Zëvendëspresidentja dhe raportuesja për Kosovën në Parlamentin Evropian, Ulrike Lunacek, është shprehur se Serbia duhet ta njohë Kosovën, teksa ka shtuar se Serbia është e vetëdijshme se Bashkimi Evropian, pas rastit të Qipros, nuk do të pranojë më asnjë shtet anëtar që nuk i ka kufijtë e definuar.

Kur ka folur për integrimin e serbëve, Lunacek ka përmendur edhe faktin se serbët janë të përfaqësuar në Qeverinë e në Kuvendin e Kosovës.

“Madje e ndihmuan Hashim Thaçin të zgjidhet President i Republikës së Kosovës, duke i siguruar kuorum”.

Në një intervistë dhënë Kuririt të Beogradit, ajo ka folur edhe për liberalizmin e vizave, duke thënë se kjo duhet të bëhet sa më shpejt për Kosovën, duke nënvizuar se është vendi i vetëm në Ballkanin Perëndimor që ka ende regjim vizash.

Por një çështje tjetër që prek Lunacek është Asociacioni i Komunave me shumicë Serbe në Kosovë. Lunacek për Asociacionin thotë se duhet të zbatohet si Marrëveshje e arritur në Bruksel mes Prishtinë dhe Beogradit. Ajo ka thënë se gjetjet e Gjykatës Kushtetuese të Kosovës për këtë marrëveshje duhet të përfshihen në formulimin e Ligjit dhe Statutit.

Lunacek ka marrë një shembullin e UNESCO-s kur ka folur për normalizimin e marrëdhënieve në mes të Kosovës dhe Serbisë. Ka thënë se refuzimi i UNESCO-s vitin e kaluar e thekson bllokadën politike të vazhdueshme që Serbia i bën Kosovës në organizata ndërkombëtare.

“Kjo shkelje sistematike e parimit të fqinjësisë së mirë dhe qëllimit të normalizimit të plotë të marrëdhënieve e vë dialogun në rrezik”, ka theksuar ajo.

Në dokumentarin “Misteri i vdekjes së Presidentit”, tre personalitete të njohura kanë hedhur dyshime se Ibrahim Rugova nuk ka vdekur nga kanceri.

Shikojeni emisionin Zona Express me autor Leonard Kerqukin për të kuptuar se ku i mbështesin ata pretendimet se Lideri Historik i shqiptarëve të Kosovës mund të jetë helmuar.

Klikoni në videon në vazhdim:

E bija e Jusuf Gërvallës, Donika përmes një postimi në Facebook ka reaguar ndaj deklaratave të sotme të kryeministrit Isa Mustafa në Prekaz.

Ajo ka shkruar se Isa Mustafa nuk e viziton Rifat Jasharin ngaqë i mungon guximi ta shohë në sy sepse këtë gjë s’e kishte bërë as në Gjermani në vitin 1999.

Ja postimi i plotë:

Isa Mustafa nuk e viziton Rifat Jasharin ngaqë i mungon guximi ta shohë në sy. Është shumë për t’u shqetësuar paaftësia e Isa Mustafës për ta përballuar të vërtetën dhe shkarja e tij në gënjeshtra krejtësisht të pakuptimta për çështje, të cilat shumë lehtë mund të vërtetohen.

E pamja në Mynih në mars të vitit 1999 tej Rifat Jashari jo vetëm që është mbajtur, por ajo ka zgjatur me ditë të tëra. Sali Çekaj për shembull nuk ka munguar as një ditë të vetme në këtë t’pame, gjatë së cilës Baci Rifat priti e përcolli me mijëra shqiptarë nga e gjithë bota.Pse shpik Isa Mustafa gjëra të paqena në një ditë kaq të rëndë por edhe krenare në vetëdijen kolektive shqiptare në Kosovë? E din Isa Mustafa mirë, por e dijmë edhe ne të gjithë që në atë kohë ishim në Gjermani, pse nuk troket në derë të Rifat Jasharit. Prandaj Isa Mustafa, thuaje të vërtetën ose hesht më mirë!Sa e neveritshme kjo mungesë totale e moralit dhe e përgjegjësisë.

