Presidenti i Shteteve të Bashkuara të Amerikës ( SHBA), Barack Obama e ka vlerësuar si historike marrëveshjen për demarkacion në mes të Republikës së Kosovës dhe Malit të Zi.

Po ashtu, Obama ka thënë se marrëveshjet e arritura në Bruksel në mes të Prishtinë dhe Beogradit do të forcojnë shtetin e Kosovës. Këto komente presidenti Obama i ka bërë gjatë ceremonisë zyrtare të dorëzimit të letrave kredenciale nga ana e ambasadores se re të Kosovës në Uashington, Vlora Çitaku.

Më poshtë e mund të gjeni përmbajtjen e letrës që presidenti Obama ia dorëzoi ambasadores Çitaku me rastin e pranimit të letrave kredenciale:

“E nderuara Ambasadore,

Është kënaqësi e veçantë që të pranojë Letrat e Juaja kredenciale, përmes të cilave Ju bëheni Ambasadore e Jashtëzakonshme dhe Fuqiplotë e Republikës së Kosovës.
Po ashtu Ju njoftojë se kam pranuar letrën e tërheqjes për pararendësin Tuaj Ambasadorin, Akan Ismaili, i cili ka bërë punë të jashtëzakonshme në përfaqësimin e Kosovës në ShBA. Ju shpreh mirëseardhje të ngrohtë dhe pres me padurim, që të punojë bashkë me Ju, në thellimin e marrëdhënieve tashmë të afërta në mes dy vendeve tona.
Kosova dhe ShBA-të ndajnë një partneritet të fuqishëm dhe të qëndrueshëm. Ne jemi të lumtur që kemi qenë ndër të parët, që kemi njohur Kosovën, si shtet të pavarur dhe sovran, në vitin 2008 dhe mbesim të përkushtuar që të punojmë përkrah jush, përderisa ju vazhdoni të punoni në fuqizimin e institucioneve demokratike dhe multietnike.
Vendi Juaj ka demonstruar shpejtë se është anëtarë i besueshëm i bashkësisë ndërkombëtare dhe vend i përkushtuar në thellimin e stabilitetit rajonal dhe zbatimin e standardeve ndërkombëtare.
Kosova ka ndërmarrë disa vendime të vështira dhe sfiduese këtë verë. Këto vendime kanë avancuar perspektivën euroatlantike të Kosovës. Ne përgëzojmë Qeverinë e Kosovës dhe Parlamentin për miratimin e amendamenteve Kushtetuese dhe legjislacionit për themelimin e Gjykatës së Speciale, e cila do t’i adresojë krimet e pretenduara, pas konfliktit në Kosovë në vitin 1999. Ky veprim, ka qenë vendimtar në afirmimin e Kosovës, si shtet i përcaktuar për rend, ligj dhe pajtim. Lidershipi Juaj, po ashtu ka ndërmarrë hapa të rëndësishëm drejt normalizimit të marrëdhënieve me fqinjin Tuaj Serbinë.
Këto marrëveshje do të fuqizojnë shtetin Tuaj dhe do të çimentojnë paqen dhe stabilitetin në rajon. Nënshkrimi i Marrëveshjes historike për demarkacionin e kufirit në mes Kosovës dhe Malit të Zi me 26 Gusht, demonstroi edhe më tutje përcaktimin e Kosovës për marrëdhënie të mira fqinjësore dhe vendosshmërinë Tuaj, që çështjet rajonale të adresohen në frymën e dialogut dhe bashkëpunimit.
Përcaktimi i Kosovës që sfidat e lartpërmendura t’i adresojë në mënyrë të përgjegjshme dhe konstruktive ka vënë Kosovën në një rrugë solide drejt rritjes së stabilitetit, sigurisë dhe prosperitetit në një Evropë të plotë, të lirë dhe në paqe.
Ka shumë punë në rrugën drejt fuqizimit të demokracisë dhe ekonomisë dhe drejt integrimit në Institucionet rajonale dhe ndërkombëtare. ShBA-të do të vazhdojnë t’ju mbështesin në këto sfida dhe në sfida tjera.
Zonja Ambasadore,
Pres me padurim që të punojë bashkë me Ju në avancimin e agjendës tonë të përbashkët dhe në thellimin dhe fuqizimin e miqësisë në mes dy popujve tanë. Është kënaqësi t’ju mirëpres në Uashington”.

Në Malishevë te Tregu i Gjelbër, janë arrestuar dy të dyshuar persona, pasi që të njëjtit kanë sulmuar fizikisht një mashkull.

Policia e Kosovës bën të ditur se me urdhër të prokurorit të dyshuarit janë dërguar në mbajtje. /PrizrenPress.com

Këshilltari i PDK-së në Kuvendin e Prizrenit, Naser Berisha, sërish ka shpërthyer në akuza gjatë seancës së sotme në adresë të disa bashkëpartiakëve të tij dhe zyrtarëve të koalicionit që qeverisin me Prizrenin, rreth punësimit të sekretareshave nëpër institucionet shkollore të komunës.

Ai ka thënë se PDK është parti me një vizion të pranueshëm për qytetarët, por disa zyrtarë të pushtetit lokal janë duke e damkosur subjektin më të madh politik në Prizren në bashkëpunim me partnerët e koalcionit rreth punësimit të sekretareshave nëpër shkolla.

