Zef Pepkolaj, me detyrë punonjës Policie në Komisariatin e Policisë Tropojë, është arrestuar pasi dyshohet si autor i një plagosje të ndodhur një ditë më parë, shkruan Top Channel.
Arrestimi i tij u bë pasi gjatë ditës së djeshme për motive të dobëta, konflikt çasti, ka qëlluar me armë zjarri kushëririn e tij, shtetasin Sokol Pepkolaj, 54 vjeç, banues në fshatin Rajë, Tropojë.
I plagosuri ndodhet në Spitalin e Tropojës, jashtë rrezikut për jetën.
Të martën Bashkimi Evropian, edhe zyrtarisht e ka konfirmuar se ka arritur një konsensus për hapjen e kapitujve të rinj të negociatave me Serbinë, për shkak se tani, asnjë nga 28 shtet anëtare nuk ka pasur kundërshtime për fillimin e negocimit të kapitullit 23, raporton Tanjug.
Presidenca e re Sllovake e BE-së, menjëherë e ka mirëpritur këtë progres të bërë në rrugën e Serbisë drejt Bashkimit Evropian dhe se kjo çështje do të jetë pjesë e agjendës së Komitetit të Reprezentuesve Permanentë të Bashkimit Evropian (COREPER), që do të mbahet me 7 korrik.
Vendimi për t’i hapur kapitujt e rinj me Serbinë do të merret pa debat fare ndërsa, hapja e kapitujve, pritet të ndodhë me 18 ose 19 korrik në mbledhjen e rregullt të Këshillit të Ministrave të Jashtëm të BE-së.
Një proces gjyqësor i vitit 2014 i nisur nga një kallëzim penal i deputetës Alma Lama, tashmë është bërë i plotfuqishëm.
Bëhet fjalë për padinë që deputetja e LDK-së Alma Lama, kishte ngritur ndaj reperit Gold Ag, pasi ajo ishte ndier e fyer nga kënga e tij “Shqiptar 2”, shkruan Magazina.al
Gjatë seancës së fundit, Alma Lama dhe avokati i saj kishin kërkuar masën e sigurisë për ndalimin e këngës si dhe bllokimin e llogarive bankare.
Gjykata e shkallës së parë ka pranuar kërkesën e saj kundër këngëtarit dhe tashmë kënga e tij “Shqiptar 2” është fshirë nga Youtube, raporton Magazina.al
Por sipas burimeve të Magazina.al, përveç këngës, pas vendimit të gjykatës reperit i janë bllokuar edhe llogaritë bankare./Magazina.al/
Gazeta amerikane “The New Post” ka bërë një storie për televizionin shqiptar “Zjarr”.
“Ky televizion në Shqipëri është aq i rëndësishëm, saqë prezantuesja e lajmeve nuk ka pasur kohë të vishet”.
Video e titulluar “Gjokset po i bëjnë lajmet e mbrëmjes përsëri interesante”, shpjegon sesi ky televizion në Shqipëri, duke dashur që të jenë më konkurrues kanë vendosur që lajmet e mbrëmjes të prezantohen nga moderatore të cilat dalin gjysmë zhveshur.
“Me gjysmë zhveshur nënkuptohet veshjes, sepse televizioni në fakt ka punësuar nja grup të femrave të cilat janë gati të lexojnë lajmet pothuajse tërësisht zhveshur”, shkruan New York Post.
Dhe kjo mënyrë e prezantimit të lajmeve sipas “Neë York Post” po dhez, pasi audienca e këtij televizioni po rritet.
“Vetëm se është e paqartë nëse dikush po i kushton rëndësi lajmeve”, shkruan “New York Post”.
Boobs make the nightly news interesting again
In order to compete for viewers, one Albanian news network decided to show "less" in their news broadcasts — quite literally. http://nyp.st/29qMcez
Gepostet von New York Post am Dienstag, 5. Juli 2016
Rey Manaj ka vendosur. Sulmuesi duket se ka rënë dakord me drejtuesit e Pescarës të cilët brenda ditës së martë kanë nxituar për ta huazuar pranë klubit.
Gazetari italian Gianluca di Marzio shkruan në portalin e tij për një marrëveshje të arritur në orët e fundit, por që mungon vetëm firma e Manajt.
Më herët, pas publikimit të lajmit nga gazeta më e madhe sportive në Itali “Gazzetta dello Sport”, se gjermanët e Eintraht Frankfurtit dhe spanjollët e Sporting Gijonit kishin shfaqur interes për Manajn, një tjetër klub nga Seria A kërkoi kartonin e tij.
Po kjo e përditshme tha në rubrikën e merkatos se drejtuesit e Pescarës kanë nisur sot kontaktet me zikaltrit e Interit dhe përfaqësues të futbollistit.
Marrëveshja e huazimit të sulmuesit pritej të mbyllej gjatë darkës. Pescara u ngjit sezonin që kaloi nga Seria B, në Serinë A dhe klubi ka nisur një fushatë përforcimesh për përballjen me më të mëdhenjtë.
