Edicioni i 34-të i Seminarit Ndërkombëtar të Gjuhës, Letërsisë dhe Kulturës Shqiptare fillon sot në Prishtinë dhe zgjatë deri më 28 gusht.
Pjesëmarrjen në këtë edicion e kanë konfirmuar mbi 120 studiues dhe 130 studentë, të cilët do t’i ndjekin kurset e gjuhës shqipe në tri nivele.
Për dy javë rresht, studiues nga vende të ndryshme të botës do të paraqesin hulumtimet e tyre në fushën e gjuhësisë, letërsisë e kulturologjisë.
Drejtori i Seminarit, Rrahman Paçarizi, ka folur edhe për një risi që sivjet e ka ky sem. Fjala është se sivjet përveç sesionit të gjuhësisë dhe letërsisë, do të ketë edhe sesion të punës në fushën e kulturologjisë.
“Shqipja në domenin publik” është temë bosht nga gjuhësia, “Letërsia dhe religjioni” do të jetë tema nga letërsia, ndërsa në fushën e kulturologjisë tema bosht do të jetë “Kultura shqiptare në transicion’”.
Hapja e këtij seminari do bëhet në sallën e kuqe të Fakultetit të Filologjisë duke filluar nga ora 11:00 dhe do të zgjas 11 ditë rresht përgjatë së cilit një të tretën e kumtesave do ta zënë temat për gjuhën, e mes tyre do të përfshihen edhe kumtesat në rrafshet gramatikore e sintaksore të gjuhës. /KosovaLive/