Në fshatin Bërnjak të Rahovecit, janë arrestuar dy të dyshuar të cilët pas një mosmarrëveshje rreth një kontesti pronës kanë kanosur me thikë një tjetër.
Në raportin 24 orësh të Policisë së Kosovës, raportohet se me vendim të prokurorit të dyshuarit pas intervistimit janë dërguar në mbajtje
Ishte paraparë që Çmimet Vjetore për Letërsi, fituesit e të cilëve u bënë të ditur zyrtarisht kah mesi i shkurtit, t’u dorëzoheshin laureatëve më 17 shkurt, në Ditën e Pavarësisë së Kosovës, por kjo ceremoni u anulua me arsyetimin se agjenda e kësaj feste është shumë e ngjeshur.
“Ju njoftojmë se ceremonia për ndarjen e çmimeve për letërsi, e paralajmëruar për nesër, anulohet për shkak të Agjendës Shtetërore për organizimin e Ditës së Pavarësisë së Kosovës. Ceremonia do të organizohet në një datë tjetër, për të cilën do të njoftoheni me kohë”, thuhej në kumtesën e MKRS-së, drejtuar mediave.
Dy javë pas, përkatësisht deri më sot (1 mars), kjo ceremoni ende nuk është mbajtur dhe madje nuk ka ndonjë shpjegim për këtë.
Zërat rreth këtyre çmimeve filluan të shtohen kur Abdullah Zeneli, i cili është shpallur fitues i çmimit “Ali Podrimja”, për veprën më të mirë në poezi, me përmbledhjen e tij “Vetmia e mermertë”, bashkë me autorin Demë Topalli, për veprën “Sytë që dinë me pa”, ka deklaruar publikisht se nuk do ta pranoj çmimin. Të dy autorët parashihej të shpërblehen me vlerë monetare nga 1.250 euro, përkatësisht ta ndanin këtë çmim.
Sipas Zenelit, anëtarët e jurive të MKRS-së nuk po e vlerësojnë veprën letrare, por lidhjet e tyre me autorët.
“Vetëm Çmimi për Poezi është ndarë, siç ka ndodhur padrejtësisht edhe më parë, bie fjala vite më parë i është marrë gjysma e çmimit një poeti nga më të mirët që ka sot letërsia shqipe, Adem Gashit. Edhe atëherë, edhe sot mendoj se juritë e MKRS-së spekulojnë shumë. Nuk shikojnë asnjëherë (me ndonjë përjashtim, le ta themi hapur) vlerat, por autorin. Të shpeshtën ai, i lauruari apo e lauruara, reflekton ngushtësisht ‘lidhjen’ me anëtarët e jurisë, që ‘vlerësojnë’ mikun e jo veprën! Akrabanë e jo veprën! Të dashurën e jo veprën! Përkatësinë partiake e jo veprën! Pozitën e jo veprën… Kjo e fundit ka të bëjë më të shumtën e akademikëve që janë (ç)nderuar me Çmimin për Vepër Jetësore ‘Azem Shkreli’. Akademikët për vepër jetësore janë anëtarë të AShAK-ut dhe s’kanë çfarë t’i fusin hundët në çmimet e MKRS-së! Madje ka ‘akademik që është (ç)nderuar me këtë çmim edhe pse ka qenë delegat në kongresin e fundit të LKJ-së në Beograd dhe s’ka folur madje asnjë fjalë për aparteidin ndaj shqiptarëve në ish-Jugosllavi! Apo edhe ‘akademik’ që është (ç)nderuar me këtë çmim në moshën 60-vjeçare! Është absurde që, pa mbushur moshën, të paktën 65 vjeç, të jepet ky çmim, edhe pse akademikët janë gjithë jetën të pa pensionuar në të ardhurat që jua sjellë vepra jetësore e akademikut! Një arsye tjetër madhore e refuzimit të çmimit është lakimi i emrit tim me emra që s’kanë lidhje me çmimin që u është dhënë sivjet si, bie fjala, për romanin, apo për studimet letrare, respektivisht kritikën letrare! Katastrofë! Mjerë letërsia, juria, institucioni në ç’gjendje janë katandisur”, shprehet Zeneli.
