Ish drejtori i ndërmarrjes “AgroKosova Holding” Habib Usaj, është dënuar me një vit burgim efektiv, për veprat penale të shpërdorimit të detyrës zyrtare dhe keqpërdorimit të autorizimeve në ekonomike.

Shpallja e aktgjykimit është bërë në Gjykatën Themelore në Prizren, nga kryetari i trupit gjykues, Xheladin Osmani, i cili ka thënë se i akuzuari Usaj, është gjetur fajtor për veprat penale me të cilat ngarkohet.

Sipas aktgjykimit, i akuzuari dënohet me tetë muaj burgim për veprën penale të shpërdorimit të detyrës zyrtare dhe gjashtë muaj burgim për keqpërdorim të autorizimeve në ekonomi, ndërsa i është shqiptuar dënimi unik prej 12 muajve burgim.

Poashtu i akuzuari është obliguar që të paguajë taksën gjyqësore prej 400 euro në emër të shpenzimeve të procedurës.

Pala e dëmtuar është udhëzuar në kontest civil për realizimin e kërkesës pasurore-juridike.

Habib Usaj, akuzohej se me qëllim të përfitimit të kundërligjshëm për vete apo tjetrin, ka nënshkruar dy kontrata me kompaninë “Euro Test” nga Novi Pazari për shitjen e verës prej 1.000.000 litrash. Sipas aktakuzës, në njërën kontratë është shënuar çmimi i shitjes prej 0.17 euro, për litër, ndërsa në tjetrën 0.20 euro për litër, duke mos paguar tatimin në fitim ne shumë prej 5.085.40 euro,

Poashtu, Usaj, akuzohej se me rastin e dhënies së pagës mujore, për zyrtarin Giancarlo Koliotassis, nuk e ka paguar tatimin, me çka i ka shkaktuar dëm buxhetit të shtetit, në shumën prej 4.692.50 euro./betimiperdrejtesi/

Në varrezat e fshatit Nashec, të hënën është përkujtuar në 28 vjetorin e rënies, dëshmori Vetim Shala.

Përveç familjarëve dhe miqve, homazhe në varrin e dëshmorit kanë bërë edhe bashkëveprimtar të tij dhe drejtues të Qendrës së Lëvizjes Vetëvendosje në Prizren. Me 27 mars të vitit 1989,kur rinia studentore ndodhej në ballë të protestave gjithëpopullore për kundërshtimin e politikave serbo-sllave për asimilimin e Kosovës,pjesë e tyre ishte edhe i riu,Vetim Shala,i cili në këtë ditë para 28 viteve është vrarë nga forcat sllavokomuniste të kohës.

Për të përkujtuar jetën dhe veprën e tij,në varrin ku ai prehet i qetë në Nashec,ishin mbledhur familjar,miqë dhe shokë të dëshmorit dhe zyrtarë të Lëvizjes Vetëvendosje në Prizren. Me këtë rast, nipi i dëshmorit I cili e mban emrin e dëshmorit, tha se sot në këtë përvjetor po e kujtojmë me krenari familjarin tonë, i cili asnjëherë nuk është pajtuar me çizmen e sundimit të egër serbosllav, duke qenë në ballë të demonstratave për të drejtat e shqiptarëve të Kosovës.

Edhe Vetimi shpehu shqetësimet e familjes së tij për mospërkujdesje të duhur institucionale ndaj dëshmorëvë që u flijuan për lirinë e atdheut para luftës në Kosovë.
Ndërkaq, zyrtari i LVV-së në Prizren, Arbër Rexhaj, tha se dëshmori Vetim Shala, ka vazhduar rrugën e atdhedashurisë që kishin trasuar të parët e tij, duke i’a falur jetën Kosovës së tij, duke rënë në protestat e fundviteve të 80-ta, dhe për këtë tha ai, dëshmori Vetim Shala, duhet të përkujtohet me nder dhe respekt nga të gjitha gjeneratat të tashme dhe të ardhshme, theksoi Rexhaj.

Vetim Shala, si student i Fakultetit të Mjekësisë ne Universitetin e Prishtinës, ishte në ballë të demonstratave gjithëpopullore, dhe është vrarë nga forcat sllavokomuniste me 27 mars të vitit 1989/TV Prizreni/

Nënkryetari i Lëvizjes Vetëvendosje! Driton Çaushi, ka thënë se pushteti është në panikë.

Sipas tij, Vetëvendosje është në momentet më të mira në krijimin e besimit të qytetarëve.

