Dani Alves do të jetë kapiten i Brazilit në ndeshjen kualifikuese të së martës për Rusia 2018 që e zhvillon ndaj Kolumbisë.
Miranda ishte kapiten i skuadrës në fitoren e së martës ndaj Ekuadorit, ndërsa selektori Tite ka vendosur që shiriti të bartet me rotacion.
Ish kapiteni Neymar ka vendosur që të heq dorë nga mbajtja e shiritit kështu që ai do të ketë një numër pronarësh përgjatë kohës.
Luis Figo ka thënë se Barcelona mund të nënshkruajë me Cristiano Ronaldo nëse plotësohet kërkesa e kaluzolës së tij.
Legjenda portugeze u transferua tek Los Blancos më 2000, kur gjiganti spanjoll pagoi 37.2 milionë funte për të.
Ronaldo, që së fundmi është shpallur më i miri i Europës, kushton 1.5 miliard dhe Figo beson se transferimi tek katalunasit nuk është i pamundshëm.
“Është treg i lirë. Nëse plotësohen kushtet e duhura, pse jo”.
Devis Muka dhe Dorian Ramaliu janë dy moderatorët e rinj të “Fiks Fare”.
Por dy aktorët e kanë nisur me këmbën e mbarë dhe me një puthje në buzë sezonin e ri të programit investigativ.
“Ne jemi ata që do të drejtojmë Fiks Fare, hajde ta nisim me një puthje nga ato që i kanë lezet burrave”, ka thënë Devisi duke puthur në buzë kolegun e tij, Ramaliu.
Për të shënuar 70-të vjetorin e lindjes së legjendës Freddie Mercury, kitaristi i grupit Queen dhe astrofizikani Brian May dje ka treguar se një asteroid do të marrë emrin e Mercury.
“Një asteroid që sillet në orbitë rreth Marsit e Jupiterit do të quhet 17473 Freddiemercury. Asteroidi është zbuluar në vitin 1991 nga Qendra Astronomike Ndërkombëtare” tregon May.
Viti 1991 ishte edhe viti kur Freddie ndërroi jetë. Asteroidi 17473 Freddiemercury rrotullohet rreth Diellit 20-të kilometra për sekondë në një orbitë eliptike që asnjëherë nuk i afrohet tokës më afër se 350 milionë kilometra, dhe kësisoj nuk e rrezikon atë.
“Duhet një teleskop i mirë për ta parë. Është një dritë, e ndoshta një ditë do ta prekim” tregon May.
Freddie Mercury ishte këngëtar britanik pjesë e disa grupeve muzikore, së fundmi nga viti 1970 e deri kur ndërroi jetë me grupin “Queen”.
Në ceremoninë e ndarjes së çmimeve të festivalit të madh Montreal World Film Festival, filmi ‘Eho’ nga Dren Zherka, koproduksion mes Gjermanisë dhe Kosovës, mori çmimin ‘Silver Zenith for the First Fiction Feature Film’ një shpërblim ky prej 40,000 dollar.
‘Eho’ film debutues me skenar dhe regji nga Dren Zherka i cili u shfaq para publikut për herë të parë në Montreal triumfoi me këtë çmim të rëndësishëm për të ardhmen e filmit që do ta ketë në festivale të ndryshme.
Ky film flet për humbjen, vetminë, dhe për një lidhje të pashprehur që i bashkon dy prindërit në moshë, larg nga njëri-tjetri, përmes një aksidenti fatal. Një grua në Gjermani fillon udhëtimin dhe eksplorimin e jetës së emigrantit ilegal, dhe në vend të kësaj gjen dhimbjen dhe vetminë e saj; një njeri të moshuar në Kosovë që humbja dhe vetmia e kanë sjell në fund të udhëtimit të tij.
Këto dy personazhe luhen nga: Selman Jusufi dhe Klara Höfels.
‘Eho’ është realizim i kompanisë filmike ‘ASHA’ dhe ‘MAGUSfilms’ dhe është i mbështetur nga Qendra Kinematografike e Kosovës. / KultPlus.com
Në Pazarin e Vjetër të Korçës, në datat 10, 11 dhe 12 shtator bëhen bashkë në një takim të veçantë kultura dhe trashëgimia me kabanë, polifoninë, xhazin, rokun, muzikën elektronike dhe bashkëkohore. Janë tri net magjike që mbledhin emra artistësh të famshëm në Shqipëri, gjatë edicionit të parë të festivalit Kaba 2.0.