Në anën tjetër, i kontaktuar nga Gazeta Zëri, kryetari i jurisë së caktuar nga Ministria e Kulturës, Rinisë dhe Sportit, Anton Berishaj, tha shkurt përmes telefonit se nuk do t’i komentoj këto akuza. “Nuk kam koment. Nuk dua të them asgjë. Duhet të pyeten ata që akuzojnë dhe t’u kërkohen argumente atyre”, ka thënë Berishaj.
Përveç kryetarit Berishaj, juria profesionale që caktoi fituesit këtë vit ishte e përbërë edhe nga anëtarët Musa Ramadani, Nerimane Kamberi, Xhevat Syla dhe Agron Gashi.
Rikujtojmë se Çmimi Kombëtar Letrar për Vepër Jetësore “Azem Shkreli” sivjet i ndahet Eqrem Bashës, i cili shoqërohet me shpërblim në vlerë monetare prej 5.000 eurosh, plakat dhe certifikatë.
Çmimi për veprën letrare më të mirë kritike letrare, eseistikë “Ibrahim Rugova”, i është dhënë Gëzim Aliut, për studimin “Romanet e Ismail Kadaresë, 1963 – 1990, retorika e tekstit dhe narracionit”. Çmimi për veprën letrare më të mirë për fëmijë “Vehbi Kikaj” i ndahet autores Fatmire Duraku për prozën “Dea dhe kërriçi i vetmuar”, kurse çmimi për veprën më të mirë në prozë “Anton Pashku” i ndahet shkrimtares Majlinda Bregasi për romanin “Ikje”.
Në anën tjetër çmimi për veprën më të mirë të përkthyer në gjuhën shqipe ose anasjelltas “Pjetër Bogdani” për përkthimin e romanit “Të vdesësh në pranverë”, të Ralf Rothman, do t’i jepet Arben Atashit. Secili nga çmimet do të shpërblen me vlerë monetare nga 2.500 euro.
Dy ferma të nacionalitetit boshnjak, janë arrestuar në Prizren. Ato dyshohen se janë marrë me prostitucion.
Policia e Kosovës, njofton se në pranga bashkë me femrat, ka përfunduar edhe një mashkull.
“Të njëjtit janë intervistuar dhe me vendim të prokurorit janë liruar në procedurë të rregullt”, njofton Policia e Kosovës./PrizrenPress.com/
Në mediat italiane e shohin si të kryer punën e Antonio Contes, ku thuhet se është arritur marrëveshje me klubin e Interit dhe se largimi i Contes nga Chelsea do të ndodh në vitin e ardhshëm.
Sipas Tuttosport, Nerazzurrët që udhëhiqen nga Suning Group i kanë bërë ofertë trajnerit prej 15 milionë euro në katër vite.
Italiani e ka pranuar ofertën pasi ajo më e hershmja ishte 11 milionë euro.
Burime brenda Suning bëjnë me dije se klubi i Interit ka filluar negociatat me pronarin e Chelseat, Roman Abramovich, për ta liruar trajnerin.
Conte aktualisht me skuadrën e tij londineze është 10 pikë para vendit të dytë në Ligën Premier, ndërsa Inter gjendet në vendin e gjashtë në Serie A.
Trajneri aktual i Interit është Stefano Pioli, i cili pasoi të larguarin Frank De Boer.
Me moton “Lumenj të pastër-jetëgjatësi për të gjithë”, shoqëria civile në Rahovec ka ndërmarrë veprime për të parandaluar shkatërrimin dhe ndotjen e rrjedhave ujore në Rahovec, Fortesë dhe Sopniq.Pas vlerësimeve të bëra se lumenjtë Duhllo dhe Rimnik në Rahovec, lumi Bellaja në Fortesë dhe përroi në fshatin Sopniq, i janë nënshtruar një degradimi sistematik, ndërsa hedhja e mbeturinave në këto ujëra po ndikon rrezikshëm në florë dhe faunë.
Kështu, Këshilli Rinor i Rahovecit, ka ndërmarrë një mori veprimesh konkrete duke biseduar me banorë të zonës, përgjegjës të fshatrave e lagjeve të qytetit, si dhe me autoritetet komunale përgjegjëse për mbrojtjen e mjedisit, për të sensibilizuar për nevojën e mbrojtjes së rrjedhave ujore.Tejmbushja me mbeturina të ngurta dhe mbetje urbane po shkakton edhe përmbytje të zonave të banuar, fenomen ky i shprehur më të rëndi në fshatin Fortesë dhe në disa lagje të qytetit të Rahovecit.