“Kurrë nuk ka pasur moment më të mirë të saj të besimit nga qytetarët, të cilët po kërkojnë ndryshime. Ky fakt ka futur në panik pushtetin, i cili po e dëshmon këtë edhe me rastin e fundit, pas sulmit ndaj aktivistit të LVV-së, Agron Kabashi” tha Çaushi në Prizren,transmeton TVPZ,shkruan PrizrenPress.

Këshilli i Qendrës së Lëvizjes Vetëvendosje në Prizren, ka mbajtur mbledhjen e IX-të radhës.

Kryetari i Qendrës së LVV-së, Artan Abrashi, tha se janë duke punuar intenzivisht me qytetarët.

“Ne si Qendër po punojmë intensivisht në terren, duke zhvilluar takime të shumta me qytetarë, me të cilët po bashkëbisedojmë për shumë çështje që po i preokupojnë dhe shqetësojnë ata”, tha Abrashi./PrizrenPress.com/

Në gjykimin për vrasje të rëndë që lidhet me vrasjen e Enver Kelmendit nga fshati Balincë, i akuzuari Nexhat Krasniqi u deklarua i fajshëm.

Nexhat Krasniqi e pranoi vrasjen e kryer vitin e kaluar kur u pyet në gjykatë në lidhje me akuzën

Vrasja kishte për motiv përfitimin e dobisë pasurore.

Para se Krasniqi ta deklaronte fajësinë, prokurori i Prokurorisë Themelore të Gjakovës, Ali Uka lexoi aktakuzën ndaj tij.

“Me qëllim të përfitimit të dobisë pasurore për vete, ka privuar nga jeta tani të ndjerin Enver Kelmendi nga fshati Balincë. Ditën kritike, rreth orës 11, i pandehuri Nexhat (Krasniqi) e kishte thirrë përmes telefonit të ndjerin Enver (Kelmendi) që të vijë në shtëpinë e tij në Malishevë për të pirë nga një kafe dhe me të shkuar te shtëpia e të pandehurit”, tha prokurori Uka.

Sipas përshkrimit të rastit nga ana e prokurorit, kur Krasniqi dhe viktima ishin ulur në shkallët e një shtëpie në ndërtim e sipër, për një moment i pandehuri kishte nxjerrë nga brezi një revole shtatëshe dhe me një të shtënë e kishte qëlluar të ndjerin Enver Kelmendi në pjesën e pasme të kokës.

Ai më tutje konstatoi se Krasniqi mori nga viktima një shumë të hollash prej 10 mijë euro dhe u angazhua për t’i fshehur gjurmët.

“Pas këtij momenti i pandehuri nga xhamadani I viktimës mori një shumë të hollash prej 10 mijë euro të ndara në dy pjesë e të lidhura me llastëk si dhe telefonin e tij dhe më pas e mori trupin e viktimës e futi në bagazhin e veturës Golf 4 pronë e të ndjerit dhe menjëherë doli nga oborri i tij e me qëllim të zhdukjes së gjurmëve të veprës penale”, tha prokurori Uka.

Prokurori tha se Kelmendi e kishte dërguar trupin e viktimës në një vend afër fshatrave Mirushë dhe Carravranë të Malishevës, e kishte lënë veturën aty, telefonin ia kishte hedhur në disa shkurre jo fort larg vendit të ngjarjes, ndërsa armën e kishte fshehur në një vend të panjohur.

Shpallja e aktgjykimit do të bëhet më 30 mars.

Kallxo.com kishte raportuar për vrasjen që kishte ndodhur në Malishevë.

Kryetari i Degës së Nismës, Zafir Berisha ka treguar arsyen pse duhet të mbështetet ky subjekt politik në Prizren. Sipas tij, Nisma është subjekti i vetëm që mund t’i japë fund kapjes së Prizrenit nga “Klani Pronto”

“Arsyet fundamentale pse qytetarët e Prizrenit duhet të mbështesin NISMA-në është se Prizreni asnjë herë nuk është përfaqësuar meritueshëm në institucionet qendrore”, shkruan Berisha në Facebook.

“Kultura politike e qytetit të Prizrenit ka munguar në institucionet qendrore, institucione të cilat për fat të keq kanë qenë të zaptuara nga mentaliteti provincial dhe logjika e bajraktarëve mesjetar!”

“Duke i dhënë fundë kapjes së qeveris komunale në Prizren nga ,”Klani Pronto” ne e paralajmrojmë fundin e kapsjes së shtetit nga koalicioni PDK-LDK-SERBSKA”/PrizrenPress.com/ .