Tre policë bëjnë simbolin e shqiptarëve New Yorkut. Me uniformë të Policisë ata janë fotografuar dhe të njëjtën e kanë postuar në Facebook.
Nuk dihet përkatësia e dy të tjerëve por polici i mesit është shqiptar nga Kosova. Ai është Artan Konjuhi, i lindur dhe i rritur në Prishtinë por që tash jeton në Amerikë.
Konjuhi 28 vjeçar së bashku me familje ka emigruar në Amerikë pak para luftës në Kosovë ndërsa që nga 1 korriku është bërë polic i New Yorkut
Legjenda e muzikës rok nga Gjermania, Till Lindeman, lideri i grupit “Rammstein”, ka thënë se ka qenë cak i propagandës së Kremlinit, kur mediat ruse gabimisht e kanë cituar atë duke thurur lavde për Vladimir Putinin.
Ai i akuzon mediat ruse se e kanë ndryshuar edhe pamjen e një bluze që ai e kishte veshur duke e vendosur fotografinë e presidentit rus, derisa Lindeman shihet duke marrë pozë aprovuese për Putinin.
Në një intervistë të publikuar në fund të muajit qershor në tabloidin gjerman, Bild, Lindeman ka thënë se fotografia që është përhapur nëpër internet është manipuluar në mënyrë digjitale.
Sipas tij, në bluzën që shihet në atë fotografi nuk ka qenë fytyra e Putinit, por një kafkë.
Në artikullin e BILD-it gjerman, të titulluar “Unë isha viktimë e propagandës së Putinit”, Lindeman ka thënë se ai në fakt e mbante në duar një telefon që e kishte foton e Putinit të ngjitur për të, por ky telefon nuk është pronë e tij, por e një personi tjetër që ia kishte lënë në dorë për ta bërë fotografinë.
Ai gjithashtu e ka mohuar se ndonjëherë ka folur me fjalë miradie për Putinin, ashtu siç është cituar nga mediat ruse.
Mediat ruse më 27 dhe 28 qershor e kanë cituar Lindeman duke thënë: “Në Gjermani, (kancelarja) Angela Merkel nuk mund ta arrijë popullaritetin e njëjtë që e ka Putini. Më pëlqen ai, është lider serioz dhe jo kukull – ndryshe prej të tjerëve”.
“I konsideroj të padrejta sulmet ndaj vendit tuaj”, kanë vazhduar citatet e tij në mediat ruse dhe vazhdojnë tutje: “Rusia po e mbron intereset e saja. Sanksionet duhet të vendosen ndaj atyre që po e bëjnë një lojë të pandershme dhe po provokojnë konflikt ndërkombëtar. Për çdo rast, jam i sigurt se muzika do e shpëtojë botën”.
Mirëpo, Lindeman, që konsiderohet lider i zhanrit të ri të muzikës rok të Gjermanisë, ka mohuar të ketë thënë ndonjëren prej atyre fjalëve.
Bild e ka cituar Lindeman duke thënë: “Janë të gjitha broçkulla! Ne kemi bërë muzikë në Moskë më 19 qershor. Miqtë e agjentit tonë rus, Ed Radnikov erdhën te ne pak para se të fillonte koncerti dhe ma hodhën një telefon në dorë duke më thënë ‘ke të fala nga Vladimir Putin!’ Më pas më pyetën sa më pëlqen Moska. Unë ju bëra me shenjë me gishtin e madh (që gjithçka është mirë) dhe thashë: ‘Moska është qytet i shkëlqyeshëm’. Kjo ishte e tëra.”
Fotografia e ndryshuar, megjithatë, ka qarkulluar në të gjitha mediat ruse.
Megjithë përpjekjet e një skeme propagandistike të menduar mirë, gabimet në raportime mund të kenë ndodhur si rezultat i një veprimi reklamues patriotik që ka shkuar keq.
Më 29 qershor, Gazeta.ru ka raportuar se fotografia e ndryshuar dhe citatet fillimisht kanë qarkulluar nëpër mediat ruse më 20 qershor, ashtu siç janë raportuar nga Caviar – kompania ruse që prodhon mbulesa për telefona me shenja patriotike që e kanë edhe futurën e Putinit në të.
Caviar nuk ka pranuar që të konfirmojë raportimet për gabime të bëra nga shërbimi rus i Radios Evropa e Lirë.
Lenta.ru më pas e ka cituar një komunikatë nga Caviar duke e marrë përgjegjësinë për ndryshimet, mirëpo një komunikatë e tillë nuk mund të gjendet në faqen e internetit të Caviar.