Projekti mbështetet nga organizata “CRESSIDA, REC-Kosova, dhe ka për synim të bëjë: – Identifikimin e shkaktarëve të ndotjes së ujërave, hartimin dhe publikimin e metodave mbrojtëse të shtretërve të lumenjve, adresimin e shkaktarëve degradues tek organet kompetente vendore dhe ndërkombëtare, diskutimi i problemeve të identifikuara përmes tryezave, si dhe ndërmarrjen e masave për parandalimin e përmbytjeve (vërshimeve) eventuale.
Prandaj, Këshilli Rinor i Rahovecit fton për bashkëpunim qytetarët, nxënësit, shoqërinë civile dhe autoritetet lokale e qendrore, që të bashkohen në këtë projekt për të mbrojtur rrjedhat ujore, në mënyrë që të kemi jetë më të shëndetshme dhe më të gjatë.
Në mbledhjen e Kuvendit të Komunës së Rahovecit të mbajtur me datë 28 shkurt 2017, përveç pikave tjera të cilat janë miratuar nga kuvendarët ka qenë dhe është aprovuar edhe propozim vendimi i Kryetarit të Komunës së Rahovecit, Idriz Vehapi për përkrahjen financiare të klubeve-shkollat sportive, OJQ-ve rinore dhe shoqërore artistike-muzikore në Komunën e Rahovecit.
Pas diskutimeve, anëtarët e kuvendit kanë marrë vendim për përkrahjen financiare të klubeve-shkollave sportive, OJQ rinore dhe shoqërore artistike-muzikore të cilat veprojnë në Komunën e Rahovecit për vitin 2017, shuma e përgjithshme e cila është ndarë për përkrahje financiare është 41 mijë e 300 euro.
Klubet-shkollat sportive, OJQ rinore dhe shoqërore artistik-muzikore janë këto: K.F “Rahoveci” 11 mijë euro, K.B “Rahoveci” 11 mijë euro, K.F “18 Korriku” 2 mijë euro, K.F “Ratkoci” 2 mijë euro, K.F “Xërxa” 2 mijë euro, K.SH “Rahoveci” 1000 euro, Sh.F “Rahovec” 800 euro, Sh.F “Burimi” 700 euro, Sh.F”Drenoci” 500 euro, Auto moto corting club Rahoveci 500 euro, Shoqata e të verbërve 500 euro, SHKA”Anadrini” 3 mijë euro, SHKA “Bajram Curri” 2 mijë e 500 euro, SHKA “Rahoveci” 700 euro, festivali ndërkombëtar i poezisë 2 mijë euro, OJQ ShK “Vihuela” 500 euro dhe këshilli rinor i Rahovecit me 600 euro.
Klubet-shkollat sportive, OJQ rinore dhe shoqëri artistik-muzikore të cilat veprojnë në Komunën e Rahovecit, bazuar në rregulloren për ndarjen e subvencioneve Nr.18/30 të datës 07.05.2013, obligohen që për çdo gjashtë muaj të raportojnë te Kryetari i Komunës me raport të detajuar për shpenzimin e këtyre mjeteve./PrizrenPress.com/
Thirrja e para dy ditëve e përfaqësuesit të SHBA-së në Këshillin e Sigurimit të OKB-së, David Pressman, për të reformuar e për të forcuar gjyqësorin dhe kësisoj për t’u hapur, veç tjerash, rrugën edhe investimeve të huaja në Kosovë, nga analistët dhe ekspertët e kësaj fushe po shihet si një sinjal i qartë dhe shumë sinjifikativ për institucionet tona të drejtësisë, në mënyrë që të fuqizohet shteti i së drejtës dhe përfundimisht të ketë rend e ligj në këtë vend, ku respektohet e drejta dhe sundimi i ligjit. Analisti Shefqet Dibrani, në një prononcim për gazetën “Kosova Sot”, ka thënë se kjo thirrje duhet të merret si një alarm që po bie mbi drejtësinë dhe përgjithë- sisht Kosovën. Tutje, Dibrani thotë se askush nuk do të vijë për të investuar në Kosovë pa pasur sistemin e drejtë- sisë të reformuar, pa pasur siguri në këtë aspekt në vendin tonë, por edhe shoqëria jonë pa e kuptuar esencën e demokracisë, që pa një ndryshim rrënjësor nuk do të ketë zhvillim dhe as përparim.”Së këndejmi, të gjithë faktorët relevantë, që merren me Kosovën, e kanë kuptuar demagogjinë shterpe dhe pabesinë e udhëheqjes politike në Kosovë, e cila ndryshe mendon dhe ndryshe premton e krejtësisht ndryshe vepron duke krijuar trilogjinë e konceptit demagogjik nga e cila pikëpamje udhëhiqet sot Kosova”, theksoi ai.
