të Komunës së Rahovecit, sot në fshatin Pastasellë, përkatësisht në oborrin e shkollës që mban emrin e dëshmorit, u bë zbulimi i bustit të dëshmorit Milaim Krasniqi nga fshati Pastasellë i Komunës së Rahovecit. Zbulimin i bustit u bë nga djali, babai i dëshmorit, i pari i Rahovecit, Idriz Vehapi dhe Nahit Elshani kryesues i Kuvendit Komunal të Rahovecit.

Destan Krasniqi, drejtor i SHFMU “Milaim Krasniqi” foli për biografin e tij duke thënë se Milaim Krasniqi u lind me 25 mars te vitit 1967 ne fshatin Pastasellë , ai vinte nga një familje atdhetaresh ,ishte fëmija i pare ne familjen Krasniqi .

Shkollimin fillor e kreu pikërisht në këtë shkollë për t’a vazhduar në shkollën “Vëllezërit Frasheri” në Drenoc , shkollën e mesme e kreu në Rahovec. Milaimi dallohej për aftësitë e tij qysh në fëmijëri , mori pjese në demonstratat e vitit 1981, qysh në at kohë shihej atdhedashuria e tij. Pas rrethanave te cilat ishin krijuar ne at kohe Milaimi mori rrugën emërimit si shume te rijnë , mirëpo zemra e tij gjithmonë ishte tek vendlindja . Me formimin e Ushtrisë Çlirimtare te Kosovës Milaimi kthehet në vendlindje dhe rreshtohet në radhët e saj UÇK-së dhe ra heroikisht duke luftuar siç ç ka hije një luftëtari me 12 maj 1998 .

Në fjalën e tij të mbajtur Kryetari i Komunës së Rahovecit Idriz Vehapi, ka thënë se sot është një ditë e veçantë, për qytetarët e Komunës së Rahovecit në veçanti për qytetarët e fshatit Pastasellë, sepse në këtë ditë festohet dita e dëshmoreve në Komunën tonë, e që kjo ditë e dëshmorëve është data e rënies së dëshmorit të parë të Komunës tonë e që ishte djali juaj, biri juaj Milaim Krasniqi. Sot zbulimi i bustit të Milaimit, para familjareve, miqve dhe shokëve të tij, për neve do të jetë një ditë me kujtimet tona më të mira për jetën tonë por njëkohësisht busti i Milaimit do të jetë një rrëfim edhe për nxënësit të cilët do të kalojnë nëpër këtë shkollë./

Në emër të familjes së Milaimit foli Ramadan Krasniqi i cili falënderoj të gjithë ata të cilët kanë kontribuar për vënien e emrit të Milaimit dhe rregullimin e bustit./PrizenPress.com/

Sonte në emisionin ‘Drejtësia në Kosovë’ në RTK në orën 22:20 do të transmetohet hulumtimi lidhur me kërcënimet e dëshmitarëve të fajdeve në Kosovë.

Pse disa dëshmitarë i ndërrojnë deklarata e tyre nga ajo që fillimisht e kishin dhënë në Polici e në Prokurori me atë kur dalin para gjyqtarit në seancë gjyqësore?

Azem Vllasi, avokat i të akuzuarit për fajde Tunë Kqiraj, thekson se ka disa mospërputhje te deklaratave të dëshmitarëve në njërin nga rastet më të madh të fajdeve në Prizren.

Ky reportazh sjell faktet se sa po arrin shteti t’i mbrojë dëshmitarët e proceseve të fajdeve.

Çka ka bërë policia në rastin e Ibrahim Kazazit i cili u sulmua një ditë para së të dëshmonte?

Pse deklarimet e Azem Tuzit nga Istogu nuk u morën parasysh nga Daut Demiraj, gjyqtar i Gjykatës Themelore të Pejës- dega në Istog, se paratë që po pretendohen për borxh janë marrë me fajde?

Pse gjyqtari Daut Demiraj nuk e mori parasysh pretendimin e Tuzit se kishte marr para me fajde?

Dhe në fund të emisionit ndiqni Rubrikën “Policia” me xhirime ekskluzive nga aksionet e Policisë së Kosovës.

Emisioni “Drejtësia në Kosovë” transmetohet çdo të premte nga ora 22:20 në RTK dhe repriza të hënën në mesditë.

Sot u mbajt akademi solemne dhe program kulturor-artistik në kuadër të “Javës së Dëshmorëve dhe Heronjve të Komunës së Rahovecit”.

Kryetari i komunës së Rahovecit, Idriz Vehapi, me këtë rast tha se sot po kujtojnë Milaim Krasniqin dëshmor dhe të gjithë të dëshmorët tjerë që ranë për liri.

Ai theksoi se dëshmori Krasniqi u bë themel i lirisë në Rahovec, ndërsa veçoi edhe liridashësin e kombit shqiptar Ukshin Hoti.

“Historia e shqiptarëve është plot luftëra dhe djemtë tuaj që kanë rënë në luftën e fundit janë viganë të lirisë”, tha kryetari Vehapi.

Kryetari i Shoqatave të dala nga lufta e UÇK-së, Hysni Gucati tha se historia e lavdishme e shqiptarëve është e vulosur me sakrificën e dëshmorëve që ranë në luftën e fundit.

“Amanetin e të rënëve për liri ta bëjmë realitet”, theksoi Gucati.

Ndërsa, kryetari i Shoqatës së UÇK-së për Rahovec, Vajdin Berisha me këtë rast duke kujtuar të rënët tha se veprat e tyre janë të lavdishme.

Deputetja e Lëvizjes Vetëvendosje Puhie Demaku ka braktisur këtë subjekt politik duke pushuar angazhimin e saj nga kjo fushë.

Demaku është vetë ajo që e ka bërë publike largimin e saj nga skena e politikës për siç thotë ajo, pas zhvillimeve të fundit ka analizuar angazhimin e saj në jetën publike dhe pas kësaj ka marrë këtë vendim.

Postimi i saj në Facebook:

Te nderuar miq dhe familjare,

Pas zhvillimeve te fundit ne skenen politike ne vendin tone, kam analizuar ne hollesi angazhimin tim ne jeten publike dhe dua te ju njoftoj se per arsye krejtesisht personale, do ta pauzoj angazhimin tim te drejtperdrejte ne politike.

Keto 6 vite ne Levizjen VETEVENDOSJE! kane qene nje rrugetim i jashtezakonshem, me sfida e mesime, por mbi te gjitha nje pervoje me shume vlere.

Duke marre ne konsiderate te gjithe faktoret e sidomos obligimet dhe pergjegjesite personale, une kam vendosur qe te ndjeke nje rruge profesionale jashte politikes, pa lene anash kontributin, per aq sa mundem dhe di, per te miren e kombit dhe avancimin e interesave te shtetit.

Levizjes, aktivisteve dhe kolegeve ju deshiroj shume sukses ne zgjedhje dhe ne sfidat qe ju presin.

Juve miq e familjare u jam shume mirenjohese per mbeshtetjen, durimin e madje edhe per kritikat/verejtjet/sygjerimet qe m’i keni dhene pergjate ketij rrugetimi.

Uroj qe rruget tona te takohen per te mire.

Me shume respekt,

Puhia