Një femër në Prizren pas një msomarrëveshjeje në nëj lokal është kanosur me armë nga ish-burri i saj.
“Viktima femër K-Shqiptar ka raportuar se pas një mosmarrëveshje në një lokal është kanosur me armë nga i dyshuari mashkull K-Shqiptar (ish bashkëshorti i saj)”, thuhet në raportin e Policisë, shkruan PrizrenPress.
Sipas Policisë, i dyshuari është intervistuar dhe me urdhër të prokurorit rasti ka shkuar në procedurë të rregullt. /PrizrenPress.com/
Prokuroria Speciale e Republikës së Kosovës, ka ngritur sot aktakuzë në Gjykatën Themelore në Prizren kundër të pandehurit V.F. nga Prizreni, për vepër penale “Shpëlarje parash”, e paraparë në nenin 308 të Kodit Penal të Kosovës dhe nenin 32 të Ligjit mbi parandalimin e shpëlarjes se parave dhe financimin e terrorizmit, njofton kumtesa prokuroriale, shkruan PrizrenPress.
Sipas aktakuzës, i pandehuri V.F. gjatë periudhës kohore 2014-2016, ka pranuar mjete monetare nga një person NN, se pari ka deponuar në xhirollogari personale nën vlerën prej 10,000€, pastaj të njëjtat, menjëherë i ka transferuar për në shtete jashtë Republikës se Kosovës, Kinë, Zvicër etj.
I pandehuri në këtë mënyre kishte vepruar në 17 raste, ku shuma e transfereve arrin vlerën mbi 170,000€.
I pandehuri, në këtë mënyre, kishte pranuar provizion dhe ia kishte mundësuar personit NN, shpëlarjen e parave, gjë që edhe vet kishte kryer veprën penale “shpëlarje parash”, e paraparë me ligjet e lartcekura.
Aktakuza është ngritur nga një prokuror vendës, i PSRK-së, i cili ka propozuar Gjykatës, që i pandehuri të shpallet fajtor dhe të dënohet sipas ligjit. /PrizrenPress.com/
Policia raporton se në fshatin Dejnë të Rahovecit është djegur një shtëpi.
Sipas Policisë, viktima ka raportuar se i është përfshirë nga zjarri kulmi i shtëpisë, shkruan PrizrenPress.
Njësitet përkatëse kanë dalë në vendin e ngjarjes ndërsa njësiti zjarrfikës ka lokalizuar zjarrin. Përveç dëmeve materiale rreth 4 mijë euro, nuk raportohet për të lënduar. /PrizrenPress.com/
Në fshatin Lubiqevë të Prizrenit, të mërkurën ka ndodhur një aksident komunikacioni.
Siapas Policisë, i dyshuari nga pakujdesia ka shkaktuar aksident trafiku dhe më pas ka braktisur veturën dhe është larguar nga vendi i ngjarjes.
Si pasojë i aksidentit lëndime trupore ka pësuar një pasagjer, i cili është dërguar për tretman mjekësor, shkruan PrizrenPress.
Ndërkaq, me datën 29.12.2016 vozitësi dhe pasagjeri janë shoqëruar nga njësiti i hetuesisë. /PrizrenPress.com/
Kreu i Nisma për Kosovën, Fatmir Limaj në një intervistë për “Gazeta Blic” tha se muri i ndërtuar në veri të Mitrovicës mund të bëhet pikë kufitare e Kosovës në një të ardhme të afërt, kjo nëse vazhdon të qeverisë me vendin edhe më tutje Qeveria e tanishme, ajo “Mustafa”.
E trajtimi i murit në Mitrovicë si ndërtim pa leje nga ana e Qeverisë së Kosovës, sipas Limajt, tregon se sa jo serioz janë ata.
“Të ndërtohet një mur që ta ndan qytetin, territorin tëndë dhe ti e trajton si një ndërtim pa leje, ose e trajton si një ndërtesë, e shihni sa jo serioz janë ata“, tha Limaj për “Gazeta Blic”
Më tej ai shtoi se nëse edhe më tutje vazhdon të qeveriset vendi nga kjo Qeveri e cila udhëhiqet nga Isa Mustafa, muri i ndërtuar në veri të vendit mund të shndërrohet në pikë kufitare, raporton GazetaBlic.com
“Ai mur nëse vazhdojmë me pas këtë qeveri, ai është pika kufitare nesër e Kosovës . Nëse kjo qeveri vazhdon qeverisjen në vend, mos të habitem nesër që me pas kufirin atje“, ka thënë Limaj.
Intervistën e plotë mund ta gjeni më poshtë:
https://www.facebook.com/gazetablic/videos/1360878157310069/
Organizata e Veteranëve të Luftës së UÇK-së, sot shënon Ditën e Veteranit, ditë që nderon kontributin e sakrificën e tyre për liri.
Shënimi i kësaj dite është organizuar nga Organizata e Veteranëve të UÇK-së, duke filluar nga ora 19:00 në Prishtinë.
