Policia e Kosovës ka njoftuar se në fshatin Korishë të komunës së Prizrenit njësitë për dominim të FSK-së kanë tërhequr pa pasoja disa granata dore, të groposura afër vendbanimit.
Në raportin e sotshëm të Policisë së Kosovës theksohet se për ekzistimin dhe vendndodhjen e tyre kishte raportuar një mashkull, K/shqiptar. “Në fushë, në afërsi vendbanimit, në një gropë gjenden disa granata dore”, kishte raportuar ai.
Ndërkohë, njësitë policore kanë bërë sigurimin e vendngjarjes, ndërsa njësiti për deminim i FSK-së ka bërë tërheqjen e mjeteve në mënyrë të sigurt, pa incidente, thuhet në raport.
Adem Grabovci e Besim Beqaj kishin marrë kompetenca të plota nga Hashim Thaçi, që në krye të tri ndërmarrjeve publike, PTK, Infrakos dhe Traikos të vendoseshin njerëzit që përfaqësonin interesat e tyre. Një seri përgjimesh telefonike të Grabovcit dhe Beqajt dëshmojnë këto plane që ishin finalizuar me emërime.
Hashim Thaçi u kishte dhënë autorizime të plota Besim Beqajt e Adem Grabocit që të menaxhonin qysh të donin pozitat në Trainkos, Infrakos dhe Postë Telekomin e Kosovës.
Bazuar në këto autorizime, tashmë ish-shefi i Grupit Parlamentar të PDK-së, Adem Grabovci dhe ish-ministri i Zhvillimit Ekonomik, Besim Beqaj kishin prishur konkurset në këto institucione për Borde dhe për kryeshefë ekzekutivë.
Dy krerët e lartë të PDK-së, kishin qëllim që të sillnin njerëzit e tyre. Agron Thaçin, që vazhdon ta mbajë pozitën e kryeshefit të Infrakosit, e kishin përzgjedhur për këtë pozitë si njëri të besueshëm që do të punonte për interesat e tyre.
Ndërkohë, Sejdi Hoxhën, nipin e Azem Sylës do ta sistemonin në krye të Postës së Kosovës.
Beqajt i duhej mendimi i ish-kryeministrit Hashim Thaçi, se kë do ta emëronte për ushtrues detyre të PTK-së. Ai, së bashku me Thaçin e Grabovcin do t’ia diktonin Bordit të PTK-së, që vazhdon të drejtohet nga Rexhë Gjonbalaj, emërimin e Nuredin Krasniqit për ushtrues detyre. Krasniqi është mik i afërt i Xhavit Halitit.
Në serinë e dymbdhjëdhjetë të përgjimeve telefonike “Dosja e Shefave”, Insajderi sjell bisedat e përgjuara të Adem Grabovcit me Besim Beqajn.
Ato, dëshmojnë për kontrollin e plotë që pushteti i PDK-së kishte mbi ndërmarrjet publike, e bordet e tyre. Beqaj, ndonëse tregohet i kujdesshëm kur flet, megjithatë zbulohet duke bërë plane për vendosje të njerëzve që përfaqësonin interesin e tyre në këto ndërmarrje multimilionëshe.
Beqaj, aktualisht është deputet i Partisë Demokratike të Kosovës.
“U takova pramë me atë jaranin tem, nejtum…”, i tregon Grabovci, Beqajt në një bisedë telefonike. Fjalën e ka për Ferat Shalën, një drejtues i lartë i Shërbimit Informativ të Kosovës, që për një kohë ishte drejtor i Trepçës. Shala, është zëvendësministër i Mjedisit dhe Planifikimit Hapësinor.
“E lam qashtu, mos ka 12 ora mos po vjen ai… Ta boj ni telefon e dalum n’drekë bashkë”, i thotë Grabovci, Beqajt. Beqaj merr përsipër rezervimin e tavolinës për drekë.
Gjatë bisedës, Beqaj e porosit Grabovcin që të flas me kryeministrin për ushtrues detyre të PTK-së. Grabovci, i thotë që këtë do ta bisedojnë në drekë.
“Edhe ni çështje, nëse e sheh kta sot, kryeministrin… Nesër Bordi i PTK-së, duhet me marr vendim për ushtrus detyre”, thotë Beqaj.