Disa prej mediave ruse tash i kanë hequr nga portalet e tyre fotografinë dhe komentet për liderin e “Rammstein”. Versioni në gjermanisht i agjencisë së lajmeve, “Sputnik” momentalisht e ka të postuar një fotografi pa ndërhyrje të Lindeman.
Mirëpo, versioni në çekisht i Sputnikut deri në fund të qershorit vazhdonte ta mbante fotografinë e ndryshuar të Lindemanit, duke e cituar Metron, gazetën që jepet gratis nëpër Moskë.
Metro deri më 27 qershor e kishte në faqen e saj në internet artikullin. Mirëpo, më vonë, Metro e publikoi edhe një korrigjim për artikullin e parë.
Ylli i futbollit botëror Lionel Messi është dënuar me 21 muaj burgim, pasi një gjykatë në Barcelonë, aty ku edhe aktivizohet me “blaugranat”, e shpalli atë fajtor për 3 akuza të lidhura me evazionin fiskal.
Lajmi është bërë i ditur përmes një deklarate të gjykatës gjatë kësaj të mërkure. Gjykata dënoi gjithashtu edhe të atin e futbollistit argjentinas, Jorge Messi, sërish me 21 muaj burg dhe për të njëjtat akuza.
Megjithatë vendimi për dënimin e tyre mund të apelohet përmes Gjykatës Supreme spanjolle. Gjithsesi, bazuar mbi ligjet e Spanjës, vajtja në burg e Messit dhe të atit të tij është thuajse e pamundur, pasi për dënimet nën dy vite burgim mund të shlyhen edhe në liri me kusht.
Gjykata ka urdhëruar Messin të paguajë një gjobë prej rreth 2 milionë eurosh, ndërsa babain e tij me 1.5 milionë euro për këto shkelje.
Mbyllet ai që është cilësuar nga mediat në mbarë botën si ‘gjyqi i shekullit’.
Bëhet fjalë për gjyqin ndaj atletit paraolimpik, Oscar Pistorius, i akuzuar se ka vrarë të dashurën e tij, modelen Reeva Steernkamp në shtëpinë e tij në Afrikën e Jugut.
Ai është dënuar me gjashtë vite burg, por sipas Daily Mail mund të dalë brenda tre vitesh nga burgu.
Ikona olimpike përqafoi familjen pasi u dha vendimi.
Gjykatësja Thokozile Masipa e dënoi 29-vjeçarin me 6 vite burg me të drejtë falje pasi të bëjë gjysmën e dënimit.
Edhe pse shtetit iu dha mundësia që të apelojë vendimin, ata refuzuan të bëjnë diçka të tillë.
Prindërit e modeles së ndjerë mbajtën një heshtje dinjitoze teksa dëgjuan vendimin.
Gjykatësja Masipa e kishte liruar më herët nga akuzat atletin, por një gjykatë Apeli e riktheu çështjen.
Në një seancë të mëparshme, babai i modeles, Barry Steenkamp shpërtheu në lot, duke kërkuar nga gjykata që ‘vrasësi’ i të bijës ‘të paguajë për këtë krim’.
Pistorius e vrau të dashurën në ditën e Shën Valentinit, në vitin 2013.
Ai tha se kishte dyshuar se ajo ishte një hajdut që kishte hyrë në banesë.
Ai ishte akuzuar fillimisht për vrasje të qëllimshme, por më pas akuza iu zëvendësua me vrasje, e cila parashikon një dënim prej 15 vitesh minimumi.
Megjithatë atleti shpëtoi me një dënim prej 6 vitesh, por që mund të bëjë të mundur që atleti të lirohet që në vitin 2019. /Mapo
Katie Salmon u bë e para femër që krijon një lidhje lesbike në spektaklin Love Island.
Por lidhja e Katie Salmon me Sophie Gradon nuk zgjati shumë.
Megjithatë Katie nuk duket e mërzitur, teksa ekspozon asetet e saj në këtë set seksi.
Salmon u bë e famshme kur nxori gjoksin në publik në një garë kuajsh në Angli.
Kuvendarja e LDK-së, Mybera Mustafa dhe drejtori i QKMF-së në Prizren, Mehmedali Gashi janë “kapur” për një ashensor dhe klimatizimin e QKMF-së, shkruan PrizrenPress.
Mustafa në seancën e fundit të Kuvendit, ka thënë se ashensori në QKMF është vendosur vetëm për drejtorin dhe zëvendësdrejtorin.
