Demarkacioni nuk është temë, ajo po shfrytëzohet për të emocionuar njerëzit. Kurse Asociacioni është kërkesa më e keqe e Planit të Ahtisaarit, por që duhet zbatuar meqë Kosova ka edhe një mori përfitimesh nga zbatimi i atij Plani. Për politikanët e korruptuar analisti amerikan Daniell Serwer thotë se vetëm me votë mund “të hiqen qafe”.

Analisti amerikan dhe njohësi shumë i mirë i politikave, zhvillimeve dhe konflikteve në Ballkan, Daniel Serwer, paralajmëron se Kosova nuk është aktualisht më prioritet në agjendën amerikane.

Ai numëron problemet e Kosovës, duke vlerësuar se ky shtet i ri po vuan një moment të vështirë e të mësuarit për të jetuar me demokracinë.

Profesori në Universitetin “Johns Hopkins”, në intervistën ekskluzive për gazetën “Zëri”, bëri me dije se presidenti i ri i SHBA-së, Donald Trump, nuk e njeh Ballkanin sikurse kundërkandidatja e tij Hillary Clinton, e cila e dinte se çfarë kanë bërë amerikanët në Ballkan dhe për pavarësinë e Kosovës si një arritje e madhe.

Serwer tha se Rusia vazhdon të mbetet kërcënuesi më i madh për SHBA-në dhe se kjo mbetet problem edhe për Ballkanin dhe shumë vende të tjera të botës. Ndërkohë që temat me të cilat aktualisht po merret skena politike. /Zëri/

Kryesia e Kuvendit sot do të mbajë mbledhje ku do të diskutohet kërkesa për mbajtjen e seancës së jashtëzakonshme për vdekjen e Astrit Deharit.

Zyra për informim e Kuvendit bënë të ditur se mbledhja e Kryesisë, e cila do të fillojë në orën 9: 30, do të ketë vetëm një pikë të rendit të ditës.

Kërkesa për mbajtje të seancës së jashtëzakonshme për vdekjen e Astrit Deha, është bërë nga Lëvizja Vetëvendosje.

Turp për drejtësinë e kapur, që po i shkel qytetarët, shkruan gazeta Kosova Sot.

Të gjeturat që i thekson edhe Raporti i sivjetmë i Progresit për drejtësinë në Kosovë, duke shënjuar kësisoj në gjetjen e tij se janë deri në 400 mijë lëndë që presin me vite nëpër gjykata pa iu dhënë drejtësi, sipas analistëve dhe njohësve të kësaj fushe, tregojnë gjendjen dëshpëruese të sistemit të drejtë- sisë në Kosovë. Ndaj çështja në fjalë ka ngjallur dilemën se a mund të marrin ndonjëherë qytetarët drejtësinë me tërë këto lëndë të pazgjidhura dhe me një gjyqësor në këtë gjendje kolapsi? Analisti Naim Kelmendi, në një prononcim për gazetën “Kosova Sot”, ka thënë se të gjeturat dhe të theksuarat e Raportit të Progresit për drejtësinë në Kosovë, sikur është pra sistemi i drejtësisë, duke shënjuar në gjetjen e tij se janë deri në 400 mijë lëndë që presin me vite nëpër gjykata pa iu dhënë drejtësi, sipas Kelmendit, është tregues dhe faktografi dëshpëruese për gjendjen e gjykatave dhe prokurorive, apo përgjithësisht sistemit të drejtësisë në Kosovë. Tutje, ai shton se këto fakte dhe të dhëna të Raportit të Progresit jo vetëm se tregojnë mosefikasitetin e kësaj drejtësie në shtjellimin, vendimin dhe ndarjen e drejtësisë së këtyre lëndëve, por, siç tha, tregon dhe një anë shumë kaotike të mospunës dhe moskryerjes së detyrave dhe përgjegjësive institucionale të drejtësisë që u takojnë. Sipas tij, atëherë vjen edhe pyetja se kujt i shërbejnë kjo drejtësi e këto institucione të drejtësisë, sikur janë gjyqësori, prokuroritë etj., ani pse ato janë themeluar për të ngritur shtetin juridik, ku ndahet drejtësia për qytetarët dhe njëherësh edhe mbrohet e drejta e qytetarëve para këtyre organeve të drejtësisë dhe sigurisht se jo për të bërë sehir mbi të drejtat dhe ndarjen e drejtësisë për qytetarët. “Kësisoj, lëndët që presin me vite pa u gjykuar dikur edhe vjetrohen dhe sikur është edhe e sanksionuar me ligj, disave edhe u kalojnë afatet ligjore të ndarjes së drejtësisë dhe mbetet pa u ndarë drejtësia. Kështu pra shkelen drejtpërdrejt edhe të drejtat e qytetarit për të marrë drejtësinë në këtë vend nga institucionet e drejtësisë, në rend të parë nga gjykatat, pra nga këto institucione ku buron e drejta dhe shteti ligjor i së drejtës”, theksoi Kelmendi

