Ajo po shijon disa ditë pushime në Ischia të Italisë me të dashurin, Jeremy Parisi.
Modelja 36-vjeçare britanike, Kelly Brook befasoi me format e saj seksi.
Vërmicë, konfiskohen 116 kamera sigurie me vlerë mbi 10 mijë euro
Oficerët doganor në Vërmicë kanë parandaluar futjen ilegale të kamerave të sigurisë, gjatë kontrollit të ushtruar në një autobus që futej në Kosovë nga Shqipëria.
Në një njoftim për media thuhet se oficerët doganor kanë ndalur për kontroll një autobus me targa të Kosovës ku pas pyetjes së udhëtarëve dhe shoferëve, se nëse kanë për të deklaruar mallra apo të holla mbi dhjetëmijë euro, të gjithë janë përgjigjur se nuk kanë asgjë për deklarim.
Gjatë kontrollit të autobusit janë gjetur një sasi e konsiderueshme e kamerave të sigurisë, saktësisht 116 copë me vlerë mbi 10 mijë euro.
Oficerët gjithashtu kanë arritur të identifikojnë edhe personin, i cili ishte në posedim të mallrave, kundrejt të cilit është iniciuar procedura për kundërvajtje doganore.
Tërë sasia e mallrave (kamerave) është konfiskuar pasi që pala ka kryer kundërvajtje doganore.
Dokufest mbyllet sonte
Juritë e festivalit do të ndajnë çmimet në 6 kategori: Garën e Dokumentarëve nga Ballkani, Garën e Dokumentarëve për Ambientin, Garën e Dokumentarëve për të Drejtat e Njeriut, Garën e Dokumentarëve Ndërkombëtarë, Garën e Filmave të Shkurtër dhe Garën Kombëtare
Sonte në Prizren mbyllet festivali ndërkombëtar i filimit të shkurtër dhe dokumentar “Dokufest”. Ceremonia do të fillojë në ora 20:00 me shfaqjen e filmit “Close up” në kujtim dhe nderim të regjisorit iranian Abbas Kiarostami, për të vazhduar më pas me ndarjen e çmimeve sipas kategorive përkatëse.
Selektori i filmave të shkurtër Samir Karahoda sot gjatë një konference për medie u shpreh shumë i kënaqur me ecurinë e festivalit dhe falenderoi iso-polifoninë shqiptare për ngrohtësinë që solli mbrëmë me muzikën shqipëtare nga jugu.
“Sot do të jetë nata përmbyllëse e festivalit dhe do të jetë edhe ceremonia e ndarjes së çmimeve. Në ceremoninë përmbyllëse për herë të parë do të jenë të pranishëm pjesa më e madhe e regjisorëve” tha Karahoda.
Bashkë me Karahodën, në konferencë u paraqitën edhe dy regjisorët Eva Smyk dhe Alexei Dmitriev, filmat e të cilëve janë shfaqur në kuadër të festivalit.
“Është festival i mrekullueshëm, është Woodstock-u i Ballkanit” ka thënë me këtë rast, regjisori Alexei Dmitriev per DokuFest-in.
Kjo ngjarje e madhe kulturore për nëntë ditë rresht mblodhi në qytetin historik të Prizrenit, kineastë të ndryshëm vendës e ndërkombëtarë si dhe qytetarë të shumtë.
Filma të ndryshëm vendës dhe ndërkombëtarë janë prezantuar sivjet në kuadër të edicionit të 15-të që kryesisht kanë trajtuar dukurinë e korrupsionit si temë kryesore e festivalit dhe tema të tjera të cilat po e prekin mbarë globin siç janë ngjarjet terroriste.
Filmat janë shfaqur në kinematë të ndryshme gjithandej qytetit në mjedise të mbylluar dhe të hapura ndërsa janë ndjekur nga qytetarë të shumtë.
Në këtë edicion me projektet e tyre filmike janë paraqitur filmbërës të njohur dhe të shpërblyer për punën te tyre por edhe një numër i filmbërësve të rinjë.