“Ashensori është vendosë vetëm me u ngjitë në katin e tretë drejtori dhe zëvendësdrejtori”, ka thënë Mustafa.
Drejtori i QKMF-së Mehmedali Gashi, ndërkaq ka reaguar ndaj deklaratës së Mustafës.
“Shprehim habin se si doktoresha e shkencave për menaxhment mjekësor e paraqet si të panevojshëm vendosjen e ashensorit në QKMF”, thuhet në reagimin e Gashit.
“E njoftojmë kuvendaren se ashensori është domosdoshmëri ligjore e krijimit të kushteve për pacientët me nevoja të veçanta. Licencimi i një objekti shëndetësor publik ose privat me shumë kate, domosdoshmërisht kërkon ashensor”.
“Pacientët me nevoja të veçanta, pacientët me sëmundje kronike, të moshuarit, nënat me foshnje me karroca dhe pacientët emergjent për transport në pozitë të shtrirë e shfrytëzojnë çdo ditë ashensorin në fjalë dhe janë shumë falënderues për këtë investim kapital në QKMF”.
“Për informacion të drejtë e njoftojmë doktoreshën se drejtori nuk e shfrytëzon fare atë, se është në moshë të re dhe ngjitet me vrap shkallëve, kurse zëvendësdrejtor QKMF-ja nuk ka fare”.
“Shpresojmë se doktoresha në të ardhmen, së bashku me ne do të angazhohet që në projekt-buxhet të ketë pozicione të ashensorëve edhe në objektet e QMF-1 dhe QMF-ve tjera, për të cilat investime na obligon edhe inspektorati shëndetësor i Ministrisë së Shëndetësisë”.
“Çështja tjetër që doktoresha ka ngritë dyshime në mbledhjen e fundit të Kuvendit ishte edhe kontestimi i pozicionit buxhetor kapital për instalimin e klimatizimit dhe ventilimit qendror në QKMF për vitin 2017 dhe QMF-1 për vitin 2018. Instalimi i klimatizimit dhe ventilimit qendror është kërkesë dhe rekomandim i Inspektoratit Sanitar të Republikës së Kosovës, të paraqitur pas inspektimit të QKMF-së dhe me Vendimin e lëshuar me datë 01.03.2016, me nr.01-140/16 pika 5, ku kërkohet decidivisht ventilimi hyrës dhe dalës në QKMF, për shkak të laboratoreve, dhomave të rehidrimit, rtg kabinetit dhe hapësirave tjera ku frekuentojnë pacientët”.
“Klimatizimi qendror është kërkesë dhe rekomandim i projektit të Komunës së Prizrenit “ Plani Komunal për efiçiencë të energjisë”, ku për kursim dhe shfrytëzim të energjisë efiçente kërkohet ky investim”.
“Me investimin në fjalë në QKMF dhe QMF 1 gjatë dimrit nuk do të ketë nevojë për ngrohje qendrore me naftë, sistem ky i ngrohjes i trashëguar nga paralufta, i cili QKMF-së i ka kushtuar me dhjetëra mijëra euro naftë për ngrohje gjatë vitit”.
“Me sitemin e ri Klimatizim-Ventilim qendror, gjithnjë sipas inxhinierëve kompetent të lëmisë, kurismi është i shumëfishtë. Po ashtu, aparatet e klimatizimit që ndodhen të vendosura aktualisht në ordinancat dhe hapësirat e ndryshme të QKMF, nuk do të asgjësoheshin e as shiteshin siç pohon dr Mybera, por do të instaloheshin në ato Qendra të Mjekësisë Familjare ku mungojnë si dhe në ambulancat e Mjekësisë Familjare në viset rurale”.
Niveli i lartë i organizimit të Kujdesit Parësorë Shëndetësor në Komunën e Prizrenit dhe investimet kapitale me vend, në dhjetëvitëshin e fundit bëjnë të mundur tashmë afrimin e QKMF-së së Prizrenit drejt standardeve të BE-së”.
“ Mbesim me shpresë se doktoresha Mybera, nëse për arsye politike nuk mundet me i lavdëru rezultatet e arritura të Kujdesit Parësorë Shëndetësorë të Komunës së Prizrenit, së paku mos të shërbehet më dezinformime për t’u munduar me i paraqitë sukseset si dështime, ngase ata që i shfrytëzojnë shërbimet tona shëndetësore (pra Qytetarët), e dijnë të vërtetën”.
