17.8 C
Prizren
E premte, 11 Korrik, 2025
Home Blog Page 5993

Finalet që përlotën dy ikonat

0

Finalet duken të jenë të mallkuara për dy prej futbollistëve dhe rivalëve më të mëdhenj të futbollit botëror. Vetëm dy javë më parë, në finalen që Argjentina humbi ndaj Kilit në Kupën e Amerikës, kapiteni i argjentinasve nuk i mbajti dot lotët pas disfatës.

Në anën tjetër, fati i njëjtë e ka ndjekur edhe ‘rivalin’ e tij portugez, Cristiano Ronaldo, i cili u përlot pasi pësoi një lëndim në minutën e 9-të të sfidës finale të Kampionatit Evropian ndaj Francës, në Stade de France, raporton Insajderi.

Nga dëshira e madhe për të vazhduar takimin, ylli i Real Madridit qëndroi me forcë edhe pesë minuta të tjerë në fushë derisa e la fushën i detyruar, për tu zëvendësuar me Quaresman.

Për Ronaldon kjo ishte hera e dytë që shkonte në një finale të kompeticioneve ndërkombëtare me përfaqësuesen e tij, pas disfatës në vitin 2004 ndaj Greqisë. Finalja shihej si mundësi e artë për të që të arrinte të fitonte trofe me Portugalinë.

Ndërkohë, Lionel Messi menjëherë pas ndeshjes ndaj Kilit komunikoi dorëheqjen nga përfaqësuesja argjentinase, pas dështimit në katër finale radhazi. Përfaqësuesja kiliane arriti ta mposhtë Argjentinën dy herë brenda një viti – duke qenë se Kupa e Amerikës ka pasur edicionin e veçantë të saj , atë të 100-tin, këtë vit – në finale të ‘Copa America’.

Messi dhe Ronaldo janë dy futbollistët më të mëdhenj të shekullit 21, dhe këtë e thonë edhe statistikat dhe numrat që këta dy futbollistë kanë arritur.

Jo vetëm golat, asistimet, gëzimet apo sukseset do të mbahen mend nga dy ikona, por edhe lotët e derdhur në fushë, tregojnë shumë për shpirtin fitues që karakterizojnë portugezin dhe argjentinasin. /Inajderi.com

E ëmbla zeshkane

0

Kur e kishte shikuar për herë të parë kah po i ndërronte hapat, kishte pasur përshtypjen se para tij po defilonte një manekine, e cila ecte në sfilatë mode. Ecja e saj karakteristike aq shumë ia kishte tërhequr vëmendjen dhe aq shumë i kishte lënë përshtypje, sa që, nga ai moment, kishte filluar ta humbë qetësinë e shpirtit, e të ëndërronte veten e tij, të shndërruar në një qilim të shtruar, mbi të cilin do të shkelte këmba e saj, shkruan në përjetimin e tij, P. K., për Portalin tonë “Kosovarja”.

Zeshkania me ecjen e saj karakteristike jo vetëm që e kishte joshur, por edhe e kishte çmendur me këmbët e saj të bukura. Ato ishin magnet që tërhiqnin jo vetëm shikimin, por edhe tërë qenien e tij dhe e shpërqëndronin të tërin. Madje, ato këmbë të bukura të saj ishin bërë pjesë e pandarë edhe e ëndrrave të tij, që i shfaqeshin posa fillonte të dremitej. Ëndrrat ishin të vetmet bashkëbiseduese me të, sepse vetëm me to guxonte të komunikonte, e vetëm atyre mund t’ua tregonte fshehtësinë. Atyre e askujt tjetër ua shprehte ndjenjat që ushqente ndaj zeshkanes, e vetëm ato mund t’i flisnin për këmbët e bukura të saj. Madje, ato i dëftonin se kah e bartnin ato këmbë gjatë ditës, ku i shtrinte gjatë natës, madje edhe ku i freskonte e ku i depilonte ato…

