Dje në Prizren, babai i një vajze ka kërkuar ndihmë në polici pasi që vajza e tij ishte larguar nga shtëpia dhe nuk është kthyer më.
Ende nuk dihet për vend-ndodhjen e saj, ndërkohë njësit përkatëse policore janë duke hetuar rastin./PrizrenPress.com/
Dje në Suharekë, pas një mosmarrëveshje burri ka sulmuar fizikisht bashkëshorten e tij.
Më pas viktima ka pranuar tretman mjekësor në QMF-Ferizaj.
“Me urdhër të prokurorit i dyshuari është dërguar në mbajtje”-njofton policia. /PrizrenPress.com/
Në fshatin Samadraxhë të Suharekës është arrestuar një person, pasi që i njëjti e ka kanosur një tjetër.
“Viktima mashkull K-Shqiptar ka raportuar se i dyshuari mashkull K-Shqiptar e ka kanosur atë. I dyshuari është arrestuar dhe i njëjti është dërguar për tretman mjekësor në spitalin e Neuropsikiatrisë dhe më pas me urdhër të prokurorit është dërguar në mbajtje”, njofton Policia. /PrizrenPress.com/
Komisioni i emëruar nga Kuvendi i Komunës së Prizrenit, në bazë të Rregullores për organizimin dhe bashkëpunimin e Komunës me fshatrat, vendbanimet dhe lagjet urbane ka përmbyllur zgjedhjet për këshillat lokale në 77 lokalitete, duke përfshirë të gjitha lagjet dhe shumicën e fshatrave.
Në pesë fshatra, shkaku i pjesëmarrjes së ulët të qytetarëve nuk janë zgjedhur këshillat, derisa në gjashtë të tjera që janë të braktisura nga banorët nuk janë organizuar fare zgjedhjet përkatëse, shkruan sot “Koha Ditore”.
“Komisioni ka organizuar 83 tubime në tërë territorin e Komunës së Prizrenit dhe në 77 prej tyre, ka zgjedhur Këshillat përkatës”, thuhet në Raportin e punës të Komisionit për zgjedhjen e këshillave të lagjeve, fshatrave dhe vendbanimeve.
Policia e Kosovës, në orët e vona të mbrëmjes së djeshme, ka sekuestruar një armë dhe ka konfskuar një veturë në fshatin Kushnin të Prizrenit.
“Gjatë kontrollit në veturë, është gjetur dhe sekuestruar një pistoletë me gaz pronë e të dyshuarit mashkull K/Shqiptar. I njëjti është intervistuar dhe me vendim të prokurorit vetura i është konfiskuar ndërsa rasti vazhdon në procedurë të rregullt”, thuhet në raportin e PK-së, përcjellë PrizrenPress.
Policia e Kosovës ka njoftuar se ka arrestuar dje tre persona në Suharekë, për shkak se të njëjtit kishin kryer një grabitje në mbrëmjen e së premtes, raporton PrizrenPress.
Me vendim të prokurorit, pasi janë intervistuar, të dyshuarit janë dërguar në mbajtje. /PrizrenPress.com/
Në fshatin Leskovec të Prizrenit janë arrestuar dy persona, pasi që të njëjtit e kanë kanosur me armë një tjetër.
“Njëri nga të dyshuarit kishte shtënë disa herë me armë në ajër. Në vendin e ngjarjes është gjetur dhe konfiskuar një gëzhojë dhe dy predha”, thuhet në raportin e Policisë së Kosovës, përcjellë PrizrenPress.
Me vendim të prokurorit të dyshuarit janë dërguar në mbajtje. /PrizrenPress.com/
Deputeti Zafir Berisha, nga Nisma për Kosovën, thotë se përveç faktit që nuk po vepron prokuroria në hetimin e rrugëve të pasurimit të tillë enorm të individëve të ndryshëm, është lënë edhe aso hapësire e zbrazët ligjore qoftë për ta fshehur pasurinë, apo qoftë dhe për ta deklaruar atë sipas dëshirës së individit, pa e pasur të përcaktuar kriterin e vlerësimit dhe arsyetimit të prejardhjes së saj.