“ Këtë të vërtetë e konfirmojnë në vazhdimësi edhe instancat më të larta, si: Ministria e Shëndetësisë, Organizata Botërore e Shëndetësisë-zyrja në Prishtinë, UNICEF-i dhe të gjitha KPSH-të e Komunave të Republikës së Kosovës”. /PrizrenPress.com/
(Shaká, skerco, apo hajgare… si të doni).
Mos pështyj mbi zjerm se nuk asht mirë.
Dukagjin.
Thonë se para fjalës, njerëzimi ka përdorë gjestin për tu marr vesh. Edhe sot e kësaj dite gjestet vazhdojnë të përbëjnë një pjesë të mirë të mjeteve të komunikimit.
Nga Roma e lashtë është i famshëm gjesti i póliçes që vazhdon edhe sot e kësaj dite të përdoret, sigurisht jo më për vdekjen dhe jetën.
Kombe të ndryshme kanë gjeste të ndryshme dhe me kuptime të ndryshme, por disa prej tyre janë ndërkombëtarizuar. P.sh. Rrahja e duarve, duartrokitja, ka marr përmasa planetare dhe ka vetëm një kuptim që dihet nga të gjithë
Nuk do të merrem me kuptimin e gjesteve në popullata të ndryshme dhe me anën kuptimore të tyre, (semiotika merret hollësishëm me shenjat dhe kuptimin e tyre), por dua të theksoj se një prej gjesteve të ndërkombëtarizuara dhe me kuptimin më përbuzës dhe poshtërues është të “pështyrit”. Është gjesti i të fortëve apo i ”të fortëve”.
Në Kinë ende përdoret gjesti nga superiori për të aprovuar diçka. Ai pështynë diku rrotull në tokë dhe kjo tregon se ai, i forti, është dakord.
Nga ana vizuale vërtetë është i pështirë gjesti: Një spruco sekrecionesh të gojës që dalin me forcë në formë koni e të lagin në fytyrë.
S’ka ku të shkoj më zi!
Por shpesh sot për të poshtëruar, për të të nënshtruar, përdoret edhe folja “pështyj”.
P.Sh. “E pështyva në surrat.” “E ka pështyrë mu në fytyrë.” Etj.
Pra gjesti është zëvendësuar me foljen, (“për edukate”), po në fakt folja ka të njëjtën vlerë me gjestin.
Është një gjest shumë i pështirë, dhe ata që e përdorin janë njerëz të pa edukate, inatçi të rëndomtë, të paplotësuar, fundërrina të dalë nga gjirizet, apo njerëz që duan të të venë për fund, shkurt – njerëz që nuk duhet të kesh të bësh me ta.
Kjo fraza e fundit është nga kreu e deri në fund një dokërr, nuk më intereson fare. As e fus në hesap. Nuk është për mua. Këto janë fjalë moralistesh të bezdisshëm. Unë bëhem “refraktarë”, si po i thonë fjalës në gjuhen këtyre tipave moralist.
… Prandaj, si birë i dej i racës që përfaqësoj kam nevojë të pështyj. Po pështyma nuk me del të lag nga koka në këmbë për bëmat e tyre shumë njerëz që i kanë pështyrë në shekuj e vazhdojnë, prandaj u bëj apel pështyrësve më të famshëm që kemi rreth e rrotull dhe që kanë dhënë prova në pështyrsi të më ndihmojnë ta mbarojmë me nderë këtë aksion kombëtarë, ndoshta edhe me ndihmën e ndonjë të huaji, pse jo(!), e ndërkombëtarizojmë çështjen.
Lista e atyre që duhen lagur më pështymë është tepër e gjatë, dhe u kërkoj të më falin ata që do të më ndihmojnë në gëlbagjosje po të harroj ndonjë.
Apo e kundërta, të më falin ndonjë prej atyre që ka nevojë të pështyhet që nuk e vura në listë.
Se ka edhe prej këtyre, hiq mos u çuditni!
Së pari njëfarësoj Teute që na paska qenë mbretëreshë apo ku di unë se ç’farë.
Hë, nuk donte të ishte vasale e Romës!
Donte të mbronte Atdheun e vet, tokën e varret e të parëve.
E kush, një morracake ilire! Mendoj se kjo e meriton e para.
Ptuh.
Kjo ishte sa për fillim. S’di a i mbrrinë pështyma e jonë deri atje. Është shumë larg. Kot të harxhohemi. Ndoshta duhet ardhur më afër.
Më afër, më afër… kush është më afër që kemi nevojë ta pështyjmë…
Ndoshta Gjergj Kastrioti.