Mafia oligarkike e shtriu pushtetin
Sipas Dibranit, edhe pse sistemi i drejtësisë është bërë pengesë e zhvillimit dhe reformimit të vendit, vullneti për t’u ndryshuar nuk ekziston, qoftë për mungesë të profesionalizmit apo thjesht për shkak të implikimit të mundshëm në afera korruptive të gjyqtarëve dhe prokurorëve, shantazhe këto nga të cilat nuk dilet kollaj. “Drejtësia në Kosovë është bërë kaq problem i madh sa nuk bëhet më, dhe për më keq as nuk ka gjasa për një reformim substancial pa të cilin nuk do të vijnë investitorë seriozë dhe sigurisht me këtë avaz do të dështojnë të gjitha institucionet e vendit, sepse nuk quhen reforma ndryshimet kozmetike vetëm “sa për sy e faqe””, ka vijuar më tej ai. Dibrani shton se sigurisht që grupet e interesit dhe mafia e oligarkëve politikë i ka futur duart thellë në sistemin e drejtësisë, përmes të cilit janë duke e kontrolluar jetën e gjithmbarshme në tërë Kosovën, prandaj, siç tha, tani për tani nuk ka gjasa që të dalë një prokuror i zoti për t’u bërë hero i drejtësisë dhe që do të ketë guxim për të luftuar krimin dhe korrupsionin në këtë vend, i cili është bërë kancer për demokracinë e brishtë kosovare. ” Pra, mendoj se pa një reformim të përgjithshëm të shoqërisë tonë as nuk do të ketë zhvillim dhe as përparim, dhe për rrjedhojë nuk do të ketë siguri dhe as perspektive për të ardhmen, sepse asnjë vend i zhvilluar nuk ka përparuar me një drejtësi të kalbur dhe me një korrupsion masiv, ashtu siç supozohet se është futur sistemi i drejtësisë në Kosovë”, theksoi ai.
Pa rend dhe ligj nuk ka shtet
Analisti tjetër, Naim Kelmendi thotë se thirrja e para dy ditëve e përfaqësuesit amerikan në Këshillin e Sigurimit të OKB-se për të forcuar gjyqësorin dhe për t’u hapur kështu rrugë investimeve të huaja duhet të jetë sinjal i qartë dhe shume sinjifikativ për institucionet tona të drejtësisë, në mënyrë që të fuqizohet shteti i së drejtës, dhe përfundimisht të ketë rend dhe ligj në këtë vend. “Thirrja e përfaqësuesit amerikan në KS të OKBse për institucionet e drejtësisë në Kosovë është edhe tregues për këto institucione që sa më seriozisht duhet të fuqizohet shteti i së drejtës, mbase dhe me reforma substanciale në tërë sistemin e drejtësisë dhe kjo duhet parë si detyrim dhe domosdoshmëri nga njerëzit e sistemit. Ndërkaq, mosfunksionimi i shtetit ligjor për kaq kohë ka bërë që të ketë pasoja edhe në sferën ekonomike të vendit dhe kështu duke ua mbyllur derën investimeve të huaja, ngase pa shtet të fortë ligjor as investitorët e huaj nuk vijnë për të investuar në një shtet ku nuk ka rend juridik dhe ku nuk respektohet e drejta dhe ligji’, potencoi ai. Sipas Kelmendit, në sistemin e drejtësisë është përfundimisht e pashmangshme një reformë e mirëfilltë në mënyrë që në sistemin e drejtësisë të ketë njerëz kredibilë, e që me forcën e ligjit dhe të drejtës ta kenë guximin dhe kurajën profesionale që edhe t’i dërgojnë prapa grilave edhe njerëzit e pushtetshëm, e që kanë rënë ndesh me të drejtën dhe ligjin.