Në këtë festival do të marrë pjesë për herë të parë kantautori Italian, muzikanti i njohur i cili ka korrur sukses në vende të ndryshme të Evropës, Vinicio Capossela, ku do të performojë live me grupin e tij. Grupi nga Janina, Villagers of Ioannina City, kompozitori dhe pianisti Robert Bisha, i cili kthehet në Shqipëri pas koncertit të suksesshëm, që pati në Lion të Francës, Fanfara Tirana, Basisti Dr Das nga Asian Dub Foundation, DJ sets, nga Jehonë & The Funkie Villainz, etj.
Festivali Kaba 2.0, përfshin Kabanë shqiptare, një thesar i cili përmban struktura muzikore unikale ku mund të hasim embrione të jazz-it, dub-t, blues-it të cilët rrjedhimisht do të sillen në forma të reja bashkëkohore si KABA-dub, KABA-jazz, KABA-tronic, KABA- klasic, KABA-blues etj. Është bërë një përzgjedhje e kujdesshme e artistëve të huaj, me kualitet dhe famë të pakontestueshme, të cilët do të prezantojnë përveç programit të tyre një program të përbashkët me një grup shqiptar. Një pjesë e këtij programi është bazuar mbi muzikën shqiptare të rishikuar / reinterpretuar / riarranzhuar. Kabaja e jugut (sazet), polifonia, format muzikore si majë e krahut apo vallet e veriut të sjella dhe të konceptuara në shekullin e XXI.
Një laborator nisur nga tradita me një respekt përulës. Gjatë natës së parë do të jepen tre koncerte live, tri nga shembujt më të mirë që ky festival dëshiron të promovojë dhe inkurajojë. Nata e parë e festivalit do të hapet me grupin Jericho, një grup nga Kosova, muzika e së cilit është nj përzierje mes muzikës alternative, elektronike, dhe etnikes, muzikës karakteristike të Shqipërisë së Veriut dhe Kosovës. Koncerti më pas do të vazhdojë me grupin Villagers of Ioannina City, një grup I krijuar në 2007 në Janinë, I cili luan kryesisht muzikë fol k- rok. Gjatë këtij koncerti ata do të prezantojnë Kabaroc.
Kompozitori, pianisti Robert Bisha & Fanfara Tirana do të hapin programin e natës së dytë. Më së fundi pas një turneu tri vjecar nëpër botë edhe për publikun tonë projekti “Kabatronics” nga Fanfara Tirana meets Transglobal Underground do të prezantohet edhe në Shqipëri. Ndërkohë kompozitori dhe pianisti Robert Bisha luan e drejton Fanfara Tirana për një premierë unike me të cilën merituan një duartrokitje të gjatë në Lion të Francës më 8 Korrik në festivalin më të rëndësishëm të “Netët e Furviere” në amfiteatrin romak, të tejmbushur me 4500 spektatorë. Ndërkaq kompozitori shqiptar, Robert Bisha, i cili vjen në Shqipëri dhe pas një koncerti tjetër të suksesshëm, të realizuar në Torre Guaceto në Brindisi (Reservë natyrale) në agimin e datës 20 gusht, do të interpretojë disa herë gjatë festivalit.
Ditën e fundit të Kaba 2.0 tingujt magjik të pianos së Robertit dhe zërat hyjnorë të të kënduarit “vënce” nga Albanian Iso-Polyphonic Choir do të keni mundësinë ti ndiqni Brenda Manastirit të Voskopojës. Vinicio Capossela, kantautori I njohur Italian,muzikanti dhe tekstshkruesi do të vij për herë të parë në Shqipëri për të prezantuar hitet e tij. Dr Das nga Asian Dub Foundation do të eksperimentojë Kabadub, DJ sets edhe nga Jehonë dhe The Funkie Villainz, etj.
Programi i festivalit Kaba 2.0
10 Shtator
Grupi Jericho
Grupi Villagers of Ioannina City
Fanfara Tirana meets Transglobal Underground me Kabatronics
11 shtator
Kompozitori dhe pianisti Robert Bisha & Fanfara Tirana
Muzikanti, kantautori Vinicio Capossela
Basisti Dr Das nga Asian Dub Foundation
DJ sets, nga Jehonë & The Funkie Villainz
12 shtator
Robert Bisha & Albanian Isopolyphonic Choir
Policia e Kosovës (PK) sot feston 17-vjetorin e themelimit.
