17.1 C
Prizren
E enjte, 14 Maj, 2026
type here...
Home Blog Page 648

Arrestohet kryetari i KDTP-së, Fikrim Damka dhe djali i tij – dërgohen për 48 orë në mbajtje

admin
-
0
Arrestohet kryetari i KDTP-së, Fikrim Damka dhe djali i tij – dërgohen për 48 orë në mbajtje

Dy persona me inicialet F.D dhe F.D janë arrestuar të dielën rreth orës 18:00 për një rast “Kanosje dhe Sulm”, në Prizren.

Lajmin për Telegrafin e ka bërë të ditur zëdhënësi i Policisë së Kosovës për rajonin e Prizrenit, Shaqir Bytyqi.

Tutje siç tha ai të dyshuarit janë ndaluar për 48 orë në ndalim policor.

“Dje me datë 09.02.2025 rreth orës 18:00 në Prizren është raportuar një rast ‘Kanosje dhe Sulm’, policia ka intervsituar të dyshuarit F.D. dhe F.D dhe viktimat si dhe janë mbledhur edhe prova dhe dëshmi tjera dhe pas intervistimit  me vendim të prokurorit dy të dyshuarit janë  ndaluar për 48 orë në ndalim policor”, ka thënë Bytyqi.

 

Siç merr vesh Telegrafi të arrestuar janë babë e bir, kryetar i partisë turke KDTP, Firim Damka dhe i biri i tij Fuat Damka.

Vetëvendosje në Prizren ka marrë 40.79%, PDK ka 22.85%, LDK ka marrë 10.67% dhe AAK-Nisma ka 4.77% të votave.

admin
-
0
Vetëvendosje në Prizren ka marrë 40.79%, PDK ka 22.85%, LDK ka marrë 10.67% dhe AAK-Nisma ka 4.77% të votave.

Komisioni Qendror i Zgjedhjeve është duke vazhduar me procesin e numërimit të votave për subjektet politike.

Deri më tani janë numëruar 88.04% e votave në gjithë Kosovën, ku e para renditet LVV me 41.29%, e dyta PDK me 21.83%, e treta LDK me 17.75% dhe e katërta renditet koalicioni AAK-Nisma me 7.68%.

KQZ në Prizren ka numëruar 91.10% të votave, ku LVV ka marrë 40.79%, PDK ka 22.85%, LDK ka marrë 10.67% dhe AAK-Nisma ka 4.77% të votave.

Prizreni është nën udhëheqjen e Shaqir Totaj nga PDK.

Mot i ftohtë gjatë kësaj jave – nga e marta priten fjolla bore

admin
-
0
Mot i ftohtë gjatë kësaj jave – nga e marta priten fjolla bore

Instituti Hidrometeorologjik i Kosovës ka njoftuar se kjo javë do të nisë me mot të qetë, por të ftohtë. Nga e marta parashikohet shtim i vranësirave, të cilat do të krijojnë kushte për reshje të dobëta shiu dhe fjolla bore.

Në viset malore priten reshje bore me intensitet mesatar. Temperaturat e ulëta do të sjellin ngrica në mëngjes, duke krijuar rrezik për rrugët e lagështa dhe të akullta.

Prandaj IHMK ka apeluar për kujdes të shtuar nga drejtuesit e automjeteve dhe këmbësorët.
Gjithashtu, në disa zona të ulëta parashikohet prani e mjegullës, e cila mund të kufizojë dukshmërinë. Qytetarët këshillohen të ndjekin përditësimet e IHMK mbi kushtet meteorologjike dhe të marrin masat e duhura për motin e ftohtë dhe rrugët e rrëshqitshme

Moti për pesë ditë:

E Hënë – Moti do të jetë me diell dhe vranësira të pakta. Temperaturat minimale do të lëvizin ndërmjet -7°C dhe -4°C, ndërsa maksimalet nga 5°C deri në 7°C . Do të fryjë erë e lehë nga veriu.