Mungojnë gjyqtarët

Sipas Kelmendit, kjo gjendje e këtij gjyqësori dhe përgjithësisht e sistemit të drejtësisë është për t’u rishikuar se ku duhet shëruar lëngatën e tij, sigurisht duke u reformuar me njerëz e kuadro të afta e të përgjegjshme dhe me integritet moral e profesional, duke hequr nga këto institucione ata gjyqtarë e prokurorë sikur janë kyçur prej 10 vjetësh e më shumë nëpër sektorë të sistemit të drejtësisë, e që asnjë lëndë nuk e zgjidhin apo nuk i japin kujt llogaridhënie për mospërgjegjësitë e për mospunën e tyre, duke e sjellë gjendjen thuaja kolapsike të mosgjykimit të lëndëve. Avokati Isa Salihi fillimisht ka konsideruar se Raporti i Progresit për Kosovën paraqet gjendjen reale sa i përket çështjes së moszgjidhjes të kontesteve ndërmjet palëve në çështjet civile dhe përmbarimore, e që është në kompetenca të gjykatave themelore.”Por, konsideroj se në këtë problematikë kanë ndikuar disa faktorë, qoftë të natyrës objektive, por edhe të asaj subjektive. Kur them të natyrës objektive, këtu më tepër kemi të bëjmë me çështjet civile në Gjykatën Themelore në Mitrovicë për shkak të pengesave që paraqiten në qasjen e objektit të Gjykatës në Mitrovicë, derisa lëndët procedohen në ndërtesën e Gjykatës së Vushtrrisë. Ndërsa sa i përket faktorit subjektiv kjo çështje ndërlidhet me mungesë të gjykatësve, të cilët me gjithë punën dhe konsideratën për punën e tyre janë në numër të pamjaftueshëm në raport me lëndët që procedohen. Ndërsa çështje e grumbullimit dhe zvarritjes së lëndëve është më tepër e theksuar në gjykatën themelore në Prishtine dhe degën e saj në Podujevë si dhe në Gjykatën e Apelit të Kosovës në Prishtinë, po ashtu në Dhomën e Posaçme të Gjykatës Supreme”, ka deklaruar për gazetën “Kosova Sot” avokati Isa Salihi. (Kosova Sot)

Refuzimi i gjykatësit për ta ftuar dëshmitar drejtorin e Arsimit të Suharekës e tensionoi seancën. Për thirrjen e Sherif Berishës insistoi avokati i paditëses, Adelina Berisha, sidomos pasi që Gjykata në seancën e kaluar kishte vendosur ta ftonte atë.

Seanca gjyqësore në rastin ku ish-mësimdhënësja e gjuhës shqipe, Adelina Berisha ka paditur Drejtorinë e Arsimit të Suharekës, ishte goxha e tensionuar.

Tensionet u ngritën pasi që gjykatësi i çështjes, Shaban Zeqiraj, e refuzoi propozimin që si dëshmitar të thirrej drejtori i Arsimit, Sherif Berisha, edhe pse Gjykata në shqyrtimin e kaluar kishte vendosur që i njëjti të dëgjohej.

Fatbardh Makolli, avokatit i paditëses, insistoi që me çdo kusht të ftohet drejtori i Arsimit, pasi që ky nuk kishte vepruar konform shkresës së drejtorit të Shkollës së Mesme Teknike “Skender Luarasi”, që përpos për pozitën e paditëses konkurs të hapej edhe për mësimdhënësit e tjerë, të cilët ishin të pakualifikuar dhe të pranuar pa konkurs.

“Në rastin konkret, Adelina Berishës, klientes time, iu ka hapur konkursi në mënyrë të padrejtë, me element diskriminues, derisa kolegët e saj, të cilët nuk i kanë plotësuar kushtet, përkatësisht, nuk kanë pasur kualifikim dhe janë pranuar pa konkurs, kanë pasur kualifikim më të dobët, të njëjtët ende punojnë, ndërsa vetëm kësaj i hapet konkursi. Në këtë drejtim ne kemi propozuar drejtorin e Arsimit që të jetë në cilësinë e dëshmitarit. Arsyet e propozimit qëndrojnë në faktin se drejtori i Arsimit, përkatësisht DKA-ja, është punëdhënës i të gjithë të punësuarve në sektorin e arsimit, prandaj ai i din më së miri arsyet e hapjes së vendit të punës vetëm Adelinës dhe jo edhe për mësimdhënës tjerë, të cilët nuk i plotësojnë kushtet”, tha avokati.

Ndonëse i ftuar të marrë pjesë në seancë, drejtori i Arsimit, Sherif Berisha, nuk i është përgjigjur ftesës.

Përmes një shkrese dërguar Gjykatës, ai thotë se për arsye objektive nuk mund të marrë pjesë. Në këtë shkresë ai u është përgjigjur edhe pretendimeve të paditëses.

Ndërsa, gjykatësi Zeqiraj tha se rrethanat në të cilat avokati ka propozuar që drejtori Berisha të thirret për të dëshmuar nuk janë bindëse për Gjykatën.

Në seancën e zhvilluar në Gjykatën e Prizrenit, dega në Suharekë, ka dëshmuar drejtori i shkollës “Skender Luarasi”, Gëzim Sopa.

Ai tha se nuk i dinte arsyet pse Drejtoria e Arsimit nuk kishte vepruar sipas kërkesës së tij për hapjen e vendeve të lira të punës edhe për personat e tjerë, të pakualifikuar dhe të pranuar pa konkurs.

Dëshmitari Sopa tha se këta persona, përpos paditëses, edhe sot vazhdojnë të punojnë në këtë shkollë.

Në këtë rast gjyqësor, Adelina Berisha po përpiqet ta detyrojë Komunën e Suharekës që të anulojë konkursin për vendin e punës të cilin ajo e ka mbajtur mbi dy vjet.

KALLXO.com raportoi edhe nga seanca e kaluar e këtij rasti gjyqësor.