Nuk i lejohej në asnjë mënyrë të fliste me asnjë njeri rreth takimeve aq të pakta që i kishte me zeshkanen. Madje, as emrin e saj nuk i lejohej ta përmendte në prani të të tjerëve. Dhe, meqë i dukej se po eksplodonte nga bukuria, e kishte emërtuar “bombastikë”. E quante kështu, sepse ajo, vërtet, ishte si lëndë shpërthyese, si granatë që kur shpërthen dridh tokën. Eksplozivja granatonte zemrën e tij të fortë, shkëmbore dhe e bënte copë-copë…

Buzët e ëmbla qershi

Ndonëse granatonte me shkëndijat që dilnin nga shikimi i saj, ata sy të bukur i kishte më të ëmbël se rrushi i Suharekës, nga i cili ishte e rrethuar. Meqë kishte shikim të ëmbël, kjo edhe e kishte shtyrë të mendonte se puthjen e parë t’ia dhuronte syve të saj magjepsë. Por, ndjenjat e kishin tradhtuar, sepse atë puthje ua kishte dhuruar buzëve të saj të ëmbla si qershi Anadrini. Bile, vetë puthjen e parë në buzët e ëmbla ia kishte dhuruar mu pranë bregut të Drinit, aty ku rriten qershitë e ku madhështore paraqiten pamjet përreth lumit, që kishin çarë bregoren përmes për të krijuar legjendën e Urës së Shejtë. Edhe simpatia ndaj zeshkanes që po ia çante zemrën përmes, po tentonte të krijojë legjendën e një dashurie që me zor po realizohej pjesërisht. Kjo dashuri po koincidonte me Urën e Shejtë mbi Drin, e cila thuhet se dikur ditën ndërtohej e natën rrënohej, mu si Kalaja e Rozafës. Dhe, dashuria ndaj zeshkanes sapo merrte hov e po zhvillohej, papritmas po shembej e shkatërrohej, sepse po përshkohej nga një rrymë e ftohtë që po e rrënonte. Kjo po i ndodhte, sepse në shumë raste, mu atëherë kur vullkani që po shpërthente e po nxirrte nga brendia llavën përvëluese të dashurisë, vinte një valë e ftoftë sikur të dilte nga thellësia e ftoftë e Drinit, për ta ftohur, për ta shuar, madje edhe për ta ngrirë atë zjarr vullkanik që kishte filluar. Kjo ftohje e akulltë që po shfaqej kohë pas kohe nga ana e zeshkanes, ishte më se e çuditshme dhe aspak popullore. M’u ajo valë e ftohtë, e cila shfaqej herë pas herë, e kishte vënë në dyshim edhe vetë përkushtimin e tij ndaj saj, ani pse dashuria e tij nuk po shuhej për zeshkanen e bukur. Kultura e saj, edukata, mirësjellja, e shumë virtyte të shumta që i kishte trashëguar nga prindër intelektualë, e kishin bërë zeshkanen komplete për t’u lakmuar nga ai.

E urrej, edhe pse e dua shumë!
Pa dyshim, në formimin e saj, veç kulturës prindërore, kishin ndikuar edhe ditët e adoleshencës, të kaluara pranë brigjeve të Baltikut, ku kishte kaluar një pjesë të jetës së saj. Megjithatë, rrushi skandinav nuk e kishte ëmbëlsinë e rrushit të Suharekës, pranë të cilit kishte arritur pjekurinë dhe shijen. Ai, shpeshherë, duke jetuar me frikën se mos zbuloheshin, kishte menduar që dashurinë t’ia shprehte nën gjethet e hardhive të pafund. Aty nuk do t’i zbulonte askush, e aty do të kishte shansin për ta përqafuar e për ta puthur. Ndoshta, vetëm aty, mes trungjeve të hardhisë, do të ishin larg syve të botës, të cilëve ajo u druhej shumë. As përcëllimi i diellit që e kishte djegur buzë detit nuk do t’i shkaktonte dhimbje më tepër se sytë e gojëkëqinjve që hanë bukën e tyre e bajnë gajlet e të tjerëve.