Në përvjetorin e Epopesë së Ushtrisë Çlirimtare të Kosovës, familja Jashari i bënë thirrje për përgjegjësi e maturi klasës politike në Kosovë. Lulzim Jashari, djali i komandantit Adem Jashari, konsideron se 17 vjet pas luftës, Kosovës po i hapen plagë panevojshme.

“Në një moment të caktuar, i madhi Sami Frashri do të thoshte: Gjithsecili është detyruar t’i shërbej atdheut të tij pa shpërblim. Nuk është për të qortuar edhe ai që i shërben atdheut të tij dhe shpërblehet. Por, nuk ka poshtërsi më të madhe sesa të vësh atdheun në rrezik për interesa personale. Andaj, i bëjmë thirrje klasës politike, për maturi e përgjegjësi ndaj shtetit të Kosovës. E themi me keqardhje që 17 vjet pas luftës Kosovës po i hapen plagë të panevojshme. Nuk është koha për krekosje e lavde. Nuk është koha t’i marrim Kosovës, por t’i japim asaj.Mos të shesim shpirtin për hirë të shijes së gojës. Për hirë te të pamurit të syrit dhe dhimbjeve të trupit. Nderi dhe lavdia u takon heronjve, dëshmorëve e martirëve. Ndërsa ne puna dhe detyra për shtet ndërtim”, tha ai.

Duke thënë se dita e sotme e përkujtimit të marsit, është ditë historike, Jashari tha se të gjallëve u mbetët që të punojnë dhe sakrfikojnë më shumë, në mënyrë që të qojnë në vend amanetin e brezave.

“Këtë askush nuk mund të na mohojë”, tha ai.

Këto komente, Jashari i bëri në akademië përkujtimore në Prishtinë, që u mbajt për nderë të rënies heroike të familjës Jashari në Prekaz.

Ministri për Forcën dhe Sigurinë e Kosovës, Haki Demolli kërkoi nga të gjitha partitë politike në vend, të angazhohen për të gjet zgjidhje të krizës. Sipas tij, zhvillimet e fundit në Kosovë kanë ndikuar drejtpërdrejtë në ngecjen e proceseve të rëndësishme për Kosovën, përfshirë këtu edhe atë për transformimin e Forcës së Sigurisë së Kosovës në Forcë të Armatosur.

“FSK paraqet garancën se në të ardhmen do të shndërrohet në Forcë të Armatosur. Përvjetori i 18-të i Epopesë e ka gjet vendin me mospajtime e kundërshtime të theksuara mes partive. Andaj në këtë përvjetor, kërkoj nga të gjithë akterët politik që të lënë anash interesat e grupeve apo partive vetanake dhe të kenë parasysh vetëm interesin e popullit ,ashtu siç e kishte komandanti Adem Jashari dhe shokët e tij. Dhe, të angazhohen për të gjetë zgjidhje për këtë situatë. Sepse zhvillimet në Kosovë, me pamje të dhunshme, drejtpërdrejtë kanë ndikuar në ngecjen e proceseve të rëndësishme. Kur them këtë, kam parasysh faktin që edhe pse Qeveria e ka prioritet shndërrimin e FSK-së, ajo nuk ka ndodh gjatë vitit të kaluar, pikërisht për shkak të zhvillimeve jo normale. Andaj duhet shpresuar që gjatë këtij viti do të dominoj interesi i shtetit. Të arrihet një zgjidhje dhe të krijohen rrethanat që Qeveria dhe Kuvendi të marrin veprimet ligjore për transformim”, ka thënë Demolli.

Ai tha se përmes krijimit forcës së Armatosur të Kosovës, Qeveria do të ngris shkallën e sigurisë së vendit, për të gjithë qytetarët pa dallim, të cilët pastaj do të jenë më të sigurt.

Këto deklarata, Demolli i tha në akademinë përkujtimore që po mbahet në Prishtinë, me rastin 18 vjetorit të rënies heroike të familjes Jashari.