Policia e Kosovës njofton se ka arrestuar tre meshkuj shqiptar në Prizren. Arrestimi i tyre është bërë me urdhër të Gjykatës Themelore në Prizren, raporton PrizrenPress.
Sipas Policisë, njëri mashkull është arrestuar në rrugën “Sezai Surroi” të qytetit, kurse dy meshkujt tjerë janë arrestuar në fshatin Lubizhdë.
Të arrestuarit janë dërguar në vuajtje të dënimit në burgun e Prizrenit. /PrizrenPress.com/
Deputetes së Vetëvendosjes, Albulena Haxhiut, nuk i ka ardhur mirë që Shpend Ahmeti ka shtrënguar duart me Hashim Thaçin mbrëmjen e së enjtes në një ndeshje basketbolli në Prishtinë.
Ajo ka thënë se Kryetari i Prishtinës është dashur ta gjente forcën për të mos e takuar Presidentin e Kosovës – të cilin e ka quajtur “kriminel e tradhtar”.
“Shpendi dukej në siklet në ato fotografi të asaj situate të mbrëmshme. Pra, nuk dukej aspak i kënaqur. Por, mendoj që është dashur ta gjejë forcën e të mos ia japë dorën Thaçit. Ajo përshëndetje e ndihmon Thaçin”.
“Thaçi është përgjegjësi kryesor për mjerimin ekonomik, politik e social në Kosovë. Është kriminel e tradhtar”, ka shkruar Haxhiu në llogarinë e saj në Facebook.
Presidenti Hashim Thaçi dhe Shpend Ahmeti ishin bërë mbrëmë së bashku nga Kryeministri i Shqipërisë, Edi Rama, i cili kishte ardhur ta ndiqte një ndeshje basketbolli në Prishtinë.
Emisioni “Drejtësia në Kosovë” sjell detaje dhe dëshmi të tjera për takimet e prokurorit Bajram Hamitaga me familjen Paçarizi dhe diskutimet rreth rastit që prokurori ishte duke e hetuar.
Në biseda me dëshmitarë dhe materiale të filmuara emisioni sjell dëshmi për oferta për të dhënë mitë për prokurorin dhe negociatat e tjera në mes shoferit të prokurorisë dhe familjes Paçarizi.
Dëshmi për takimet ku prokurorit iu dha një çadër dhe për favoret e tjera të cilat familja Paçarizi i dha për prokurorin i cili po hetonte lëndën e djalit të tyre.
Pjesë e emisionit do jenë edhe pretendimet e mëhershme për korrupsion në prokurori e të cilat nuk janë hetuar deri më tani.
Bisedat ekskluzive me dëshmitarë të rastit, sekserë dhe prokurorin e dyshuar për mitëmarrje mund t’i ndiqni të premten në RTK.
Në pjesën e dytë të emisionit, “Drejtësia në Kosovë” transmeton reportazhin e përgatitur në bashkëpunim me Policinë e Kosovës në sekuestrimin e pronave të familjes Kqirra nga Prizreni, të cilat dyshohet se u fituan nga veprimtaria e fajdeve.
Policia e Kosovës ka bërë të ditur se një person është qëlluar me armë zjarri në rrugën e “Janinës” në Prizren, duke i shkaktuar lëndim të rëndë trupor.
Sipas informatave të viktimës që ia ka dhënë Policisë thuhet se derisa ishte në punishten e një objekti afarist ku punon, kishte shkuar i dyshuari dhe pas shkëmbimit të disa fjalëve i njëjti ka qëlluar me armë zjarri, raporton PrizrenPress.
Policia bën të ditur se në vendngjarje nuk është gjetur asnjë dëshmi përveç një predhë që kishte dëshmuar viktima.
I dyshuari është arrestuar dhe pas intervistimit me vendim të prokurorit i njëjti është dërguar në mbajte. /PrizrenPress.com/
Në një shtëpi në fshatin Vlashnje të Prizrenit, mbrëmë rreth orës 21:15, ka ndodhur një vjedhje e rëndë, raporton PrizrenPress.
Sipas informatave që ia ka dhënë policisë pronari i shtëpisë thuhet se persona të panjohur kanë hyrë në shtëpinë e tij dhe nga aty kanë vjedhur dy armë dhe stoli ari me vlerë rreth 33 mijë euro.
