Kryeministri i Kosovës, Isa Mustafa, mori pjesë sot në hapjen e Konsullatës së Turqisë në Prizren.
Të pranishëm në këtë ngjarje ishin edhe zëvendëskryeministri turk Numan Kurtulmus, ministra të Qeverisë së Kosovës, përfaqësues diplomatik dhe personalitete nga Prizreni.
Gjatë ceremonisë u vlerësuan marrëdhëniet shumë të mira ndërmjet dy shteteve dhe u shpreh përkushtimi i dyanshëm për bashkëpunim të mëtejshëm.
Ministria e Forcës së Sigurisë së Kosovës ka njoftuar se ka ndërruar jetë oficeri i FSK-së, kapter Hiser Muja, i cili aktualisht po kryente punën e zëvendëskomandantit të togut të mbështetjes në kazermën “Skënderbeu” në Ferizaj.
Kapter Hiser Muja ka lindur me 04.02.1970 në Prizren, ku edhe ka qenë me vendbanim në lagjen “Alajdin Xhezairi”.
Muja ka qenë pjesëtar i Ushtrisë Çlirimtare të Kosovës në Zonën Operative të Pashtrikut, pjesëtar i Brigadës 125. Pas transformimit të UÇK-së në TMK, kapter Hiser Muja ka shërbyer në Zonën e Dytë Mbrojtëse në Brigadën 321.
Muja ka qenë i martuar dhe ka lënë prapa bashkëshorten dhe tre fëmijë, dy djem dhe një vajzë.
FSK nuk ka bërë të ditur shkaqet e vdekjes së tashmë pjesëtarit të saj të ndjerë, Hiser Muja.
Deputeti Zafir Berisha, nga NISMA për Kosovën, ka pohuar për gazetën “Kosova Sot”, se pengesa kryesore që hasin, institucionet e drejtësisë në përgjithësi për t’i luftuar dukuritë negative, e veçanërisht korrupsionin, sipas tij, mbetet krimi i organizuar, që është institucionalizuar në Qeveri dhe që koka e krimit të organizuar është vetë kjo e fundit.
Por ai thotë se pengesë janë edhe bartësit e dikastereve qeveritare që vijnë nga shkolla politike që ka për mision pasurimin e individëve të caktuar.
“Vetë fakti që këta njerëz janë në krye të Qeverisë nuk mund të pritet ndonjë mrekulli në luftimin e krimit të organizuar dhe korrupsionit, dhe nuk jam optimist se mund të bëhet ndonjë kthesë pozitive për qytetarët në këtë drejtim”, ka thënë Berisha.
Shtetet e Bashkuara të Amerikës janë tronditur pas vrasjeve masive të ndodhura në vend. Pas tragjedisë me 8 viktima të ndodhur në Ohio, 5 persona të tjerë kanë humbur jetën si pasojë e të shtënave të armëve në Appling të Georgias në dy raste të ndara.
Tre perona humbën jetën në të shtënat e para dhe dy në ngjarjen e dytë, gjithmonë në të njëjtin qytet me një distancë rreth 1 kilometër nga njëra-tjetra. Sipas policisë, ngjarjet kanë autor një person, 50 vjeçarin Wayne Anthony Hawes, i cili pas tragjedisë ka vrarë veten.
Autoritet mjekësore të qytetit deklarojnë se nga tre viktimat e ngjarjes së parë, një burrë dhe dy gra, dy kanë humbur jetën në vendin e ngjarjes dhe një në spital, kurse në të dytën kanë mbetur të vrarë një burrë dhe një grua.
Sipas hetimeve paraprake, tragjedia ka ardhur pas një grindje familjare, ku bashkëshortja e Wayne ka kërkuar divorcin. Në mesin e viktimave nuk ndodhet gruaja e tij, por të afërm të tjerë të autorit, duke komplikuar më shumë punën e hetuesve.
Ngjarja vjen disa orë pasi 8 persona u vranë me armë zjarri në Shtetet e Bashkuara të Amerikës, të gjithë anëtarë në të njëjtën familje, në tre vendndodhje të ndryshme pranë banesës, në Ohio ndërsa i dyshuari kryesor është në arrati. Sipas policisë, 7 janë të rritur dhe një fëmijë.
Të gjithë viktimat, sipas autoriteteve dhe mediave lokale, janë qëlluar me të njëjtin stil nga vrasësi, me nga një plumb në kokë. Në shtëpi kanë qenë edhe 3 fëmijë të tjerë të mitur, një i sapolindur vetëm 1 javësh, një fëmijë 6 muajsh dhe një trevjeçar që fatmirësisht i kanë mbijetuar plumbave.
Për kapjen e autorit të ngjarjes së rëndë, është angazhuar edhe FBI-ja, ndërsa në mbarë komunitetin janë mbyllur shkollat, për shkak të rrezikut.
