Kryetari i Kuvendit të Kosovës, Kadri Veseli, ka zhvilluar një debat me studentët e Universitetit “Ukshin Hoti” në Prizren.

Ai nga afër ka dëgjuar ankesat e studentëve, të cilat nuk kanë qen të vogla.

“Në Kosovë kanë ndodhur shumë zhvillime pozitive, por ende jemi larg objektivave të dëshiruara”, tha Veseli.

Ai për ngecje të prosperimit ka kritikuar kolegët politikanë, të cilët sipas tij po punojnë për interesa të ngushta, e jo për mirëqenien e qytetarëve dhe prosperimit të rinisë dhe shtetit të Kosovës.

Për këtë çështje, ai ka dashur të dëgjojë shqetësimet, vërejtjet dhe sygjerimet e studentëve të Prizrenit.
Ndërkaq , studentët shprehen shqetësime për gjendjen aktuale të rinisë, për mungesë të perspektives si rrjedhojë e shumë zhvillimeve negative në Kosovë, u ankuan ata./TV Prizreni/

Prokuroria Themelore ne Prizren, Departamenti i Krimeve të Rënda, ka ngritur aktakuzë kundër të akuzuarës A.Sh., për shkak të dyshimit se ka kryer veprën penale, blerja, posedimi, shpërndarja dhe shitja e pa autorizuar e narkotikëve, substancave psikotrope dhe analoge nga neni 273 paragrafi 2 të KP-ës.?

Sipas aktakuzës, e pandehura A.Sh. me datë 17 janar 2017, në pikën kufitare të Vërmicës, është gjetur se pa autorizim ka transportuar me qëllim të shitjes apo të shpërndarjes substanca psikotrope të llojit marihuanë të cilët me ligj janë shpallur si narkotik.

“Po ashtu, pas ndalimit të akuzuarës A.Sh. në pikën kufitare të Vërmicës, në hyrje nga Shqipëria për në Kosovë dhe pas kontrollimit të detajuar i është gjetur një qese e madhe prej letre, pronë e të akuzuarës e cila në brendi kishte dy paketime me lëndë psikotropike të llojit marihuan me një peshë prej 1.152,91 gram dhe 860.34 gram si dhe një qese e vogël me peshë 3.32 gram, me peshë të përgjithshme prej 2.016,57 gram”, shkruan në njoftimin për media të Këshillit Prokurorial të Kosovës.

Pas ekzaminimit të mostrave në laborator të këtyre sasive të gjetura tek e akuzuara, është vërtetuar se lëndët narkotike janë të llojit canabis (marihuanë).

Me këto veprime e akuzuara A.Sh. ka kryer veprën penale blerja, posedimi, shpërndarja dhe shitja e pa autorizuar e narkotikëve, substancave psikotrope dhe analoge nga neni 273 paragrafi 2 të KP-ës.

Deputeti i Nismës Zafir Berisha ka komentuar zjarrin që ka shpërthyer në “Shatërvan” të Prizrenit. Sipas tij, shkaktarët e këtij zjarri janë bandat e parapolitikës.

Postimi në Facebook
Bandat e parapolitikes dhe haraçit në Prizren janë futur në rivalitet, duke i vënë zjarrin lokaleve afariste, që janë pronë publike, ku janë duke e rrezikuar jetën dhe biznesin e qytetarëve prizrenase.

Zjarrvënja në disa lokale afariste që po ndodhë ditëve të fundit në Prizren, është tregues i çartë se menaxhimi jo i drejtë me pronen publike nga pushtetarët aktual, po tregon fytyren e vërtetë të tyre të cilët për interesa të gjepave të bandave po e terrorizojnë qytetarin e Prizrenit…
Zafa

Një zjarr ka shpërthyer në “Shatërvan” të Prizrenit.

Zjarrfikësit kanë dal në vendngjarje.

Ende nuk dihet shkaktari i zjarrit.

Universiteti i Prizrenit “Ukshin Hoti” thotë se vendimi i Inspektoratit të Punës për gjobitjen e rektorit Ramë Vataj dhe universitetin, është bërë me tendencë që të denigrohet figura e tij, por edhe të prishet reputacioni i këtij institucioni.

“Vendimi i Inspektoratit të Punës ka qenë tendencioz, i pa bazë ngase gjendja faktike nuk është vërtetuar në mënyrë të drejtë. Universiteti në këtë rast ka ngritur kontest administrativ në gjykatën kompetente”, thuhet në reagimin e UPZ-së.

Insajderi ka shkruar ditë më parë se si Inspektorati i Punës e kishte dënuar me gjobë prej 2 mijë euro rektorin e UPZ-së, Ramë Vataj si person fizik, dhe Universitetin “Ukshin Hoti”, si subjekt juridik me 5300 euro gjobë. IP kishte konstatuar se gjatë rekrutimit të stafit akademik ishte shkelë Ligji i Punës.