Një ditë më parë Pescara kërkoi edhe futbollistin e Kombëtares shqiptare Arlind Ajetin, duke i ofruar një shumë prej 350 mijë eurosh në vit, përfshirë edhe bonuset në të ardhmen, por mbrojtësi e refuozi këtë ofertë.
Qendër-mbrojtësi i Juventusit, Leonardo Bonucci ka qenë cak i trajnerit të ri të Manchester City, Pep Guardiola.
Për të spanjolli ka bërë edhe një ofertë. Por 45 milionë eurot e The Citizens nuk kanë qenë të mjaftueshme për t’i bindur drejtuesit e Zonjës së Vjetër që ta lënë të lirë italianin.
Kështu ata kanë refuzuar një ofertë në këtë vlerë, duke shtuar se nuk janë të interesuar fare që ta shesin Bonuccin.
Bastian Schweinstegier mund të luaj në PSG.
Kampioni i Francës, PSG është i interesuar për të transferuar mesfushorin gjerman të Manchester Unitedit, Bastian Schweinsteiger, shkruan Bild.
Trajneri i ri Unai Emery është duke kërkuar një zëvendësim për Blaise Matuidi, i cili pikërisht pritet të transferohet në United.
Marrëdhëniet e mira ndërmjet të dy skuadrave mund të ndihmojnë në transferimin e gjermanit.
Harrojeni debutimin e Zlatan Ibrahimovic te Manchester United, apo sezonin e parë të West Ham në Stadiumin Olimpik – në këtë kampanjë gjithçka do të sillet rreth menaxherëve.
Asnjëherë më parë nuk ka pasur një luftë të tillë në Angli, me trajnerë më të mirë në botë, e që faktikisht janë të ndryshëm. Kjo do të jetë e jashtëzakonshme, zbavitëse për të gjithë tifozët anekënd botës.
Jose Mourinho dhe Pep Guardiola do të rivënë rivalitetin e tyre, ku tash drejtojnë klubet nga Manchesteri, po ashtu pulsin e rritë edhe më shumë ardhja e Antonie Contes të Chelsea.
Këto tri profile të mëdha menaxherësh, kombinuar me ata që aktualisht drejtojnë klube në Premier League do ta bëjë betejën për titull jashtëzakonisht fascinuese.
Arsene Wenger, trajneri i Arsenal, i cili hyn në vitin e fundit të kontratës me Arsenalin do të shikojë që të sjell një titull në Emirates, po ashtu edhe Jurgen Klopp do të nis një sezonë të plotë, nga fillimi si trajner i Liverpool, shkruan DailyMail.co.uk.
Po ashtu këtu nuk duhet harruar trajnerin kampion të Premier League me Leicester City – Claudio Ranieri, por edhe Mauricio Pochettino i Tottenham Hotspur, të cilët kaluan një sezonë spektakolar në edicionin e fundit,
Pasmesnatës në aksin rrugor Gjakovë-Prizren, saktësisht në fshatin Landovicë, ka ndodhur një aksident i rëndë trafiku, ku janë lënduar shtatë persona, ndërkaq dy prej tyre janë në gjendje të rënd, shkruan Gazeta Express.
Aksidentin e ka konfirmuar për Gazetën Express, zyrtari për informim në Policin e Kosovës për rajonin e Prizrenit, Vesel Gashi, ku sipas tij aksidenti ka ndodhur për shkak të mos përshtatjes së rregullave në trafik.
“Rreth orës 00:05, kemi marr një informatë që ka ndodhur një aksident ndërmjet dy veturave, njëra me targa vendore ndërkaq tjetra me të Maqedonisë. Si pasoj e këtij aksidenti janë lënduar shtatë persona, ku dy prej tyre janë në gjendje të rënd”, tha Gashi për Express.
Më tej Gashi shtoi se dy të lënduarit të cilët janë në gjendje më të rëndë janë dërguar në QKUK, ndërkaq pesë të tjerët kanë marrë ndihmën e parë dhe janë liruar për në shtëpi. /GazetaExpress/
http://dai.ly/x4jp00y
Emërime në diplomaci, leje për terminal, punësime të fëmijëve e beneficione të tjera kanë përfituar deputetët e LDK-së në këmbim të votës për ta zgjedhur Hashim Thaçin president
Në këmbim të votës për t’u zgjedhur president, Hashim Thaçi në bashkëpunim me Isa Mustafën kanë bindur skeptikët përmes favoreve të ndryshme. Vota dikujt i ka kushtuar më shumë e dikujt më lirë. Disa muaj pas zgjedhjes së tij president nisën të bëhen të ditura beneficionet që disa deputetë kanë përfituar në këmbim të votës.
Pos lejes për terminal doganor që kishte marrë Margarita Kadriu, tash na dalin edhe të tjera deputete që kanë fituar poste diplomatike dhe favore të tjera, punësime e pozita diplomatike.
Del se Thaçi në krye të shtetit është bërë më së shumti në “kurriz” të diplomacisë kosovare. Në këmbim të votës apo të qëndrimit në sallën e votimit gjatë zgjedhjes së presidentit disa deputetë të Lidhjes Demokratike dhe disa të pavarur kanë përfituar në forma të ndryshme. /Zeri