Sonte juritë e festivalit do të ndajnë çmimet në 6 kategori:
-Garën e Dokumentarëve nga Ballkani
-Garën e Dokumentarëve për Ambientin
-Garën e Dokumentarëve për të Drejtat e Njeriut
-Garën e Dokumentarëve Ndërkombëtarë
-Garën e Filmave të Shkurtër dhe
-Garën Kombëtare
Në kuadër të Dokufest, përveç fushës së kinematografisë është shfaqur një program i pasur dhe i larmishëm në fushën e muzikës, artit dhe kulturës në përgjithësi. Fare në fund, për mesnatën e sotme organizatorët kanë paraparë muzikë nga këngëtarja libaneze Yasmine Hamdan, këngët e së cilës do të interpretohen në Kinemanë Lumbardhi./KultPlus.com
Vazhdon degradimi i trashëgimisë ndërtimore në Prizren
Rrënimi i shtëpive të vjetra brenda qytetit të Prizrenit, sipas OJQ “EC Ma Ndryshe” ka marrë përmasa shqetësuese. Një tjetër shtëpi që ndodhet brenda radiusit të mbrojtur të Kishës së Shën Premtes ka filluar që të rrënohet gjatë kësaj fundjave.
Fakti që shtëpia që po rrënohet ndodhet brenda radiusit të mbrojtur të Kishës së Shën Premtes dhe kufirin e zonës historike lenë për të kuptuar se ka kërkuar një trajtim të veçantë nga institucionet përgjegjëse, thuhet në njoftimin e “EC Ma Ndryshe”.
Neni 6, i Ligjit për trashëgiminë kulturore në paragrafin 4 përkufizon se “monumentet arkitekturale nën mbrojtje të përkohshme ose të përhershme kanë një zonë t? mbrojtjes, që është 50 metra nga perimetri i monumentit”.
Për më shumë, Kisha e Shën Premtes është i vetmi monument në qytet, që hyri në listën e Trashëgimisë Botërore në Rrezik të UNESCO-s, në vitin 2006.
Për këtë arsye EC Ma Ndryshe konsideron se institucionet përgjegjëse është dashur që ta trajtojnë këtë rast me ndjeshmëri më të theksuar, dhe të bëjnë përpjekje më të madhe për ruajtjen e trashëgimisë ndërtimore të Prizrenit.
“Close Up” sonte në Dokufest
“Close Up” është filmi iranian që do të shfaqet prezantohet sonte për publikun në kuadër të festivalit të filmit të shkurtër dhe dokumentar “Dokufest”.
Filmi i regjisorit Abbas Kiarostami do të shfaqet në Prizren prej orës 20:00 në Kino Lumbardhi në kategorinë Tribute.
Filmi bën fjalë për një entuziast të frustruar filmi që pozonte sikur Mohsen Makhmalbaf dhe që më vonë arrestohet. Kjo ngjarje pasohet me një shkrim në një gazetë të përditshme të Tehranit, gjë që i jep idenë fillestare regjisorit për realizimin e një filmi gjysmë dokumentar që heton edhe të vërtetën psikologjike të rastit.
Filmi “Close Up” ka marr pjesë në festivale të ndryshme ndërkombëtare. Ai është vlerësuar em çmimin special të jurisë në kuadër të festivalit “Fajr International Film Festival”, 1990 dhe me çmimin e kritikës për filmin më të mirë në Montr’al Festival of Neë Cinema, 1990.
Regjisori i këtij filmi Abbas Kiarostami ka lindur në Teheran të Iranit më 1940 ku u diplomua në fushën e arteve të bukura para se të fillonte punën si dizajner grafik .Më pas iu bashkua Qendrës për Zhvillim Intelektual për fëmijë dhe të rinjë, ku nisi seksionin e filmit , duke filluar karrierën e tij si regjisor në moshën 30.
Që atëherë ai ka bërë një numër të filmave dhe është bërë një nga figurat më të rëndësishme në kinemanë bashkëkohore iraniane dhe botërore. Abbas Kiarostami vdiq më 4 qershor të këtij viti në Paris, Francë./KultPlus.com
Eksplodon Corona: Belen Rodriguez më tradhtonte
“Belen më tradhtonte. Tani kam konfirmimin e asaj që gjithmonë kam dyshuar. Por si një i dashuruar dhe krenar siç isha, nuk doja që ta pranoja as vetë”, është kjo deklarata e mbretit të paparacëve Fabrizio Corona, ish-bashkëshorti i modeles argjentinase.
Në deklaratat e bëra ajo nuk është treguar kurrë e ëmbël me të, por nga ana tjetër askush nuk ka besuar se ajo do të kthehej tek i dashuri i vjetër Marco Borriello.
