Kryetari i Komunës së Prizrenit, Ramadan Muja, uron kryetarin e Bashkësisë Islame në Prizren, myftiun z. Besim Berisha dhe të gjithë qytetarët e komunës së Prizrenit me rastin e festës së Bajramit.

“Festa e Bajramit, uroj që të na shërbejë në thellimin e respektit, tolerancës, miqësisë dhe dashurisë për familjen, fëmijët dhe të gjithë qytetarët.Bajrami vjen pas sakrificës së agjërimit të ramazanit, i cili lartëson shpirtin e besimtarëve, forcon besimin në Zot, ngrit ndjenjat e solidaritetit ndërnjerëzor për të mirëne përgjithshme”,thuhet në urimin e Mujës.

“Komuna e Prizrenit do të vazhdojë të jetë e angazhuar thellësisht, për ngritjen e mirëqenies jetësore për të gjithë qytetarët e komunës sonë. Uroj që kjo festë të na bashkojë, të jemi më solidar me njëri tjetrin, të jemi sa më afër atyre që kanë nevojë dhe të rrugëtojmë së bashku drejt fitoreve dhe sukseseve të reja”.

“Urime dhe gëzuar Bajrami !”

Kryetari i PDK-së në Prizren Minir Krasniqi ka uruar të gjithë qytetarët e besimit islam festën e Fitër Bajramit.

“Me rastin e përfundimit të muajit të shenjtë të Ramazanit, pas përmbushjes së obligimit të agjërimit dhe përkushtimit të plotë ndaj Zotit, Dega e Partisë Demokratike të Kosovës në Prizren të gjithë besimtarëve të besimit Islam të Komunës së Prizrenit ua uron festën e Fitër Bajramit”, thuhet në urimin e Krasniqit.

“Dega e PDK-së në Prizren, uron që kjo festë të kalojë në shenjë të solidaritetit ndaj njëri-tjetrit, dhe në shenjë të harmonisë vëllazërore. Në festën e Fitër Bajramit duhet t’i gjindemi pranë të gjithë atyre që kanë nevojë për ne, për dashurinë tonë dhe për ndihmën tonë njerëzore”.

“Dega e Partisë Demokratike të Kosovës në Prizren, uron që kjo festë e sakrificës dhe e flijimit, të na e shtojë solidaritetin dhe dashurinë mes vete për të përcjell tutje përpjekjet tona qytetare e njerëzore drejt sukseseve dhe të ardhmes së ndritshme të shtetit tonë”./PrizrenPress.com/

Edhe LDK-ja në Prizren ka uruar besimtarët islam për festën e Fitër Bajramit.

“Të dashur besimtarë mysliman, motra e vëllezër, me shpresën që ky muaj madhështor të ketë qenë i begatë aq sa edhe me vlerë, me tryeza e zemra plotë dashuri e bereqet, urojmë nga zemra që edhe Krijuesi ynë të ketë qenë i kënaqur me ne dhe sakrificën tonë”, thuhet në urimin e LDK-së.

“ Sot që jemi në përfundim të këtij udhëtimi të këndshëm, padyshim që jemi me fat dhe të bekuar që gëzojmë edhe një festë si Fitër Bajrami”.

“ Andaj, duke besuar që lutjet dhe pendimet e secilit besimtar të jenë pranuar nga Zoti i gjithësisë, urojmë gëzuar Fitër Bajramin, paqja dhe bekimi Zotit qofshin me ju dhe me më të dashurit tuaj”./PrizrenPress.com/

Kryetari i Nismës në Prizren, Zafir Berisha ka uruar besimtarët islam për festën e Fitër Bajamit.

“Me rastin e festës së Fitër Bajramit, ditës përmbyllëse të muajit të madhërishëm të Ramazanit, muajit të agjërimit, muajit të sakrificës të dashurisë dhe paqes mes njëri –tjetrit, uroj që sakrifica e Ramazanit t’iu kthehet në mirësi,dashuri dhe respelt për njeriun dhe atdheun”, uron Berisha.

“Le të jetë kjo festë, momenti i unititetit dhe mirëkuptimit më të madh më njëri –tjetrin dhe të shërbej si një vlerë e domosdoshme për ne shqiptarët, për të punuar dhe vepruar për një të ardhmen sa më të mirë të brezave që vijnë pas nesh, dukë vënë interesat e përgjithshme mbi interes personale”/PrizrenPress.com/