Ndryshe, veteranët po kërkojnë një ligj për UÇK-në, përmes së cilit do të mbrohet lufta si një gjë e shenjtë dhe me vlerë kombëtare.
Qeverisja e keqe përgjatë këtyre 17 viteve të pasluftës, si në nivelin qendror po ashtu edhe në atë lokal, ka thelluar një trend të dëmshëm të degradimit të shtetit. Partitë politike e degraduan shtetin në gjithë këto vite, me luftën për pushtet me çdo kusht dhe me mënyrën më kriminale të qeverisjes së vendit, të lidhura me mafinë për përfitime. Kjo është pikërisht pasojë e lidhjes së politikës me krimin e organizuar, për çka edhe nuk insistohet asnjëherë, nga asnjë subjekt politik, që të debatohet hapur, pa dorëza, për shkarjen e sistemit të rendit e ligjit nga mafio-politika, për krimin e organizuar dhe korrupsionin, për të cilat fenomene edhe raportet e organizatave vendore, por edhe atyre ndërkombëtare, japin analiza të trendit në rritje. Si pozita edhe opozita po e fshehin këtë temë tepër serioze, për faktin se dita- ditës po del e vërtetë që të gjitha, pa dallim, kanë burime të njëjta kriminale të financimit nga paraja e pistë e krimit të organizuar dhe se krimi i organizuar realisht e qeveris Kosovën. Arsyeja e krejt kësaj heshtje shihet te fakti se të gjitha partitë, si pozita edhe opozita, zhvatin dhe financohen nga po të njëjtit mafio-oligarkë, shkruan Kosova Sot.
Adem Salihaj, nga LDK-ja, thotë se kjo gjendje e tillë vjen sepse nuk është vetëm shteti i kapur nga oligarkët e lidhur me krimin dhe korrupsionin, por edhe vetë spektri i gjerë politik, në pozitë dhe në opozitë.
“Duke marrë parasysh se partitë politike janë ato që marrin pjesë në zgjedhje dhe pastaj, përmes deputetëve, e formojnë Parlamentin, ndërsa nga Parlamenti formohen edhe institucionet tjera, atëherë vetvetiu del se të gjitha institucionet e tjera janë të kapura dhe janë në shërbim të partive politike”, ka theksuar ai.
“Në partitë politike në Kosovë nuk ka aspak demokraci të brendshme, aty dominojnë liderët dhe klanet e tyre, të cilat interesat e partisë dhe të shtetit ua nënshtrojnë interesave të tyre. Prandaj, si përfundim, nuk mund të ketë shqyrtim në Parlament as të çështjeve siç janë krimi i organizuar, korrupsioni, oligarkët dhe kapja e shtetit nga vetë këto struktura”, potencoi më tej Salihaj.
“Strukturat që kanë kapur partitë politike dhe institu cionet e shtetit nuk janë të interesuara që të shqyrtohen pasojat që i kanë shkaktuar vetë ato struktura”, tha Salihaj për “Kosova Sot”.
Viti 2016 konsiderohet vit i mbrapshtë për qytetarët e Kosovës. Gazi lotsjellës, koktej i molotovit, granata ndaj institucioneve, protesta në rrugë, korrupsioni e gjykimi…, ishin vetëm disa “pjesëza” të mozaikut kosovar. Izolomi e korrupsioni ishin sfidat e pakapërcyeshme të institucioneve dhe qytetarëve të Kosovës.
Sulmet me koktej molotovi ndaj ndërtesës së Qeverisë e ndaj Presidencës, si dhe ai me predhë ndaj Kuvendit kanë shënuar pikën më të rëndë të krizës politike në vend gjatë vitit 2016. Viti që po mbetet pas u karakterizua me protesta në rrugë e në Kuvend, ndërsa demarkacioni i kufirit me Malin e Zi dhe Asociacioni i Komunave me shumicë Serbe ishin temat qendrore gjatë 12 muajve të këtij vit. Në anën tjetër, qytetarëve të Kosovës as në vitin 2016 nuk u janë liberalizuar vizat, Kosova ende nuk e ka formuar Ushtrinë, pavarësisht premtimeve të pushtetarëve, shteti i Kosovës u pranua vetëm nga dy shtete të OKB-së. /Zëri
Drejtopri ekzekutiv i Spitalit të Përgjithshëm në Prizren, Prof. Ass. Dr. Afrim Avdaj, të enjten, ka pritur në takim përfaqësues të Universitetit “Namik Kemal University” me seli në Tekirdag të Turqisë, i udhëhequr nga prorektori, Prof. Dr. M.Insan Soysol, ndërsa shoqërohej edhe nga Prof. Bekim Gashi, nga Universiteti i Prishtinës.
Në takim është biseduar për vendosjen e bashkëpunimit dhe mundësitë e avancimit të Spitalit të Përgjithshëm të Prizrenirt në Qendër Klinike dhe Universitare.