E Martë- Mot me diell dhe vranësia te shpërndara. Vranësirat gjatë ditës parashihen të dendësohen duke krijuar kushte për riga shiu dhe reshje bore. Temperaturat minimale do të lëvizin ndërmjet -5°C deri -3°C, ndërsa ato maksimale do të lëvizin nga 3°C deri në 6°C. Do të fryjë erë e lehtë nga drejtimi i jugperëndimit.

E Mërkurë – Mot me diell dhe vranësira të shpërndara. Vranësirat parashihen të dendësohen dhe të krijojnë kushte që vende-vende të ketë riga shiu të përziera me bore. Temperaturat minimale priten të lëvizin ndërmjet -5°C deri -3°C, ndërsa maksimalet e ditës do të lëvizin ndërmjet 3°C deri në 5°C. Do të fryjë erë nga juglindja me shpejtësi 1-4m/s.

E Enjte – Parashikohet mot kryesisht i vranët . Vranësirat parashihen të sjellin riga shiu. Temperaturat minimale do të lëvizin nga -3°C deri -1°C, ndërsa maksimalet do të arrijnë nga 4°C deri në 7°C. Era do të fryjë nga veriperëndimi me shpejtësi 1-5 m/s.

E Premte – Moti do të jetë i vranët dhe me periudha të shkurtra me diell. Vranësirat vende-vende mund te sjellin riga te dobëta shiu. Temperaturat minimale do të lëvizin nga -2°C deri 0°C, ndërsa maksimalet nga 5°C deri në 8°C. Do të fryjë erë e lehtë nga veriperëndimi me shpejtësi 1-5 m/s.

Abdixhiku prezanton rezultatet preliminare të LDK-së: Kemi pasur më shumë pritshmëri

admin
-
0
Abdixhiku prezanton rezultatet preliminare të LDK-së: Kemi pasur më shumë pritshmëri

I pari i LDK-së thotë se respektojnë rezultatin e zgjedhjeve edhe pse nuk janë të kënaqur me pritshmëritë.

Kryetari i LDK-së Lumir Abdixhiku në një konferencë për shtyp ka shpallur rezultatet preliminare duke u bazuar në komisionerët e LDK-së.

“LDK ka marrë 18.14 përqind të votave, LVV-39.88 për qind, PDK, 21.84 për qind të votave, AAK-Nisma 7.62 përqind të votave, Lista Familja ka marrë 1.5% të votave dhe minoritetet e të tjera 11.02%”, ka deklaruar Abdixhiku”.

Abdixhiku thotë se përgjegjësinë për këtë rezultat do ta merr ai.

Muharremaj uron Lëvizjen Vetëvendosje për fitoren në Suharekë

admin
-
0
Muharremaj uron Lëvizjen Vetëvendosje për fitoren në Suharekë

Qytetarët e Suharekës kanë treguar edhe një herë kulturë dhe demokraci të lartë, duke zhvilluar një proces zgjedhor pa incidente.

Kështu u shpreh kryetari i degës së AAK-së në Suharekë, Bali Muharremaj, i cili falënderoi qytetarët për pjesëmarrjen dhe qytetarinë e treguar.

“E kam theksuar edhe më parë, se Suhareka ka nivel të lartë të tolerancës dhe demokracisë, andaj më meritorët jeni ju,” tha Muharremaj.Rezultatet preliminare tregojnë se Lëvizja Vetëvendosje ka dalë e para në Suharekë. Kryetari i AAK-së, Muharremaj, uroi LVV-në për fitore, duke u uruar suksese në të ardhmen.

