Prokuroria Themelore në Prizren, Departamenti i Krimeve të Rënda, ka ngrit aktakuzë kundër, M. E., K.F., H.M., B.K. dhe R.F., për shkak të dyshimit se kanë kryer veprën penale keqpërdorimi i pozitës apo autoritetit zyrtar.

I akuzuari, M.E., gjatë vitit 2011 deri në maj të vitit 2015, në cilësinë e personit zyrtar, duke shfrytëzuar detyrën zyrtare, i ka tejkaluar kompetencat e tij , me qëllim të përfitimit të dobisë pasurore për vete dhe njëkohësisht shkaktimin e dëmit personit tjetër. Me këto veprime M.E., ka kryer veprën penale keqpërdorimi i pozitës apo autoritetit zyrtar.

Ndërkaq, i akuzuari i dytë K.F., në cilësinë e personit zyrtar, duke shfrytëzuar detyrën zyrtare i ka tejkaluar kompetencat, me qëllim të shkaktimit të dëmit të personit tjetër, me çka ka kryer veprën penale keqpërdorimi i pozitës apo autoritetit zyrtar.

E të akuzuarit R.F., H.M dhe B.K., prej muajit korrik të vitit 2013 deri në muajin prill të vitit 2014, në cilësinë e personave zyrtar, duke shfrytëzuar detyrën zyrtare nuk i kanë përmbushur detyrat e tyre zyrtare të parapara me ligj, ashtu që nuk kanë ndërmarrë vepri me për kthimin në gjendje të mëparshme të pjesës së parcelës kadastrave nr. 2285 në sipërfaqe prej 16 ari, pronë shoqërore kjo e komunës së Suharekës, të cilën më parë e kishte përvetësuar i akuzuari M.E dhe pa leje ndërtimi kishte ndërtuar rrugën për nevojat e objektit të tij afaristo- banesore. Me ç’ rast me dijeni kanë shkelë ligjin lidhur me punësimin zyrtar të tyre, duke i shkaktuar dëm material të konsiderueshëme komunës në vlerë të paluajtshmërisë të përvetësuar.

Me këtë në bashkëveprim R.F., H.M dhe B.K, kanë kryer veprën penale keqpërdorimi i pozitës apo autoritetit zyrtar.

Prokuroria Themelore në Prizren, Departamenti i Përgjithshëm, ka ngrit aktakuzë kundër I. S., për shkak të dyshimit se ka kryer veprën penale nxitja e urrejtjes, përçarjes ose mos durimit kombëtar, racor, fetar apo etnik.

Irfan Salihu, dyshohet se në mars të vitit 2013, ka nxit, ka përhap publikisht urrejtje, përçarje ose mos durim midis grupeve kombëtare, fetare etnike apo grupeve tjera që jetojnë në Republikën e Kosovës.

“Në atë mënyrë që me rastin e një ligjërate me temën ‘Si ta shtojmë bereqetin’, para pjesëmarrësve, i pandehuri ka theksuar se ‘në periudha të ndryshme gjatë pushtimit të perandorisë osmane në trojet tona kanë qenë 1 % shqiptar’, ‘e shajnë atë myslimanë që ju ka dhënë me hektar tokë dhe i ka sjellë për të jetuar në Kosovë. Edhe i ka sjellë për të jetuar në Kosovë, edhe i ka bë sundimtarë të Ballkanit”, bëhet e ditur në njoftim.

I.S., me këto veprime dyshohet se ka kryer veprën penale nxitja e urrejtjes, përçarjes ose mos durimit kombëtar, racor, fetar apo etnik nga neni 147 paragrafi 1 të KP-së.

Në kuadër të kremtimeve me rastin e shënimit të tetë vjetorit të Shpalljes së Pavarësisë së Republikës së Kosovës, Komuna e Malishevës, ka planifikuar një varg aktivitetesh, në mesin e tyre edhe mbledhjen solemne të Kuvendit të Komunës, pastaj homazhe dhe nderime te varrezat e dëshmorëve në Malishevë e Kleçkë, nderime pranë shtatores së Komandantit Legjendar Adem Jashari, në sheshin kryesor të qytetit, si dhe një koncert të madh. Paraprakisht, do të bëhet edhe dekorimi i qytetit me flamuj.

Në mbledhjen e rregullt të Këshillit të Drejtorëve, drejtoresha për Kulturë, Rini dhe Sport, Blerta Krasniqi tha se koncerti do të mbahet me 16 shkurt, në sheshin kryesor të qytetit, ndërsa më 17 shkurt, do të mbahet Mbledhja solemne e Kuvendit të Komunës së Malishevës, si dhe do të bëhen homazhe dhe nderime pranë shtatores së Adem Jasharit dhe në varrezat e dëshmorëve.

Ndërsa, kryetari i Malishevës, Ragip Begaj kërkoi nga drejtoria e Shërbimeve Publike, që të filloj me dekorimin e qytetit, përkatësisht me vendosjen e flamujve përgjatë rrugëve të qytetit.

Përndryshe në mbledhjen e sotme, drejtorët e drejtorive, raportuan para kryetarit, për aktivitetet e drejtorive, fillimin e procedurave për disa projekte, të planifikuara për këtë fillim të vitit. /PrizrenPress.com