Takimet e vonuara

Ai e donte, e ëndërronte dhe e dashuronte, prandaj kishte dëshirën edhe ta shijonte. Si ta realizonte ai një takim të tillë, ku do t’ia shijonte buzët, sytë, flokët, shpatullat, gjoksin, këmbët e gjithë trupin e saj të bukur si margaritar? Vetëm atëherë ai do të ndihej pafundësisht i lumtur. Por, shpresa e tij kaherë kishte filluar të venitej, deri atë ditë kur ata sërish filluan të bisedonin për dashuri. Atë ditë shpresa filloi t’i ringjallej, e ëndrrat u zëvendësuan me fjalën e tyre të gjallë. Asaj radhe ata po shprehnin gjithë dashurinë e ndryrë që mbanin brenda në thellësi. Në bisedë e sipër, e që ishte bisedë shumë e ngrohtë, ai e pyeti se kur do të realizohej takimi kaq i shumëpritur.

Ajo, pasi dëgjoi kërkesën e tij, u vërë aq shumë në fytyrë sa dukej se u ngrys nata. Zeshkania e mrrolur në fytyrë, si me gjysmë zëri, i kishte thënë se takimi mes tyre nuk do të realizohej… Të paktën, ashtu do ishte edhe për një kohë të gjatë. Kjo po ndodhte jo me fajin e tij, siç kishte thënë ajo, por me fajin e saj.

Edhe pas gjithë kësaj ai prapëseprapë nuk i kishte humbur shpresat. Ai assesi nuk po mund të kuptojë pse zeshkania, e cila i kishte shprehur dashuri, herë-herë i bishtnonte takimit. Por, shpresa se do të ishte me të ishte më e fuqishme se çdo gjë tjetër dhe kjo i jepte kurajë, i jepte fuqi që të mos lëkundej nga dashuria e tij e madhe për zeshkanen…Petrit Kalaja /Kosovarja/

Noterët dhe zhvlerësimi i avokatëve

0

 Ma.sc. GENT GJINI

Në sistemin juridik të Kosovës avokatët kanë qenë çdo herë akter kryesor në rregullimin e raporteve juridike të qytetarëve, dhe kanë qenë edhe njerz me të respektuar dhe me të përkushtuar ndaj nevojave qytetare, për shërbimet që kanë ofruar, dhe kanë rregulluar sipas kërkesave dhe nevojave të qytetarëve, për zgjidhje të rasteve. E kjo në veçanti në rolin e autoritetit të vërtetimit, respektivisht te autorizimit, të kontratës, dhe trashëgimisë, rreth procesit të rregullimit të saj.

Me shfaqjen e noterëve, gjë që nuk kam diçka të keqe, përkundrazi edhe ata kanë rolin dhe detyrat se si duhet të i kenë, kushtimisht mund ta them që roli i avokatëve është zhvlerësuar në disa elemente, të kompetencave të tyre. Duke marre disa kompetenca, dhe disa role të avokatit që ato far kompetencash janë ato të ashtuquajturat ato klasiket, që kanë qenë të lidhura historikisht me avokatët dhe kushtimisht edhe kanë lindur fale tyre, siç janë autorizimet, kontratat, vërtetimit, të trashëgimia e disa gjërash që këto i kanë bërë më heret avokatët. Dhe kjo për avokatët përveç punëve te tjera, ata i ka legjitimuar dhe arsyetuar edhe me atë të drejtë se avokati ka qën njeri i shkolluar, person kualifikues, person me njohuritë juridike, person që ka lëvizur në shume filtra, për të ardhur deri këto kompetenca, që mund ti quajmë edhe nder me të klasiket. Se nuk, ka çka nevojitet këtu se avokati si person kualifikues ai ka në komptence lëndore, gjëra edhe më të rëndësishme dhe me peshe, është marrë në mbrojtet penale e civile, me pregaditjet superiore. E këto për avokatët këto komptencash janë, të thuash shumë klasike dhe mos të them shumë lehta, që mund të i bëjnë edhe agjencionet e sigurimeve.