“Por ‘gjella’, atë që gatoi me Borriello, nuk funksionoi as këtë here. Jo se unë isha ndonjë shenjtor, por që me siguri ajo, pas gjithë kësaj rrëmuje, nuk është e aftë që të mbajë mbërthyer një mashkull”, e mbyll rrëfimin Corona.
Juventusi refuzon ofertën e Arsenalit për Leminan
Edhe gjiganti anglez është vënë pas shërbimeve të mesfushorit e Juventusit, Mario Lemina.
Arsene Ëenger ka piketuar edhe Mario Leminan si transferim ideal për të kompletuar mesfushën e tij, pasi ka bërë edhe një ofertë në drejtim të tij.
Megjithatë, sipas Calciomcercato, oferta prej 16 milionë euro për mesfushorin Mario Lemina, është refuzuar nga drejtuesit e Juventusit.
Kjo pasi, kampionët e Series A i kanë vënë një çmim prej 20 milionë euro 22-vjeçarit, i cili erdhi nga Marseille për tetë milionë në sezonin e kaluar.
Nuk është vetëm Arsenali pas shërbimeve të tij, pasi Lemina ka tërhequr interes edhe nga Schalke, Watford dhe Leicester City.
Gushti i përgjakur: Vrasje në Mirditë, autori rrethohet nga policia
Vazhdon gushti i përgjakur.
Aksidente, grabitje dhe vrasje.
Këtë herë një vrasje u shënua në zonën e Mirditës.
Ilir Dodaj qëlloi për vdekje një 52-vjeçar në fshatin Perlat i Epërm.
Viktima është M.D.
Ai ndërroi jetë në Spitalin e Rrëshenit.
Ndërkohë autori i krimit mendohet se është mbyllur në banesën e tij.
Dy grupe të FNSH-së kanë rrethuar banesën e tij dhe po negociojnë për dorëzimin e Dodajt.
Dodaj është i armatosur.
Dibrani: Mallkimi i qytetarëve do ta përcjell deri në varr Isa Mustafën!
Vetëm Lidhja Demokratike e Kosovës, me kryetarin e kësaj partie, kryeministrin Isa Mustafa, siç duket nuk dëshirojnë të lëshojnë pe në lidhje me Demarkacionin me Malin e Zi.
Tashmë kur edhe anëtarët dhe deputetët e PDK-së, po deklarojnë se ratifikimi i Demarkacionit në këtë mënyrë nuk i shërben vendit tonë, për LDK-në është e kundërta. Këta në mënyrë mjaft të fuqishme po mbrojnë atë se, ratifikimi duhet të ndodh. Përveç disa deputetëve të LDK-së, të cilët mund t’i numërosh në gishta, të tjerët janë pro ratifikimit të Demarkacionit.
Opozita në Kosovë, dhe shoqëria civile, janë kundër këtij ratifikimi, madje këta kanë organizuar edhe protesta e disa prej tyre kanë qenë edhe të dhunshme. Natyrisht se, poqëse ratifikohet Demarkacioni, opozita është e gatshme prapë me organizua protesta të dhunshme, e këtë e kaun konfirmuar tashmë. Mirëpo këto protesta siç duket nuk po e trembin kryeministrin e vendit.
Kjo ngulje këmbë e kryeministrit Mustafa, sipas Shefqet Dibranit, kryetar i LDK-së në Zvicër, e që për shumicën e LDK-së në Kosovë, është kryetar ilegal, është për përfitime karrieriste, dhe me këtë LDK-aj do të pësoj humbje drastike dhe shkatërrimi i LDK-së është e paevitueshme.
Dibrani thekson për Gazetën InfoPress se, për fat të keq LDK-ja është bërë beden për mbrojtje të të këqijave që e kanë mbuluar këtë vend, sidomos që nga zgjedhja e Isa Mustafës, kryeministër!
“LDK-ja është stërkequr aq shumë sa as vet kryesia qendrore nuk është duke ditur se çka po përkrah dhe çka po kundërshton?! Me një fjalë, kryesisë së LDK-së iu ka rënë “terri i pulave”, prandaj në këtë terr në pikë të ditës duket anakronike insistimi i LDK-së për ta mbrojtur çështjen e Demarkacionit për të cilën çështje, tashmë edhe fëmija në djep e ka kuptuar se janë bërë pazare pa hanxhiun. Po ashtu u përmend edhe një paragraf i Kushtetutës në të cilin qartësohet se pazaret me tokën e Kosovës, kategorizohen në tradhti kombëtare”, pohon Dibrani.
