Një nga publicistët dhe diplomatët më të njohur shqiptar Shaban Murati, në një tekst autorial të botuar sot në Tiranë tek Gazeta Shqiptare, ka pyetur përkatësisht shprehur dilemat se pse Hashim Thaçi nuk u është përgjigjur akuzave të ish-shefit të shërbimit francez.
“E para, si është e mundur që një ish-drejtor dhe jo nëpunës apo operativ i thjeshtë, i shërbimit të fshehtë të një shteti të madh me politika kontinentale, djeg kaq lehtësisht emrat e agjentëve të Francës.”, shkruan Murati në editorialin e tij. Për të vijuar mëpas me dilemën e dytë: “Pyetja e dytë, që del, është se përse deri tani zëvendëskryeministri dhe ministër i Jashtëm i Kosovës nuk ka bërë përgënjeshtrim të akuzës, që i vjen nga ish-drejtori i shërbimit të fshehtë francez”, shkruan Murati.