Kryetari i Forumit Rinor të LDK-së në Prizren, Kreshnik Kokollari ka dhënë dorëheqje nga të gjitha funksionet që ka pasur në këtë subjekt politik. Ai në një postim në Facebook, ka numëruar disa faktorë të cilat e kanë detyruar të jep dorëheqje.

“Ka kohë që Forumi është stopuar së vepruari nga shumë faktorë të ndryshëm sic janë:moskoordinimi,por edhe joseriozitet, jo financim, luftë e ashpër nga individë e grupe me indikacione për ta kapur Forumin,dhe bllokimi i frymës së vërtetë institucionaliste e demokratike brenda organeve e strukturave partiake”, shkruan Kokollari.

Ai ka përmendur edhe faktorët e tjerë të cilët kanë ndikuar të largohet nga posti i kryetarit të të rinjëve të LDK-së./PrizrenPress.com/

Një person është therë me thikë në fshatin Zllapuzhë të Dragashit.

Viktima ka pësuar lëndime të rënda trupore dhe është dërguar për trajtim mjekësor në spitalin e Prizrenit, ndërsa me vendim të prokurorit i dyshuari është dërguar në mbajtje./PrizrenPress.com/

Në Malishevë janë arrestuar dy vëllezër pasi që të njëjtit pas një mosmarrëveshje janë rrahur mes veti dhe si pasojë kanë pësuar lëndime trupore.

Policia ka bërë të ditur se të njëjtit pas intervistimit me vendim të prokurorit janë dërguar në mbajtje.

Njohës të rrethanave të fushës së drejtësisë e shtetë- sisë i kanë sugjeruar klasës politike në pushtet që të marrin mësim nga vëllezërit tanë përtej kufirit, me marrëveshjen e arritur ndërmjet pozitës dhe opozitës, që ka të bëjë me reformimin e plotë dhe pavarësimin e Gjyqësorit nga politika. Sipas tyre, vetëm atëherë do të hiqej gati tërësisht ndikimi politik në drejtësi. Kësisoj është shtruar edhe pyetja se pse Qeveria, Kuvendi dhe subjektet e tjera parlamentare nuk po fillojnë punën për miratimin e një reforme të drejtë- sisë edhe tek ne në Kosovë, të ngjashme me atë që do të votohet në Shqipëri? Analisti Shefqet Dibrani në një prononcim për gazetën “Kosova Sot” ka thënë se tek ne shqiptarët për t’u hequr ndikimet dhe intervenimet duhet një kohë e gjatë, po ashtu duhet emancipim dhe arritje standardesh, por, të paktën, sipas tij, në këtë drejtim, ka mundësi që të krijohen struktura profesionale, të cilat më shumë se çdo interes apo ndikim, shikojnë aspektin profesional dhe kodin e punës.

“Sa u përket emërimeve në Gjyqësor, Prokurori dhe në sistemin e drejtësisë, kjo duhet të bëhet sa më shpejt, nëse ia duam të mirën këtij vendi, dhe nëse duam të integrohemi në strukturat e Bashkimit Evropian, përndryshe ky ndikim kaq i ashpër politik dhe kaq i tejdukshëm, nuk lë shumë për të shpresuar, derisa Kosova në vazhdimësi është përballur me një sistem drejtësie dhe me formën institucionale nga më të rafinuarat që i kanë pasur vendet e Ballkanit Perëndimor”, u shpreh ai.

Tri pushtetet e inkriminuara

Më tej, Dibrani ka nënvizuar se jemi të vetëdijshëm se pa një reformë rrënjësore ky standard nuk do të arrihet, sepse, siç tha, standardet e larta janë të lidhura me kulturën e punës, me arritjet në mësimdhënie dhe shumë faktorë tjerë, që e bëjnë një popull dhe një shoqëri më të kulturuar e më të emancipuar dhe afër standardeve evropiane. “Megjithatë nëse kasta politike nuk ka vullnet për ta bërë një reformë rrënjësore në sistemin e drejtë- sisë, ashtu siç nuk patën vullnet as në Shqipëri, do të jenë amerikanët ata, të cilët mendojnë se duhet dora e tyre e fortë, nëse dëshirojmë që shqiptarët të marrin vendime të vështira”, u shpreh ai. Dibrani ka shtuar se Qeveria, Kuvendi dhe Presidenca, përbëjnë trion tragjike të Kosovës, ngase, sipas tij, këto tri dikastere udhëhiqen nga tre njerëzit më të përfolur për krim dhe kriminalitet, derisa në anën tjetër, siç tha, askush nuk di ta thotë dhe nuk ka asnjë shpjegim se pse populli po i voton. “Ndërsa për një reformë rrënjësore në sistemin e drejtësisë pa ndërhyrjen e SHBA-së as të mos shpresojmë se do të ndodhë, por kemi shumë arsye për të besuar në pragmatizmin amerikan, i cili është treguar shumë i suksesshëm”, është shprehur analisti Shefqet Dibrani../kosova sot/

Deputeti i Nismës, Zafir Berisha e ka quajtur “pis” Presidentin e Kosovës, Hashim Thaçin. Sipas tij, Thaci ka dalë nga rruga e kombit dhe Zotit.

“Kur thosha unë se ky injorant ka dalë nga rruga e kombit dhe Zotit, nuk besonte askush. Mendonin se e kam për inate personale. Por jo, s’kam pas asgjë personale me këtë pis, por problemi ishte se e kuptova se njeriu më antikombëtar dhe më shumë që se do këtë vend se ky nuk kam taku gjatë jetës”, shkruan Berisha në Facebook.

Zafir Berisha ka reaguar në këtë mënyrë pas përuljes,që Hashim Thaçi bëri para pllakës me mbishkrimin “viktimat e terrorit shqiptar”

“Vërtet pak me vonesë e kam kuptuar, por një fjalë thotë ,,më mirë vonë se sa mos me kuptu hiq”, shkruan PrizrenPress.

“ Ky tipi me këtë veprim nuk është rastësisht duke legalizuar propagandën fashiste serbe në Kosovë për gjoja masakrat e shqiptarëve kundër serbeve, por ky është misioni tij për degradimin e luftës së UCK-së dhe shtetit tonë”.

“ Përkulja para një pllake ku shqiptarët ofendohen sipas zhargonit sllavë në gjuhën e tyre, tregon idiotizmin e këtij tipi, i cili me vetëdije e bën këtë edhe pse deri tash asnjë organ kompetent nuk e ka vërtetuar se e kanë bërë shqiptarët këtë”.

“ Hasha i Burojës, besoj se e din se logjika e serbeve për vetëflijim shkon deri atje sa se kursejnë as prapanicën e vet me birrë të Pejës, si dikur në vitet 90-të Martinoviqi, sic nuk i kursejnë as edhe fëmijët e vet sikurse rasti i ndodhur gjatë luftës në vitin 1999 në Pejë ku vetë kanë fillu të tregojnë se i kanë vra për me i akuzu shqiptarët pastaj”.

“ Hasha nga është i sigurtë se ,,shiptarski teror,, është ky, apo e paska planifikuar edhe ndonjë shok të vetin me fliju deri në Hagë”./PrizrenPress.com/