UPZ beson se gjykata do të vendosë në favor të Universitetit dhe të rektorit Vataj, për të cilin thotë se është gjobitur pa të drejtë.

“Me rastin e inspektimit dhe bërjes së ankesën në shkallë të dytë të IP-së, nuk janë marrë fare për bazë faktet nga ana e UPZ-së, që e bënë këtë vendim tejet tendencioz. Qëllimi i Inspektoratit të Punës ka qenë që të denigrojë figurën e Rektorit Vataj dhe imazhin e UPZ-së të influencuar nga qarqe të caktuara që nuk ja duan të mirën UPZ-së. Si duket po iu pengon rangimi në listën e universiteteve botërore, ku UPZ është ngritur për rreth 9000 vende, ngritje të cilën nuk e ka patur asnjë universitet në Kosovë as në regjion”, thuhet më tej aty.

Inspektorati i Punës në Raportin Zyrtar kishte thënë se UPZ dhe rektori Ramë Vataj kishin bërë punësime të paligjshme, duke e shkelur Ligjin e Punës.

Por UPZ-ja thotë se rreth pretendimeve të Inspektoratit të Punës, u janë përgjigjur në ankesën e tyre drejtuar këtij institucioni.

“Sa i përket punësimeve të stafit akademik të angazhuar për mësimdhënie për një semestër, propozimet vijnë nga njësitë akademike, në këtë rast Këshillat e Fakultete në bazë të nevojave të cilat i merr në shqyrtim Senati dhe vendos si organ kolegjial, komform kompetencave të veta statutare. Më pastaj Rektori i nënshkruan Vendimet e Senatit në cilësinë e kryetarit të Senatit. Punësimet bëhen për një semestër dhe nuk vendoset marrëdhënie e rregullt e punës. Ndërsa kur inspektoret e punës thonë se “janë kërkuar 12 mësimdhënës dhe 3 asistente, ndërsa janë pranuar vetëm dy mësimdhënës, punëdhënësi nuk ka arsyetuar mosplotësimin e 13 vendeve te tjera”, përgjigjen e kanë marrë në ankesën tonë”, thuhet në reagim.

Për mosplotësimin e vendeve të punës të kërkuara në konkurs, UPZ thotë se kjo nuk ka ndodhur me për shkak se kandidatët nuk i kanë plotësuar kushtet.

“Me këtë rast japim edhe njëherë sqarim për opinionin: nuk janë pranuar mësimdhënës sa ka qenë e kërkuar në konkurs për arsye se nuk i kanë plotësuar kushtet ashtu siç parashihet më Statut dhe Ligjin e Arsimit të Lartë. Në rast se do të pranohej numri i caktuar sa ka qenë në konkurs, atëherë do të bëhej punësimi i kandidatëve në kundërshtim me ligjin, pra Rektori dhe organet tjera në UPZ kanë vendosur të respektojnë ligjin!”, thuhet në komunikatën për media.

“Inspektorati i Punës nuk ka marrë parasysh gjendjen faktike dhe ka aplikuar në mënyrë të gabuar ligjin, kur ka vlerësuar gabimisht që Rektori i Universitetit të Prizrenit “Ukshin Hoti” si person fizik bënë zgjedhjen e stafit akademik, pasi që sipas Statutit të Universitetit të Prizrenit, një zgjedhje të tillë e bëjnë komisionet që propozohen nga njësia akademike si dhe votimin dhe zgjedhjen përfundimtare e bën Senati, kurse Rektori është vetëm nënshkrues i kontratës së punës, kompetencë kjo të cilën ja jep Statuti i Universitetit të Prizrenit “Ukshin Hoti””, thuhet më tej aty.

“Inspektorati i Punës, nuk e ka marrë parasysh dhe nuk e ka bërë dallimin e konkurseve të shpallura nga Universiteti i Prizrenit “Ukshin Hoti” për angazhim si dhe ato për marrëdhënie të rregullt të punës, pasi që në rastin e angazhimit të stafit nuk lëshohet vendim individual për secilën pozitë, pasi që kjo marrëdhënie është vetëm marrëdhënie me angazhim, kurse në rastin e krijimit të marrëdhënies së rregullt lëshohet vendim individual siç edhe ka vepruar Universiteti i Prizrenit “Ukshin Hoti” si dhe Rektori i këtij Universiteti si person fizik Prof. Dr. Ramë Vataj”, vazhdon reagimi.

Sa i përket një rasti të pushimit të lehonisë të cilin Inspektorati e cekë, UPZ thotë se vendimi është marrë komform Ligjit për shërbyesit civil.

“Pushimi i lehonisë mbi 6 muaj, behet me kërkesë të vetë kandidates, ndërsa punëtorja në fjalë ka kërkuar me herët të kthehet në punë. Edhe pretendimet për rrezikimin e shëndetit të punonjësve dhe pretendimet e tjera nuk qëndrojnë ngase të gjitha masat e nevojshme janë ndërmarrë komform legjislacionit në fuqi”, vlerëson UPZ./Insajderi.com