Një kopuk, një këlysh i konvertuar në osmanli, një i pabesë, një bukëshkalë që tradhtoj zotin e tij… e për ç’farë? Që tu jepte liri bijve të Epirit, që të bëhej princ i Epirit, që ti bashkonte të gjithë principatat.
I bashkoj qeni të gjithë Arbrit, Albanët.
Në Lezhë.
Dhe të gjithë kuptuan më në fund se janë një komb.
Sigurisht ishte arrivist, as e çante kokën për njerëzit e fisit të tij.
Komshijt tanë mendojnë se ishte i tyre, kështu thonë. Shumë mirë, na e heqin këtë barrë, se barrë e kemi tash 600 vjet. Bile matjanet, aty ku thonë se kishte origjinën thonë se janë shqiptar, ha ha ha, ia fusin kot!
Mendjemadhi.
Desh të ishte si Leka i Madh.
E vuri ( thonë se ia vunë) shtesën e emrit Skënder, Lekë pra, Aleksandër, (Llesh me një fjalë.) me qenë se edhe nana e Lekës ishte nga fiset ilire të zonës së sotme të Vlorës, Olimbia, e shoqja e Filipit.
Po ai i madhi Aleksandër nuk e pranoj se ishte i biri i Olimbisë. Thoshte jam biri i gjarprit.
Ky i joni s’kishte nënë gjarpër.
Ha ha ha…
Bollën e shenjtë të shtëpisë që na mbron e kishim të gjithë, shtëpi për shtëpi. Sigurisht edhe ai e kishte në shtëpinë e tij. Pra njëfarësoj edhe ai ishte i gjarprit… po nuk e përmendi kurrë.
I vunë edhe një “beg” nga mbrapa dhe ishte në rregull.
Organizator medemek.
I vuri të vriten për njëzetepesë vjet gjithë njerëzit e fisit.
Ai thoshte për liri.
Demagogu.
Mbrojti Europën kristiane!
Hë! E pse mos ti linte Osmanet të rrinin këtu, pse mos tua hapte rrugën për në Europë… Bile tu printe. Eh si do të ishte Europa sot…
Boll hamamet që do të ndërtonin.
Meriton të jetë Hero Kombëtar, meriton ti bëhen monumente!?
Ptuh, ptuh, ptuh.
Këtë meriton.
Aksioni i pështyrsisë do një studim të veçantë. Ky shkrimuc nuk arrin të plotësoj në mënyrë shkencore gjithshka. P.sh. Sasinë e gojëve dhe sasinë e pështymës për ç’do subjekt, sepse subjektet që do të lagen kanë përmasa të ndryshme, si nga thellësia, nga gjatësia, largësia, volumi, pesha, masa, renditja kronologjike. Etj. etj. Kështu që do ti rendis si të më vijnë.
Harrova të them se edhe ne pështyrsit duhet të organizohemi. Me votë demokratike duhet të zgjedhim një kryetar. Sipas meritave duhet të propozojmë një individ që ka dhënë prova të forta në këtë sektor. Nuk është ndonjë zor i madh për ta gjetur. Kemi këtu prej atyre që kanë volum pështyme, distancë hedhje, etj, etj. Kemi edhe përtej kufijve shtetërorë që janë e njëjta racë me ne pështyrsit e mëdhenj, bile ndonjë edhe na e kalon. Kjo ndoshta nga stërvitja që ka bërë për një kohë të gjatë në sportin e pështyrsisë.
Me që ne do të bëjmë një thirrje, jam i bindur se do të na ngjiten edhe amator që s’kanë asnjë lidhje me ne profesionistët, bile do të jenë ata që do të shtyhen për të dalë në rrallë të parë për të na treguar ne udhëheqësve profesionist se sa të vlefshëm janë, që nesër pasnesër mos ti harrojmë e ti vëmë në ndonjë presidium apo ti japim ndonjë dekoratë. (Mes nesh, me zë të ulët: Duke pështyrë fuqishëm figura që kanë bërë bëma të mëdha, edhe ne bëhemi protagonist, na del emri, bëhemi dikush. Nuk është shpikja e jonë, të tjerë para nesh e kanë eksperimentuar me sukses. Pse mos ta provojmë edhe ne? Ç’të keqe ka?)
Në pështyrzatë (neologjizëm i krijuar prej nesh sipas “Kryqëzatë”) do të na ngjiten, me saktë, do të na infiltrohen edhe persona që kanë kënaqësinë të jenë të përdorshëm.