Noterët me shfaqjen e tyre gjegjësisht me marjen e këtyre kompetencave kaluan padrejtësisht në kufijtë e rolit të avokatit, dhe për me çudi ndër këta notere thirrshin se vetëm ata kanë ë drejtë, të i bëjnë këto apo ligji vetëm ata i njeh. E ka edhe asi lloj esktremesh, që thonin qe avokati nuk merret me këto, apo nuk mer vesh, dhe vetëm na i përpilojmë, dhe i bëjmë dhe duke dhënë kështu në perceptime të qytetarit laik, se ata nuk janë të besueshme kredibil, dhe kështu e marin atribitun e saj, që vetëm ata te fitojnë, gjë që është shumë reale per sa i perket fitimeve, dhe te ardhurave ,se si i realizojnë dhe kjo mund të shikohet edhe në këtë prizem, se fitimi i këtyre noterëve është maremendese, në raport me avokatet, dhe për më tepër edhe krijojn propaganda teknike, ë formë broshurave për të i zhvlerësuar avokatët në rolet e tyre, qe historikisht apo ne embrionin e detyrës së avokatit këto kanë, qen nder punët që janë marur ata.

Ne ligj thuhet qartazi, dhe në mënyre të shprehur se keto punë të lartecekura më lartë, i bëjnë noterët dhe avokatet mvaresisht nga preferencat e qytetarit domethene për disa punë, kjo le të kuptohet qe ose e ben te noteri, ose e bën te avokati, por këta noter këtë e mshefin dhe nuk e legjitimojne rolin e tyre te vertet në raport me avokatët, duke pasur edhe aso lloj noterësh, që nga panjohuritë e qytetarëve ër disa vërtetime në nënshkrimet bënin kopje të panevojta, me qëllim që ta rrisn pazarin dhe për të i thënë se ashtu ne punojmë ligji e thojnë.

Noterët edhe pse disa të drejta tani me të vërtet i kanë monpolizuar, dhe avokatët i kanë nxjere jashte loje, dhe fitimet dhe te ardhuar janë përtej pritjeve që edhe vet kanë, parashikuar, ashtu që edhe ligji është konfuz, i padrejtë, dhe cenues për avokaët, që këto disa her kane dale edhe nismat ligjore, dhe propozimet ndër juristet dhe akteret tjere institucional, që ligji të rregullohet qartë, konciz, dhe drejte, për kompetencat në relacion për avokatët, sepse kjo tani po i shkon për shtati, shume e shumë më tepër noterëve. Për këto vakume ligjore, rreth kompetencave ndërmjet avokatëve dhe noterëve, pra kjo status qou, e pazgjidhur, noterët edhe kjo po bejnë, propagand, por edhe po fitojnë, dhe po ashtu edhe roli i avokatëve po zhvleresohet, dhe po bëhet gjithnje në syte e qytetarëve, një figurë jo e besueshme dhe jo kredibile. Dhe për këtë arsye edhe shume qytetar, këë veshtrim e kanë fituar fale këtyre gabimeve, në ligj, dhe falë lojës strategjike që po bëjnë noterët, dhe kështu edhe ndoshta qytetarët në ato vërtetime, pagujanë më tepër, se sa tek ndonje avokat po të i kishte këto kompetenca si me herët sepse monopoli, tani eshte në dorën e tyre.

Roli i noterëve është i nevojshëm në veqanti per vertetimin burimor të bartesve të nënshkrimeve, dhe ka lehtesuar punën e gjyqëtareve, te thuash ashtu. Por që të

