Komuna e Rahovecit ka filluar projektin për shënjëzimin vertikal dhe horizontal të rrugëve në qytet dhe nëpër fshatra, deri të fillimi i këtij projekti ka ardhur pasi që është vërejtur se ka pasur mungesë në shenjëzimin e rrugëve dhe udhëkryqeve, projekti ka për qëllim rritjen e sigurisë në komunikacion.

Zbatimi i këtij projekti është duke u bërë nga Drejtoria e Shërbimeve Publike në komunën e Rahovecit.

Drejtori Feim Fetoshi tha se projekti për shenjëzim është në vazhdim e sipër dhe në këtë projekt është bërë shenjezimi vertikal dhe pjesërisht horizontal në qytet dhe ka mbetur për tu bërë shenjezimi vertikal në udhëkryqe.

“Deri më tani ka përfunduar shenjëzimi në rrugët e qytetit të Rahovecit siç janë: Rruga “Xhelal Hajda Toni”, rruga “Gezim Hamza Piktori”, rruga “Sylejman Vokshi”, rruga “Xhevat Kasapi”, rruga “Abdulla Bugari”, rruga “Fitim e Enver Duraku”, rruga “Halil Hamza”,rruga “Kuvendi i Lezhës”, rruga “Sadedin Hajda”, rruga e “UÇK-së”, rruga “Mizahir Isma”. Kurse sa i përket shenjëzimit të udhëkryqeve pritet që të shenjëzohen udhëkryqet në fshatrat Ratkoc-Vrajak-Bratotin, Fortesë-Sopniq-Potoqan i Ulët dhe udhëkryqi në fshatin Celinë”, tha Fetoshi.

Ky projekt, sipas Fetoshit, nuk është përfunduar pasi që operatori i cili është duke e kryer shenjëzimin, do të bëjë shenjëzimet horizontale të vendkalimeve për këmbësor, oazat në udhëkryqe dhe vijat në mesin e rrugëve. /PrizrenPress.com/

Në orët e hershme të mëngjesit të sotëm, në Prizren, një person është sulmuar fizikisht në një lokal nga tre të persona tjerë.

Viktima ka pësuar lëndime trupore dhe i njëjti ka pranuar tretman mjekësor.

Lidhur me rastin, sipas policisë, një i dyshuar është arrestuar dhe me urdhër të prokurorit është dërguar në mbajtje. /PrizrenPress.com/

Në fshatin Senovë të Rahovecit është arrestuar një person pasi i njëjti ka fyer dhe sulmuar fizikisht një tjetër.

Sipas policisë, me urdhër të prokurorit i dyshuari është dërguar në mbajtje. /PrizrenPress.com/

Kryetari e LDK-së në Prizren, Haxhi Avdyli, nëpërmjet rrjetit social Facebook ka kritikuar politikat e Qeverisë “Muja” ndaj diasporës.

“Sot kemi, një Komunë që nuk ka një politikë, një plan as strategji konkrete për integrimin e tyre dhe perafrimin e tyre me vendlindjen”, ka shkruan Avdyli.

Ai ka thënë se kjo qeverisje në krye me Ramadan Mujën që ka shumë shqetësime tjera para se të mendojë për mërgimtarët, e dijnë gjendjen “kome” që ka qyteti i Prizrenit.

Shkrimi i plotë i Avdylit në Facebook:

Në shumicën e qyteteve të Kosovës, gjatë muajit Korrik e Gusht, me iniciativën e Kryetarve të Komunave gjithandej nëpër Kosovë, janë zhvilluar aktivitete të ndryshme, siç ishin: “Java e mërgimtarëve” e të tjera evenimente të ngjashme si shenjë e respektit dhe mirënjohjes ndaj punës dhe kontributit të mergimtareve. Ishin mërgimtarët, vellezerit dhe motrat tona të cilët në të kaluarën që me mundin e tyre, me sakrificën si materiale e fizike, me vuajtjet nga më të ndryshmet e ngritën sistemin e mbijetesës dhe të rezistencës për Familjet e Tyre, në vitet kur regjimi i atëhershëm serb e dëboi gjithë popullin nga vendi i tyre.

Por , a po bën mjaftueshem diaspor?n qeverisja jonë komunale më në krye kryetarin e komunës, që ata të ndihen mirë në qytetin e tyre, a po i lehtësohen punët atyre kur vijnë në pushime që ata të mos kalojnê orë të tëra para sporteleve, a ka ndonjë ditë apo javë zyrtare që i bëhet pritje dhe nderim mërgimtarëve në qytetin tonë, nga tashmë kryetari i dënuar nga Gjykata e Shkallës së I-rë, dhe në pritje të verdiktit të Gjykatës së Apelit.

Kjo qeverisje prizrenase, me një Kryetar Komune që ka shumë shqetësime tjera para se të mendoj për mërgimtarët, tashmë mbi 178 mijë banor prizrenas dhe më tepër se kaq e dijnë gjendjen “kome” që ka qyteti i Prizrenit, për shembullin e pashembulltë të faktit se disa drejtor, zyrtarë të lartë të Komunës janë të dënuar për keqqeverisje së bashku me Kryetarin e tyre, sigurisht së nuk gjejnë kohë për të mendu për ata që më së shumti ju gjetën Kosovës në ditët më të nevojshme.

Sot kemi:
– Një Komunë që i pret sa për sy e faqe mërgimtarët ndërsa i vjel cent më cent
– Një Komunë që nuk ka një politikë, një plan as strategji konkrete për integrimin e tyre dhe perafrimin e tyre me vendlindjen .
– Një Komunë që nuk e din saktë se sa mërgimtar i ka.
– Një Komunë që nuk ka asnjë politike të vetme favorizuese për të thithur investime si nga ana e mërgimtarëve biznismen por edhe investimeve të huaja.
– Një Komunë me një Administratë Komunale që thuajse punon njëjtë, me disa ndryshime “kozmetike” por që janë të pamjaftueshme për të mos I lodhur mërgimtarët nga pritjet dhe procedurat e tjera të panevojshme.
– Një Komunë që nuk ka një projekt të veçantë për mërgimtaret dhe fëmijët e tyre në promovimin e idesë se ata nuk janë të huaj, por janë njerëzit tanë.

Njohja nga afër dhe reale e potencialit të kësaj diaspore dëshmon se ajo ka edhe sfida, të cilat qyteti dhe vendi mund t’i ndihmoj në kapërcimin e tyre. Për këtë kërkohet që të ndryshojë përfytyrimi dhe koncepti “folklorik” apo “tradicional” që e shikonte mërgatën thjesht vetëm nga në këndin më të ngushtë ekonomik.

Na falni mërgimtarë nga shteti i Zvicrrës, Gjermanisë, Britanisë, Italisë e deri te Australia e largët, na falni që deri më tani kaq pak po bëjmë për Ju si institucione.

Na falni!