Me një ceremoni zyrtare, do të bëhet ndarja certifikatave për zyrtarët policorë që janë shquar për punën e tyre dhe rezultatet e arritura.
Për nderim të kësaj dite, janë të ftuar të marrin pjesë personalitete të ndryshme, përfaqësues të lartë të institucioneve vendore dhe ndërkombëtare si dhe familjarë të policëve.
Më 6 shtator të vitit 1999, Misioni i OSBE-së në Kosovë, në pajtim me Rezolutën e Kombeve të Bashkuara 1244, ka hapur Shkollën e policisë dhe ka filluar trajnimin e kandidatëve për pjesëtarë të Policisë së Kosovës. Gjenerata e parë e kandidatëve për pjesëtarë të këtij shërbimi filloi trajnimin në këtë qendër më 6 shtator 1999. Kjo gjeneratë numëroi 176 pjesëtarë të cilët me sukses përfunduan trajnimin dhe pastaj filluan ushtrimin e veprimtarisë policore në tërë territorin e Kosovës si policët e parë të këtij shërbimi.
I madhe e i vogël mbrëmë i kanë uruar Kosovës debutimin historik në garat zyrtare ndërkombëtare, si dhe barazimin me Finlandën (1:1).
Por, lojtarët kosovarë që luajnë për vendet tjera si: Xherdan Shaqiri, Granit Xhaka, Shani Tarashaj, Valon Behrami e Adnan Januzaj nuk e kanë thënë asnjë fjalë për vendlindjen e tyre, shkruan Express.
Pasi e kanë refuzuar ftesën e Kosovës, lojtarët e lartpërmendur me siguri nuk kanë pasur ‘fytyrë’ t’i urojnë vendit të tyre startin e mrekullueshëm në kualifikimet për Botërorin 2018. /Express/
Ministri i Integrimit Evropian, Bekim Çollaku në emisionin Infobox të RTV Dukagjini ka thënë se qytetarët e Kosovës më së largu në janar do të lëvizin pa viza në vendet e BE-së.
Çollaku ka thënë se Brukseli e konfirmoi edhe një here mbështetjen për të ardhmen evropiane të Kosovës me votimin pozitiv në Komisionin e Parlamentit Evropian për të drejtat civile, drejtësi dhe punë të brendshme (LIBE).
Ministri Çollaku konfirmoi se do te jetë në Presidencën e Kosovës ngase puna e tij si ministër i Integrimit ka përfunduar. E se çfarë pozite do të ketë, ai për Infobox ka thënë se do të jetë numri dy pas Presidentit.
Bekim Çollaku ka thënë se tani i takon deputeteve të Kosovës të përcaktojnë fatin e lëvizjes së lirë, duke votuar demarkacionin, i cili është kusht i Bashkimit Evropian, e të cilin ai e konsideroi padrejtësi që po i bëhet qytetarëve krahasuar me vendet e tjera te rajonit.
Megjithatë Çollaku shprehu mirënjohjen tij për të gjithë ata eurodeputet që dje dhanë votën e tyre pozitive për vazhdimin e këtij procesi.
Analisti politik Shkëlzen Maliqi ka vlerësuar se tërheqja e marrëveshjes së demarkacionit nga votimi në Kuvend është bërë në mungesë të votave të Listës Serbe e jo për shkak të arritjes së një konsensusi të gjerë.
Në një intervistë dhënë për gazetën “Epoka e re”, ai ka thënë se një konsensus i tillë do të ishte i mirëseardhur por, sipas Maliqit, elitës aktuale politike i mungon arsyeja dhe qasja konstruktive për çështje madhore. Ai ka deklaruar se politikanët e Kosovës ende nuk e kanë mësuar leksionin e demokracisë për t’i marrë vendimet vetë, e jo me presione të diplomacisë perëndimore.
Maliqi ka theksuar se nëse koalicioni qeverisës i ka votat edhe mund ta rikthejë për votim në Kuvend demarkacionin. Në të kundërtën, sipas tij, do të duhej të shpalleshin zgjedhjet e reja. Maliqi ka thënë se demarkacioni dhe asociacioni i komunave serbe nuk janë problemet kryesore të Kosovës, por zhvillimi ekonomik dhe reforma e administratës. /Epoka e re