“Prokuroria jo vetëm që nuk është marrë me këto raste, por problem tjetër në vete paraqet edhe Ligji për deklarimin e pasurisë, i cili nuk është shumë mirë i hartuar dhe rregulluar, nuk është i definuar sa duhet, prandaj njerëzit, ata që e kanë obligim ligjor deklarimin e pasurisë, mund ta deklarojnë atë edhe sipas dëshirave të tyre”, ka thënë ai.
“Unë mendoj si person zyrtar që e deklaroj pasurinë, këtë deklarim të pasurisë po duhet ta bëjmë akoma me hamendje, e duke përjashtuar këtu faktin që kemi njerëz, tek të cilët dallimi në deklarimin e pasurisë nga viti në vit ndryshon shumë, lë për të dyshuar se aty ka elemente që të merren edhe organet kompetente me këto lëvizje, duke pasur për bazë nivelin e të hyrave dhe deklarimet”, u shpreh Berisha.
“Kjo kur themi që pasuria deklarohet sipas dëshirës, nënkupton së ata që janë shumë të pasur dhe me dyshime për pasurim të paligjshëm ia ulin vlerën pasurisë së deklaruar, por ka edhe ndonjë rast, kur dikush e deklaron nivelin e pasurisë, vlerën më shumë sesa që realisht e ka. Kjo do të mbetet kështu, derisa me ligj nuk përcaktohen edhe kriteret e sakta të vlerësimit të pasurisë së deklaruar nga zyrtarët publikë”, tha Berisha për “Kosova Sot”.
(Kosova Sot)
Prizreni njihet si qyteti që vizitohet më së shumti prej turistëve. E këtë epitet e ka vërtetuar edhe sot duke u stërmbushur nga ta.
Sipas qytetarëve, edhe pse sot ka qenë një ditë me mot të mirë dhe fundjavë, kaq shumë vizitorë, ka pasur vetëm në kohën e festave.
Për tu bindur rreth kësaj, shihni fotografitë më poshtë.
Nga Blendi Fevziu/
Dritëro Agolli nuk jeton më! Ai u largua nga kjo botë dje, me po atë lehtësi dhe po atë shpërfillje që e kishte trajtuar vdekjen në poezinë e tij. Iku duke marrë me vetë një jetë të trazuar dhe duke lënë këtu, një vepër me të cilën do ta gjykojmë edhe shumë vite pas kësaj.
Poet, Shkrimtar, Gazetar, njeri politik dhe mbi të gjitha njeri i angazhuar, Dritëro Agolli ka lënë gjurmë në shoqërinë shqiptare së paku në 6 dekada. Që nga fundi i viteve ’50 dhe deri dje që u nda nga jeta, ai ka luajtur një rol të ndjeshëm për shqiptarët.
Agolli i takon së bashku me Ismail Kadarenë, Fatos Arapin dhe disa të tjerë, një brezi shkrimtarësh që transformuan krejtësisht letërsinë shqipe të bukosur nga socrealizmi dhe mediokriteti i viteve 40 – 50. Siç ndodh me brezat që shkëlqejnë papritur dhe gjatë, ky brez, vijoi të dominojë krijimtarinë letrare shqiptare me dekada. Sot mund të themi pa ndonjë sforcim se këta emra vijojnë të mbeten ikonat e letërsisë shqipe dhe emrat më të lexuar në Shqipëri, por edhe shqiptarë jashtë kufijve tanë. Asnjë brez i mëpasëm nuk ka arritur as famën dhe as lexueshmërinë e tyre.
I etiketuar kryesisht si një poet; i shquar për lirikën dhe satirën në vargje, Dritëro Agolli ishte po kaq interesant si prozator. Libri i tij me tregime “Zhurma e erërave të dikurshme” është padyshim një nga përmbledhjet më cilësore të prozës shqipe.