Por do të ketë edhe nga ata që janë përdorur në mënyrë të dhunshme. Mbas shumë vitesh përdorimi, të mplakur, të rrudhur, të kërrusur, të depersonalizuar, do të na hyjnë mes radhëve duke rrëshqitur me një shprehje përulësie dhe do të na luten me pëshpërimë që ti pranojmë. Dhe ne sigurisht që do ti pranojmë. Tanimë atyre iu është bërë ves. Gjynah. Qen të rrahur.
Do të vinë edhe disa të pafytyrë dhe do të pyesin drejtë pa i lëvizur qerpiku: Sa është pagesa? Kurse e njëjta racë, por që e mban veten për personalitet, a për figure publike kombëtare a ndërkombëtare që kërkon të shitet (gjithmonë janë shitur edhe njerëzit njësoj si sendet) do ti bij larg e larg duke u rrotulluar se mos merr vesh nga ndonjë i njohur se sa është pazari. A ka diferenca në çmim në pare të thata, apo do të shpërblehen në natyre, me ndonjë post ku do të kenë mundësi ta nxjerrin vetë fitimin. Apo…
Ne preferojmë vullnetarët, të cilët nuk kanë munguar kurrë në të tilla iniciativa, por edhe ata që janë mësuar të shiten (dhe nuk janë pak) do ti pranojmë, se me ndihmën e ndonjë organizate që vepron brenda territorit, por që gojët e liga thonë se ka lidhje me jashtë, do të na jepen disa fonde, kemi edhe biznesmen që do të na ndihmojnë dhe sigurisht një pjesë të mirë të këtyre fondeve do ta ndajmë mes nesh kryesoreve. Kjo është një “vjedhje” e pranuar në heshtje nga donatoret. Kështu që masa e pështyrsve do të jetë goxha e madhe dhe do të jetë nga të gjitha sferat e jetës, duke filluar nga familja, te shoqëria, nëpër kafenetë, në zyra, dhe sigurisht në masmedia dhe në studime shkencore dhe sidomos ato akademike. Se titullarët si p.sh.: Prof. Dok. I asociuar…etj,et, janë shumë të besueshëm pavarësisht a e kanë blerë titullin, ia kanë falur apo vërtetë e kanë merituar. S’duhen harruar edhe mjetet elektronike. You Tube, Hotmail, etj, ejt…
Do ti pranojmë të gjithë. Jemi shoqëri e hapur, demokratike dhe pa komplekse.
Atëherë vazhdojmë pështyrzatën.
O.K. vazhdojmë.
P.Sh. Palë Engjëllin nuk e kanë ngacmuar shumë. Se ishte edhe diplomat i atij bukëshkalit Gjergj Kastriotit… e shkruante latinisht e ku e di unë se ç’farë, e iu çart mendja të shkruaj në gjuhen e popullit si puna e atij Dante Aligerit që nuk shkroi latinisht po në gjuhen e vulgut Komedinë Hyjnore.
Kopjac ky Pali.
Shkroi shqip.
E kujt po i duhet shqipja!
Desh t’ia thotë shqip të pagëzuarit formulën, që ta merrte vesh.
Ai prishi traditën, theu rregullin, se Vatikani ka gjuhë zyrtare latinishten.
Guxim kishte ky Pali.
Ta pështyjmë, mos ta pështyjmë?!
Dilemë e madhe.
Ta mendojmë. Se nuk mbaron me një seancë e gjithë kjo nismë.
Pastaj vijnë katër “B” si po duan ti thonë: Buzuku, Budi, Bogdani, Bardhi. Këta e meritojnë nga një spruc të lehtë.
Kaq.
Le që shkruan shqyp, se po i dhimbsej gjuha që po “bdarej e bastardohej”, shkruan vjersha, përkthyen, po njeri prej tyre desh të ngrejë popullin kundër Dovletit. Lanë punët e Zotit e deshën të merren me punët e shekullit.
Për popullin.
Të na heqin zgjedhën.
Ku kishim zgjedhë ne.
Ne ishim bërë një me Osmanet.
Hë! Na përçanë.
Ptyh, ptyh…ë
Ptyh.
Një mëdyshje të madhe kemi për Konitzen. Nga cili krah ta vëmë. Nga ana e ne pështyrësve apo ta pështyjmë fort si gjithë të tjerët. Se ai i kishte të dy anët: Ishte edhe pështyrës i fuqishëm po meriton edhe një pështyrje të mirë se me mendjen e ndritur që kishte kërkoi fort hisen e diellit për fisin e tij. E kërkoi kaq shumë sa ne mendojmë që ta vëmë përballë nesh që ta lagim. Pështyrja e tij ka filluar kohë përpara. Thonë se kur iu plotësua amaneti që eshtrat ti pushonin në tokën e tij, dikush nga tanët, sigurisht nuk mund të ishte tjetër, një natë të errët e pa hanë i dhunoj varrin.