Pasiguria juridike po tremb investitorët
Njohësi i çështjeve juridik dhe politike, Mazllum Baraliu mendon se është indikative deklarata e përfaqë- suesit të SHBA-së. “Rendi dhe rregulli, sundimi i ligjit, shteti i së drejtës janë kategori imperative dhe është evidente që pa sundimin e ligjit, shtetit të së drejtës, me fjalë të tjera pa stabilizimin e sistemit gjyqësor dhe atij të drejtësisë në përgjithësi, institucional, pra nuk mund jo vetëm rend, qetësi e paqe dhe rregull, por as zhvillim ekonomik e as investime të huaja, qoftë direkte apo indirekte, për arsye se thjesht krahas problemeve infrastrukturore çështja e sigurisë kapitale, sigurisë së investimeve dhe respektimit të ligjit në rast të kontesteve që mund t’i kenë investitorët e huaj është çështje primare dhe prandaj ne kemi rënie investimesh në vend që të kemi rritje të tyre”, theksoi ai. “Për çdo vit, fatkeqësisht, kemi rënie për arsye se nuk është ambienti dhe atmosfera e të bërit biznes adekuat, dhe nuk ka siguri dhe as sundim të ligjit. Prandaj, vërejtjet dhe sugjerimet e tilla duhet marrë seriozisht dhe me dashamirësi, pra të mirëqena nga institucionet tona për të investuar shumë më tepër në avancimin e pushtetit dhe të sistemit gjyqësor e të drejtësisë”, u shpreh më tutje Baraliu
Akuzave të opozitës ju është përgjigjur Ymer Berisha, shef i Zyrës për informim në komunën e Prizrenit.
Ai për “Kosova Sot” pohon se emërtimet buxhetore të planifikuara për realizim në secilin vit janë votuar në Kuvendin e komunës edhe nga kuvendarë të LDK-së, ndaj lidershipi i kësaj partie është mirë që të konsultohet me kuvendarët e subjektit të tij para se të pretendojë të bëjë lajm të paqëndrueshëm politikisht e publik.
“Në këtë mënyrë po e humb seriozitetin e nevojshëm për komunikim me qytetarët. Komuna jonë ka në realizim disa projekte kapitale që marrin kohë më shumë se një vit, ndaj nxitimet për të bërë akuzua fiktive politike janë mungesë respekti ndaj punës dhe qytetarëve. Nënshkrimi i memorandumeve me ministritë e Qeverisë së Kosovës, të cilat përkrahin projektet tona publike, kalojnë shumën e investimeve mbi 2.000.000 euro dhe ndihmojnë qytetarët e komunës sonë në ngritjen e cilësisë së jetës në përgjithësi, ata që marrin guximin t’i klasifikojnë ‘false’ janë më shumë sesa duhet të ‘guximshëm’, në politikë- bërje”, është shprehur Berisha.
Sipas tij, komuna vazhdon të ruajë kujdesin maksimal për të gjithë.
Kurse qytetari Ramadan Gashi, pensionsit, pohon se ka pasur rastin të dëgjojë se Prizreni po e fillon projektin për një shtëpi pleqsh dhe kjo e ka gëzuar atë. Sipas tij, kjo është e nevojshme për Prizrenin.
“Nuk më intereson mua a është vit zgjedhor apo jo. Kjo që më intereson mua është fakti se Prizreni për një vit ose më së largu për dy vite do të ketë shtëpi pleqsh”, pohoi ai për gazetën.
Kryetari i Nismës në Prizren Zafir Berisha, tha se pushteti lokal po tenton që me projekte të reja t’i mashtrojë qytetarët e Prizrenit.
“Tash po dihet se projektet e proklamuara, memorandumet false, të nënshkruara midis ministrave dhe të dënuarit Ramadan Muja, janë në vazhdën e tentimit për të mashtruar qytetarin e Prizrenit”, është shprehur ai.
Artan Abrashi, nga VV-ja, Qendra në Prizren, shprehet se është i sigurt se do të ketë nisje të projekteve të reja.
“Një pushteti të zhytur në skandale të shumta nuk i mbetet gjë tjetër veçse t’i mbulojë ato me nisje të projekteve të reja. Do të këtë projekte të nisura, jo projekte të përfunduara. Pra, spektakël mediatik, pa kurrfarë rezultati konkret”, është shprehur Abrashi.