“Okej okej, sot bisedoj me to”, i përgjigjet Grabovci.
“Bisedo me to, do të thotë jonë tri katër çështje t’cilat duheni me marr vendim sot që mos me…”, vazhdon Beqaj.
“Hajt se kur takohum bisedojmë bashkë jarani jem”, thotë Grabovci.
Biseda tjetër ka të bëjë me Trainkosin dhe Infrakosin si dhe me një person që quhet Afrim. Ai është Afrim Dauti nga Klina të cilin, Grabovci e kishte sistemuar në një institucion nëpërmjet Ilhami Gashit.
“A ke Afrimi”, e pyet Beqaj, Grabovcin, i cili e pohon se ishin takuar dhe e pyet nëse Beqaj e kishte dërguar tek ai. Ata flasin me numra, që lë të kuptohet se bëhet fjalë për renditje kandidatësh.
“E 13, 14 i ke mi bisedu do… deri te 12-tit i ki”, thotë Grabovci.
“Okej”, ia kthen Beqaj.
“Për… Prishtinë ktu i kishin pas harru te unë. A munesh me…”, vazhdon Grabovci… Nëse nuk i kanë shti, mi shti”, thotë më tej ai.
Beqaj e pyet Grabovcin që a t’i rishpallin konkurset për ndërmarrjet që lidhen me hekurudhat.
“A ti thom qetyne dyve, dytë t’i rishpallum? Trainkos edhe Infrakos”, pyet Beqaj.
“Sejdës (Hoxhës v.j.) i thash po edhe atij tjetërit nëse don thuj”, i përgjigjet Grabovci.
“Vallain pi thom…, o ka qet kushte, o ka qet shkokla”, shton Beqaj.
”Jo, e. Ken ata te unë thash… hiç thuj shko n’rrot t’samës. Pederi”, tregon Grabovci.
“Dytë. T’ia rishpallum edhe tanaj t’shohim”, përgjigjet Beqaj. “Edhe i zgjedhum tani edhe bordet edhe… U bo hajt”.
“U bo hajt. U bo, hajt, tung, tung”, përserit Grabovci.
Në një bisedë tjetër, dy protagonistët e zhvillimeve në Kosovë flasin konkretisht për Agron Thaçin. Grabovci thotë se dikush ia ka lavdëruar shumë, derisa shton se nëse në pozitën që nuk ia përmendin emrin e dërgojnë dikë që i referohet “ai i Skenderajt” veç telashe do t’u del.
“Për qatë farë idenë si e patum, për me shty”, thotë Beqaj, teksa merr përgjigje nga Grabovci që të shkojë ëprpara procesi.
“Le t‘ecin… hiçu, mos, mos, veç na nxjerr telashe me çu atë t’Skenderajit aty”, sqaron Grabovci.
“Se fola me ata që ke nejt ti pramë, për atë Agrnonin ma livdoi… thash okej thash qysh t’dush veç… se ish për ata, mirë kanë bo, që spaskanë… mos i jepni shans, se veç ju nxjerrin telashe, se edhe unë jom darkord. Veç na del tani telashe mu e ty.
“Jo jo, po flas për, për kta krejt komplet”, thotë Beqaj. Po, veç fol me ata t’parin niher”, shton Beqaj, duke aluduar tek kryeministri i asaj kohe, Hashim Thaçi.
“Mu, e ty na ka lanë”, sqaron Grabovci autorizimet e marra nga Thaçi.
“Nëse na ka lanë mu e ty, unë po t’kallxoj, është mirë niherë mas pari m’u ul na tre bashkë edhe me ditë çka po dojmë”, kërkon Beqaj.
Biseda e parë
Beqaj: Alo.
Grabovci: A je çu?
Beqaj: Mirë, ti?
Grabovci: Ça i ki puntë?
Beqaj: Vallain që qitu n’zyrë.
Grabovci: A ka naj sen tre, a sen a?
Beqaj: Hiç, ti?
Grabovci: Qysh i ki puntë me kohën?
Beqaj: Me kohën… deri ka 2 jom ksajde, tanaj m’duhet me shku dei n’Shkup.
Grabovci: N’Shkup?
Beqaj: Po.
Grabovci: Kqyr mos ëë…, mujmë edhe ma heret po… Ferati, Shala.
