Kryetari i Kuvendit të Kosovës, Kadri Veseli, ka përkujtuar masakrën e vitit 1995 që kryen forcat serbe në Srebrenicë të Bosnjë-Hercegovinës.
Veseli ka shkruar në llogarinë e tij në Facebook se shqiptarët e Kosovës ishin viktimë e këtij mentaliteti, por falë UÇK-së dhe aleatëve u shmangën përmasat e gjenocidit të tillë.
“11 Korriku 1995 mbetet ditë kujtimi dhe dhembjeje, sepse kujtojmë Srebrenicën, masakrën më të madhe pas Luftës së Dytë Botërore”, ka shkuar Veseli.
“Srebrenica është dëshmi se verbëria nacionaliste dhe fetare është e rrezikshme, e papranueshme”.
“Edhe ne ishim viktimë e këtij mentaliteti, por, falë UÇK-së dhe aleatëve tanë, u shmangën përmasat e gjenocidit të tillë”.