“Viktima mashkull K-Shqiptar ka raportuar se të dyshuar të panjohur kanë depërtuar në shtëpinë e tij me ç’rast kanë vjedhur dy armë me leje, një pistoletë dhe një pushke gjuetisë, 60 fishekë si dhe stoli ari me vlerë rreth 33.000 euro”, njofton Policia e Kosovës. /PrizrenPress.com/
Komuna e Prizrenit njofton opinionin publik se anulimi i takimit të ambasadores së Kroacisë Marija Kapitanovic me kryetarin e komunës Ramadan Muja, ka ndodhur për arsye të agjendës së ambasadores, e jo për shkak të agjendës së ngjeshur të kryetarit të komunës sonë.
“Kryetari i komunës prof. Dr. Ramadan Muja, ka kërkuar nga protokolli zyrtar i kabinetit të bëhen të gjitha përgatitjet e duhura zyrtare për pritjen e ambasadores por rreth një orë para takimit, komuna njoftohet përmes emailit për anulimin e takimit”, thuhet në komunikatën e komunës, raporton PrizrenPress.
“Komuna jonë kujdesshëm realizon protokollin zyrtar të takimeve dhe politikat publike komunale në dobi të qytetarëve tanë”.
Në vijim japim emailin e pranuar nga ambasada e Kroacisë drejtuar kabinetit të kryetarit:
“Ju kerkojme ndjese, por per shkak te obligimeve te papritura te Ambasadores duhet te anulojme takimin me kryetarin e komunes te caktuar per sot pasdite”.
Ju faleminderit per mirekuptim.
Debora Mazreku
Administrative Assistant.
Presidenti i Shteteve të Bashkuara, Barack Obama, do të presë sot liderët e pesë vendeve nordike, ndërsa në krye të agjendës së bisedimeve do të jetë aktiviteti i rritur ushtarak i Rusisë.
Udhëheqësit e Suedisë, Danimarkës, Finlandës, Norvegjisë dhe Islandës do të priten në Shtëpinë e Bardhë.
Aneksimi i Krimesë nga Moska, në vitin 2014, ka alarmuar fqinjët nordikë dhe baltikë të Rusisë.
Derisa NATO po shqyrton mënyrat për të penguar agresionin e mëtejshëm rus, Shtëpia e Bardhë dëshiron po ashtu të shprehë mbështetje për aleatët e saj në Evropën veriore.
“Është mënyrë e dërgimit të sinjalit se SHBA është thellësisht e angazhuar kur bëhet fjalë për sigurinë në rajon”, ka thënë Charles Kupchan, këshilltar i Obamës për çështjet evropiane.
Në takimin e sotëm në Shtëpinë e Bardhë do të diskutohen edhe krizat në Siri dhe Irak./rel/
Sekretari i Përgjithshëm i AAK-së, Blerim Kuqi, dhe sekretari Egzekutiv, Valon Tolaj, sot kanë pasur një takim me zyrtarë të policisë së Kosovës, për t’i harmonizuar veprimet për mbarëvajtjen e protestës së nesërme në Prishtinë, njofton kumtesa nga AAK.
”Duke u nisur nga fakti se protesta është shumë e madhe, dhe nesër drejt Prishtinës do të nisën mijëra automjete, Kuqi dhe Tolaj, kanë kërkuar mbështetjen e policisë, që qarkullimi tyre të jetë i papenguar dhe maksimalisht i lehtësuar”, thuhet në kumtesë.
Policia nga ana e saj është treguar e gatshme që të ndërmarrë krejt çka është e nevojshme, që protesta të përmbyllët e qetë, që është edhe përcaktim i organizatorëve të saj.
Zëdhënësja e Ministrisë së Jashtme të Rusisë, Maria Zakharova ka thënë se ata nuk do të votojnë pro pranimit të Kosovës në FIFA.
“Qëndrimi ynë për Kosovën nuk ka ndryshuar. Me sa duket, aspiratat për FIFA-n janë një përpjekje e saj, por Rusia nuk do ta mbështesë”, ka thënë Zakharova për Rel.
Kujtojmë se sot po vazhdon të mbahet Kongresi i 66’ i FIFA’, ku prite të votohet për pranimin ose jo të Kosovës në këtë organizatë.
Gabi Grecko njihet për setet e saj fotografike të çuditshme dhe të “nxehta”, por duket se e dashura e saj, Angelique ‘Frenchy’ Morgan, është edhe më e pacipë se Gabi.
Ish-ylli i filmave pornografikë ka realizuar një set fotografik shumë të rrallë, që nuk i lë aspak vend imagjinatës.
Në fotot shokuese, 40-vjeçarja shihet me një bikini rozë dhe me një kukull Barbie të veshur njësoj si ajo, përpara se të zhvishet fare për fotot e tjera.