Beqaj: Po.
Grabovci: U takova pramë me atë jaranin tem, nejtum…
Beqaj: Ëhëë…
Grabovci: E lam qashtu, mos ka 12 ora mos po vjen ai.
Beqaj: Ëhëë…
Grabovci: Ta boj ni telefon e dalum n’drekë bashkë.
Beqaj: Ani de, pe rezervoj unë drekën.
Grabovci: A?
Beqaj: Pe rezervoj unë drekën pra.
Grabovci: Okej.
Beqaj: Edhe ni çështje, nëse e sheh kta sot, kryeministrin.
Grabovci: Po?
Beqaj: Ëëë…, nesër bordi i PTK-së, duhet me marr vendim për ushtrus detyre.
Grabovci: Okej okej, sot bisedoj me to.
Beqaj: Bisedo me to, do të thotë jonë tri katër çështje t’cilat duheni me marr vendim sot që mos me…
Grabovci: Hajt se kur takohum bisedojmë bashkë jarani jem.
Beqaj: Hajt, hajt, tung, tung.
Grabovci: Hajt.
Biseda e dytë
Grabovci: Alo.
Beqaj: Adem.
Grabovci: Përshëndetje.
Beqaj: A ke Afrimi?
Grabovci: Po.
Beqaj: Okej.
Grabovci: Ti çova unë ato…
Beqaj: Okej.
Grabovci: E 13, 14 i ke mi bisedu do… deri te 12-tit tin i ki.
Beqaj: Okej.
Grabovci: Për (nuk kuptohet) për Prishtinë ktu i kishin pas harru te unë. A munesh me…?
Beqaj: Po a?
Grabovci: Po bre. Nëse nuk i kanë shti, mi shti?
Beqaj: Hajde po kqyri.
Grabovci: Qata si na vyen(nuk kuptohet).
Beqaj: Dëgjo… dëgjo.
Grabovci: He?
Beqaj: A ti thom qetyne dyve, dytë ti rishpallum? Trainkos edhe Infrakos?
Grabovci: Sejdës i thash po edhe atij tjetërit nëse don thuj.
Beqaj: Vallain pi thom, (nuk kuptohet) o ka qet kushte, o ka qet shkokla.
Grabovci: Jooo… eeee ken ata te unë thash… hiç thujj shko n’rrot t’samës. Pederi.
Beqaj: A… t’ja u… pra, t’jau rishpallum…
Grabovci: Bon.
Beqaj: Dytë. T’ja rishpallum edhe tanaj t’shohim (nuk kkuptohet)…
Grabovci: Okej, Okej. Masi t’shpallet ky tjetëri… (nuk kuptohet)
Beqaj: Tani i shpallum dytë.
Grabovci: Po dytë.
Beqaj: Edhe i zgjedhum tani edhe bordet edhe… U bo hajt.
Grabovci: U boo hajt. U bo, hajt, tung, tung.
Biseda e tretë
Grabovci: Po zoti ministër.
Beqaj: Qysh t’kom?
Grabovci: Mirë, mirë.
Beqaj: A joe lodh hiç a jo?
Grabovci: (Kosovën sot t’djeshit a po ma gjanë), ça po bon ti? Kah je?
Beqaj: Qe jom tu shku n’Vushtrri.
Grabovci: N’Vushtrri!
Beqaj: Po.
Grabovci: O ty tezet binak t’bofshin.
Beqaj: A…?
Grabovci: Tezet t’bofshin binak.
Beqaj: Tezet m’bofshin binak, i kanë krye, ça kanë pas ndërmen me ba.
Grabovci: Hahahaha…
Beqaj: E kanë bo fetë, hahaha…
Grabovci: S’u takum?
Beqaj: Fetë e kanë bo krejt.
Grabovci: S’u takum, a u shnoshe?
Beqaj: Se di çka me të thon po more po qysh jo.
Gabovci: A vonohesh shumë atje a?
Beqaj: Paj jom t’u shku me vizitu qit fabrikën e Lamkos-it.
Grabovci: Aha, aha.
Beqaj: Masi ka fillu punën.
Grabovci: Okej.
Beqaj: Po.
Grabovci: Hajde pra pe lam nesër.
Beqaj: Ani pe lam nesër, u takova unë me atë jaranin pramë pak, a mos t’tregoi?