Veton Surroi, një nga emrat më të njohur në fushën e mendimit në hapësirat shqiptare, është vlerësuar dje me çmimin “Ardian Klosi”, për veprën “Ambasadori i Melkizedekut” (botimet “Saras”). Çmimi që mban emrin e një prej personazheve të njohura të publicistikës shqiptare, që u nda nga jeta pak vite më parë, ndahet çdo vit, në kujtim të veprës së Ardian Klosit dhe mbështetet nga rrjeti Traduki. “Për mprehtësinë e vëzhgimit dhe të gjykimit, këndvështrimin gjithnjë të freskët, njohjen e shkëlqyer të kontekstit historik dhe social, erudicionin, humorin e hollë, distancën filozofike dhe guximin moral të pashembullt në trajtimin e një teme të vështirë dhe delikate si ajo e institucioneve dhe identitetit të Kosovës sot”, thuhej në motivacionin që juria e përbërë nga Ardian Vehbiu, Pirro Misha, Alda Bardhyli, Besnik Mustafaj dhe Beti Njuma kishte përkufizuar për këtë vlerësim.
Veton-Surroi-Abasadori-i-Melkizedekut-SARASÇdo vit, veprat më të mira në fushën e publicistikës konkurrojnë për këtë çmim, i cili synon të ngrejë standardin në fushën e mendimit dhe publicistikës. Në dy edicionet e para me këtë çmim janë vlerësuar autorët Ardian Vehbiu me librin “Sende që nxirrte deti” dhe Mustafa Nano me “Pax Albanica”. Ceremonia e djeshme e këtij çmimi u shoqërua me një mbrëmje homazh në nderim të kujtimit të Ardian Klosit. Personalitete të larta të kulturës e politikës, si dhe Kryeministri Edi Rama, ishin të pranishëm në aktivitetin e organizuar në COD. I shkruar nën stilin e një simbolike, “Ambasadori i Melkizedekut” mbart të gjithë filozofinë e ndryshimeve historike e politike në hapësirat shqiptare. Me thellësinë e një shkrimtari që sheh thellë, Surroi ngre akuza ndaj zërit të heshtur të intelektualëve dhe thekson rrezikun që kanë vende si Kosova apo Shqipëria nga islamizmi. Nëse nuk kemi pasur deri më sot një këndvështrim mbi raportin mes shqiptarëve dhe fesë, Surroi na sjell në këtë libër fakte dhe detaje, siç është rasti i Al Albanit, shqiptarit që trazoi islamin. Surroi ka aftësinë jo thjesht të analizojë, por edhe të ndërtojë historinë që, për shkak të komunizmit në Shqipëri dhe situatës gjithnjë të trazuar në Kosovë, asnjëherë nuk është shkruar siç duhet. Identiteti i rrezikuar i shqiptarëve është një tjetër shtyllë e këtij libri, i cili është skaneri më i mirë që i është bërë shoqërisë e politikës në hapësirat shqiptare.
Po dje, në mbrëmjen kushtuar Ardian Klosit, u promovua dhe libri “Për Ardian Klosin, gjermanin nga Shqipëria” nga Oliver Jens Schmitt botuar nga “Fjala publishing”. Libri është një përmbledhje e shkrimeve të autorëve: Lindita Arapi, Enver Robelli, Konrad Clewing, Joachim Matziger, Eva Anne Frantz, Christian Zindel, Michael Schmidt Neke, Hans Hoachim Lanksch, Monica Genesin, Krisztian Csaplar Degovics, Robert Pichler, Irida Vorpsi, Idrit Idrizi, Lumnije Jusufi dhe Visar Nonaj. “Në historinë e kulturës shqiptare të shekullit XX dhe fillimit të shekullit XXI, Ardian Klosi do të radhitet ndër emrat e mëdhenj dhe të paharrueshëm, si një mbrojtës i angazhuar i shoqërisë civile shqiptare, si eseist, shkrimtar, gazetar dhe si një ndër ndërlidhësit më të rëndësishëm mes botës shqipfolëse dhe asaj gjermanishtfolëse. Ardian Klosi i përkiste një grupi të vogël intelektualësh shqiptarë me format europian”, tha Oliver Schmitt. Sipas Schmitt, “qëndrimi i tij i vendosur, lufta e tij për një Shqipëri ku qytetarët jetojnë me dëshirë dhe të sigurt, betejat e tij për të drejtat e njeriut dhe qytetarit për mbrojtjen e mjedisit, kundër elitave politike të korruptuara dhe shpeshherë të lidhura me krimin, i sollën shumë kundërshtarë, sidomos në rrethanat e një jete mediatike dhe publike”.
