Pas një mosmarrëveshje pesë të dyshuar janë përleshur mes veti në fshatin Sllapuzhan të Suharekës.

Njëri nga të dyshuarit ka shtënë me armë zjarri në drejtim të dy veturave të cilat ishin të parkuara para lokalit, me ç’rast janë shkaktuar dëme materiale.

Si pasojë e përleshjes, dy nga të dyshuarit kanë pësuar lëndime trupore dhe pas trajtimit të nevojshëm mjekësor të njëjtit janë liruar.

Në vend të ngjarjes është gjetur dhe konfiskuar një pushkë automatike, e cila dyshohet se është përdorur në rast.

Me vendim të prokurorit njëri nga të dyshuarit është arrestuar dhe dërguar në mbajtje.

Sot Lëvizja Vetëvendosje, Qendra në Prizren, organizoi tubim me qytetarë në fshatin Arbanas.

Në këtë tubim morën pjesë Arbër Rexhaj, shef i grupit parlamentar të Vetëvendosjes në Prizren dhe Drita Millaku, asambliste.

Arbër Rexhaj foli për situatën aktuale politike. Ai ndër të tjera tha se Lëvizja Vetëvendosje po mobilizohet gjithandej komunës sonë për parandalimin e demarkacionit me Malin e Zi në protestat e ardhshme kundërshtuese.

“Na kanë mbështetur për muri në të gjitha dimensionet e jetës shoqërore, prandaj na duhet Vetëvendosje, jo si subjekt por si alternativë çlirimtare”, tha Rexhaj.

Drita Millaku tha se angazhimi ynë gjithandej në Prizren do të rezultojë me fitore të Lëvizjes Vetëvendosje!

“Puna jonë e përditshme në dobi të qytetarëve do të reflektojë dhe se më nuk kemi rrugë tjetër, ose rrudhjen e territorit ose alternativën tonë përbashkuese për një ardhme më të mirë për fëmijët tanë”, tha ajo. /PrizrenPress.com/

Objekte të shumta të përditshmërisë që nga kamioni lodër i Blerim Jasharit deri të arma e Komandantit Adem Jashari janë ekspozuar në muzeun e Kompleksit Memorial të familjes Jashari në Prekaz.

Prekazi, fshat në Komunën e Skënderajt bëhet adresë e mijëra vizitorëve nga e gjithë bota shqiptare në ditët e para të marsit. Ata vijnë të shohin dhe dëgjojnë historinë e betejës dhe sakrificës së këtij fshati për liri, shkruan kallxo.com

59 viktima përfshirë, gra dhe fëmijë ranë në betejën e 5, 6 dhe 7 marsit të vitit 1998 kur forcat serbe e rrethuan fshatin Prekaz duke pasur në shënjestër familjen e Komandantit të Ushtrisë Çlirimtare të Kosovës, Adem Jashari.

Sot, 18 vite pas, shtëpitë e shkatërruara nga plumbat dhe artileritë e ushtrisë serbe vizitohen çdo vit nga rreth 400 mijë njerëz.

Sipas ciceronit të muzeut i cili është hapur vitin e kaluar, Ilaz Halimi, ka vizitorë nga e gjithë bota që interesohen për historinë e kësaj familje.

“Muzeu është muze lokal, kryesisht i Jasharajve dhe janë gjëra personale të familjes Jashari dhe pjesëtarëve të tjerë të lagjes Jasharaj si vegla pune, enë të ndryshme ushqimi, kemi armë, fotografi të dëshmorëve. Kemi vizitorë nga gjithë Evropa, Amerika e Veriut, nga Azia dhe rrallë edhe nga Afrika”, përshkruan Halimi.

Në këtë kompleks ku gjenden varrezat e dëshmorëve dhe shtëpitë e Jasharajve gjenden akoma eksponate që sipas ciceronit mbeten të mblidhen në të ardhmen në një muze më të madh.

Nëse vizitoni këtë kompleks, ciceroni do t’ju tregojë edhe për historinë e vajzës të vetme që mbijetoi në këtë beteje, Besarta Jashari, e cila u fsheh në maxhe (vend për ruajtjen e miellit), e cila është e ekspozuar në muze.

“Besarta ka qenë në një maxhe dhe kur futen forcat serbe më 7 mars pasi përfundon beteja, futet grupi i parë dhe Besarta shtrihet si e vdekur, kur futet grupi i dytë për mi tërhek kufomat e gjen Besartën të gjallë, e kapin për dore dhe e kanë afruar të secila kufomë… Kur e pyesin për Adem Jasharin se kush është ky ajo i gënjen , i thotë se është daja”, tregon Halimi.

Megjithë madhështinë dhe historinë që e bart ky kompleks ai ka filluar të shkatërrohet në mungesë të konservimit që pritet të bëhet me ndarje të buxhetit nga Qeveria e Kosovës./kallxo.com/