Grabovci: Po m’tregoj, po m’tregoi, shihem bashkë.
Beqaj: Okej, hajt.
Grabovci: Shihemi, shihemi shoqi.
Beqaj: Fol fol edhe me atë tjetërin.
Grabovci: Ëhë…
Beqaj: Për qatë farë idenë si e patum. , pPër me shtye.
Grabovci: Jo more (nuk kuptohet) let shkojnë.
Beqaj: A…?
Grabovci: Le t‘ecin… hiçu, mos, mos, veç na nxjerr telashe me qu atë t’Skenderajit aty.
Beqaj: Okej.
Grabovci: Se fola me ata që ke nejt ti pramë, për atë Agrnonin ma livdoji, tha… thash okej thash qysh t’dush veç… se ish për ata, mirë kanë bo, që spaskanë… mos i i jepni shans, se veç ju nxjerrin telashe, se edhe unë jom darkord. Veç na del tani telashe mu e ty.
Beqaj: Jo jo, po flas për, për kta krejt komplet.
Grabovci: Aaa… eee, veç a mujmë?
Beqaj: Po, veç fol me ata t’parin niher.
Grabovci: Mu, e ty na ka lanë.
Beqaj: Nëse na ka lanë mu e ty, unë po t’kallxoj, është mirë niherë mas pari m’u ul na tre bashkë edhe me ditë çka po dojmë.
Grabovci: Ani hajde hajde…
Beqaj: Le Le nesër takohum na apet.
Grabovci: Ani nesër, u bo, u bo, hajt.
Beqaj: Hajt hajt./Insajderi.com
(Në transkriptim të bisedave mund të ketë lëshime të vogla teknike).
Ish-kryetari i Komunës së Rahovecit, Smajl Latifi, përmes një postimi në Facebook ka reaguar ndaj atyre që, sipas tij, po e quajnë “i sëmurë psikik”, duke thënë se ndihet shëndoshë e mirë.
“Unë, Smajl Latifi që dikush më paska diagnostifikuar si i ‘sëmuri psikik’ vazhdoj edhe sot të ndihem mirë e shëndosh si molla, ngase isha bërë pengesë për aprovimin në Kuvendin e Kosovës dhe më pastaj edhe isha kundër zbatimit të Ligjit për Hoçën e Madhe dhe Ligjit për Qendrën Historike të Prizrenit.
Po ju vë në dijeni se ‘sëmundja psikike’ nuk po më hiqet dot as sot kur jam kundër:
*Asociacionit/ Zajednicës;
* Demarkacionit të kufirit me Malin e Zi;
* Qeverisjes së keqe e të zhytur në krim e korrupsion;
* Nepotizmit në punësim e mënyrës së sjelljes së “shefave” si dhe gjuhës banale e fyese që ata flasin;
* Se si ata e përdorin shtetin dhe resurset e tij sikurse të ishin vetë pronarët e Kosovës.
…
E pra, unë i “sëmuri psikik” do të jem gjithnjë:
– kundër rrënimit të vlerave kombëtare, historike;
– kundër rrënimit të vlerave të shoqërisë ku jetojmë;
– kundër klanit * PRONTO* 1, 2 etj., etj.
…
Unë vazhdoj të ndihem edhe më mirë, kur nuk i bindem askujt që i bën keq të sotmes dhe të nesërmes së popullit dhe vendit tim”, ka shkruar ai në profilin e tij në Facebook.
Një prezantues i BBC i cili ka kaluar 12 javë në kujdes intensiv pas një aksidenti të tmerrshëm me biçikletë është zgjuar nga koma.
Bëhet fjalë për Will Glennon i cili theu të gjitha brinjët, çau një mushkëri dhe pësoi një dëmtim masiv në kokë, pas përplasjes fatale me një furgon që po udhëtonte me 40 km në orë.
Mirëpo prezantuesi i BBC pasi doli nga kujdesi intensiv 12 javor, mendoi se jemi në vitet 1950. 44 vjeçari ka thënë: “Ata më bënë 3 pyetje: Ku je? Çfarë viti është? Dhe çfarë do të bëni për të jetuar?
“U thashë se isha në Amerikë, ishte viti 1952 dhe se unë jam një shofer garash”, ka thënë prezantuesi, shkruan The Sun.