“Në rezultatet preliminare sonte, u tregua se subjekti politik Lëvizja Vetëvendosje ka dalë e para në Suharekë, të cilëve ju uroj suksese,” tha ai.Muharremaj gjithashtu falënderoi të gjithë anëtarët dhe simpatizantët e AAK-së për bashkëpunimin e treguar gjatë kësaj fushate zgjedhore. Ai uroi edhe subjektet e tjera politike për punë të mbarë.“Natyrisht, i falenderoj të gjithë anëtarët dhe simpatizantët e AAK-së për bashkëpunimin në këto zgjedhje. Suksese e punë të mbarë edhe subjekteve tjera politike,” tha Muharremaj.Në fund, kryetari i AAK-së theksoi se Suhareka ka shumë punë për të bërë në shërbim të qytetarëve dhe se të gjithë duhet të angazhohen për të mirën e komunës.“Na presin shumë punë, për shërbim ndaj qytetarëve të komunës sonë. Faleminderit dhe shumë respekt,” përfundoi Muharremaj.

Kurti: Jemi të parët, do ta formojmë qeverinë e re

admin
-
0
Kurti: Jemi të parët, do ta formojmë qeverinë e re

Kryetari i Vetëvendosjes në konferencë për media, ka thënë se kishte një luftë hibride kundër tij. Ai gjithashtu tha se do ta formoj Qeverinë Kurti III.

“Gjithashtu koalicioni ynë fitues do ta formojë qeverinë e re Kurti 3 dhe në këtë mënyrë do të vazhdojmë punët që kemi nisur. Besoj që qytetarët e kanë dëshmuar suksesshëm rezistencën e tyre edhe kundër të një lufte të paparë hibride klundër nesh, Oligarkët kanë shpenzuar pa hesap, kanë kërcënuar punëtorët, dhe gjithashtu kemi pasur premtimet më absurde të mundshme në këltë fushatë, të cilët kanë kriuar atmosfeër irracionale. Por populli fitoi e VV, ne jemi subjekti fitues i cili d ota formojë qeveria e ardhshme,. Rezultatet preliminare e bëjnë të qartë ata të dytët e tretët edhe bashkë s’bëjnë sa VV. VV fitoi.” – tha ndër të tjera ai.

 

Suharekë/ LVV 33.06%, PDK 17.35 %, LDK 26.29% e AAK-NISMA 18.06%

admin
-
0
Suharekë/ LVV 33.06%, PDK 17.35 %, LDK 26.29% e AAK-NISMA 18.06%

Sipas të dhënave preliminare, Lëvizja Vetëvendosje po udhëheq në Suharekë me 33.06 për qind apo 8 mijë e 889 vota.

E dyta në këtë qytet është Lidhja Demokratike e Kosovës me 26.39 për qind apo 7 mijë e 95 vota.

Kurse, vendin e tretë sipas rezultateve preliminare e ka AAK-ja me 18.06% apo 4 mijë e 857 të votave, ndërsa në vendin e katërt është PDK-ja me 17.35 për qind apo 4 mijë e 665 vota.

Limaj shpall fitoren në Malishevë

admin
-
0
Limaj shpall fitoren në Malishevë

Kryetari i Nismës Socialdemokrate, Fatmir Limaj, e ka shpallur fitoren në Malishevë.

Në një postim në Facebook, Limaj ka shkruar se në vendlindjen e tij kanë fituar mbi 40 për qind të votave.

“Urime Malishevë për fitoren e madhe me mbi 40% të votave, në bazë të rezultateve fillestare.  Jam krenar me vendlindjen time, me bashkëvendësit e mi, që sot e dëshmuan edhe njëherë se janë shembull i një qytetarie që nuk mashtrohet, por, përkundrazi i japin mbështetje njerëzve që punojnë e bëjnë vepra të mira për Malishevën e tërë Kosovën. Ne fituam bindshëm në Malishevë sepse Malisheva qeveriset nga NISMA Socialdemokrate”, ka shkruar Limaj.

Në këto zgjedhje, Nisma garoi në koalicion me AAK-në.