Berisha thotë se ka informacione sipas të cilave për postin e sekretarëve të shkollave kanë konkurruar 30 meshkuj me arsimin dhe profil adekuat, mirëpo vetëm një nga këta kandidatë ka mundur të punësohet. Ndërsa vendet tjera janë rezervuar për persona të gjinisë femërore.

Kuvendari Berisha thotë se punësimi i sekretareshave po bëhet për përfitime familjare, ekonomike por shton ai po punësohen edhe persona të gjinisë së bukur nga zyrtarë të ndryshëm për lidhje të dashurisë u shpreh ai sot në seancën e Kuvendit të Prizrenit. /Tv Prizreni

Shefja e Grupit të Këshilltarëve të LDK-së në Kuvendin e Prizrenit, Mybera Mustafa, ka kërkuar nga organet kompetente komunale, që të marrin masa të menjëhershme në gjetjen e mundësive për të izoluar ariun i cili herë pas here po i sulmon qytetarët e Prizrenit në afërsi të Kalasë së Prizrenit dhe në zonën e Grykës së Lumbardhit.

Shefja Mustafa, këtë propozim e ka bërë pas sulmit të fundit që i kishte bërë arusha një personi para dy muajve, të cilit i kishte shkaktuar lëndime të rënda trupore.

Një rast i ngjashëm kishte ndodhur edhe në vitin 2011, me ç’rast në Parkun e Marashit ishte sulmuar nga një ari qytetari, Mehmet Koro. Ai kishte deklaruar se egërsira e rrezikshme i ka shkaktuar plagë shqyese deri në asht, duke tentuar ta tërheqë drejt pyllit, me ç’rast Koro kishte treguar se ai ka luftuar për jetë a vdekje, duke shtuar se vetëm Zoti e kishte shpëtuar atë nga më e keqja.

Përveç incidenteve të shumta të armatosura, qytetarëve të Prizrenit po iu shtohet edhe prania e arinjve, që në masë të madhe po e rrezikojnë sigurinë e lëvizjes së lirë të prizrenasve. /Tv Prizreni

Nën organizimin e Drejtorisë për Shëndetësi dhe Mirëqenies Sociale të komunës së Rahovecit dhe në përkrahje të OSBE-së, u mbajtë sot punëtori me temën alokimin e granteve komunale për OJQ-të.

Në këtë punëtori morën pjesë Mentor Morina nga Ministria për Punë dhe Mirëqenie Sociale, nënkryetari i komunës së Suharekës Rexhep Kuçi, drejtori për Shëndetësi dhe Mirëqenie Sociale në Rahovec Munib Durguti, Radu Niculescu, zyrtar i OSBE-së zyra rajonale në Prizren dhe përfaqësues të OJQ-ve të cilët veprojnë në komunën e Rahovecit.

Lidhur me këtë punëtori, drejtori i Drejtorisë për Shëndetësi dhe Mirëqenies Sociale, Munib Durguti tha se nga viti 2015 ka filluar të investohet me shumë në sferën sociale me mbështetje për OJQ-të dhe Shoqatat, për zbatimin e projekteve për zhvillimin e aktiviteteve avokuese, këshilluese dhe ofrimin e drejtpërdrejtë të shërbimeve sociale dhe familjare.

“Të gjithë OJQ-të dhe Shoqatat të cilat ofrojnë shërbime për mbrojtje të fëmijëve, persona me aftësi të kufizuara, persona të moshuar, si dhe ofrimin e mbështetjes se familjeve që jetojnë në varfëri, mund të aplikojnë me projekt propozime për sigurimin e përkrahjes financiare me subvencione nga programet që i përcakton DShMS-ja në bashkëpunim me MPMS-në”, tha Durguti.

Sipas tij, projektet të cilat do të marrin përkrahje financiare, duhet të kenë për objektivë, zbatimin e aktiviteteve të ndryshme për mbështetjen e grupeve në nevojë, nga javët e ardhshme DShMS-ja do të bëjë thirrje publike në përputhje me normat ligjore për mbështetje të programeve konkrete në lëmin sociale dhe me këtë do të hapet mundësi dhe perspektiva të barabarta për OJQ-të vendore e që kryesisht aktivitetin e tyre e fokusojnë në lëmine sociale.

Radu Niculescu, zyrtar i OSBE-së zyra rajonale në Prizren, tha se “shpresojmë që sot do të kemi një diskutim të frytshëm dhe konstruktiv, si shoqëri civile ju mund të bashkëpunoni me komunën e Rahovecit dhe zbatimin e projekteve, dhe shpresojmë qe ky është vetëm hapi i par për bashkëpunimin e organizatave me komunën e Rahovecit dhe Ministrin përkatëse”.

Përfaqësuesi i ministrisë së Punës dhe Mirqenies Sociale, Mentor Morina, foli për procedurat e licencimet e OJQ-ve, sipas tij këtë vit ka filluar licencimi i të gjitha OJQ-ve të cilat veprojnë në nivel të Kosovës. Me licencimin e OJQ-ve do të rritet edhe mundësia marrjes së grandeve që i japin ministrit dhe komunat.

Kurse përfaqësuesit e OJQ-ve u interesuan kryesisht për procedurat e aplikimit për licencim dhe për mundësin e marrjes së grandeve si në Ministrin e Punës dhe Mirëqenies Sociale, po ashtu edhe në drejtorin komunale të Shëndetësisë dhe Mirëqenies Sociale. /PrizrenPress.com