Presidenti i Shqipërisë, Bujar Nishani, i ka akorduar qytetit të Kukësit titullin ‘Nderi i Kombit’. Titulli iu dha për pritjen që kuksianët u bënë kosovarëve gjatë Eksodit `99, kur ata u larguan nga shtëpitë e tyre të detyruar nga dhuna e ushtrisë serbe.

Në vitin 1999, më shumë se gjysmë milioni banorësh të ardhur nga Kosova, për shkak të shpërnguljes me dhunë nga forcat Serbe, u strehuan në kampet dhe shtëpitë e kuksianëve, ndërsa 400 mijë të tjerë kaluan përmes këtij qyteti për tu vendosur në qytet e tjera të Shqipërisë.

Në vitin 2000 Kukësi ishte qyteti i parë që u kandidua për çmimin ‘Nobël’ për paqe.

Titulli “Nderi i Kombit” është një ndër më të lartët në Republikën e Shqipërisë dhe ky vlerësim i jepet për herë të parë një qyteti.

Ditën e sotme rreth orës 02:40 të mëngjesit në Unazën të Re, në afërsi të hotel “Roland”, si pasojë e një zjarri janë djegur disa mjete.

Autori i dyshuar për këtë ngjarje është shtetasi O. M., 27 vjeç, banues në Tiranë.

Si pasojë e zjarrit janë djegur plotësisht mjetet “Nissan” dhe “Opel”, në pronësi të shtetases A. A., 32 vjeçe, banuese në Tiranë, si dhe janë dëmtuar pjesërisht mjetet tip “Mercedes Benz” dhe “Skoda”, të parkuara pranë tyre.

Nga burimet e policisë, shtetasi O. M., ka qënë i fejuari i motrës së shtetases A. A., me të cilën ka një konflikt prej disa kohësh.

Objektivi i këtij shtetasi kanë qenë shkatërrimi i automjetit të shtetases A. A., dhe të bashkëshortit të saj.

Dy mjetet e tjera të përfshira në dëmtim ka ardhur si pasojë e përhapjes së flakëve./tvklan.al

Një histori nga ato të rrallat, jashtë normales por që ka ndodhur dhe zhvillohet dita-ditës.

Në fshatin Dobrun i Hasit të Shqipërisë, Dem Mula 63 vjeç mban dy gra.

Pas gruas së parë, Hatixhja, Dem Mula, vendos të marrë një grua të dytë, Nazmijen, pasi nuk bënte fëmijë. Por as me atë nuk arriti. Në fund vendosi t’i mbajë të dyja.

Siç e përshkruajnë dy gratë, nuk kanë asnjë xhelozi me njëra-tjetrën, madje bashkëshortin e tyre e ndajnë në mënyrë të barabartë. Me dhoma të ndara sigurisht.
‘Sa çifte ka kështu…ne s’jemi as të parët as të fundit”, thotë Hatixhja.

“Siç e kemi ne në Veri, një javë njëra, njëherë tjetra’’, thotë 63-vjeçari me dy gra.

Ministrja belge e Transportit ka dhënë dorëheqjen, pas akuzave se ajo injoroi paralajmërimet për mungesën e sigurisë në aeroportin e Brukselit. Partitë opozitare kishin kërkuar në mënyrë të vazhdueshme largimin nga detyra të ministres Jacqueline Galant.

Thuhet se ishte publikuar që në vitin 2015 një dokument konfidencial i BE-së, i cili vinte në dukje se mungonte siguria në aeroportet e Belgjikës.

Kryeministri Charles Michel ka mbrojtur ministren, duke deklaruar se ajo dhe stafi I saj nuk e kanë parë raportin. Sulmet në aeroportin Zaventem dhe stacionin e metrosë shkaktuan 32 të vdekur, ndërsa përgjegjësin e sulmit e mori Shteti Islamik ISIS. /Shqip/

Parlamenti Europian i ka tërhequr vërejtjen Shqipërisë që ta intensifikojë luftën kundër korrupsionit dhe krimit të organizuar, para se të mund të bëhet progres i mëtejshëm në kandidaturën e saj për anëtarësim në Bashkimin Europian.

Parlamenti Europian tha se Shqipëria, anëtare e NATO-s, duhet t’i intensifikojë edhe reformat e drejtësisë, që janë madhore për progresin e mëtejmë për pranim në BE.

Bashkimi Europian dhe Shtetet e Bashkuara kanë kërkuar sot nga partitë politike në Shqipëri që të mos e vonojnë shumë pakon e kërkuar të reformave.

Në një deklaratë të përbashkët, Bashkimi Europian dhe Ambasada e Shteteve të Bashkuara në Tiranë, thanë se të gjitha partitë politike “e bartin prëgjegjësinë kryesore” derisa kundërthëniet politike e kanë shtyrë miratimin e pakos së reformave të paraparë për fillimin e pranverës, ashtu siç kanë premtuar, raporton AP nga Tirana.

Washingtoni dhe Brukseli ishin të përfshirë në propozimin e pakos së reformave, që fokusohen në luftimin e korrupsionit në të gjitha nivelet, e veçanërisht në sistemin e drejtësisë.