dime këto lloj punësh, me heret i ka bërë edhe avokati dhe ka vërtetuar, dhe ka qene garancë e këtyre kompetencave që kanë qene, te lidhura për avoaktët sepse aty, ka qene edhe përgjegjesia penale, për ato far gabimesh, pra edhe për noterët edhe per avokatët. E për të shikuar me hollësisht, roli i noterëve është tepër teknik dhe jo profesional ne kuptimin e plote te fjaës se jurisitit, pra ai vërteton nënshkrimet dhe bën të munduren që procedura te jete konform ligjit. Kjo pra, është detyra e noterit duke perpiluar edhe blanko kontrata me peshe, dhe komplekse, ate të palujtshmerise, të banesave, te trasakcioneve, te ndryshme ,ne shume te konsiderueshme, ku per keto kontrata kush me mire se nje avokat, që ka përvoje, dhe punon vazhdimisht me ligje, dhe njeh materien procedurale, dhe materiale ligjore, që kontraten ta përpilon ashtu se si e kërkon ligji, e ne veqanti qe ajo kontrate te jete ne harmoni me vullnetin, e drejtë të palevë nënshkruese.
Po ashtu edhe institutin e trashgimise, e cila eshte komplekse, dhe kerkohet dije analitike ligjore, e jursitet me pervoje, si ne teori ashtu edhe ne praktike, per te bere ndarjet e trungut, dhe te drejtat se kush ka te drejte te tashigoje, pra te krijoj propozimin.

Kete te drejte tani e kane marur, noeteret pra ku mund, te din noteri te i cakton rradhet trashgimore, jo ato radhe qe ligji ia njeh, por qe ato rradhe trashgimore, per te ditur se a ka te drejte te trashgigoje, dhe pse nuk duhet te trashigjoje dhe te ja jep trashigimin e drejte te trashgimtareve, qe mos te keqperodret nga te tjeret, dhe te mos behet pasurime i pabaze, apo i pabegatshem. Pra kjo, qe thash me larte kerkon dije analitike ligjore, te trashgimise, qe ta njeh mire rolin dhe institutin e trashgimise, e jo vetem te caktoj trashigimtaret ashtu se siq ligji e parasheh. Pra kjo e tregon, qe ketu noteret kane kalur kufijte dhe kane hyne ne domenin, e rolit te avokatit, dhe perfitimet jane te medha, nga ajo pune qe bejne, qe eshte shume teknike, respektvisht vertetuese.

Berisha, për Nulandin dhe luftën kundër korrupsionit: Gjakovarët thonë “mualife”, e prizrenasit “muabetollsum”!

0

Ndihmës Sekretarja amerikane e Shtetit, Victioria Nuland, ka vizituar sot Kosovën, duke takuar zyrtarët e shtetit por jo edhe opozitën. Këtë veprim të saj, deputeti i Nismës për Kosovën, Zafir Berisha, nuk e sheh si problematik.

“Victoria Nuland nuk ka pas nevoj me u taku me opozitë sepse ajo mesazh kryesor sipas ambasdorit Delawie ka pas me luftu korrupsionin, e koka e korrupsionitë dhe krimit të organizuar është në krye të institucioneve që po pengojn integrimet evopjane, jo të opozitës.

Gjakovarët do te thonin ,,mualife, ndërsa prizrenasit ,,muabetollsum,, kërkesave që hajduti ta zen hajdutin ose këtyre shprehjeve me zhargonin e ri, te korruptuarve ti thuash që ta luftojn korrupsionin. Kerkesa për ta luftuar korrupsionin nga Hashimi dhe Isa nënkupton se ata jan të pastër e të korruptuar jan qytetarët, pensionist, student, arsimtar, mjek, bujqë,blektorë, e të papunët..” (sic.), ka shkruar Berisha në profilin e tij në Facebook.

ISIS godet helikopterin dhe vret dy pilotët rusë

0

Luftëtarët e ISIS rrëzuan një helikopter rus në Siri, duke i vrarë të dy pilotët që ishin në bord.

Mjeti po fluturonte mbi qytetin e Palmirës dhe po sulmonte terroristët që po avanconin kur u rrëzua dy ditë më parë.

Ministria ruse e mbrojtjes tha fillimisht se ushtria e tyre i kishte detyruar terroristët të zmbrapsen dhe se helikopteri ishte goditur gjatë kthimit për në bazë.

I shtrenjti Morata

0

Reali i Madridit refuzon 60 milionë euro nga Chelsea për Alvaro Moratan, futbollist të cilin Los Blancos e kthyen në shtëpi duke ushtruar të drejtën e blerjes nga Juventusi për 31 milionë euro.