 

Përplasje mes partive të komunitetit turk, YTHP dhe KDTP me akuza të ndërsjella

admin
-
0
Përplasje mes partive të komunitetit turk, YTHP dhe KDTP me akuza të ndërsjella

Partia Turke e Lëvizjes Novatore (YTHP) publikisht ka akuzuar kryetarin e Partisë Demokratike Turke të Kosovës (KDTP), Fikrim Damka për sulm fizik ndaj një kandidateje për deputete nga radhët e YTHP-së.

Sipas kësaj partie rasti ka ndodhur në parkun në lagjen Kurrillë.

“Kryetari i përgjithshëm i KDTP-së, Fikrim Damka, ka sulmuar fizikisht kandidaten për deputete të YTHP-së, Arda Maloku, në Parkun e Dëshmorëve në Kurrillë. Përfaqësuesit e partisë sonë do të ndërmarrin menjëherë hapat ligjorë lidhur me këtë sulm, duke e denoncuar rastin në Drejtorinë e Policisë në Prizren dhe në Prokurorinë e Prizrenit, si dhe do të bëjnë kallëzim penal ndaj personit në fjalë”, thuhet në komunikatën e YTHP-së. Aty gjithashtu është shprehur mallkimi për “duart që ngrihen kundër grave”.

Lidhur me këtë çështje ka reaguar Partia Demokratike Turke e Kosovës (KDTP) e cila akuzat e YTHP-së i ka cilësuar si të pabaza.

“Njoftojmë se kemi nisur procesin ligjor ndaj personave që gjatë procesit zgjedhor kanë ndërmarrë veprime provokative me synimin për të prishur qetësinë shoqërore dhe më pas kanë tentuar të mashtrojnë opinionin publik me akuza të pabaza”, thuhet në reagimin e KDTP-së.

Sipas kësaj partie, çështja i është referuar organeve kompetente.

“Akuzat e pavërteta ndaj Kryetarit të Përgjithshëm të Partisë Demokratike Turke të Kosovës, z. Fikrim Damka, tregojnë dëshpërimin e një mentaliteti përçarës, i cili e kupton se do ti humbasë zgjedhjet. Ne e dënojmë fuqishëm këtë lloj shpifjeje dhe provokimi dhe informojmë publikun se çështja i është referuar organeve kompetente dhe procesi ligjor do të ndiqet me vendosmëri”, thuhet në komunikatën e KDTP-së.

Kjo parti i ka bërë thirrje qytetarëve për maturi përballë këtyre provokimeve dhe “të veprojnë me ndjenjë përgjegjësie për të siguruar një proces demokratik të qetë dhe të drejtë”.

.

.

Prizren/ Nga 5.29 përqind e votave të numëruara nga KQZ: LVV 32.96%, LDK 11.07%, PDK 25.01%, AA 9.56

admin
-
0
Prizren/ Nga 5.29 përqind e votave të numëruara nga KQZ: LVV 32.96%, LDK 11.07%, PDK 25.01%, AA 9.56

Komisioni Qendror i Zgjedhjeve (KQZ), ka numëruar 5.29% të votave.

Sipas këtyre rezultateve, në Prizren Lëvizja Vetëvendosje ka 32.96% të votave

Lidhja Demokratike e Kosovës (LDK) 11.07 % të votave, ndërsa Partia Demokratike e Kosovës (PDK), 25.01.% të votave

Sipas numërimit të deritashëm AAK-ja me partnerë të koalicionit ka 9.56 % të votave.

.

1...647648649...9 197Page 648 of 9 197

Të gjitha materialet e portalit janë të mbrojtura me të drejtat autoriale. Ato mund të kopjohen, modifikohen, dhe ripublikohen vetëm duke iu referuar burimit PrizrenPress.com. Të drejtat autoriale janë të rezervuara, sipas dispozitave ligjore në fuqi në Republikën e Kosovës.

© 2019 NuclearAnt.

Kategoritë

Lidhuni Me Ne