Agolli ishte një gazetar i njohur dhe e ushtroi këtë profesion për shumë vite. Ai ka shkruajtur skenare filmash dhe dokumentarësh.
Agolli ishte një njeri politik. Që nga ardhja në krye të Lidhjes së Shkrimtarëve dhe Artistëve të Shqipërisë në vitin 1973 dhe derisa regjimi ra më 1991 ai ishte deputet dhe anëtar i Komitetit Qëndror të Partisë së Punës.
Më 1991 dhe për 14 vjet me rradhë ai ishte deputet i Partisë Socialiste në Parlamentin Pluralist dhe luajti një rol në tranzicionin e vështirë drejt shoqërisë së lirë.
Si të gjithë njerëzit që jetuan, punuan dhe krijuan në diktaturë, Agolli ka pasur dhe do ketë gjithnjë kontestimet dhe kritikët e tij. Kritikat si kanë munguar në vite dhe ai është përgjigjur gjithnjë vetë. Por sot, 26 vjet pas rënies së atij regjimi, mund të thuhet se Agolli nuk ka qenë kurrë as një fanatik dhe as një militant i atij regjimi. Siç shprehet edhe Kadare në kujtimet e tij, Agolli ishte nga ata njerëz që shumë herët fliste kundër regjimit, që i njihte dhe kritikonte format represive të tij. Por çdo gjë matet me vepra dhe politikisht Agolli ka lënë një vepër të cilës i referohemi gjithnjë. Në Qershor 1991, ai ishte i pari dhe i vetmi që u ngrit publikisht kundër kultit të Enver Hoxhës në Kongresin e X të PPSH. Gjesti dhe shikimi i tij ndërsa salla reagonte kundër, janë fiksuar tashmë në historinë e Shqipërisë.
Njeriu nuk mund të hyjë në histori çdo moment, por ka gjithnjë një moment që ai ngelet aty dhe ky ishte momenti që historia s’do t’ja harrojë kurrë Dritëro Agollit.
E kam njohur mjaftueshëm Dritëro Agollin, por asnjëherë deri në atë pikë sa të mund të flas saktësisht për të si për një mik. Ishte njeri i gjallë, një dashnor i madh i pijes dhe i jetës. Një njeri që donte të jetonte; që vdekjen edhe në librat e tij e paraqiste si një të keqe që do dinte ta dehte në ditën që do ti dilte përballë. Ajo që i binte gjithnjë në sy ishte tallja me teprimin. I mëshironte budallenjtë, por si durone dot megallomanët. I pëlqenin ata që i flisnin për veprën e tij, por e lodhnin ata që thurnin ditirambe. Ndërsa lexoja mbrëmë statuset e fryra në rrjetet sociale isha gati i bindur që nëse do kishte mundësi t’i shihte; nëse një sekondë të vetme do rikthehej në këtë jetë gjeja e parë që do bënte ishte ironia me veten. Do t’i thurte vetes dy tre rreshta për ta çtensionuar situatën që me aq mjeshtri shumica dinë ta tensionojnë.
Por padyshim ai s’mund të bëjë asgjë nga këto. Ai iku, ashtu siç jetoi. Një njeri i lirë dhe buzagaz. Iku duke lënë pas një vepër dhe një boshllëk. Po atë boshllëk që lë ikja e çdo intelektuali në këtë vend që njerëzit e zot i ka kaq të rrallë. Iku duke marrë me vete protagonizmin e 60 viteve. Iku ashtu si një personazh i mrekullueshëm i tiji, Kapedani tek novela: “Lamtumirë kapedani im”. Ndaj, nuk gjej asnjë frazë më të mirë për të shoqëruar udhëtimin e tij në atë botë për ku u nis dje, veç duke përsëritur sërish fjalët e tij:
“Lamtumirë kapdani im”…