E meritonte?!
Mëdyshje e madhe.
Po Gjergj Fishta nuk e meriton një spërkatje?
Sigurisht që po.
S’pushoj së shkruari. I provoi të gjitha: Poezi, dramë, politikë, arkitekturë, pikturë, shkencë: Njësoj mitet helene me ato ilire. E pastaj? Kujt po i duhen!
Ky është nder ata që meriton që të laget pa pushim me jargë, me vite, me shekuj. Do të lodhemi, por do të na falënderojnë brezat, atyre do t’ia lemë trashëgim që të vazhdojnë iniciativën tonë në pafundësi.
Po ç’farë ti pështyjmë!?
Kemi. Kemi ç’i pështyjmë. I kanë mbetur diku ca eshtra nga falangat që nga rrëmuja e asaj nate të errët kur me ngut e me njëfarë lloj ankthi e ç’varrosen.
Të tjerat kanë përfunduar në lum,(!) së paku kështu pëshpëritet.
O sa shumë që janë ata që duhen pështyrë!
Duhen përpiluar lista, apo ndoshta duhen kërkuar listat se diku duhet të jenë. Në ndonjë bodrum arshive apo ku di unë se ku. Por duhet pasur kujdes se në ato lista duhet të kenë bërë falsifikime. Mund të kenë futur emra që s’duhen pështyrë, apo mund të kenë futur emra të atyre që kanë nevojë të pështyhen. Marifete me një fjalë. Siç po i thonë sot: disinformacion.
Nuk ia kalojmë dot paraardhësve.
Ata kishin marifete fantastike.
Të gjithë këta subjekte që i kemi vendosur për pështymje e kaluan gjithë jetën në përpjekje të stermundimëshme për të nxjerr fisin e racën e tyre në dritë. Bërtisnin e çirreshin me të madhe: Ooooheeej… lëshoma hisen e diellit.
Po cilin fis, cilën racë?!
Ç’punë kemi ne me ta?
Si?
Edhe ne pështyrësit jemi të një race me ta?
Flasim të njëjtën gjuhë?
Ashtu?
Këtë farë gjuhe!
E çë pastaj? Ç’rëndësi ka kjo? Kush po e çanë kokën.
Ne kryesia e zgjedhur me votë të fshehtë apo të hapur…
(Si ta donë ata. Kush janë ata? Kot pyesni, të gjithë e dinë, të gjithë i dini të gjitha, kot shtireni. Edhe ne shtiremi fort. Arti i të shtirurit është i vështirë, po ne jemi fis i talentuar dhe e kemi përvetësuar menjëherë, njësoj siç mësojmë njëqind e një marifete…),
… pra ne kryesia e zgjedhur me votë demokratike do të urdhërojmë që të gjithë ne pështyrësit pa dallim moshe, tradite, seksi, grade etj. etj. ku të kemi qëlluar në zyrë, në rrugë, në banjë, duke bërë seks, në udhëtim, në faltore… të ndalohemi, të ngremë kryet përpjete dhe të pështyjmë fort dhe të presim që gelbogjet të na bien në fytyrë shtat herë në ditë. Kush të dëshirojë mund të pështyjë edhe nëndë herë, apo sa të dojë.
Lista, kjo listë mund të ketë mangësi e të meta, prandaj u lutem kolegëve pështyrës të përpilojnë të tjera, se ne jemi gati të pështyjmë në ç’do kohë.
A, se mu kujtua.
Po Zotit Ibrahim… e… nuk do ja fusim?
Patjetër.
“Paqësori”…ha, ha, ha… Pamvarsiaku…
Me shumicë nga të gjithë krahët. Pështymë me një fjalë.
Cilët krah?
I dini ju, i dini, mos u shtirni…
Po prit, se ne dimë edhe të përqafojmë e të puthim. Do përqafojmë e do të puthim fort, shumë fort, si një herë e një kohë ata që na kanë pështyrë në vatër, e në zjarr qindra vjet e vazhdojnë.
Që sot vinë si miq, që na shajnë e na shajnë, e ne sipas traditës së hershme i përqafojmë e i puthim.
A thua vuajmë nga ndonjë sëmundje psikike kolektive, kombëtare?
Mos vuajmë nga sindroma e Stokholmit?
O Zot!