“U deshën shumë muaj që mjergulla të pastrohej. Ishte një proces shumë i ngadaltë”, ka treguar ai.
Në një merkato kaq të pasur dhe të mbushur me lojtarë cilësorë, mund të ketë hapësira edhe për një paradoks. Juventus, për shembull, që ka investuar më shumë se të tjerat, kur kanë mbetur edhe dy javë nga mbyllja e merkatos, është e detyruar të bëjë një sforcim tjetër për të mbuluar boshllëkun që ka lënë Paul Pogba. Ndërkohë, mund të konsiderohet një ekip i kompletuar ai i Inter-it “made in China”, me merkaton e klubit zikaltër që ka kaluar në plan të dytë për shkak të tërmetit të shkaktuar nga largimi i trajnerin Roberto Mancini. Në këto ditë do të bëhen edhe tentativat e fundit për të kapur dy mbretëreshat e merakos italiane. Napoli, Roma dhe Milan, që janë shumë më mbrapa, janë paralajmëruar.
JUVENTUS
Nuk ka dyshime, Juventus ka bërë lëvizjet më të mira. Ka filluar duke i marrë lojtarin më të mirë një rivali direkt për titullin, Pjanic nga Roma, dhe e ka mbyllur duke marrë qendërsulmuesin më të mirë të kampionatit të sezonit të kaluar, Higuain nga Napoli. Në mes kanë ardhur edhe Dani Alves, Benatia dhe Pjanic, plus prenotimi i Berardi-t për vitin e ardhshëm dhe blerja e Mandragora-s. Është i vetmi klub italian që ka shpenzuar sa një “big” europiane, 148 milionë euro, por largimi i Pogba e detyron administratorin e deleguar të bardhezinjve, Beppe Marotta, të vendosë një tjetër qershi mbi tortë. “Zonjës” i mungon vetëm një mesfushor i fortë, i cili mund të mbulojë disa pozicione dhe të mos jetë fantazist, por me eksperiencë ndërkombëtare. Prej javësh torinezët janë vënë në ndjekje të Ëitsel, teksa ëndrra Matic është bllokuar nga Conte dhe Matuidi mund të jetë një alternativë e minutës së fundit. Ndërkohë, po rritet interesi për interistin Brozovic, por nuk përjashtohet edhe një goditje surprizë.
INTER
Kaosi i gjeneruar nga lamtumira e Mancini-t rrezikon të lërë në hije gjithçka tjetër. Por merkato e parë e pronarëve të rinj kinezë, pavarësisht kushtëzimit nga “fair play”-it financiar, ka qenë e rëndësishme. Shifra të tilla dhe lojtarë të tillë nuk shiheshin që nga kohët e arta të Massimo Moratti-t: 45 milionë euro për Joao Mario dhe 25 për Candreva, kanë mbushur me shpresë tifozët zikaltër. Një tjetër lëvizje e mirë ka qenë edhe marrja me kosto zero e Banega-s dhe ajo e një mbrojtësi krahu si Ansaldi. Çfarë duhet tjetër? Ndoshta një mbrojtës i majtë, por në pritje për të kuptuar vlerën reale të Erkin, De Boer do të donte një mesfushor tjetër (Luiz Gustavo është zgjedhja e parë). Megjithatë, nëse Icardi, Brozovic dhe Handanovic do të qëndrojnë, ky Inter mund të konsiderohet më shumë se i kompletuar. Gjithsesi, duket se drejtuesit zikaltër janë vënë në lëvizje për të bërë një blerje tjetër. Ëndrra e fundit quhet Gabigol. Nëse nuk merret menjëherë, mund të jetë dhurata e De Boer për Krishtlindje.
NAPOLI
Shitja e Higuain ka krijuar një boshllëk të madh që, pothuajse një muaj pas largimit të tij, nuk është mbushur akoma. Milik është një lojtar premtues, Gabbiadini po punon për t’u bërë një qendërsulmues i madh, por tifozët (dhe Sarri) duan diçka tjetër: De Laurentiis po provon të rrisë presionet për Icardi-n, por muri i ngritur nga Inter rreth argjentinasit duket se do të rezistojë. Stoli është përmirësuar me Giaçherini, Zielinski dhe Tonelli, por diferenca e madhe me Juventus-in është rritur gjithashtu. Drejtori sportiv Giuntoli po punon për një ose dy mesfushorë të rinj, zgjedhjet e para janë Rog dhe Diaëara, për një mbrojtës të krahut të majtë (objektivi është De Sciglio) dhe për një qendërmbrojtës, duke parë se Tonelli është dëmtuar dhe Koulibaly do të luajë në Kupën e Afrikës.
