Ministri i Kulturës, Rinisë dhe Sportit, Kujtim Shala dhe ministria e Kulturës së Republikës së Shqipërisë, Mirela Kumbaro- Furxhi, të shoqëruar nga dy zëvendësministrat Rexhep Hoti dhe Zef Çuni, nënshkruan në Tiranë Protokollin e Bashkëpunimit në fushën e kulturës. Me këtë akt, dy ministritë e kulturës, kanë rënë dakord për përfshirjen e aktiviteteve kulturore të dy vendeve në kuadër të Kalendarit të Përbashkët Kulturor, i cili realizohet për të tretin vit me radhë.

Me nënshkrimin e Kalendarit të Përbashkët Kulturor, Shqipëria dhe Kosova, thellojnë edhe më tej bashkëpunimin ndërkulturor dhe forcojnë hapësirën e përbashkët kulturore, u tha ndër të tjera në ceremoninë zyrtare të organizuar në Tiranë.

Dy ministrat e kulturës, Shala dhe Kumbaro-Furxhi, vitin e kaluar e vlerësuan mjaft të suksesshëm në realizmin e Kalendarit të Përbashkët Kulturor dhe u zotuan se do të bashkëpunojnë ngushtë që sivjet të realizohen në tërësi programi i përbashkët ndërmjet dy shteteve.

Po ashtu, Shala dhe Kumbaro-Furxhi u shprehën se nëpërmjet krijimit të një hapësire të përbashkët kulturore dhe intensifikimit të bashkëpunimit në fushën e kulturës, krijohen kushte më të mira për integrime, afirmimin dhe njohjen e mëtejmë të vlerave të përbashkëta kulturore.

Ministri Shala u shpreh se Kalendari i përbashkët edhe sivjet synon të avancojë dhe të promovojë kulturën nacionale, brenda hapësirës shqiptare, apo jashtë saj, dhe, sikur edhe vitin e kaluar, ne kemi vullnetin që aktivitetet e parapara e parapara të realizohen në tërësi dhe të krijohen mundësi për shtimin e veprimtarive të tjera kulturore në vitet në vijim.

Gjithashtu ministria Kumbaro-Furxhi u shpreh se me këtë akt, kultura dhe arti shqiptar po afrohen dhe po komunikojmë më intensivisht ndërmjet veti, si dhe po ndihmon në promovimin e kulturës sonë të përbashkët edhe jashtë hapësirave shqiptare.

Kalendari i Përbashkët Kulturor, është rezultat i Deklaratës së përbashkët për bashkëpunim dhe partneritet strategjik ndërmjet Këshillit të Ministrave të Shqipërisë dhe Qeverisë së Kosovës.

Sivjet, në kuadër të Kalendarit të Përbashkët Kulturor, parashihen një sërë aktivitetesh të përbashkëta, të cilat do të realizohen në Shqipëri dhe Kosovë, sipas programit dhe kalendarit të përcaktuar, në fushën e librit, të teatrit, trashëgimisë, filmit, arteve muzikore e pamore. Këto aktivitete mundësojnë zhvillimin, njohjen dhe promovimin e ndërsjellët të kulturës shqipe. /PrizrenPress.com

Skandali! Ofendimi! Turpi!

Shndërrimi i mbrëmjes së çmimeve Oscar në “diçka të bardhë”, do të thotë se Akademia do të shtrojë “tepihun e turpit” me 28 shkurt, shkruan revista amerikane Rolling Stones, transmeton Klan Kosova.

Si mund të ishte ndryshe kur njerëzit janë aq të zemëruar me faktin e asnjë krijues me ngjyrë nuk është nominuar për njërën nga kategoritë e Akademisë së Filmit. E njëjta gjë ka ndodhur edhe gjatë vitit të kaluar, kur votuesit e akademisë së filmit nuk nominuan askënd nga producentët e aktorët me ngjyrë.

Por kësaj radhe është diçka më personale. Spike Lee, Will Smidh dhe gruaja e tij Jada, janë në mesin e artistëve që kërkuan bojkot për Oscar’in e sivjetmë. Presidentja e akademisë Cheryl Boone Isaacs, ka deklaruar se brenda anëtarësisë së Akademisë së Filmit, do të ketë reforma për të ndryshuar përbërjen e njerëzve, për shkak se sipas saj “shumica janë ca pleq të bardhë”.

Në ndërkohë, kjo  Rolling Stones ka dhënë vlerësimet për filmat që janë nominuar, për filmat e aktorët që do të duhej të fitonin, e për ata që do të fitojnë.

Filmi më i mirë (çmimi kryesor i Akademisë)

• Të nominuar janë filmat:
• The Big Short
• Bridge of Spies
• Brooklyn
• Mad Max: Fury Road
• The Martian
• The Revenant
• Room
• Spotligt

Akademia e filmit do të duhej të nominonte 10 filma për çmimin “filmi më i mirë”, mirëpo nominoi vetëm 8-të duke lënë jashtë filmat e realizuar nga njerëzit me ngjyrë: Straight Outta Compton dheThe Diary of a Teenage Girl, me regji të Marielle Heller, e cila është një grua me ngjyrë.

Sipas “Rolling Stones”, më poshtë listohen filmat e aktorët që do të duhej të fitonin, por që nuk do të fitojnë, edhe emrat e atyre që do të fitojnë:

Për filmin më të  mirë:

Do të duhej të fitonte: Spotlight

Filmi i Tom McCarthy’t trajton një temë shumë të rëndësishme (skandalin që gazeta fituese e çmimit Pulitzer “Boston Globe” e ka bërë publik. Fjala është për skandalin e Kishës Katolike me priftërinj, që për vite të tëra ka mbuluar abuzimet e tyre me fëmijë (pedofilinë)). Filmi “Spotlight”, është i realizuar me precizitet dhe lë anash klishetë e Hollywood-it dhe është filmi më ikonik që është bërë për gazetarinë që nga filmi “All the President’s Men”.