Trajnerit të Bluve të Londrës, Antonio Conte, nuk i mbetet gjë tjetër veçse ta rrisë ofertën për 22-vjeçarin, nëse dëshiron ta ketë nën urdhrat e tij.

Presidenti i Realit, Florentino Perez, mendon se Morata mund të qëndrojë në kryeqytetin spanjoll. Edhe pse qëllimi i kthimit në shtëpi i Moratas ishte për ta shitur, duke arkëtuar një shume të konsiderueshme parash, tashmë janë rritur mundësitë që Zidane të ketë në dispozion gjatë sezonit të ardhshëm përveç Benzemasë, një tjetër sulmues të parë të nivelit më të lartë. Ndoshta kjo është një lojë e numrit një të klubit më të titulluar në Spanjë që Chelsea ta rritë në mbi 75 milionë euro ofertën, që në këtë rast do të ishte e parefuzueshme.

Vetë Morata ua ka bërë të qartë drejtuesve që synimi i tij është të luaj titullar, ndaj dhe Perez duhet të mendohet mirë para se të kthejë mbrapsht një tjetër ofertë nga Chelsea, sigurisht më e lartë se e para.

Alvaro Morata vjen pas një tjetër sezoni pozitiv me Juventusin, ku shënoi 12 gola në 47 ndeshje në të gjitha kompeticionetm pa harruar faktin se ëshët shndërruar pikë referimi në sulmin e “La Rojas”.

Dy të arrestuar për sulm fizik në Prizren

0

Policia e Kosovës njofton se në fshatin Reqan të Prizrenit ka arrestuar një boshnjak pasi i njëjti pas një mosmarrëveshje kishte sulmuar fizikisht një shqiptar.

“Viktima ka pranuar tretman mjekësor, ndërsa me urdhër të prokurorit i dyshuari është dërguar në mbajtje”, njofton PK-ja, shkrun PrizrenPress.

Ndërsa në Prizren është arrestuar një i dyshuar tjetër pasi që i njëjti pas një mosmarrëveshje ka sulmuar fizikisht me një shkop druri një mashkull, duke i shkaktuar lëndime të rënda trupore.

Viktimës i është ofruar tretman mjekësor dhe me pas është liruar, ndërsa i dyshuari pas intervistimit me vendim të prokurorit është dërguar në mbajtje. /PrizrenPress.com/

Prizren: Kanos policin jashtë detyre, arrestohet

0

Në Prizren është arrestuar një mashkull shqiptar pasi i njëjti kishte kanosur me fjalë një zyrtar policor të nacionalitetit boshnjak, i cili ishte jashtë detyrës zyrtare, shkruan PrizrenPress.

Ngjarja ka ndodhur dje në ora një pasmesnate në fshatin Sreska.

Me urdhër të prokurorit i dyshuari është dërguar në mbajtje. /PrizrenPress.com/

Grabitje në Rahovec

0

Një grabitje ka ndodhur dje në ora katër e gjysmë pasmesnate në Rahovec.

“Viktima femër rome ka raportuar se një i dyshuar i pa njohur ka hyr me forcë në shtëpinë e saj dhe i njëjti në gjuhen serbe i ka kërkuar të holla më pas i ka grabitur një Samsung “Galaxy” dhe është larguar në drejtim të pa njohur”, citon PrizrenPress, raportin e Policisë së Kosovës.

Siç bëhet e ditur, njësitet policore janë duke hetuar rastin. /PrizrenPress.com/

Suharekë: Godet shtyllën elektrike me traktor, lëndohen dy persona

0

Policia ka bërë të ditur se në fshatin Studeqan të Suharekës, i dyshuari mashkull duke lëvizur me traktor të llojit IMT nga pakujdesia dhe mospërshtatja e shpejtësisë së lëvizjes me kushtet e rrugës ka goditur një shtyllë elektrike e cila ka rënë mbi rimorkio, shkruan PrizrenPress.

Si pasojë e aksidentit, lëndime trupore kanë pësuar dy viktimat meshkuj të cilët kanë qenë në rimorkio dhe të njëjtit kanë pranuar tretman mjekësor. /PrizrenPress.com/