Deri kur do vazhdojmë të pështyjmë mbi zjarr, mbi dritë, mbi… mbi qiell…
Ki mëshire o Zot për ne!
Amen!
Ishte Britania e para që e festoi, në vitin 1990, më pas u përhap me shpejtësi ngado në botë.
Kjo ditë na kujton se si një puthje mund të ndryshojë jetët tona.
Është një gjest i thjeshtë dhe i heshtur, që manifeston dashurinë në të gjitha format e saj, shkruan botimeshqip.com
Më poshtë janë disa thënje të cilat shpjegojnë më së miri rëndësinë e kësaj dite.
“Një puthje e ligjshme nuk vlen kurrë sa një e vjedhur”, Guy De Maupassant
“Në Tokë ekziston një porcion parajse dhe Edeni rijetësohet në puthjen e parë të dashurisë”, George Gordon Byron
“Janë të ëmbla fjalët që më thua, por më e ëmbël është puthja që i rrëmbeva buzëve të tua”, Heirich Heine
“Buza e puthur nuk e humb pasurinë, madje rinovohet njësoj si hëna”, Giovanni Boccaccio
Rezultatet e maturantëve malishevas, në testin shtetëror të maturës, kanë qenë të mira, pasi 74.6 për qind të maturantëve e kanë kaluar me sukses testin.
Kështu ka konfirmuar drejtori komunal për Arsim, Avdi Morina, në mbledhjen e Këshillit të Drejtorëve. Sipas tij, rezultati i maturantëve ka qenë i mirë, pasi shumica e maturantëve, suksesshëm e kanë kaluar testin e maturës.
Në këtë mbledhje, drejtori Morina, në kuadër të përgatitjeve për fillimin e vitit të ri shkollor, ka deklaruar se duhet disa ndërhyrje në disa shkolla, sidomos në kulme, pasi kanë dëmtime dhe duhet të rregullohen, para fillimit të vitit shkollor. /PrizrenPress.com/
Problemet në të cilat është katapultuar Kosova, mund t’i zgjidhin vetëm zgjedhjet e reja dhe një “zgjim qytetar”.
Kështu mendon ish-kryetari i Kuvendit të Kosovës, Jakup Krasniqi, i cili thotë se në situatën aktuale, vendi po përballet me probleme shumë të thella.
Krasniqi në profilin e tij në Facebook, shkruan se nuk ka dyshim që Mali i Zi e kundërshton rivlerësimin e marrëveshjes për demarkacion, pasi një gjë të tillë po e bëjnë edhe zyrtarët e shtetit të Kosovës, që e kanë për detyrë ta mbrojnë atë.
“Kur Kryeministri i vendit dhe Ministrat e Kabinetit Qeveritar me Presidentin e vendit janë kundër rishikimit dhe krijimit të një Komisioni të ri për një rivlerësim, pse duhet të na habis kundërshtimi i Malit të Zi i cili ka fituar mbi 8200 hektarë?”, shkruan Krasniqi në Facebook.
Ai thotë se përgjegjësia për situatën e krijuar rreth demarkacionit, nuk qëndron vetëm te ministrat e kabinetit qeveritar, por edhe te reprezentuesit e popullit që u zgjodhën nga qytetarët për në Kuvend dhe nuk i përjashton nga përgjegjësia, as mediat.
“Fatkeqësisht, papërgjegjësia nuk qëndron vetëm të te apostrofuarit, ndonëse ata e kanë përgjegjësinë për të mbrojtur tërësinë territoriale e sovranitetin e vendit (shtetit), por të të gjithë përfaqësuesit e zgjedhur nga qytetarët votues të Republikës sonë. Madje, nga përgjegjësia morale e politike, nuk mund të jenë të liruar asnjë komunitet i organizuar i shoqërisë shqiptare në Kosovë, këtu përfshihen edhe mediat si pushtet i katërt”, thotë Krasniqi.
Sipas Krasniqit, janë vetëm zgjedhjet e reja zgjidhja e problemeve.
“Problemet në shoqërinë tonë janë më të thella sesa i prezantojmë në medie! Këto probleme mund t’i zgjidhë vetëm një zgjim qytetarë në zgjedhje të reja e demokratike, të cilat le të quhen si do, të parakohshme apo të jashtëzakonshme! Pak ka rëndësi! E rëndësishme është të ndodh ndryshimi. Vendi duhet të qeveriset nga ata që e duan shtetin dhe kombin! E jo nga ata që për interesa të vetat krejt personale i sakrifikojnë interesat e Atdheut e të kombit”, ka deklaruar në statusin e tij, ish kryekuvendari.