Do të fitojë: The Revenant

Çmimi Oscar zakonisht i jepet filmit që ka më së shumti nominime. The Revenant ka 12; Mad Max: Fury Road ka 10-të.

Aktori më i mirë:

Nominimet:

• Bryan Cranston, Trumbo
• Matt Damon, The Martian
• Leondardo DiCaprio, The Revenant
• Michael Fassbender, Steve Jobs
• Eddie Redmayne, The Danish Girl
• Do të duhej të fitonte: Fassbender

Do duhej ta fitonte: Fassbender

Performanca e tij është e mrekullueshme dhe me kalimin e kohës vlerësimi për interpretimin e tij vetëm sa do të rritet.

Do ta fitojë: DiCaprio

Ka ardhur koha e Leo’s. Katër nominime të mëhershme dhe asnjë fitore? Leo është mërdhirë për The Revenant. Le të shpresojmë se gjatë fjalimit do ta falënderojë ariun.

Aktorja më e mirë:

Të nominuara janë:

• Cate Blanchett, Carol
• Brie Larson, Room
• Jennifer Lawrence, Joy
• Charlotte Rampling, 45 Years
• Saoirse Ronan, Brooklyn

A kishte me të vërtetë nevojë Jennifer Lawrence për një nominim të katërt që t’ia kalonte Meryl Streep me numrin e nominimeve nga akademia? Nëse Blanchett s’do të kishte fituar vitin e kaluar me “Blue Jasemine”, ajo to të merrte statujën e artë këtë vit.

Do të duhej të fitonte: Ronan

Ajo është vetëm 21 vjeçare, por bën mrekulli me rolin e një vajze irlandeze që ndeshet me një botë të re e të frikshme.

Do të fitojë: Larson

Suksesi i historisë së Larson në filmin “Room”, një nënë që përballet me gjithçka për ta ruajtur vetveten e të birin, është histori që u pëlqen votuesve të Oscar’it.

Aktori më i mirë në rol dytësor:

Të nominuar janë:

• Christian Bale, The Big Short
• Tom Hardy, The Revenant
• Mark Ruffalo, Spotlight
• Mark Rylance, Bridge of Spies
• Sylvester Stallone, Creed

Do të duhej të fitonte: Rylance

Si një spiun rus, i sjellë në një film triller nga Steven Spielberg, Rylance është një përzierje në mes finesës dhe zgjuarsisë.

Do të fitojë: Stallone

Nuk ka mundësi që ai të humb përsëri një Oscar. Në vitin 1976 ai ishte nominuar për aktorin më të mirë kur e kishte luajtur Rocky Balboa’n për herë të parë dhe nuk fitoi. S’do të ndodhë përsëri, ai do e marrë statujën.

Aktorja më e mirë në rol dytësor:

Nominimet janë:

• Jennifer Jason Leigh, The Hateful Eight
• Rooney Mara, Carol
• Rachel McAdams, Spotlight
• Alicia Vikander, The Danish Girl
• Kate Winslet, Steve Jobs

Do të duhej të fitonte: Leigh

Si e vetmja femër në tetëshen e neveritshme të Quentin Tarantino’s, ajo paraqet një performancë të jashtëzakonshme, një rol tipik dytësor me rebelim kundrejt abuzimit maskilist.

Do të fitojë: Mara

Ajo bën progres nga një vajzë e ndrojtur, në një femër të pavarur duke mësuar se ajo e vetme duhhet të vendosë se kë ta dashurojë. Mara e ka marrë çmimin si aktorja më e mirë në Festivalin e Filmit në Kanë, gjyqtarët e të cilit e kuptuan peshën e rolit të saj.

Regjisori më i mirë:

• Lenny Abrahamson, Room
• Alejandro G. Iñárritu, The Revenant
• Tom McCarthy, Spotlight
• Adam McKay, The Big Short
• George Miller, Mad Max: Fury Road

Do të duhej të fitonte: Miller

Në të 70-tat e tij, Miller arriti që ta realizojë mrekullueshëm imagjinatën e tij, duke i dhënë rëndësi të madhe feminizmit.

Do të fitojë: Iñárritu

Vetëm dy herë në 88 vjet, një regjisor është nominuar dy herë radhazi për një film (rasti i fundit në vitin 1951). Duke e nderuar fituesin e filmit “Birdman”, akademia do të bëjë histori.

Mbrëmja e ndarjes së çmimeve Grammy, e solli Lady Gaga’n në stilin e saj, në origjinalitetin e saj por kësaj here me një mision.

Ajo i kushtoi komplet performancën e saj legjendës britanike të muzikës Rock, David Bowi.

Gaga u paraqit në skenë me paruke ngjyrë portokalli dhe performoi si Aladdin Zane.

Derisa ishte duke i kënduar rreshtat e parë të këngës së Bowie nga vitin 1969 “Space Oddity”, një merimangë e madhe e zezë u paraqit në fytyrën e saj në nderim të bendit Spiders From Mars.

Më pas disa valltarë iu bashkuan asaj në skenë dhe shfaqja u bë shumë atraktive.

David Bowie, muajin e kaluar ka vdekur në moshën 69 vjeçare pas një lufte të gjatë me kancerin. Vdekja e tij ka tronditur të gjithë, përveç familjarëve të tij, për shkak se këngëtari e kishte mbajtur sëmundjen sekret.

https://youtu.be/WtUjUs11T5Q