ROMA
Kjo është vera më e varfër e viteve të fundit. Vështirësitë në bilanc dhe pasiguria nëse ekipi do të marrë pjesë ose jo në edicionin e ardhshëm të Champions League kanë detyruar Roma-n që të mendojë për të shitur para se për të blerë. Edhe këtu vlen i njëjti diskutim i bërë për Napoli-n: Pjanic ka qenë një humbje e madhe, dhe nuk është zëvendësuar akoma. Mbrojtja është rindërtuar: Mario Rui (menjëherë i dëmtuar), më pas Fazio, Juan Jesus dhe Vermaelen duket se janë elementët e duhur, me kusht që të mos ketë surpriza në lidhje me Manolas. Për sa i takon krahëve të mbrojtjes, Sabatini ka siguruar Bruno Peres nga Torino për 15 milionë euro dhe në kohë për ta aktivizuar në Champions. Në sulm nuk duhet shumë punë, Spaletti ka shumë alternativa cilësore. Por blerja e një lojtari si Borja Valero mund të rrisë ndjeshëm cilësinë e mesfushës dhe t’i japë një ritëm tjetër sulmit. Ai është ëndrra e madhe.
MILAN
Vangioni me parametra zero, Lapadula i rrëmbyer nga duart e Genoa-s dhe Gustavo Gomez, i cili do të debutojë në futbollin europian. Këto kanë qenë lëvizjet e Milan, i paralizuar për një verë të tërë për shkak të shitjes së klubit dhe nga një strategji vetëfinancimi e bllokuar nga refuzimet e Baça. Një merkato fantazmë, e kushtëzuar, që Milan po provon ta shkundë në dy javët e fundit të merkatos ku pritet të vijë sakrifica e fundit e Berlusconi-t: rreth 15 milionë euro për t’i investuar te Bentancur. Përforcimi në mesfushë është objektivi kryesor i kuqezinjve, por një qendërmbrojtës tjetër dhe një qendërsulmues (Pavoletti) mund ta bëjnë këtë Milan akoma më kompetitiv. /telesport.
U bë e njohur në spektaklin ‘Love Island’, ndërsa tashmë Emma-Jane Woodham po shijon famën.
Bukuroshja 19-vjeçare ndodhet në Marbela së bashku me të dashurin e saj, ku ka marrë të gjithë vëmendjen me format e saj superseksi.
Emma është fotografuar me bikini të bardha, të cilat ja tregonin më së miri format. Ajo është fotografuar edhe nën shoqërinë e disa miqve të saj, me të cilët duket se ka kaluar momente mjaft të bukura.
Rreth orës 14:40 minuta, patrulla e Policisë që po lëvizte përgjatë rrugës “Jusuf Gërvalla” në Prizren është ndaluar nga qytetarët të cilët kanë treguar se në një lokal dy persona po rrihen në mes vete.
Polica ka hyrë në lokal dhe ka vërejtur të dyshuarin F. Hoxha me pistoletë në dorë dhe tjetrin të gjakosur.
Pas arrestimit, të dyshuarit janë pyetur për sherrin që kishte plasur dhe bëhet me dije se D. K. kishte shkuar për të kërkuar sqarime lidhur me punësimin e premtuar nga firma “MNP” dhe ndjehej i mashtruar nga kjo firmë, mirëpo kjo e kishte zemëruar të dyshuarin Hoxha i cili e kishte sulmuar ankuesin e këtij rasti.
Është sekuestruar një pistoletë e llojit Zastava model M88 kalibri 9mm me shtatë fishekë. Me urdhër të prokurorit të shtetit i dyshuari ndalet nën masën e arrestit policor.
Ish-drejtorët e Ramadan Muja, të cilët u shkarkuan nga postet e tyre, nuk do të mbesin në pa punë.
Ata do të transferohen në poste të ndryshme në Qeverinë e Isa Mustafës dhe Kuvendin e Kosovës.