Shkrimtarja Lindita Arapi i kushton Klosit dy shkrime, titujt e të cilit “Tirana pa miq” dhe “I huaji” mund të lexohen edhe nën prizmin e jetës së Ardianit. Nga fusha e gjuhësisë në këtë libër vijnë artikujt e Lumnije Jusufit, Monica Genesini-t dhe Joachim Matzinger-it, të cilët dëshmojnë se sa qendrore është kjo disiplinë për hulumtimin e historisë dhe kulturës shqiptare. Lumnije Jusufi rrok një temë që e ka preokupuar vazhdimisht Ardian Klosin: standardizimi i shqipes, çështja kulturore se si mund të përshtatet shqipja standarde e hartuar më 1972-shin me realitetin gjuhësor të krijuar me hapjen e kufijve dhe rikrijimin e lidhjeve të ngushta –tashmë 25-vjeçare midis shqiptarëve të Ballkanit dhe sesi mund të përfshihen më shumë tradita të gegënishtes. Me këtë temë merret edhe artikulli shkencor i Hans Joachim Lanksch-it, i cili i afrohet këtij pikëtakimi mes dy kulturave nga ana gjermane dhe që sikurse edhe Ardian Klosi, është përkthyes, por e ndien veten të lidhur me trashëgiminë e gegënishtes.
Babai i sëmurë i aktorit Macaulay Culkin, i famshëm për rolin e tij kryesor në seritë “I vetëm në shtëpi”, tha se nuk ka ndërmend të pajtohet me të birin.
71-vjeçari, që ka pësuar së fundmi një goditje në tru, e sulmoi ashpër të birin, i cili u vendos në krah të mamasë, Patrica Brentrup në një betejë ligjore për kujdestarinë e tij në vitin 1995.
“Nuk e konsideroj më si djalin tim,” tha Kit Culkin për Daily Mail.
Edhe Kit ka qenë aktor.
Ndërkohë i biri, Macaulay mendohej se do ishte një yll i madh i kinamasë.
Por pas shkëlqimit në fëmijëri, karriera e tij nuk njohu rritje.
Ai ka pasur probleme me alkoolin dhe drogën.
Fundjava ka nisur tashmë dhe Amber Rose ka menduar një urim për fansat e saj.
Ajo ka postuar një foto të nxehtë për ta në rrjetet sociale.
Ushtruesit të detyrës së kryetarit të Partisë Demokratike të Kosovës(PDK), Kadri Veselit, po i përgatitet terreni nga degët e rajonit të Prizrenit, për t’u zgjedhur kryetar i kësaj partie, në konventën e jashtëzakonshme, që do të mbahet me 7 maj.
Strukturat e drejtuese të degëve të PDK-së në Prizren, Zhur dhe Has, janë takuar sot për të diskutuar për përgatitjen zgjedhore, që do të mbahet për kryetar të PDK-së.
Sekretari i PDK-së në Prizren Nijazi Kryeziu tha se të hënën Kadri Veseli, do të marrë pjesë në takimin që do të mbahet me strukturat e dëgeve regjionale të partisë në “Nafron”.
“Me takimin e Prizrenit, fillojnë takimet e u.d. të kryetarit Kadri Veseli, nëpër të gjitha degët në Kosovë”, tha Kryeziu për PrizrenPress.
PDK, më 7 maj do të mbaj konventën e jashtëzakonshme në të cilën do të zgjidhet kryetari i ri Partisë Demokratike të Kosovës, pas dorëheqjes së Hashim Thaçit i cili u zgjodh në postin e presidentit të Kosovës./PrizrenPress.com/
Policia e Kosovës ka arrestuar një person në fshatin Celinë të Rahovecit, pasi që i njëjti dyshohet se ka shtënë me armë zjarri në ajër, raporton PrizrenPress.
Në vendngjarje janë gjetur katër gëzhoja, ndërsa nga i dyshuari është konfiskuar një pushkë me bajonetë dhe një karikator me 20 copë fishekë.
I dyshuari pas intervistimit me vendim të prokurorit është liruar në procedurë të rregullt. /PrizrenPress.com/
Në pikën kufitare në Vërmicë sot është arrestuar anëtari i Kryesisë së Lëvizjes Vetëvendosje, Artan Abrashi. Lajmi e ka bërë të ditur Lëvizja Vetëvendosje me anë të një komunikate për medie.
Sipas VV-së, ky arrestim, u bë me urdhërarrest të vjetër, me të cilin është arrestuar më parë aktivisti Artan Abrashi.
“Sistemi gjyqësor dhe Policia e Kosovës po vazhdojnë të keqpërdoren nga ky pushtet kriminal, duke përndjekur e arrestuar aktivistë të Lëvizjes për aksione të mëhershme politike. Arrestimet e tilla nga ky pushtet jolegjitim po tentojnë që ta dobësojnë Lëvizjen VETËVENDOSJE! në luftën e saj për një Kosovë sovrane e demokratike, kundër këtij regjimi autoritar”, thuhet në komunikatën e VV-së, teksa bëjnë thirrje që të ndalen përndjekjet dhe arrestimet e tilla, të lirohen aktivistët e arrestuar, dhe të çlirohet një herë e përgjithmonë sistemi i drejtësisë ashtu që të mund të kemi shtet të së drejtës dhe shtet të barabartë për të gjithë.
“Gjykatat dhe Policia do të duhej të angazhoheshin në luftimin e krimit të organizuar dhe korrupsionit, që nyjet i kanë në majat e pushtetit”, përfundon kumtesa e VV-së. /PrizrenPress.com/