Një burrë është goditur nga rryma derisa ishte duke punuar në një shtylle elektrike. Viktima ka pësuar lëndime trupore, shkruan PrizrenPress.

Policia njofton se ngjarja ka ndodhur në rrugën “Dervish Salihu” në Prizren, mbrëmë rreth orës 20:20.

“Viktima mashkull k-shqiptar deri sa ishte duke punuar në një shtylle elektrike është goditur nga rryma dhe ka mbetur i varur në shtyllë. Viktima ka pësuar lëndime trupore dhe është dërguar për tretman mjekësor në Spitalin e Prizrenit”, citon PrizrenPress, raportin e PK-së.

Siç bëhet e ditur, njësitet përkatëse kanë dalë në vendin e ngjarjes. /PrizrenPress.com/

Kryeprokurori i Shtetit, në bazë të në bazë të autorizimeve ligjore që ka, ka kërkuar nga prokuroria kompetente, fillimin e grumbullimit të informatave të nevojshme për të përcaktuar nëse ka vend për inicimin formal të hetimeve, në lidhje me rastet individuale të keqpërdorimeve eventuale që kanë mundur të ndodhin gjatë hartimit të listave të veteranëve të UÇK-së.

Për Gazetën InfoPress, e ka konfirmuar Liridonë Kozmaqi – Hajdaraj, zëdhënëse e Prokurorisë së Shtetit, e cila tha se, varësisht nga grumbullimi i informatave do të përcaktohet nëse ka fakte për ndjekje penale ndaj personave përgjegjës dhe rrjedhimisht edhe për ngritje të aktakuzës.

“Ky hetim nuk ka të bëjë me ata persona që kanë dhënë kontribut në UÇK, por ky hetim është i drejtuar ndaj atyre individëve që kanë kryer keqpërdorime eventuale duke dhënë dëshmi të rrejshme apo duke paraqitur dokumentacion fiktiv të falsifikuar për të përfituar statusin e veteranit të luftës. Nëse konstatohet një gjë e tillë personat e caktuar do të përballen me ligjin, pavarësisht pozitës që kanë apo kanë mundur ta kenë gjatë një periudhe historike në të kaluarën”, ka thënë Kozmaqi – Hajdaraj për InfoPress.

Këtë hetim Prokuroria e ka filluar pasi që, në listat e veteranëve kanë dalë mbi 46 mijë e 230.

Se janë listat e fryra e ka konfirmuar edhe ministri i Diasporës, Valon Murati. Ai tha se, këto lista jane ofendim i atyre që kanë luftuar.

“Më duhet ta vlerësoj zonën operative të Shalës pasi ka një numër më të vogël duke ju afruar realitetit”, ka thënë Murati

Numri i përgjithshëm real sipas Muratit nuk mund ta kaloj shifrën prej rreth 22.000 veteranë pjesëtarë luftëtarë.

Kryetari i Këshillit për Mbrojtjen e të drejtave të Ushtarëve te UÇK-së Xhevdet Qeriqi, thotë se, e kanë vrejtë me kohë se ky proces do të shkoj keq edhe për këtë kanë reagua. Por sipas tij, ka qenë e pamundur që të ndryshojnë diçka sepse, edhe politikës edhe një pjese të anëtarëve të Komisionit u konvenonte që procesi të shkoj kështu, për qëllime të tyre politike dhe personale.

“Mendoj se jo vetëm që është një ofendim ndaj atyre që luftuan, por edhe hyrje në hak ndaj luftëtarëve të vërtetë dhe dëmtim të imazhit të luftës çlirimtare. Dhe sikur të ishim në një shtet normal ku funksionon rendi dhe ligji është dashur që të fillojnë hetimet menjëherë dhe shkelësit të dalin para drejtësisë. Hetimet është dashur të fillojnë nga kryetari i Komisionit për shumë arsye, sepse asnjëherë nuk ka reaguar në këtë drejtim”, thotë Qeriqi për InfoPress.

Ai thekson se, e kanë mirëprit fillimin e hetimeve nga Prokuroria e Shtetit, por sipas tij, kanë pak shpresë që Prokuroria do të merret seriozisht, e madje ai thekson se, fare nuk i beson këtij institucioni.

“Këtij institucioni nuk i besoj për shumë arsye, e një nga to është se, si institucion është i ndikuar nga politika në këtë rast nga pushteti, dhe e dyta se, nuk kemi parë ta ketë marrë ndonjë rast serioz dhe ta ketë përfunduar me sukses prej përfundimit të luftës e deri më sot. Pra duke e parë gjendjen në të cilën gjendet vendi ynë dhe degradimin që i’u është bërë në masë të madhe vendit, si dhe duke e parë se kjo Prokurori nuk ka qenë në gjendje t’i luftoj gjërat negative nuk pres ndonjë rezultat. Krejt në fund me bindje ju them se ky nuk është numri real i veteranëve të vërtetë, pra këto lista janë të fyera dhe asnjëherë nuk do të pajtohemi me këtë raport të Komisionit qeveritar për njohjen e statusit të veteranit të UÇK-së”, tha Qeriqi.

46 mijë e 230 është edhe zyrtarisht numri i atyre që do të përfitojnë nga statusi i veteranit, por që nuk dihet se kur do t’i gëzojnë të gjithë këto të drejta.

Qeveria e Kosovës ende nuk ka ndonjë plan konkret se si do t’i paguajë të gjithë veteranët e luftës, çështje kjo e cila bëri jehonë të madhe për shkak të numrit që rezultoi tejet i paparashikueshëm për ta.

Fondi Monetar Ndërkombëtar, vazhdimisht i ka kërkuar Qeverisë së Kosovës që të kenë kujdes duke mos e rrezikuar buxhetin e Kosovës.

Ky institucion pati thënë se në buxhet janë paraparë 60 milionë euro për këtë kategori, derisa shpenzimet mund të shkojnë deri në 100 milionë. Sipas tyre, numri i madh i veteranëve të UÇK-së ka tejkaluar edhe paratë e planifikuara në buxhet për afro 40 milionë euro. /Gazeta InfoPress

(E plotësuar) Fatmir Limaj është zgjedhur kryetar i NISMA-s, pas një votimi të fshehtë që është bërë nga delegatët e kësaj partie

Nga 520 delegatë që votuan, 502 prej tyre i dhanë votën Limajt për kryetar të partisë. Ndërkohë 15 delegatë ishin kundër dhe tri fletëvotime u shpallën të pavlefshme.

Fatmir Limaj pa kundërkandidat

Jakup Krasniqi, në emër të komisionit kandidues të Nismës për Kosovën, ka treguar se kandidat i vetëm për kryetar të kësaj partie në një mandat katër vjeçar është Fatmir Limaj.

Tani ka nisur votimi për kryetarin.