Kryetari i Degës së PDK-së, Minir Krasniqi tha se dy prej ish-drejtorëve të shkarkuar tashmë janë në Prishtinë.
“ Ish-drejtori Hasan Hasani është emëruar zëvendësministër i Ministrisë së Punës dhe Mirëqenies Sociale, ndërsa Nijazi Kryeziu zyrtar i Kuvendit të Kosovës”, tha Krasniqi, transmeton PrizrenPress.
Sipas tij, deri më tash Dega e PDK-së në Prizren nuk ka qenë e përfaqësuar në institucionet qendrore në Prishtinë.
“Një pjesë e drejtorëve që kanë dhënë kontributin në parti dhe Komunë, do të transferohen në Qeverinë e Kosovës, përkatësisht në Kuvendin e Kosovës”.
“Edhe të tjerët do të trajtohen në këtë mënyrë, por për këtë do t’ju njoftojmë me kohë”, tha Krasniqi.
Gjashtë drejtorë të Ekzekutivit të Prizrenit, janë shkarkuar nga detyra me vendim të kryetarit të PDK-së, Kadri Veseli. Ndërkaq, vendet e tyre janë zëvendësuar me emra të rinj. /PrizrenPress.com/
Hetues policorë të Stacionit Policor ”Veriu” në Prizren, pas një pune hetimore disaditëshe kanë arritur që ta identifikojnë e më pas ta arrestojnë të dyshuarin J. Doqaj nga fshati Marmull i Gjakovës mbi bazën e dyshimit se i njëjti në bashkëpunim edhe me një të dyshuar nga Shqipëria në dy data të ndryshme, me 12 korrik dhe 19 korrik kanë plaçkitur dy vetura: njërën në Arbanë dhe tjetrën në Piranë të Prizrenit.
I dyshuari është arrestuar nga policia në shtëpinë e tij në Marmull pas një bastisje të organizuar nga Policia e Prizrenit dhe ajo e Gjakovës.
Gjatë bastisjes është sekuestruar një veturë e llojit Golf dhe dokumente të veturave të plaçkitura të cilat do t’i kalojnë prokurorisë së shtetit në cilësi të provës materiale.
I dyshuari në prani të avokatit mbrojtës e ka sqaruar mënyrën se si i kontaktonte pronarët e veturave që ishin në shitje pastaj i mashtronte duke ua marrë çelësat kinse për ta provuar veturën dhe zhdukej në drejtim të panjohur.
Hetuesit thonë se veturat e plaçkitura i dyshuari nga Shqipëria i kalonte kontrabandë andej kufirit. Pas intervistës është informuar prokurori i shtetit i cili ka urdhëruar që i dyshuari të ndalet nën masën e arrestit. Policia po bën përpjekje për kapjen e të dyshuarit tjetër.
Kryetari i Komunës së Prizrenit, Ramadan Muja, ka lavdëruar punën që kanë bërë ish-drejtorët e shkarkuar të tij. Ai tha se drejtorët e shkarkuar kanë bërë punë të mëdha në qytetin e Prizrenit.
“Falënderoj drejtorët e deritanishëm për punën e madhe që e kanë bërë .Ata kanë bërë një punë të madhe në të mirë të qytetarëve dhe qytetit të Prizrenit”, ka thënë Muja.
Kryetari i PDK-së Kadri Veseli, mbrëmë ka shkarkuar 6 drejtorë të Ekzekutivit ë Prizrenit. Ndërkaq, zëvendësimi i tyre është bërë sot, transmeton PrizrenPress.
Për drejtor të Shërbimeve Publike është përzgjedhur, Sulltan Badallaj – ekonomist i diplomuar; për drejtor të Urbanizmit dhe Planifikimit Hapësinor është përzgjedhur, Visar Islamaj – Jurist i diplomuar; në drejtorinë e Arsimit, Prof Dr. Zahadin Shemsedini; në drejtorinë e Shëndetësisë, Shpresa Goçaj Specialiste e Radiologjisë; në drejtorinë e Punës dhe Mirëqenies Sociale, Sherife Balaj – Mr. e Sociologjisë. Ndërkaq, drejtori i Inspektoratit nuk është emëruar sot./PrizrenPress.com/