Por, sipas tij, shihet se ata që kanë tradhtuar historikisht, edhe tani duan ta njollosin elektoratin e ndërgjegjshëm të LDK-së, i cili pa fajin e tij është lënë në aut, dhe nga aty nuk ka mundësi për të vepruar.
“Mos lëshimi pe i LDK-së duket edhe më grotesk, kur dihet se nga radhët e kësaj partie janë ekspertet, të cilët në mënyrë shkencore dhe profesionale e kanë dëshmuar se Komisioni Shtetëror për Demarkacionin ka bërë lëshime të ndjeshme, nga të cilat Kosova humb nga territori i saj, prandaj për këto lëshime të qëllimshme dikush duhet të shkojë edhe në përgjegjësi penale, ndërsa LDK-ja do ta merr ndëshkimin e merituar për këtë kurs kaq antidemokratik dhe me konotacione antikombëtare”, thekson ai.
Dibrani pohon se, Isa Mustafa nuk do të tërhiqet nga LDK-ja, dhe këtë mund ta bëjë vetëm elektorati i kësaj partie.
“Duke ia njohur karakterin Isa Mustafës, dhe duke e ditur se ai ka ardhur me mision për ta shkatërruar LDK-në, pavarësisht nga dështimi eventual i ratifikimit për demarkacion, Isa Mustafa nuk do të tërhiqet, atë duhet tërhequr elektorati i kësaj partie, përndryshe nëse vazhdon ky avaz, LDK-ja do të pësoj humbje drastike dhe shkatërrimi i saj është i paevitueshëm. Sigurisht Isa Mustafa do të shkon nga politika i turpëruar, kurse në analët e historisë ma të re të Kosovës, do të mbetet kryeministri ma kontrovers dhe më i dështuar, të cilin e kanë shoqëruar skandal pas skandali, pa shënuar asnjë sukses”, potencon ai.
Sipas tij, Isa Mustafa as për së afërmi nuk ka ditur për ta menaxhuar udhëheqjen e shtetit.
“Dështimi i LDK-së, tashmë është evident, por çështja për diskutim mbetet pse këtë fakt nuk po e pranojnë strukturat udhëheqëse të LDK-së, të cilat janë barrikaduar në konceptet e tyre të vjetruara. Por nuk dihet pse edhe në strukturat udhëheqëse në qeveri Isa Mustafës vetëm i bëjnë temena duke e përkrahur në heshtje”, shton ai.
Dibrani, po ashtu thekson se, Isa Mustafa ka bërë gabime të pafalshme, sidomos kur ka pranuar të bëhet kryetar i LDK-së dhe kryeministër i Kosovës.
“Prandaj, ai është i vetëdijshëm se do ta zë mallkimi i nënave të vitit 1981, pastaj mallkimi i mërgimtarëve, sikurse edhe mallkimi i luftëtarëve dhe tash së voni edhe mallkimi i qytetarëve të Kosovës do ta përcjell atë deri në varr, madje ky mallkim do t’u lë pasoja edhe pasardhësve të Isa Mustafës të cilët kapitalin ekonomik dhe bizneset i kanë të ndërtuara nga infuzionet e shpeshta të babait të tyre zyrtar i lartë në politikë! Por alibia e gjithë kësaj mbetet pse Isa Mustafa është i dhënë kaq shumë pas dështimit, dhe pse fare nuk po merakoset për mëkatin që është duke ia bërë edhe të tashmes traumatike dhe të ardhmes pa perspektivë në Kosovë. Por ajo që mund të konstatojmë është e dhëna se këtë vend nuk po lënë ta bëjmë ma mirë, andaj me të drejt pritet për një përfundim tragjik të karrierës së tij politike”, përfundon Dibrani.
/Gazeta InfoPress
Villa tregon kush është më i miri
David Villa beson se Leo Messi është futbollisti më i mirë
Sulmuesi spanjoll, David Villa sërish e ka përsëritur se sulmuesi i Barcelonës, Leo Messi është më i miri në botë.
“Për mua, Leo Messi është më i miri në botë”, tha Villa për Omni Sport.
Leo Messi aktualisht ka nën pronësi Topin e Artë, por do të jetë shumë e vështirë ta fitojë sërish, pasi Cristiano Roanldo këtë edicion ka fituar Ligën e Kampionëve me Realin dhe Kampionatin Evropian me Portugalinë.